Faculdade Ciência Sociais e Humanas-UNPAZ

Sorotan

𝐔𝐍𝐏𝐀𝐙 𝐒𝐄𝐈 𝐃𝐈𝐒𝐊𝐋𝐔𝐈 𝐄𝐒𝐓𝐔𝐃𝐀𝐍𝐓𝐄 𝐒𝐈𝐑𝐀 𝐍𝐄’𝐄𝐁𝐄́ 𝐓𝐄𝐍𝐓𝐀 𝐇𝐀𝐋𝐎 𝐁𝐀𝐑𝐔𝐋𝐋𝐔 𝐁𝐀 𝐏𝐑𝐎𝐆𝐑𝐀𝐌𝐀 𝐏𝐀𝐊

Dili, 28 Abril 2026 – Universidade da Paz (UNPAZ), liuhusi Vise-Reitór ba Asuntu Akadémiku no hanesan mós Prezidente Komisaun Organizadora Programa Prátika Aprendizajen Kampu (PAK) tinan akadémiku 2026, fó intervensaun ba estudante hirak ne’ebé halo barullu iha momentu Semináriu Nasionál ba aprezentasaun relatóriu PAK tinan 2025, iha areadóres UNPAZ.

Prezidente Komisaun Organizadora PAK 2026, Dr. Joaninho Xavier Hei Lic. CSH., M.Ed., iha entrevista ho UNPAZ Media Center, hateten katak, depois de mosu desintendimentu entre estudante balun husi semester V ho Magnífiku-Reitór iha areadóres universidade nian, komisaun konsege identifika estudante sira ne’ebé hamosu protesta relasiona ho programa PAK.

Nia esplika katak, estudante sira ne’e la’os foin primeiru vez halo protesta, no antes ne’e sira halo ona diálogu ho Reitór. Iha diálogu refere, Reitór esplika klaru kona-ba PAK no estudante sira simu ona, maibé depois sai husi enkontru ne’e, sira kontinua halo asaun protesta ho preokupasaun hanesan.

Tamba ne’e, komisaun organizadora hetan autorizasaun husi Magnífiku-Reitór atu desklui ka hasai estudante sira ne’ebé envolve direta iha asaun refere husi programa PAK tinan 2026, no sei adia partisipasaun sira ba tinan tuir mai. Medida ida ne’e atu prevene interferénsia ba estudante sira seluk ne’ebé prontu ona atu halo PAK iha fatin sira ne’ebé determina ona.

Prezidente komisaun mós hateten katak, PAK ho kreditu neen (6) ne’e obrigatóriu ba estudante hotu, ho durasaun fulan neen. Programa ne’e hahú husi formasaun komisaun, tuir ba deslokasaun ba terenu atu rekolla dadus, no remata ho aprezentasaun relatóriu.

Universidade sei halo rekollu no transforma relatóriu hirak ne’e sai livru iha durasaun fulan rua to’o tolu, antes de aprezenta iha semináriu nasionál no entrega rezultadu finál ba governu.

Komisaun foti desizaun ida ne’e tamba estudante sira la kooperativu no halo distúrbiu iha eventu importante universidade nian, liuliu iha momentu semináriu nasionál ne’ebé marka prezénsa husi Ministru Comercio Indústria, Prezidente Autoridade Munisipál sira, no konvidadu VIP sira seluk.

-UNPAZ #

AVIZU

HAKTUIR BA KARTA AUTORIZASAUN HOSI MAGNIFIKU REITÓR HO NÚ.REF: 23 /UA-AAE/UNPAZ/X/2025 KONABA AUTORIZASAUN BA REJISTRASAUN ESTUDANTE FOUN TINAN AKADÉMIKU 2025/2026, HO NUNE’E UNPAZ HUSU BA MALUK TIMOR OAN HOTU NE’EBÉ REMATA ONA ESTUDU IHA NIVEL SEKUNDÁRIA, DIPLOMA I, II, III no LISENSIATURA, IHA TERITORIU TIMOR-LESTE NE’EBÉ HAKARAK KONTINUA ESTUDU IHA NIVEL ENSINU SUPERIOR, UNIVERSIDADE DA PAZ (UNPAZ), LOKE ONA OPORTUNIDADE REJITRASAUN SIMU ESTUDANTE FOUN HAHU OUTUBRU 2025-MARSU 2026.

