Донишгоҳи давлатии Хоруғ ба номи М. Назаршоев/Khorog state university

🇹🇯📈📙ВАТАНДӮСТӢ – НИШОНАИ МУҲАББАТ БА ВАТАН🇹🇯📈📙

📖 Пешвои миллат муҳтарам Эмомалӣ Раҳмон дар суханрониҳои худ ватандӯстиро яке аз арзишҳои асосии миллат дониста, ҷавонон ва шаҳрвандонро ба дӯст доштани Ватан, ҳифзи истиқлол ва ваҳдати миллӣ даъват намудаанд.
«Ватандӯстӣ аз дӯст доштани ҳар ваҷаб хоки Ватан оғоз меёбад».
📉«Ҳифзи Ватан ва манфиатҳои давлат вазифаи муқаддаси ҳар шаҳрванди бонангу номус мебошад.», «Ҷавонон бояд бо ҳисси баланди миллӣ ва ватандӯстӣ барои ободии Тоҷикистони азиз саъю талош намоянд.»
📙«Сулҳу субот ва ваҳдати миллӣ бузургтарин дастоварди халқи тоҷик аст ва ҳифзи он вазифаи ҳар як фарди ҷомеа мебошад.», «Муҳаббат ба Ватан инсонро ба корҳои созанда ва ободкорона ҳидоят мекунад.» «Мо бояд Тоҷикистони соҳибистиқлолро ҳамчун хонаи муқаддаси худ дӯст дорем ва барои пешрафти он содиқона хизмат намоем.»
📊Ин суханон ҷавононро ба эҳтироми давлат, ҳифзи арзишҳои миллӣ ва хизмат ба ҷомеа раҳнамоӣ мекунанд. Ватандӯстӣ дар андешаи Пешвои миллат танҳо сухан нест, балки меҳнати ҳалол, донишомӯзӣ, ҳифзи сулҳ ва саҳм гузоштан дар ободии кишвар мебошад.
📍Ватандӯстӣ яке аз беҳтарин хислатҳои инсонӣ ба шумор меравад. Ҳар шахсе, ки Ватани худро дӯст медорад, барои пешрафт, ободӣ ва ҳифзи он кӯшиш менамояд. Барои ҳар инсон Ватан азизу муқаддас аст, зеро инсон дар ҳамин сарзамин ба дунё омада, бузург мешавад, забон меомӯзад ва ҳамчун шахсият ташаккул меёбад. Муҳаббат ба Ватан инсонро ба корҳои нек, хизмати содиқона ва ҳифзи арзишҳои миллӣ раҳнамоӣ мекунад.
📚Тоҷикистон барои ҳар як шаҳрванди худ сарзамини муқаддас мебошад. Маҳз ватандӯстӣ метавонад миллатро муттаҳид намуда, барои рушди давлат шароити мусоид фароҳам оварад. Ватандӯстӣ маънои дӯст доштани Ватан, эҳтиром ба миллат, ҳифзи марзу буми кишвар ва садоқат ба давлатро дорад. Ин ҳисси бузург инсонро водор месозад, ки нисбат ба сарнавишти кишвар бетараф набошад. Шахси ватандӯст ҳамеша барои ободии ҷомеа, сулҳу субот ва пешрафти давлат саҳм мегузорад.
📉Ватандӯстӣ танҳо бо сухан нест. Он пеш аз ҳама дар амал зоҳир мегардад. Масалан: эҳтиром ба қонунҳои давлат;
ҳифзи табиат ва муҳити зист;
хизмати содиқона ба ҷомеа;
таҳсили хуб ва касбомӯзӣ;
меҳнати ҳалол;
ҳимояи марзу буми кишвар;
арҷгузорӣ ба фарҳанг ва забони миллӣ.
