Faculdade Saúde Pública UNPAZ

EKIPA DNES-MESSC HALA’O MONITORIZASAUN NO AVALIASAUN IHA FACULDADE SAÚDE PÚBLICA UNIVERSIDADE DA PAZ
________

Díli, 09 Junho 2026 – Ekipa husi Diresaun Nasional Ensino Superior (DNES), Ministériu Ensinu Superior, Siénsia no Kultura (MESSC) hala’o vizita monitorizasaun no avaliasaun iha Faculdade Saúde Pública, Universidade da Paz (FSP-UNPAZ), hanesan parte husi esforsu atu asegura no promove kualidade ensinu superior iha instituisaun edukasaun sira iha Faculdade Saude Publica.

Iha vizita refere, ekipa DNES-MESSC simu diretamente husi reprezentante Dekanu FSP-UNPAZ, Vise-Dekanu ba Asuntu Estudantil, Sr. Santiago Jorge Pereira, Lic. SP., MPH, hamutuk ho estrutura no responsavel sira husi Faculdade.

Durante monitorizasaun ne’e, ekipa DNES-MESSC hala’o observasaun direta ba fasilidade no infraestrutura akademika sira ne’ebé suporta prosesu ensinu-aprendizajen, inklui laboratórium, sala aula, biblioteca no fasilidade relevante seluk ne’ebé uza diariamente husi dosente no estudante sira.

Vizita ne’e nia objetivu principal mak atu avalia no asegura katak prosesu ensinu-aprendizajen iha Faculdade Saúde Pública Universidade da Paz, lao tuir padraun kualidade edukasaun superior ne’ebé estabelese ona husi autoridade kompetente. Aleinde ne’e, atividade monitorizasaun ne’e mos sai oportunidade ida atu identifika área sira ne’ebé presiza hadia no dezenvolve tan iha futuru.

Vizita monitorizasaun ida ne’e reforsa komitmentu entre DNES-MESSC no Universidade da Paz liuhusi Faculdade Saude Publica atu kontinua promove kualidade akademika.

🌍📚 LORON IKUS – INTERNATIONAL SHORT COURSE 2026

Positive Deviance in Nutrition

Ohin, 07 Juñu 2026, marka loron ikus ba atividade International Short Course 2026: Positive Deviance in Nutrition iha Faculdade de Saúde Pública, Universidade da Indonézia. Atividade ohin kompostu husi atividade importante balu ne’ebé reflete rezultadu no aprendizajen durante programa tomak.

Iha sesaun dahuluk, partisipante sira tuir Ezame Final atu avalia koñesimentu no kapasidade ne’ebé hetan durante atividade ida-ne’e. Depois ne’e, partisipante sira hetan materia kona-ba Entrepreneurship in Nutrition, ne’ebé esplika oportunidade inovasaun no empreendedorizmu iha área nutrisaun atu kontribui ba melhoria saúde no bem-estar komunidade.

Iha sesaun tuirmai, partisipante sira hala’o Cultural Exploration and Country Presentation, ne’ebé kada nasaun aprezenta sira nia kultura, istória, tradisaun no identidade nasional. Sesaun ida-ne’e sai oportunidade importante atu hametin komprensaun interkultural no amizade entre partisipante sira husi Indonézia, Timor-Leste, Saudi Arabia, Malaysia, Malawi no Pakistan.

Ikus mai, programa taka oficialmente ho Serimónia Entrega Sertifikadu Apreziasaun, hanesan forma rekonesimentu ba partisipasaun ativa no kompromisu partisipante sira durante semana ida ne’e.

✨ Aprende hamutuk.
🤝 Fahe kultura no esperiénsia.
🌍 Hametin amizade internasionál.
🎓 Selebra aprendizajen no susesu.

International Short Course 2026 la deit aumenta koñesimentu kona-ba nutrisaun no saúde komunidade, maibé mos hametin rede kolaborasaun global no lideransa foun ba futuru saúde públika.

PROSESU APRENDIZAZEM IHA KALASE NORMAL RAEOA LAO NORMAL.
_______

Raeo: 05 Junho 2026, Dosente husi Faculdade Saúde Pública Universidade da Paz, Kontinua fo aula ba estudante sira husi Faculdade Saúde Pública nebe kompostu husi semester 1,3 no 7.

🌍📚 DAY 4 – INTERNATIONAL SHORT COURSE 2026

Positive Deviance in Nutrition

Today's activities focused on field learning and cultural exploration. Participants visited a Posyandu (Integrated Health Service Post) to observe community-based health and nutrition services in Indonesia and conducted a comparative discussion with the SISCa (Servisu Integradu Saúde Comunitária) program in Timor-Leste.

The visit provided valuable insights into the similarities, strengths, and challenges of both community health systems, particularly in maternal and child health services, growth monitoring, nutrition education, and community participation.

In the afternoon, participants visited Taman Mini Indonesia Indah (TMII) to explore Indonesia’s rich cultural diversity. The visit introduced participants to traditional houses, cultural heritage, and the unique beauty of Indonesian Batik, recognized as an important cultural identity of Indonesia.

✨ Learning from Communities.
🤝 Sharing Experiences Across Countries.
🌏 Exploring Culture, Health, and Nutrition.

Through this experience, participants gained a deeper understanding of how culture and community engagement contribute to improving public health and nutrition outcomes.

🌍📚 LORON DAHAT, SEXTA-FEIRA, 05 JUÑU 2026

International Short Course 2026 – Positive Deviance in Nutrition

Atividade ohin fó oportunidade ba partisipante sira atu aprende diretamente iha komunidade liu husi vizita ba Posyandu iha Indonézia. Durante vizita ne’e, partisipante sira observa implementasaun servisu saúde no nutrisaun ba inan no labarik, no halo análize komparativu entre Posyandu Indonézia nian no SISCa (Servisu Integradu Saúde Comunitária) Timor-Leste nian.

Liu husi observasaun no diskusaun ho profisionál saúde no voluntáriu komunidade sira, partisipante sira komprende liu tan kona-ba papel komunidade iha monitorizasaun kresimentu labarik, promosaun nutrisaun, imunizasaun, edukasaun saúde no prevensaun moras sira iha nivel komunidade.

Iha parte lokraik, partisipante sira kontinua atividade ho vizita edukativa ba Taman Mini Indonesia Indah (TMII) atu esplora riqueza kultura Indonézia nian. Vizita ne’e fó oportunidade atu hatene diversidade etnia, uma tradisionál, patrimóniu kulturál no valor sira ne’ebé hametin unidade nasional Indonézia.

Partisipante sira mos aprende kona-ba kain Batik Indonézia, ne’ebé sai hanesan patrimóniu kultura mundial no símbolu identidade nasional Indonézia. Atividade ne’e hatudu katak kultura no saúde bele lao hamutuk atu hametin bem-estar komunidade no dezenvolvimentu sustentável.

✨ Aprende husi komunidade.
🤝 Fahe esperiénsia entre nasaun sira.
🌏 Hametin amizade, saúde no kultura.
🌱 Husi koñesimentu ba ação.

International Short Course 2026 continua sai hanesan plataforma importante ida atu hametin kolaborasaun internasionál no troka esperiénsia entre partisipante sira husi Indonézia, Timor-Leste, Saudi Arabia, Malaysia, Malawi no Pakistan.