Факултети филологияи тоҷики Донишгоҳи давлатии Хоруғ ба номи М. Назаршоев

10/09/2026

11/05/2026

11/05/2026

Номаи
табрикотии муовини Раиси маҷлиси миллӣ, Маҷлиси Олии Ҷумҳурии Тоҷикистон, Раиси Вилояти Мухтори Кӯҳистони Бадахшон муҳтарам Мирзонабот Алишер Худобердӣ ба муносибати 81-солагии Рӯзи Ғалаба

Ҳамасола дар Тоҷикистони биҳиштосои мо ба хотири ёдбуди онҳое, ки баҳри ҳифзи марзу бум ва халқи худ дар Ҷанги Бузурги Ватанӣ ҷон фидо намудаанд ва барои қадрдонии онҳое, ки баҳри ба даст овардани ғалаба мардонавор ҷангидаанд, 9 май ҳамчун Иди Ғалаба ҷашн гирифта мешавад. Оре, кулли хурду бузурги миллати мо ҳар сол Рӯзи Ғалабаро ҳамчун як саҳифаи пурифтихори таърихӣ ба хотири пос доштани диловариву шуҷоат ва ҷонбозиҳои фарзандони бонангу номуси Ватан таҷлил менамоянд ва соли равон аз таърихи муборизаҳои фидокоронаи дар майдонҳои Ҷанги Бузурги Ватанӣ 81 сол сипарӣ гардид.

Ба ин муносибат, собиқадорони меҳнат ва кулли мардуми Вилояти Мухтори Кӯҳистони Бадахшонро ба фарорасии Рӯзи Ғалаба сидқан табрик гуфта, ба хонадони мардуми сарбаланди Тоҷикистони азизу маҳбубамон сулҳу оромӣ, хушбахтӣ ва рӯзгори орому осуда орзу менамоям.

Мо имрӯз ба ёди онҳое, ки барои пирӯзии некӣ бар бадӣ ва оромиву сулҳу субот ҷони худро нисор намудаанд, сари таъзим фуруд меоварем. Пешвои миллат муҳтарам Эмомалӣ Раҳмон дар яке аз баромадҳояшон ба ифтихори Рӯзи Ғалаба таъкид доштанд, ки “Дар таърихи инсоният санаҳое астанд, ки гузашти солҳо аҳамият ва бузургии онҳо боз ҳам бештар баён мегардаднд. Рӯзи Ғалаба ҳам дар радифи ҳамин гуна санаҳои фаромушнашаванда мақому манзалати хос дорад. Он барои тамоми инсоният, аз ҷумла барои мо тоҷикистониён низ азиз ва гиромӣ мебошад".

Мавриди зикр аст, ки дар ин ҷанги хонумонсӯз аз кишвари мо беш аз 300 ҳазор нафар мардони далеру шуҷоъ баҳри дифои сарзамини хеш сафарбар гардиданд, ки дар ин радиф ҷавонмардони Вилояти Мухтори Кӯҳистони Бадахшон низ қарор доштанд.

Ҳамаи ин фидокориву ҷоннисориҳои иштирокчиёни Ҷанги Бузурги Ватанӣ то имрӯз дар хотираи мардум нақш бастааст ва хурду бузург бо некӣ аз онҳо ва аз қаҳрамониҳои онҳо, ки баҳри халқу Ватан кардаанд, ҳамеша таҳти шиори Ҳеҷ чиз ва ҳеҷ кас фаромуш намешавад, ёд мекунанд. Дар солҳои Ҷанги Бузурги Ватанӣ дар баробари родмардони тоҷик, ҳамчунин, занону куҳансолон ва наврасони кишварамон дар ақибгоҳ шабонарӯзӣ заҳмат кашида, дар таъмини сарбозону афсарон бо маводҳои ғизоӣ ва дигар лавозимотҳои зарурӣ саҳми муносиби худро мегузоштанд.

Агар мо ба таърих нигарем, Рӯзи Ғалаба моро водор месозад , ки сулҳ чизи арзишманд аст, ва онро бояд ҳамчун гавҳараки чашм ҳифз намуд. Зеро ин рӯз ба насли ҷавон имконият медиҳад, ки қаҳрамонии падару бобоёни худро фаромӯш накунанд ва аз таърихи гузашта сабақ гиранд.