⏳Ҳар давлате, ки шаҳрвандони ватандӯст дорад, ба пешрафту тараққиёт мерасад. Вақте мардум якдигарро эҳтиром мекунанд ва барои манфиати давлат хизмат менамоянд, ҷомеа орому пешрафта мегардад. Ватандӯстӣ инсонҳоро ба ваҳдат ва ҳамдигарфаҳмӣ даъват мекунад, ки сулҳу оромӣ барои миллат чӣ қадар арзишманд аст. Баъди ба даст омадани сулҳ мардуми кишвар барои ободии Ватан муттаҳид шуданд. Имрӯз вазифаи ҳар шаҳрванди кишвар ҳифзи сулҳу субот ва ваҳдати миллӣ мебошад.
📖Ватандӯстӣ ва ҷавонон Ҷавонон нерӯи пешбарандаи ҷомеа мебошанд. Ояндаи ҳар давлат аз дониш, ахлоқ ва фаъолияти ҷавонон вобаста аст. Ҷавонони ватандӯст бояд: илму дониш омӯзанд; касби хуб интихоб намоянд; ба миллату давлат содиқ бошанд; аз фарҳанги миллӣ ҳимоя кунанд; ба корҳои созанда саҳм гузоранд.
🗓️Имрӯз ҷавонони тоҷик дар соҳаҳои гуногун — илм, варзиш, фарҳанг ва техника — муваффақият ба даст меоранд ва номи Ватанро баланд мебардоранд. Ин худ намунаи ватандӯстии ҳақиқӣ мебошад.
📌Ҳифзи Ватан – қарзи муқаддас, ҳифзи Ватан вазифаи муқаддаси ҳар шаҳрванд аст. Сарбозону афсарони Қувваҳои Мусаллаҳи Ҷумҳурии Тоҷикистон барои амният ва оромии кишвар шабонарӯзӣ хизмат мекунанд. Маҳз бо шарофати ҷасорат ва меҳнати онҳо мардум дар фазои сулҳу амонӣ зиндагӣ доранд.
✅Ҳар ҷавон бояд ҳисси масъулиятшиносӣ дошта бошад ва омодаи хизмати Ватан бошад. Зеро давлате, ки муҳофизони далеру ватандӯст дорад, ҳамеша устувор мемонад.
📍Яке аз нишонаҳои ватандӯстӣ эҳтиром ба рамзҳои давлатӣ мебошад: Парчами давлатӣ, Нишони давлатӣ, ва Суруди миллӣ мебошад. Ин рамзҳо ифтихор ва соҳибистиқлолии давлатро ифода мекунанд. Истиқлоли давлатии Тоҷикистон барои мардуми тоҷик неъмати бузург аст ва ҳар шаҳрванди кишвар бояд онро қадр намояд.
🔎Аксарияти шахсиятҳои маъруф муҳаббат ба Ватанро яке аз арзишҳои олӣ донистаанд. Шоирону нависандагон дар ашъори худ Ватанро ситоиш намудаанд. Муҳаббат ба Ватан инсонро ба қаҳрамонӣ, меҳнат ва садоқат раҳнамоӣ мекунад. Ватандӯстӣ ҳисси муқаддас ва нишонаи инсони комил аст. Ҳар шахс бояд Ватани худро дӯст дорад, барои ободии он меҳнат кунад ва сулҳу оромии кишварро ҳифз намояд. Агар ҳар шаҳрванди кишвар ватандӯст бошад, давлат боз ҳам пешрафта ва обод мегардад.
⏳Муҳаббат ба Ватан аз оила, мактаб ва ҷомеа оғоз меёбад. Биёед ҳамеша барои пешрафти Тоҷикистон саҳм гузорем ва ватани азизи худро дӯст дорем.

