Assosiasaun FAGRI

Página Inicial
Timor-leste
Dili
Assosiasaun FAGRI

Média FAGRI 2019-2021

17/07/2026

REJULTADU BA ELISAUN ASSOSIASAUN FAGRI PERIODU 2026-2028

Díli; Kampuz FAGRI, Hera (16/07/2026) - Asosiasaun-FAGRI hamutuk ho komisaun eleitoral organiza atividade eleisaun nu'udar prosesu ikus hodi selebra Festa demokrasia iha fakuldade agrikultura.

Atividade eleisaun hahu ho liafuan husi prezidente eleitoral hafoin explikasaun kona-bá lalaok votasaun nian husi prezidente meza verifikasaun tuir mai halo konfirmasaun ba kaisa de votus no ekipamentu sira hotu.

Atividade eleisaun nian loke ho votus husi prezidente eleitoral, estrutura asosiasaum FAGRI atual no komisaun eleitoral sira inklui kandidatura pakote sira hafoin votus husi estudante ativu FAGRI.

Depois de votasaun remata, liuhusi dalan demokrasia rezulta pakote eleitu ho nia detallu mak tuir mai-ne'e:

1. PAKOTE TREE : 206 Votantes

2. PAKOTE MAKIKIT: 324 Votantes

Nu'unee rezultadu apuramentu final manan husi pakote MAKIKIT ho votante 324 husi votante 556.

Ikus taka ho breves palavras husi prezidente eleitoral, prezidente interina ezekutivu, xefi GVRAE no Decanu interinu FAGRI.

ELEITORAL
FAGRI
ASSOSIASAUN

16/07/2026

KAMPIÑA NO DEBATE BA ELISAUN AAE-FAGRI PERIODU 2026-2028

Dili; Kampuz FAGRI-Hera, (16/07/2026) - Asosiasaun Akadémika Estudantil FAGRI hamutuk ho komisaun eleitoral organiza atividade Debate no Kampaña ba eleisaun AAE-FAGRI periodu 2026-2028.

Objetivu husi atividade ida-ne'e atu tulun sivitas akademika FAGRI hodi halo avaliasaun ba kandidatura AAE-FAGRI nune'e bele deside lider estudante nian ne'ebe justu, onestidade no iha komitmentu ba sira nia komprimisu hodi sai ponte entre komunidade akademika FAGRI no estudante sira nune'e bele kontribui ba estar komum.

Atividade ida-nee hahu ho diskursu husi Prezidente Reunião Geral dos Alunos (RGA) Sr. Fladimar Oliveira Moruc nu'udar Prezidente Komisaun Eleitoral hodi hatete katak, apresia ba servisu komisaun eleitoral ne'ebé organiza ona atividade eleisaun nian maske preparasaun la maksimu ho material no ekipamentu ne'ebé limitadu maibé ho esforsu, pasiensia no servisu hamutuk konsege realiza atividade ida-ne'e. Ida-nee hanesan referensia di'ak ida ba kandidatura estrutura AAE-FAGRI periodu tuir mai atu servisu hamutuk ho dosente, administrasaun no estudante sira atu bele atinji vizaun UNTL-FAGRI no Departamentu.

Breves palavras husi Prezidente Ezekutivu Interina Sra. Jesia da Silva Gusmao Ximenes fó mensajem ba estudante katak Asosiasaun FAGRI durante ne'e harahun sistema barak ne'ebé la kontribui ba vizaun UNTL-FAGRI no halo mos programa sira tamba profesionalidade no responsabilidade ne'ebé Asosiasaum simu wainhira simu tomada de pose hodi halo juramentu ba biblia no KRDTL la'ós tamba interese privadu maske nune'e estudante sira bele matenek, estudante sira bele iha kunesimentu barak maibé manorin nafatin aprende no ita nafatin aprende husi sira.