Бигзор насли ояндаи Тоҷикистон бо чунин ҳисси бузурги ватандӯстиву ватанпарастӣ ва ифтихори миллӣ нерӯи худро танҳо барои ободии Ватан равона созад .

Бо ҳамин ниятҳои нек бори дигар 81-умин солгарди Рӯзи Ғалабаро ба кулли ҳамватанон табрику таҳният гуфта ва ба мардуми шарифи Тоҷикистон хонаи обод ва фазои орому осуда таманно дорем.

Ид муборак, ҳамватанони азиз!

05/05/2026

05/05/2026

муаллимаи калони кафедраи забони точики Зоолшоева Ф.Ф.

🇹🇯📈📙ҲИФЗИ ҚОНУН ВА ҲУҚУҚИ ИНСОНИЯТ🇹🇯📈📙

📖Дар ҳаёти инсоният, ҳуқуқ ва озодиҳои инсонро давлат эътироф ва ҳифз менамояд. Ва касе ҳақ надорад ба ҳуқуқ ва озодиҳои инсон даст занад ва онро поймол гардонад.
📙Қабул шудани Конститутсияи Ҷумҳурии Тоҷикистон дастоварди бузургтарин буда, дар нахустин моддаи он сабт гардидааст, ки “Ҷумҳурии Тоҷикистон давлати соҳибихтиёр, демократӣ, ҳуқуқбунёд, дунявӣ ва ягона мебошад”. Ин пеш аз ҳама чунин маъно дорад, ки дар саросари кишвар муносибатҳои ҷамъиятӣ асосан дар асоси қонуну қонуният сурат мегирад.
📍Қудрату устувории ҳар давлат ба амали қонунҳои он вобаста аст. Агар қонун риоя нагардад, эҳтиром карда нашавад, давлат ногузир рӯ ба таназзул ва нобудӣ меоварад. Қонун бояд меъёри ягонаи амал ва кирдору рафтори ҳар узви ҷомеаи имрӯзаи мо бошад.
✅Дар солҳои охир баъзе аз намуди ҷиноятҳо ба муқобили озодии инсон ба монанди одамрабоӣ, ғайриқонунӣ маҳрум сохтан аз озодӣ, ҷалби одамон барои истисмор, ғайриқонунӣ ҷойгир кардан дар шифохонаҳои бемориҳои рӯҳӣ, маҷбуркунӣ барои иҷро кардан ё накардани кирдор берун аз иродаи шахс дар ҷамъият бештар ба чашм мерасад. Дар натиҷаи чунин кирдорҳо ба озодии шахс, ҳаёт ва саломатии ӯ таҷовуз карда мешаванд, ки ин асос барои бори аввал дар Кодекси ҷиноятии Ҷумҳурии Тоҷикистон пешбинӣ шудани ин ҷиноятҳо гардиданд.
📈Қонуни ҷиноятӣ ҳифзи обрӯ ва эътибори шахсро яке аз вазифаҳои муҳим эътироф карда туҳмат ва таҳқире, ки обрӯ ва эътибори шахсро паст мезанад ба номи некаш нанг меоваранд, ҷиноят ҳисобида нисбати шахсони гунаҳкор ҷазои ҷиноятӣ пешбинӣ мекунад.
📉Одамрабоӣ яке аз ҷиноятҳои вазнинтарин ба ҳисоб меравад. Дар зери ин мафҳум ҳаракатҳои қасдонаи зиддиҳуқуқии бо роҳи пинҳонӣ, ошкоро, бо роҳи фиреб ё суистифодаи боварӣ ё бо истифодаи зӯроварӣ ё таҳдиди истифодаи он ғасби одами зинда, маҳрум сохтан аз иштирок дар муносибатҳои иҷтимоӣ, ҷойивазкунии вай аз ҷои истиқомати доимӣ ё муваққатӣ бо мақсади нигоҳ доштан дар ҷои дигар зидди иродаи ӯ фаҳмида мешавад. Одамрабоӣ танҳо бо ҳаракати фаъолона содир карда мешавад. Инчунин бо роҳи пинҳонӣ, ошкоро, фиреб ва ё суистифодаи боварӣ низ содир карда мешавад. Одамрабоӣ дар якҷоягӣ бо дигар кирдорҳои ҷиноятӣ ба мисли таҳдиди одамкушӣ, лату кӯб, таҷовуз ба номус ва ғайраҳо содир карда шуданаш мумкин аст. Одамрабоӣ аз ҷониби гуруҳи шахсон бо маслиҳати пешакӣ ташкил карда мешавад. Дар вақти содир намудани одамрабоӣ ҳама гуна яроқи оташфишон, сард ва ё газӣ (таппонча, револвер) инчунин ашёҳои дигар аз ҷумла ашёҳои хоҷагӣ (табар, корд, санг ва ғайра) дохил мешаванд, Ин асбобҳои махсус, ки ба воситаи онҳо ба ҷисми инсон зарар оварда мешавад, истифода бурда мешаванд.
📌Одамрабоӣ аз ҷониби гуруҳи муташаккил ташкил карда мешавад ва новобаста аз тақсимоти вазифаҳо дар дохили гуруҳ, ҳамаи иштироккунадагон дар пеши қонун бо ҷавобгарӣ кашида мешаванд.
📝Намуди дигари одамрабоӣ ба мақсади гирифтани аъзои бадан ё бофтаҳои ҷабридида барои трансплантатсия, яъне ба мақсади истифода бурдани аъзои бадан ё бофтаҳои бадани ҷабрдида, ин нишони васеъ шудани имкониятҳои тиб оиди аз як одам ба одами дигар ҷойгир намудани узвҳо ва ба қисмҳо фурӯхтани узвҳои бадани ҷабрдида, яке аз воситаҳои муҳимми ба даст овардани маблағи калон ба ҳисоб меравад.
✅Дар замони соҳибистиқлоли давлати азизамон, ки ҳамаи шароит барои пешрафти ҳаёти инсоният муҳайё гардидааст, набояд шаҳрвандони баору номуси Ватанамон бо чунин кирдорҳои пасти ғайриқонунӣ даст зананд. Бояд аз як гиребон сар бароранду дар якҷоягӣ барои пешрафт ва ободию созандагии Ватани азизамон саҳми арзандаи хешро гузоранд.