✍МИСРИГУЛИ Нуралӣ
ассистенти кафедраи адабиёт ва рӯзноманигорӣ

Амид Комилбеков

#Тоҷикистон #Душанбе #вазоратимаориф #вазоратикишоварзӣ
#вмкб #бадахшон #хогу #Хоруғ

🇹🇯📈📙АВФ – РУКНИ ИНСОНДӮСТӢ🇹🇯📈📙

📖Дар ҳақиқат, барои тамоми мардуми тоҷик хушхабар аст, ки Қонуни Ҷумҳурии Тоҷикистон “Дар бораи авф” ба муносибати 35-солагии Истиқлолияти давлатӣ аз ҷониби Президенти Ҷумҳурии Тоҷикистон аз санаи 16-уми июни соли 2026 ба имзо расид.
✅Мақсади Қонуни мазкур, мутобиқи таҷрибаи солҳои гузашта, татбиқи принсипи инсондӯстӣ буда, нисбат ба гурӯҳҳои муайяни маҳкумшудагон амалӣ карда мешавад.
📙Мутобиқи Қонуни Ҷумҳурии Тоҷикистон оид ба авф кардан онҳое ба ин гурӯҳ дохил мешаванд, ки ҷазои нисбатан сабуктар доранд (занон, маъюбон, одамони калонсол, нафароне, ки муҳлати ҷазояшон кам мондаааст, ноболиғон ва ғайра).
📊Чи тавре ки аз маълумотҳо равшан мегардад, соли 2026 бештар аз 18 ҳазор нафар маҳкумшудагон озод карда мешаванд, аз ҷумла, 248 нафар занони аз адои боқимондаи ҷазо озод мегарданд ва нисбат ба 259 нафар муҳлати адои ҷазо камм карда мешавад ва аз 134 нафар ноболиғе, ки адои ҷазо менамоянд, 99 нафар аз адои боқимондаи ҷазо озод гардида, нисбат ба 35 нафар муҳлати боқимондаи адои ҷазо кам карда мешавад.
📌Зикри ин андеша зарур аст, ки ин амали Пешвои миллат хушҳолкунанда мебошад, чаро ки чӣ қадар падару модарон, фарзандон, ҳамсарон озод шудани аъзои оилаашонро интизор ҳастанд. Таваҷҷуҳи бештар кардан Ҳукумати Тоҷикистон ба занону ноболиғон ва калонсолон нишонаи адолати давлатӣ ва эҳтиром ба бузургии миллат мебошад.
✅Албатта, Ҳукумати мамалакат ҳам намехоҳад, ки шаҳрванди кишвари он аз паси панҷараи маҳбусӣ адои ҷазо намояд, аммо вақте қонуни Ҳукумат, ки иҷрои он барои ҳамаи шаҳрвандон ҳатмӣ аст, вайрон мешавад, нафаре ба касе ё ҷомеа хатару зарар эҷод мекунад, амалҳои хатарзо иҷро мекунад, талаботи Қонуни кишварро вайрон мекунад, бояд тибқи талаботи Қонун, ба ҷавобгарӣ кашида шавад ва ин талабот дар тамоми давлатҳо ҷорӣ аст ва ҳатто аз ин ҳам вазнинтар.
Бузургони олам, мутафаккирон ва адибони форсу тоҷик андешаҳои пурқимати ахлоқиро ба наслҳои баъдина дар тӯли солиёни зиёд ба мерос мондаанд, ки то ба замони мо омада расидаанд.
📌Онҳо парҳез намудан аз ҳар гуна зиштиро таъкид мекарданд, чаро ки бадрафторию зиштию ноодамӣ инсонро хору залил месозад, ҷомеаро ноорому хароб мекунад.
📖Дар китоби ахлоқиии “Гулистон”- и Саъдии Шерозӣ ҳикоте аст: Якеро пурсиданд:
-Адаб аз кӣ омӯхтӣ?
Гуфт: Аз беадабон.
Гуфт: Чӣ тавр?
📍Гуфт: Ҳар он чизе ки аз онҳо дар назарам зишт меомад, аз он парҳез мекардам.
📚Бубинед, Саъдии Шерозӣ, ки унвони “муаллими ахлоқ” дорад, барои инсонҳои тамоми замонҳо хирадмандона панд додааст, ки одамон бояд эҳтиёткор бошанду аз бадию зиштӣ канораҷӯйӣ кунанд вагарна ба залилию хорию пастӣ рӯ ба рӯ хоҳанд шуд.
📉Ё ки мақоли халқии тоҷикии “Аввал бубин ҷойи худ, баъд бимон пойи худ” ҳушдори одамон ба парҳезкорию эҳтиёткорӣ мебошад, яъне, як қадами беҷо, як рафтори номуносиб барои инсон душвориро эҷод менамояд.
📊Ҳукумати Ҷумҳурӣ иқдоме пеш гиритааст, ки дар арафаи ҷашни муқаддаси 35-солагнии истиқлолияти давлатӣ Қонун “Дар бораи авф”- ро тасдиқ намуда, одамони зиёде ба озодӣ мебароянд, ба назди аҳли хонаводаи худ мераванд.Чӣ хушбахтӣ, чӣ бахти баланде аст, ки аҳли хонаводаҳо баъд аз чандин муддат боз ба дидори ҳам мерасанд. Ҷои ашки дурию ҷудоиро ашки шодӣ, ҷои андӯҳро дар қалбҳо шодмонию фараҳ, ҷои фироқу ҷудоиро васлу иттиҳод, ҷои гиряву фиғонро садои хандаю сурур пур мекунанд.
⏳Авф шудан ба аҳли кишвар, бахусус, ба насли ҷавони мамлакат ду ҷанбаи ахлоқиро равшан месозад: аввалан, нафаре, ки барои гуноҳе паси панҷараи маҳбусӣ рафтааст, акнун хулоса мекунад, ки амали носазояшро такрор нахоҳад кард, сониян, нафарони дигарро ҳушдор медиҳад, ки амали носазо инсонро ба чӣ мушкилот дучор менамояд ва аз кирдорҳои нопок бояд дурӣ ҷуст.
📙Дар ҳақиқат, Қонуни Ҷумҳурии Тоҷикистон “Дар бораи авф” башоратест барои тамоми мардуми ватани азизамон Тоҷикистон ва нишонаи адолат, миллатдӯстию ғамхории навбатӣ маҳсуб мешавад.