IHA PROGRAMA RUA (2) HANESAN :
A. LISENSIATURA (S1) no
B. MESTRADU (S2)

BA INFORMASAUN DETALLU, BELE HARE IHA BROSURA SIRA TUIR MAI NO BELE MÓS VIZITA DIREITA UA-AAE UNPAZ, OSINDO 1 MANLEUANA DILI TIMOR-LESTE.

BA ATENSAUN TOMAK MATAK MALIRIN Í OBRIGADU WA'IN.

Fontes: Unpaz Media Center

Parabéns Magnífiku Reitor ho Estrutura no mos
Senado Fakuldade CSH 👏 E bom Traballue

SENADU ESTUDANTE FCSH ORGANIZA ELEISAUN BA SENADU FOUN

Dili-Universidade da Paz (UNPAZ) liuhusi Senadu Estudantil Fakuldade Siensia Sosiais Humana, organiza eleisaun ba senadu foun tinan akadémiku 2024-2025, ho objetivu atu re-eleitu fila fali senadu foun hodi responsabiliza atividade interna no externa nomós preokupasaun estudante nian, iha Salaun José Kaimiru (21/10/24).

Terseiru Vise Dekanu FCSH, Sr. Bernabe de Lima Araujo, Lic. CSH., M.AP (Kont S3), relata eleisaun ne’ebé hala’o kompostu husi estudante departamentu haat ne’ebé eziste iha FCSH, iha eleisaun ida ne’e, laiha ida mak lakon no laiha ida mak manan, maibe ida mak manan karik FCSH mak manan. Husu ba ita bo’ot sira hotu atu hili senadu estudantil FCSH nian, favor haree no koñese sira di’ak, nune’e bele lori ita bo’ot sira-nia aspirasaun ne’ebé ita bo’ot sira hasoru iha prosesu aprendizajen nian.

“Husi liafuan kolaborasaun no komunikasaun ita bele buka solusaun ba atividade saida de’it no problema saida de’it, nune’e bele rezolve iha prosesu aprendizajen nian, tanba ne’e, husu ba senadu sira atividade ne’ebé mak hala’o tenki iha relatoriu, nune’e imi nia mandatu remata ita bele hatene atividade ne’ebé mak halo no ida ne’ebé mak seidauk halo, nune’e senadu foun bele kontinua hala’o ida ne’ebe seidauk realiza”,dehan Tersieu Vise Dekanu FCSH .

Iha fatin hanesan, Senadu Estudantil FCSH Agustinho Mendonça esplika, senadu estudantil hanesan orgaun nukleo ezekutivu ida ne’ebé tutela iha terseiru vise dekanu nia okos, hodi bele kria atividade estra sira iha kampus, tanba ne’e, agradese ba kandidatu sira hotu ne’ebé ho inisiativa no vontade hakarak kandidatu an ba sai nu’udar líderansa no liman ain ba estudante iha FCSH.

“Maluk estudante sira-nia votus no konfiansa ne’ebé oferese ba imi ne’e, hanesan responsabilidade la’os oportunidade, tanba imi sai senadu estudantil sira mak hili imi, tanba ne’e, imi tenki reprezenta matan tilun no ibun hodi hato’o problema saida mak maluk estudante sira hasoru”,dehan Sena