✍ЗООЛИШОЕВА Фируза
муаллими калони кафедраи забони тоҷикӣ

Амид Комилбеков

#Тоҷикистон #Душанбе #вазоратимаориф #вазоратикишоварзӣ
#вмкб #бадахшон #хогу #Хоруғ

26/11/2025

26/11/2025

🇹🇯📈📚НАҚШИ КИТОБ ДАР РУШДИ ТАФАККУР ВА МАЪНАВИЁТИ ИНСОН🇹🇯📈📚

🖊Ду боли мурғи бахтовар китоб аст,
Ба кӯҳи ормон шаҳпар китоб аст.
Китоби хуб беҳин ҳамнишин аст,
Рамузи ду ҷаҳон андар китоб аст.

📖Китоб яке аз бузургтарин офаридаҳои инсон, чароғи маърифат ва ганҷинаи дониш маҳсуб мешавад. Инсоният дар тӯли таърихи мавҷудияти худ ва то ба имрӯз бо қудрати тафаккур, истеъдод, забон, ки эҳдои эзадист, ҷаҳони худро ҳусну зебоӣ бахшида, барои рӯзгори худу наслҳои баъдинаи худ мероси ғанӣ ва пурқиматро ба ёдгор гузошт. Имрӯзиён дар асоси он мероси пурқимати таърих, ки аз гузаштагонашон ба мерос гирифтаанд, таҳкурсии рӯзгори худро устувор гардонда, ба он мероси бузурги аҷдодон аз худ бо қудрати тафаккуру дарку нерӯи қобилият арзишҳои навро зам намуда, аз аср ба асру асрҳо интиқол дода шуд, насли нави инсонҳо онро боз қавитару пурра мегардонданд ва ҷаҳони инсоният маърифатпӯш мегардид ва идома дорад
📗Китоб яке аз он василаю офаридаҳои бузург, раҳнамои ростин, дӯсти беғаразу маърифатраҳнамой маҳсуб мегардад, ки шоҳроҳи зиндагиномаи инсониятро ҳамеша мунаввар ва чаманзори зиндагиро сарзабз менамояд. Ҳеҷ як воситаи дигаре наметавонад ба монанди китоб ба рушди тафаккури одам ва ташаккули шахсияти ӯ таъсир расонад. Мутолиаи китоб шахсро водор месозад, ки далелу андешаҳоро дар зеҳни худ таҳлил кунад, фикр намояд, сабаб ва натиҷаи воқеаҳоро дарк кунад. Ин раванди кор қобилияти андешаи мантиқӣ, таҳлилӣ ва қиёсиро тақвият мебахшад. Ба воситаи мутолиаи китоб инсон аз гузашта сабақ мегирад ва роҳи ояндаашро равшан месозад. Бо хондани китоб инсон дарвозаҳои олами навро ба рӯи худ боз намуда, бо фарҳанг, урфу одат ва рӯзгори мардумони ҷаҳон ошно мегардад. Ба ин восита ҷаҳонбинӣ васеъ гардида, нерӯи хаёлот ғанӣ мешавад. Мутолиаи мунтазами китоб хотираи инсонро қавӣ гардонда, луғатдониро инкишоф медиҳад ва зеҳнро фаъол менамояд.
✔Китоб дар баробари он ки барои инсон маълумотҳои зиёдро пешниҳод мекунад, инчунин руҳро тарбият мекунад.Чунончи, мутолиаи осори бадеӣ дар инсон ҳисси ҳамдардӣ, дӯстдорӣ, инсондӯстӣ, ватандӯстӣ ва пиндору кирдору мо китобро нур дар хонадон, равшании роҳ, чароғи зиндагӣ ва беҳтарин дӯсту мураббии инсон гуфтаанд. Дар ин мавзуъ андешаҳои пурмуҳтаво, ҷолиб, баён ёфта, донишмандон китобҳои зиёдеро таълиф намудаанд.