✍МИРЗОҲАСАНОВ Лаълҷуба
н.и.ф., дотсенти кафедраи адабиёт ва журналистика

Амид Комилбеков

#Тоҷикистон #Душанбе #вазоратимаориф #вазоратикишоварзӣ
#вмкб #бадахшон #хогу #Хоруғ

https://www.facebook.com/share/1CkYaDNzFZ/

Суҳбати телефонӣ бо Президенти Ҷумҳурии Исломии Эрон Масъуд Пизишкиён
18.06.2026
https://president.tj/event/news/55894

Имрӯз суҳбати телефонии Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон бо Президенти Ҷумҳурии Исломии Эрон, муҳтарам Масъуд Пизишкиён сурат гирифт.

Дар оғози суҳбат Сарвари давлати мо ба мардуми Эрон ва роҳбарияти он ба муносибати дастёбӣ ба созиши сулҳ миёни Ҷумҳурии Исломии Эрон ва Иёлоти Муттаҳидаи Амрико табрикоти самимӣ изҳор намуданд.

Таъкид гардид, ки санади сарнавиштсози дар ин замина аз ҷониби сарони ду давлат баимзорасида барои таъмини сулҳи пойдор дар Ховари Миёна ва берун аз он, таҳкими суботи байналмилалӣ ва рушди устувор аҳаммияти калидӣ дорад.

Пешвои миллат ба мардуми Эрон таманниёти сулҳу субот ва амнияти пойдорро иброз доштанд.

Дар ҷараёни суҳбат ҷанбаҳои калидии ҳамкориҳои дуҷониба мавриди баррасӣ қарор гирифтанд. Инчунин, ҳавасмандии доимии тарафҳо ба рушду тавсеаи муносибатҳои Тоҷикистону Эрон ва омодагӣ барои татбиқи иқдомҳои амалии муштарак ҷиҳати ноил шудан ба натиҷаҳои нави судманд таъкид гардид.