Ba kandidatu sira presiza kompete ho argumentu la'os sentimentu no presiza iha konsiensia, kompaisaun, kompetensia no komprimisu hodi halo saida mak ita ko'alia tamba ita ema tekniku labele ko'alia mak barak maibé halo serbisu mak barak.

Depois de diskursu hafoin loke abertura husi dignissu Dekanu Interinu hodi haktuir katak, Asosiasaun FAGRI tenki brani hodi foti risku no deside buat ruma bazeia ba evidensia karik sala dehan sala no karik loos dehan loos tuir baze legal sira hanesan Estatutu Assosiasaun, Fakuldade no Estatutu UNTL inklui Kodigu Konduta.

Entretantu iha sesaun debate pakote sira haktuir hanesan tuir Mai ne'e:

Pakote Makikit:
Mai ho moto "Firme ba lialoos no la monok ba injustisa." Inklui aprezenta mos vizaun no misaun sira hodi sai hanesan Makikit hodi lori vizaun sira semo-aas nune'e bele atinji lalais tarjetu. Enkuantu husi Pakote Tree haktuir mos moto katak, TREE mai ho moto "Lian ida asaun ida." Iha komitmentu hodi sai hanesan ai-hun hodi fo mahun ba estudante nia problema sira iha área akadémika.

Tuir mai sesaun debate taka ho pontu de Vista husi Panelista sira mak hanesan drh. Abrão Perreira, Sra. Berta Tilman no Eis Senadu Adilson Fernandes Lopes.

Eleitoral
FAGRI
Assosiasaun FAGRI

15/07/2026

AZIVU! BA PARTISIPASAUN IHA ELEISAUN ASSOSIASAUN AKADÉMIKU ESTUDANTÍL BA PERIODU 2026-2028

Atensaun ba Estudante Ativu no Finalista Fakuldade Agrikultura - UNTL!

Ita-nia voz, Ita-nia futuru! Mai partisipa iha;
📅 Loron: Sexta-feira, Jullu 2026
📍 Fatin: Kampuz FAGRI,Hera-Acanuno
⏰ Oras: 09h00-12h00 TL

Labele hakmatek de'it. Mai hili lider ne'ebé sei luta ba ita-nia direitu akadémiku, transparénsia, Fakuldade Agrikultura presiza lider ne'ebé servisu ho boa fé. Hahú husi ita-nia prezensa iha loron eleisaun.

Tanba ne'e, Komisaun Eleitorál azivu ba ita hotu mai vota! Mai Partisipa! Mai Foti Responsabilidade!

15/07/2026

DEBATE PAKOTE KANDIDATURA SIRA

Dili; Kampuz FAGRI, Hera (15/07/2026) - Asosiasaum Akadémika Estudantil FAGRI liuhusi Komisaun Eleitoral hakarak informa ba Sivitas Akadémika Fakuldade Agrikultura katak iha loron Kinta-feira, 16 Jullu 2026 sei iha debate entre Pakote MAKIKIT no Pakote TREE nune'e atu Selebra Festa Demokrasia hakarak konvida estudante FAGRI atu mai partisipa iha atividade ida-ne'e hodi bele halo avaliasaun ba kandidatura sira nune'e bele deside lideransa foun estudante FAGRI nian na periodu 2026-2028 ne'ebé inovativu, produtivu, kreativu no kritiku ho responsabilidade.

Eleitoral
akademika FAGRI
Asosiasaum FAGRI

13/07/2026

ANÚNSIU OFISIÁL REZULTADU REJISTRASAUN PAKOTE KANDIDATU SIRA

Díli; Kampus FAGRI Hera (13/07/2026) - Associação Académica Estudantil da Facudade de Agricutura (AAE-FA) liuhusi Komisaun Eleitoral periodu 2026, hakarak informa ba sivitas akadémikas katak periodu inskrisaun ba kandidatu sira ba eleisaun Associação Academica Estudantil da Facudade de Agricutura (AAE-FA) periodu 2026-2028 konklui ona.

