Universidade Nacional Timor Lorosa'e

Página Inicial
Timor-leste
Dili
Universidade Nacional Timor Lorosa'e

SAPIENTIA et VERITAS

05/08/2026

𝐔𝐍𝐓𝐋- 𝐘𝐀𝐒𝐒 𝐃𝐄𝐒𝐊𝐔𝐓𝐈 𝐊𝐎𝐎𝐏𝐄𝐑𝐀𝐒𝐀𝐔𝐍 𝐈𝐇𝐀 𝐀𝐑𝐄𝐀 𝐒𝐈É𝐍𝐒𝐈𝐀 𝐒𝐎𝐒𝐈Á𝐋

Universidade Nacional Timor Lorosa’e (UNTL) nia Magnífiku Reitór Profesór Dr. Joviano António da Costa, M.Eng, simu vizita husi Vise-Prezidente Yunan Academy of Social Sciences (YASS) husi Xina Sr. Hou Sheng, iha Videokonferénsia, Díli (05/08).

Iha diskusaun ne’e parte rua deskuti oinsá kooperasaun iha área Siénsia Sosiál ligadu ho kualidade ensinu, formasaun, kultura, no haforsa koñesementu joven sira nian.

Akompaña husi Proreitór ba Asuntu Kooperasaun nian, Profesór Cristovão dos Reis, Proreitór ba Asuntu Garantia Kualidade nian, Profesór Ruben Jerónimo Freitas, Diretór ba Sentru sira, Dekanu Faculdade de Ciências Sociais e Políticas, Profesór Alarico da Costa Ximenes, no ekipa husi Yunan Academy of Social Sciences nian.

5 Jullu 2026

Media UNTL 📝: Leonia de Araújo da Costa
Foto 📷: Altur Ramos

05/08/2026

𝐔𝐍𝐓𝐋-𝐔𝐍𝐈𝐕𝐄𝐑𝐒𝐈𝐓𝐀𝐒 𝐀𝐈𝐑𝐋𝐀𝐍𝐆𝐆𝐀 𝐃𝐄𝐒𝐊𝐔𝐓𝐈 𝐊𝐎𝐎𝐏𝐄𝐑𝐀𝐒𝐀𝐔𝐍 𝐈𝐇𝐀 Á𝐑𝐄𝐀 𝐌𝐄𝐃𝐈𝐒𝐈𝐍𝐀

Universidade Nacional Timor Lorosa’e (UNTL) nia Magnífiku Reitór Profesór Dr. Joviano António da Costa, M. Eng, simu vizita husi Universitas Airlangga nia Koordenadora ba Bachelor Midwifery Program Dr. Wahyul Anis, no Koordenadora ba Kuríkulu Ensinu nian, Dr. Dewi Setyowati, iha Videokonferénsia, Díli (05/08).

Iha vizita ne’e parte rua deskuti oinsá kooperasaun ba iha área Medisina nian, nu’udar kolaborasaun internasional iha edukasaun, maternal, kuidadu saúde ba labarik, peskiza no oinsa halo atendimentu ba komunidade sira.

Akompaña husi Proreitór ba Asuntu Kooperasaun nian, Profesór Cristovão dos Reis, Dekana husi Faculdade de Medicina e Ciência da Saúde, Dra. Lídia Gomes no dosente sira.

5 Jullu 2026

Media UNTL 📝: Leonia de Araújo da Costa
Foto 📷: Altur Ramos

05/08/2026

𝐔𝐍𝐓𝐋-𝐅𝐅𝐂𝐇 𝐃𝐄𝐊𝐀𝐍𝐀 𝐈𝐍𝐓𝐄𝐑𝐈𝐍𝐀 𝐒𝐄𝐒𝐀𝐍𝐓𝐄 𝐄𝐍𝐓𝐑𝐄𝐆𝐀 𝐑𝐄𝐋𝐀𝐓Ó𝐑𝐈𝐔 𝐁𝐀 𝐄𝐒𝐓𝐑𝐔𝐓𝐔𝐑𝐀 𝐅𝐎𝐔𝐍

Universidade Nacional Timor Lorosa’e (UNTL), Faculdade de Filosofia e Ciências Humanas (FFCH) nia Dekana Interina sesante, Me. Esmeralda Piedade de Araújo, ofisialmente entrega relatóriu ba estrutura foun ne'ebé lidera husi Dekanu Profesór Faustino Soares, iha Kampus Sentrál, Díli (04/08).

“Ha'u agradese ba profesór sira no funsionáriu sira hotu ne'ebé durante ne'e servisu hamutuk hodi lori FFCH to'o iha etapa ida-ne'e.
Ha'u hakarak dezeja ba estrutura foun atu hala'o knaar ho di'ak no responsabilidade. Maski ha'u remata ona mandatu ida-ne'e, ita sei kontinua servisu hamutuk hodi kontribui ba dezenvolvimentu fakuldade no universidade”, dehan.

Dekanu FFCH, Profesór Faustino Soares, hato'o agradesimentu klean ba Dekana Interina sesante ho nia ekipa, tanba esforsu no kontribuisaun sira durante mandatu ne'ebé lori progresu signifikativu ba fakuldade.