#ЭмомалӣРаҳмон #ЭмомалиРахмон #Тоҷикистон #Таджикистан #Президент #Тоҷикон #Таджики #Эрон #Иран

https://www.facebook.com/share/1BKcNFz5UR/

Барқияи табрикӣ ба Амири Давлати Қатар Шайх Тамим бин Ҳамад Оли Сонӣ
18.06.2026
https://president.tj/event/news/55887

18 июн Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Амири Давлати Қатар Шайх Тамим бин Ҳамад Оли Сонӣ барқияи табрикӣ ирсол намуданд, ки дар он омадааст:

«Волоҳазрат,

Дар иртибот ба нақши миёнҷигарии созандаи Давлати Қатар дар роҳи расидан ба созиши сулҳ миёни Ҷумҳурии Исломии Эрон ва Иёлоти Муттаҳидаи Амрико ба Шумо табрикоту таҳнияти самимии моро иброз менамоям.

Мо талошҳои пайвастаи Шуморо дар ҳалли ин масъалаи ҳассос баланд арзёбӣ мекунем. Бовар дорем, ки мувофиқаҳои дар ин замина ҳосилшуда барои таъмини сулҳи фарогир дар минтақаи Ховари Миёна, таҳкими низоми амнияти байналмилалӣ, рушди устувори иқтисодиву иҷтимоӣ дар сатҳи ҷаҳонӣ ва иқдомҳои нави сулҳомез дар ин ҷода заминаҳои устуворро фароҳам месозанд.

Ҷумҳурии Тоҷикистон, ҳамчун кишвари сулҳпарвар ва ҷонибдори ҳалли ҳама ихтилофоту низоъҳо тавассути музокироту муколама, аз ин дастоварди муҳимми дипломатӣ сидқан истиқбол менамояд.

Бо таъкиди алоқамандии инҷониб ба пешбурди минбаъдаи робитаҳои дӯстӣ ва ҳамкориҳои судманд миёни кишварҳоямон, ба Шумо саломатии бардавом ва комёбиҳои рӯзафзун, ба мардуми дӯсту бародари Қатар сулҳу субот, некуаҳволӣ ва шукуфоии пойдор орзумандам».

https://www.facebook.com/share/1CdasMrgSg/

https://www.facebook.com/share/17x9w7aJ3z/

https://www.facebook.com/share/1EKo3E2GJR/

Барқияи табрикӣ ба Раиси Ҷумҳурии Исломии Эрон Масъуд Пизишкиён
18.06.2026
https://www.president.tj/event/news/55881

18 июн Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Раиси Ҷумҳурии Исломии Эрон муҳтарам Масъуд Пизишкиён барқияи табрикӣ ирсол намуданд, ки дар он омадааст:

«Ҷаноби Олӣ,

Бо камоли эҳтиром Шумо ва мардуми шарифи Ҷумҳурии Исломии Эронро ба муносибати дастёбӣ ба созиши сулҳ бо Иёлоти Муттаҳидаи Амрико самимона табрик мегӯям.

Мо медонем, ки дастрасӣ ба ин созиши муҳим барои миллати Эрон осон набуд ва маҳсули талошҳои зиёду иродаи қавии он мебошад. Бовар дорам, ки мувофиқаҳои дар ин зимн ҳосилшуда барои таъмини сулҳи устувор ва фарогир дар Ховари Миёна, таҳкими низоми амнияти байналмилалӣ ва фароҳам овардани заминаҳои мусоид ҷиҳати рушди иқтисодиву иҷтимоии пойдор аҳаммияти калидӣ доранд.

Ҷумҳурии Тоҷикистон ҳамчун кишвари сулҳпарвар ва ҷонибдори ҳалли ҳама ихтилофоту низоъҳо тавассути музокирот ва муколамаи дипломатӣ, аз ин рӯйдоди муҳим истиқбол менамояд.

Бо умеди рушди минбаъдаи ҳамкориҳои судманд ва тақвияти робитаҳои дӯстона байни кишварҳои мо, ба Шумо саломатии бардавом ва комёбиҳои навин, ба мардуми дӯсту бародари Эрон сулҳу амнияти пойдор ва пешрафту шукуфоии беш аз пеш орзумандам».