Depois de halo verifikasaun ba dokumentu sira tuir Estatutu AAE-FA no Regulamentu Internu Eleitoral ne’ebé vigora, Komisaun Eleitoral konfirma katak pakote kandidatu rua (2) tuirmai ne’e ofisialmente rejistradu no admitidu atu partisipa iha prosesu eleisaun:
1. PAKOTE A – Admitidu
2. PAKOTE B – Admitidu

Lista kompleta husi naran kandidatu no kargu ida-idak, inklui perfil kada pakote bele haree iha anúnsiu ofisiál ne’ebé anexa iha publikasaun ida-ne’e.

Komisaun Eleitoral husu ba estudante hotu-hotu atu kontinua fó apoiu ba prosesu eleitoral ida ne’e ho maduro, disiplina no partisipa ativamente tuir kalendáriu eleisaun ne’ebé estabelese ona. Obrigadu ba atensaun no koperasaun husi estudante sira hotu.

Eleitoral AAE-FA
Estrutura Foun AAE-FA 2026–2028
Assosiasaun FAGRI

03/07/2026

AVIZU ELEISAUN BA ESTRUTURA FOUN AAE-FAGRI (PERÍODU 2026-2028)

Avizu ba estudante ativu hotu iha Fakuldade Agrikultura (FAGRI) UNTL!

Tuir Estatutu Asosiasaun Akadémika Estudantil (AAE-FAGRI), Komisaun Eleitorál hakarak informa katak mandatu tinan rua (2) hosi órgaun atuál sira atu remata ona. Tan ne'e, ami ofisialmente loke Prosesu Aprezentasaun Kandidatura ba Estrutura AAE-FAGRI foun ba períodu 2026-2028.

Ho nune’e, ba estudante ativu sira ne'ebé iha interese atu lori mudansa liu hosi envolve iha vida asosiasaun bele mai foti Formuláriu Rejistrasaun iha Sala Asosiasaun FAGRI no kompleta kedas ho lista Pakote kandidatura tenke entrega fali wainhira kompleta ona, bazeia ba prazu ne'ebé Komisaun Eleitorál determina. Informasaun kle'an liután kona-bá rekizitu no kalendáriu, bele haree iha broxura okos.

Ba partisipasaun, Komisaun Eleitorál konvida estudante hotu ne'ebé interese no prienxe rekezitu sira mak estabelese, atu bele hakbesik-an mai sala Asosiasaun hodi partisipa iha festa Demokrasia kampus tinan ida ne’e. Ita-boot sira-nia partisipasaun no kontribuisaun sei hametin liután reprezentasaun estudante nian iha kampus akadémiku Fakuldade Agrikultura no UNTL em jeral.

Díli, Kampus FAGRI, 03 Jullu 2026.
Prezidente Komisaun Eleitorál AAE-FAGRI, Fladimar Oiveira Moruc

Média Asosiasaun FAGRI

27/03/2026

KOMPETISAUN ATIVIDADE GASTRONÓMIA NO ARTE BA ESTUDANTE FOUN HUSI PERIODU 2026

Díli, Kampus FAGRI-Hera (27/03)- Fakuldade Agrikultura UNTL taka ho atividade Orientasaun Kampu 2026 ho kompetisaun Gastronómia no Arte iha Kampus fakuldade ho objetivu atu promove produtu lokal no valoriza valor nasional ne'ebé sai identidade iha Timor-Leste.

Média Assosiasaun FAGRI

Endereço

Ministerio Dos Transportes E Comunicacoes - Diresaun Logistika
Dili

Website

http://www.untl.edu.tl/

Notificações

Seja o primeiro a receber as novidades e deixe-nos enviar-lhe um email quando Assosiasaun FAGRI publica notícias e promoções. O seu endereço de email não será utilizado para qualquer outro propósito, e pode cancelar a subscrição a qualquer momento.