“Ha'u hato'o agradesimentu klean ba Dekana Interina sesante ho nia estrutura tanba durante mandatu sira konsege halo esforsu makas hodi hatudu progresu signifikativu ba fakuldade. Momentu ida-ne'e ami simu responsabilidade ne'ebé estrutura sesante husik hela mai ami.
Ho respeitu no determinasaun, ami sei kontinua serbisu ba oin, dezafiu no oportunidade oioin sei mosu iha futuru, maibé unidade no servisu hamutuk mak sai xave atu asegura progresu no dezenvolvimentu sustentável ba FFCH no Universidade”, hatete Dekanu.

5 Agustu 2026

Media UNTL 📝: Altur Ramos
Foto 📷: Altur Ramos

04/08/2026

𝐔𝐍𝐓𝐋-𝐃𝐀𝐔𝐃𝐓 𝐇𝐎 𝐈𝐍𝐋 𝐅𝐀𝐒𝐈𝐋𝐈𝐓𝐀 𝐅𝐎𝐑𝐌𝐀𝐒𝐀𝐔𝐍 𝐋𝐈𝐀𝐍 𝐓𝐄𝐓𝐔𝐍 𝐁𝐀 𝐃𝐎𝐒𝐄𝐍𝐓𝐄

Universidade Nacional Timor Lorosa’e (UNTL) liuhusi Direção Académica das Unidades Disciplinas Transversais (DAUDT) servisu hamutuk ho Instituto Nacional Linguística (INL) fasilita formasaun ba dosente transversais na’in- ne’en (6) kona-ba uniformizasaun sílabus ensinu Língua Tetun, iha Auditorium FEG, Díli (30/07).

Diretóra INL Profesora Rosa da Costa Tilman hatete, ekipa INL fasilita formasaun lian Tetun ba dosente transversais kona-ba métodu hanorin tuir padraun INL nian nune’e hafasil estudante bele komprende klean lian Tetun.

“Metodu ne’ebé ami fó iha formasaun ida-ne’e ho objetivu tulun dosente sira atu hanorin tuir padraun INL, ho metodu ne’ebé manorin sira gaña bele motiva estudante sira iha aula no interese atu aprende. Espera katak liuhusi formasaun ne’e dosente sira bele aplika no fasilita metodu sira ne’e iha prosesu ensinu aprendijazen nian”. Dehan Diretora.

Tuir Profesór Transversais Raimundo Silvino hatete, atividade workshop ida-ne’e nu’udar parte ne’ebé esensiál hodi hetan koñesimentu oinsá manorin sira elabora materiál didátika hodi forma sílabus nune’e bele aplika fali iha aula.

“Agradese ba ekipa organizadora ne’ebé realiza ona workshop ne’e hodi melloria ami-nia koñesimentu no abilidade atu bele prátika iha instituisaun ne’ebé serbí ba hodi fó kontribuisaun ne’ebé di’ak ba komunidade no país ida-ne’e, espera katak liuhusi koñesimentu ne’ebé ha’u hetan bele aplika fali iha prosesu ensinu nune’e estudante sira bele entende di’ak liutan lian tetun”, Dehan Raimundo.

4 Agustu 2026

Media UNTL 📝: Eugenia de Jesus
Foto 📷: Abrão do Rosário

04/08/2026

ESTRUTURA DA FACULDADE DE CIÊNCIAS EXATAS E NATURAIS (FCEN) DA UNIVERSIDADE NACIONAL TIMOR LOROSA’E PARA O PERÍODO 2026 – 2031

04/08/2026

ESTRUTURA DA FACULDADE DE FILOSOFIA E CIÊNCIAS HUMANAS (FFCH) DA UNIVERSIDADE NACIONAL TIMOR LOROSA’E PARA O PERÍODO 2026 – 2031

04/08/2026

ESTRUTURA DA FACULDADE DE ENGENHARIA, CIÊNCIA E TECNOLOGIA DA UNIVERSIDADE NACIONAL TIMOR LOROSA’E PARA O PERÍODO 2026 – 2031

04/08/2026

ESTRUTURA DA FACULDADE DE AGRICULTURA (FAGRI) DA UNIVERSIDADE NACIONAL TIMOR LOROSA’E (UNTL) PARA O PERÍODO 2026 – 2031

04/08/2026

𝐔𝐍𝐓𝐋-𝐏𝐀𝐑𝐒𝐄𝐈𝐑𝐔 𝐇𝐀𝐋𝐀’𝐎 𝐒𝐄𝐍𝐒𝐈𝐁𝐈𝐋𝐈𝐙𝐀𝐒𝐀𝐔𝐍 𝐊𝐎𝐍𝐀-𝐁𝐀 𝐊𝐀𝐌𝐏𝐔𝐒 𝐒𝐄𝐆𝐔𝐑𝐔 𝐇𝐎 𝐉É𝐍𝐄𝐑𝐔”

Universidade Nacional Timor Lorosa'e (UNTL) liuhusi Gabinete Vice-Reitoria para os Assuntos Estudantís (GVRAE) servisu hamutuk ho Centro de Estudo de Género, Diversidade e Inclusão (CEG), ho FOKUPERS (Forum Komunikasaun ba Feto Timor-Leste), no Assosiasaun Juventude Hakbiit Justisa Timor Leste (AJHJTL) realiza formasaun kampus seguru no violénsia bazeia ba jéneru ba estudante sira.