🇹🇯📈📖ВАҲДАТИ МИЛЛӢ – ШУКУФОИИ ВАТАН🇹🇯📈📖

📙Сарҷамъии миллат, сулҳу ваҳдат ва суботи сиёсиву иҷтимоӣ аз ҷумлаи шоҳсутунҳои кохи муҳташами Истиқлол, сарчашмаи бахту иқболи халқи тоҷик ва кафолати рушди муназзаму устувори давлати тоҷикон мебошад
✍Эмомалӣ Раҳмон

📚Ғояи ваҳдати миллӣ дар ҳар як марҳалаи тақдирсози таърихӣ ҳамчун омили неруманди иттиҳоди ҷомеаи мо хизмати бузургу пурарзишро анҷом дод. Имрӯз вақти он расидааст, ки омӯзиши ваҳдати миллӣ ба сифат унсури меҳвари худшиносӣ ва тафакури миллӣ ҳамаҷониба таҳқиқ ва тарғиб карда шавад. Имрӯз аз файзу баракати истиқлолияту соҳибихтиёрӣ ва ваҳдати миллӣ мардуми мо дар шоҳроҳи рушди устувор бо азму иродаи қавӣ ба имрӯзу фардои Ватани азизамон қадам мезананд. Сатҳи зиндагӣ, маърифату ҷаҳонбинӣ ва худшиносиву ғурури миллии мо пайваста такомул ёфта, назария ва амалияи давлатдории Тоҷикистони озоду демократӣ дар ҷаҳони муосир эътироф шуда, мақому манзалати шоистаи худро пайдо намудааст, ки боиси ифтихори ҳамаи мо мебошад.
✅Имсол Рӯзи Ваҳдати миллӣ дар арафаи ҷашни муқаддасу фархундаи 35- умин солгарди Истиқлоли давлатӣ, ки муҳимтарин давстоварди таърихи навини миллати сулҳдӯсту фарҳангсолори мо маҳсуб меёбад, таҷлил мегардад. Албатта роҳи бунёди давлати демократӣ, ҳуқуқбунёд, дунявӣ ва ташаккули ҷомеаи шаҳрвандӣ дар Тоҷикистон, ки мо бо он устуворона пеш рафта истодаем, воқеан далели барҷастаи пирӯзии ваҳдат, ҳамдигарфаҳмӣ, таҳаммулгароӣ, ягонагии халқ ва ҳокимияти сиёсӣ маҳсуб меёбад.
📖Хушбахтона, бо такя ба сабақҳои таърих ва хиради мардуми фарҳангсолори тоҷик, талошҳои пайвастаи Асосгузори сулҳу ваҳдати миллӣ- Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ба халқи тоҷик муяссар шуд, ки дар муддати кӯтоҳ пеши роҳи низои даҳшатноки дохилиро гирад, барои интихоби низоми давлатдории муосир ва рушди мамлакат заминаи мусоид фароҳам овард. Мардуми соҳибмаърифату сулҳҷуи мо таҳти парчами ваҳдату ягонагии миллат ба ҳам омада, ваҳдати миллиро ҳамчун шарти асосии пешрафти ҷомеа пазируфтанд ва барои ҳифзу таҳкими ин арзиши гаронбаҳо то ба имрӯз бо камоли ғайрату матонат азму талош варзида истодаанд. Тавре Пешвои миллат дар яке аз баромадҳояшон изҳор доштанд: «Дар замираи ҳар як фарди ҷомеа тарбия кардан ва таҳкиму тақвият бахшидани ҳисси баланди ватандӯстиву ватандорӣ, худшиносии миллӣ, эҳтиром ба арзишҳои маънавӣ ва муқаддасоти миллӣ яке аз омилҳои муҳими пойдории давлати соҳибистиқлол мебошад».