📝Агар мо ба таърихи тамаддуни башар назар кунем, хоҳем дид, ки тамоми дастовардҳои илмӣ, адабӣ ва фалсафӣ маҳз ба василаи китобҳо аз насл ба наслҳо интиқол дода шудаанд. Мутолиаи китоб ба инсон имкон фароҳам меорад, ки ҷаҳонро амиқ шиносад, миёни воқеият ва хаёлот фарқ гузорад, ояндаи зиндагӣ барояш равшан мешавад.
📌Бо вуҷуди рушди техника ва технология, интернет нақши китоб дар рӯзгори маънавии инсон коҳиш наёфтааст ва нахоҳад ёфт. Баръакс, дар шароити афзун гаштани иттилоот китоб ҳамчун манбаи боэътимод бештар арзиш пайдо мекунад. Шайх Саъдии Шерозӣ фармудааст:”Китоб чашмаи хирад аст, ҳар кӣ аз он нӯшад, ташна намонад”. Дар ҳақиқат, ҳамин тавр аст. Ҳар нафаре, ки китоб мехонад, гӯё бо чандин нафар донишманду мутафаккиру адиб ҳамсуҳбат мешавад. Ҳар фарде, ки китобро дӯст медораду ҳамеша мутолиа мекунад, ҳеҷ гоҳ дар зулмоти ҷаҳолат намемонад ва метавонад ба дигарон кӯмак намояд, роҳи зиндагиашонро равшан созад.
📚Ҷои хушҳолию ифтихор аст, ки бо Амри Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Тоҷикистони азиз тайи чанд сол Озмуни ҷумҳуриявии "Фурӯғи субҳи доноӣ китоб аст" баргузор мегардад.
📖Мушоҳидаҳои чандинсола собит месозанд, ки озмуни “Фурӯғи субҳи доноӣ китоб аст” дар рушди тафаккур, комил шудани маърифати одам, бахусус, насли ҷавон хеле кӯмак менамояд ва дар ин масъала, ба фикри мо, ҷои баҳсе нест.
✅Он чиз ҳам ҷолиби таваҷҷуҳ мебошад, ки теъдоди иштирокдорони Озмун дар ҳамаи номинатсияҳо сол то сол афзун мегардад ва ин равиш тасдиқи он мебошад, ки завқи мардум ба китобу китобхонӣ ба таври афзоянда зиёд мегардад.
📍Миллати тоҷик рисолати фарҳангпарвариро аз даврони пеш бар дӯш дошт ва то кунун бори ин корвони маърифат сол то сол пурратару бештар мешавад ва бояд ҳамин тавр бошад, чаро ки:
🖊Таърих гувоҳ аст, ки дар арсаи олам
Аз аҳди Каюмарс ва ё Ҳазрати Одам.
Халқе, ки силаҳ хост, силаҳдор шуд, охир,
Мо пушти китоб омада то соҳили ин дам.
🗻Аз таърихи 12.08.2025 то 19.08-2025 дар маркази маъмурии Вилояти Мухтори Кӯҳистони Бадахшон- шаҳри Хоруғ даври сеюми Озмуни ҷумҳуриявии “Фурӯғи субҳи доноӣ китоб аст” аз рӯи чор номинатсия баргузор гардид. Дар ҳайати ҳакамони Озмуни ҷумҳуриявӣ, даври вилоятӣ олимон, профессорон - Директори Китобхонаи миллӣ, Ҷумъахон Файзализода (Раиси ҳайати ҳакамони Озмун), Бобомурод