Iha diskursu VRAE Profesora Bia Ble Hitu Carvalho de Jesus hateten, sensibilizasaun ne’e hodi bele garante estudante sira hotu hala’o estudu livre husi asédiu sexual no violénsia bazeia ba jéneru.

"Atividade ne’e halo atu prevene kazu asédiu seksual no violénsia bazeia ba jéneru no atu harii kampus ida ne’ebé respeita malu no sai hanesan respsota ida ba preokupasaun sívitas akadémika nian”, Dehan VRAE iha Auditórium FECT-Hera, Díli (30/07).

Diretora CEG Profesora Dulce Martins da Silva, Ph.D hateten, formasaun ne’e realiza atu prevene asaun asediu sexual husi estudante, funsionáriu no deosente sira.

"Atividade sira-ne’e ita halo atu bele fahe informasaun ba sívitas akadémika sira hodi prevene asaun asediu sexual iha kampus nune’e ita bele livre iha kampus no kombate hasoru hahalok violensia sira no mós atu partilla ba sívitas akadémika kona-ba Violensia Bazeia ba Jéneru”, Dehan Profesora Dulce.

Reprezentante Diretora FOKUPERS no atuál Koordenadora Empoderamentu Sobrevivente Sra. Mercia de Jesus Lopes, hato’o agradese ba UNTL ba kooperasaun forte hodi promove kampus seguru atu bele dignifika kampus, livre husi asediu sexual no violénsia Bazeia ba Jéneru.

"Ita hotu iha responsabilidade atu asegura ambiemte akadémika ne’e sai fatin ba ema hotu bele aprende, servisu no dezenvolve aan ho dignidade respeita no seguransa”, dehan.

Atividade ne’e realiza, tanba servisu hamutuk GVRAE ho Centro Estudo de Género, FOKUPERS no hetan apoiu husi Gabinete de Apoio Sociadade Civíl (GASC). Enkuantu formasaun fasilita husi Asosiasaun Juventude Hakbiit Justisa Timor Leste (AJHJ-TL).

Partisipa husi estudante Faculdade de Engenharia Ciências e Tegnologia (FECT) no Faculdade de Agricultura (FAGRI).

3 Agostu 2026

Media UNTL 📝: Laurindo da Cruz Gomes
Foto 📷: Laurindo da Cruz Gomes

03/08/2026

𝐑𝐄𝐈𝐓Ó𝐑 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐋𝐀𝐍𝐒𝐀𝐌𝐄𝐍𝐓𝐔 𝐁𝐀 𝐒𝐈𝐒𝐓𝐄𝐌𝐀 𝐂𝐑𝐈𝐆𝐌

Universidade Nacional Timor Lorosa’e (UNTL) nia Magnífiku Reitór Profesór Dr. Joviano António da Costa, M.Eng, partisipa iha lansamentu ba Sistema Sentral Rejistu ba Informasaun Garantia Mobiliária (CRIGM), ne’ebé organiza husi Banco Central Timor-Leste (BCTL) nian, iha Auditóriu Ministério das Finanças, Aitarak Laran, Díli (3/08).

CRIGM nu’udar modelu BCTL implementa atu fó oportunidade ba públiku uza sasan móvel hodi halo garantia ba kréditu iha banku sira hanesan, BRI, BNCTL, BCTL, Mandiri, BNF no seluk tan, nune’e bele tulun kria rendimentu, empregu no hasa’e ekonomia iha Timor-Leste.

Sistema CRIGM ne’e ofisialmente lansa husi Prezidente BCTL Hélder Lopes no akompaña husi Vise-Primeiru-Ministru, Ministru Koordenadór ba Asuntu Ekonómiku, no Ministru Turismu no Ambiente S.E Francisco Kalbuady Lay, Ministru Justisa S.E Sergio Hornai, Ministra Finansas nian, Sra. Santina José Rodrigues, Provedór dos Direitos Humanos no Justisa (PDHJ), Sr. Virgílio da Silva Guterres no reprezentante banku sira iha Timor-Leste.

Partisipa husi Vise-Primeiru-Ministru, Ministru Koordenadór ba Asuntu Ekonómiku, no Ministru Turismu no Ambiente S.E Francisco Kalbuady Lay, deputadu, membru governu sira, no liña miniterial sira iha Timor Leste.

3 Agostu 2026

Media UNTL 📝: Leonia de Araújo da Costa
Foto 📷: Altur Ramos

Endereço

Dili

Telefone

+6703321251

Website

http://untl.edu.tl/

Notificações

Seja o primeiro a receber as novidades e deixe-nos enviar-lhe um email quando Universidade Nacional Timor Lorosa'e publica notícias e promoções. O seu endereço de email não será utilizado para qualquer outro propósito, e pode cancelar a subscrição a qualquer momento.