📊Маҳз бо кӯшишҳои пайгиронаи Пешвои миллат, асосгузори сулҳу Ваҳдати миллӣ, Президенти кишвар муҳтарам Эмомалӣ Раҳмон миллати парешон сарҷамъ омад, мамлакат обод шуд, пеш рафт, гул-гул шукуфт ва имрӯз дар чеҳраи ҳар як фарзанди тоҷику тоҷикистонӣ нишоту хурсандист, ваҳдату сулҳ пойдор аст. Пояи сулҳу осоиштагӣ дар ин сарзамини ҳамешабаҳор ба ҳадди бузург мустаҳкам гаштааст, зеро онро фарзанди фарзонаи кишвар муҳтарам Эмомалӣ Раҳмон устуворӣ бахшида, такягоҳ мебошад.
✅Ваҳдати миллӣ волотарин сайри такомули иҷтимоию сиёсӣ ва фарҳангию маънавии ҳар як халқу миллат ба ҳисоб рафта, дар заминаи арзишҳо ва унсурҳои муштараки фарҳангӣ ва ормонҳои ягонаи миллӣ- давлатӣ ба вуҷуд меояд. Маҳз омӯзиши чунин арзишҳои муштараки миллӣ, худшиносиву худогоҳии миллиро ба вуҷуд оварда, нигоҳдорӣ ва арҷгузории онҳоро баояндагон талқин медиҳад. Ваҳдат ва ҳувияти миллӣ арзишҳое мебошанд, ки дар заминаи ормонҳои миллӣ ба вуҷуд омада, аз ҳар фард дурандешӣ, ватандӯстию посдорӣ, қадршиносӣ ва арҷгузории арзишҳои миллиро талаб менамояд. Ин ду неъмати бебаҳо арзишҳое мебошанд, ки ҳама халқу миллат ва давлатҳо дар ҳама давру замон баонҳо ниёз доранд. Ваҳдати миллӣ замоне шакл мегиранд, ки дар ҳар як фарди ҷомеа ҳувияту худшиносии миллӣ ташаккул ёфта, ҳувияти диниро тобеи арзишҳои миллӣ созад ва дар ҳифзи унсурҳои фарҳанги миллӣ. якпорчагии Ватан, ҳифзи марзу буми он, умуман ҳамагуна муқдасоти миллӣ масъул будани худро дарк намоянд.
⏳Дар ниҳоят метавон гуфт, ки Ваҳдати миллӣ ба ҳайси як асолати маънавии халқ, симои дурахшони таъриху фарҳанг ва дигар арзишҳои моддиву маънавии миллати тоҷик аст, ки тӯли ҳазорсолаҳо мавҷудияти онро нигоҳ дошт. Бинобар ин ҳар фарди ҷомеаи моро зарур аст, ин муқддасотро монанди чор унсури ҳаётан муҳим нигоҳ дораду аз ҳар гуна манфиатҳои шахсӣ волотар гузорад. Дар маҷмӯъ, метавон гуфт, ки Ваҳдати миллӣ ганҷина ва сарватест, ки онро танҳо бо роҳи якдигарфаҳмӣ ва андешаи маслиҳатомез ба дастовардан мумкин аст.
📖Аслан вақте, ки мафҳуми Ваҳдати миллӣ ба гӯш мерасад, пеш аз ҳама хизматҳои содиқонаву софдилонаи Асосгузори сулҳу Ваҳдати миллӣ, Пешвои миллат Президенти Ҷумҳурии Тоҷикистон, муҳтарам Эмомалӣ Раҳмон пеши назар меояд, ки ҳанӯз аз рӯзҳои нахустини ба сари давлат омаданашон, аз минбари баланд гуфтанд: «Ман ба шумо сулҳ меоварам», сипас «Баргардонидани охирин гуреза ба ватан» ва сарҷамъии миллатро ба забон оварданашон, ба хотир мерасад.
📌Сулҳу ваҳдат нодиртарин неъмат буда, ҳар яки мо вазифадор ҳастем, ки онро чун гавҳараки чашм ҳифз намоем.

✍МАВЛОДОДОВА Ҷумагул
муовини декан оид ба тарбияи факултети филология ва журналистика

Амид Комилбеков

#Тоҷикистон #Душанбе #вазоратимаориф #вазоратикишоварзӣ
#вмкб #бадахшон #хогу #Хоруғ