Departmentu Relasaun Internasional 🕊️

Departmentu Relasaun Internasional

Senadu Estudantil nu'udar nukleo ne'ebe existe iha Fakuldade no nia papel mak atu realiza atividade extra sira hodi eleva estudante sira nia konesimentu.Ho nune'e mak estrutura Senadu Estudantil iha inisiativa hodi realiza talk show ho nia tema : Konstrusaun Estadu RDTL hahu husi ne'ebe no to'o ne'ebe ona,hodi fo esperansa ba povu Timor Leste. Objetivo husi atividade talk show mak atu halo Refleksaun ba loron konsulta popular 30 de Agosto 1999.
Ho nune'e hakarak konvida sivitas akademika no movimentos sociais Sira hotu Ne'ebe iha TL,konvida ita hotu hodi mai partispa iha atvidade refere .
Atividade ne'e realiza iha :
Loron : segunda,23-09-2024
Oras: 9:00 to'o remata
Fatin: salaun Jose Casmiro Unpaz🙏❤️

Senadu Estudantil Fakuldade CSH realiza atividade Lasu Amizade(BinAkrab) entre departamentu haat ne’ebe konsentra iha Fakuldade Ciensia Sociais Humana hahu husi Semester 2 ate 8 ho nia Tema Jeral “Hametin Esperansa Estudante nian ba Eko-social liu husi Atividade Extrakurikuler” ne’ebe Realiza iha eskola EBC Riamori Maubisse durante loron Rua nia laran husi Dia 23/08/2024 ate 24/08/2024 . Objetivo husi Atividade mak oinsa atu Hametin relasaun Amizade ida ke Mutua entre Estudante sira liu husi Programa Prinsipal sira hanesan Seminariu Reflesaun, Poezia , Diskusaun , Divertimentu no Vizita fatin Relijiozu Nain Feto Rabilau.
Iha Kalan Reflesaun Ita Lori Estudante sira atu Oinsa Refleta fila fali Prosesu Timor leste nia Independensia ba Luta libertasaun Patria nebe ho dalan Konsulta Popular iha Tinan 1999 . Reflesaun nee rasik Lori husi Irmao Nico ho nia tema " 30 de agosto 1999" . Aleinde ne mos ita lori estudante sira hodi Refleta ba Kondisaun moris ema nu'udar humanidade liu husi Tema "Belun", "Domin" nebe lori husi Irmao Papua no Tema seluk mak "Mahasiswa" nebe Hakerek husi Ativista Nazbudin , lori husi Irma Flovy.
Atividade Seluk nebe Nuudar mos Parte Prinsipal husi Programa refere mak atividade Vizita "Nain Feto Rabilau" Prosesu vizitasaun nian estudante sira hahu Aranka Husi Fatin Deskansa(Eskola Riamori) ba Rabilau ho Durasaun Tempu Uma(1) hora . E antes atu hakat ba Vizita Nain Feto Rabilau Estudante sira hetan Seremonia Tradisaun husi Lia Nain sira ho Bua Malus ho Objetivu atu Proteje no Assegura estudante sira Durante hala'o Vizitasaun, Seremonia nee rasik Akompnha Direita Husi Autoridade Lokal no Manorin sira .
Hafoin de Vizita Nain Feto Rabilau , Estudante sira fila ba Eskola Riamori hodi Prepara ba Seminariu . Seminariu refere Lori husi Orador nain Rua , Orador I Xefe Suku Sr.. Wilson ho nia Sub tema "Valor no obstakulu husi estabelecimento turismu Religiosu nain feto Rabilau" no Orador Segundu Irmao Caetano Silveiro(Atay) ho nia subtema observasaun akademika ba Mudansa klimatiku iha Timor Leste. Ho prosesu actividade Bini Akrap durante Loron Rua² Refere Hetan Assegurasaun Maximu Husi Autoridade Lokal Sira,Manorin Sira,Komunidade No Mos Policia Esquadra Posto Administrativo Maubisse Husi Hahu To Remata.

Media Silva Ho Noel

Universidade Da Paz (UNPAZ)
Fakuldade CSH
Tinan Akademiku 2024
Unidos❤️🌹