Шарифзода (Раиси ҳайати ҳакамони номинатсияи хондан ва аз ёд кардани осор аз адабиёти классикӣ), аҳли адабу фарҳанг Шодӣ Раҷаб (Раиси ҳайати ҳакамони номинатсияи хондан ва аз ёд кардани осор аз адабиёти муосири тоҷик), Нишон Ҳамроҳ (Раиси ҳайати ҳакамони номинатсияи хондан ва аз ёд кардани осор аз адабиёт барои кӯдакон), Шаҳобиддин Назаров ва Майрамбек Тойчиев (раиси ҳайати ҳакамони номинатсияи хондан ва аз ёд кардани осор аз адабиёти ҷаҳон, устоди Донишгоҳи давлатии Хоруғ ба номи М. Назаршоев) ширкат намуданд.
📗Маълум аст, ки арзиши Озмуни ҷумҳуриявии “Фурӯғи субҳи доноӣ китоб аст” бедор кардани муҳаббати наврасону ҷавонон нисбат ба китобхонӣ буда, онҳо осори бузургони адабиёт, илм ва адабиётро боз такрор менамоянд ва онҳоро ҳамчун ашхоси босаводи ҷомеаи оянда омода месозад.
📖Ин озмун ҳамчун рукни ваҳдату баҳамоӣ маҳсуб мешавад, зеро дар он тамоми табақаҳои ҷомеа – аз хонанда то муаллиму аз донишҷу то коргару нафақахӯрро гирд меорад. Озмун майдони санҷиши дониш ва қобилияти суханварӣ мебошад. Ба воситаи китобхонӣ насли ҷавон ба илму маърифат ҷалб шуда, ҷомеаро ба сӯи дониш раҳнамун месозад. Озмун воситаи зинда нигоҳ доштани китоб, ҳифз намудану арҷ гузоштан ба ин ганҷинаи пурқимат дар ҷомеа мебошад.
📊Иштироки табақаҳои калонсол ва ашхоси маъюб дар Озмуни ҷумҳуриявӣ, агар аз як тараф, завқу шавқи баланди худи онҳо ба китобхонӣ бошад, аз ҷониби дигар, шавқи насли наврасу ҷавонро ба мутолиаи китоб бештар мегардонад ва илова бар ин, онҳо ба ин васила таҷрибаи наву бештарро аз худ менамоянд.
📜Андешаи донишмандон - ҳайати ҳакамони Озмуни “Фуруғи субҳи доноӣ китоб аст”, ки имсол дар шаҳри Хоруғ баргузор гардид, хеле некбинона аст. Ба пиндори устодон, омодагии иштирокдорони озмун сол то сол ҳам аз нигоҳи теъдод ва ҳам аз назари сифат нисбат ба солҳои пешин хеле пешрафта аст.
Равшан гардид, ки мутолиаи китоб аз ҷониби насли наврасу ҷавон хеле ҷиддӣ шуда, иштирокчиён собит намуданд, ки хондани китоб заҳмат мехоҳад ва ҳамчунин дарк намуданд, ки ин заҳматҳо шириниҳоро туҳфа хоҳанд намуд.
Барои баргузор кардани озмун Мақомоти маҳаллии ҳокимияти давлатии вилоят, ҳукумати шаҳр, Раёсати маорифи вилояту шаҳр, Донишгоҳи давлатии Хоруғ ба номи Моёншо Назаршоев шароити хуб фароҳам овардаанд, ки Озмун бо равиши муътадил, ором ва бо омода будани ҳама гуна шароити даркорӣ сурат гирад.
📉Бо ҳамаи онҳое, ки дар даври вилоятӣ ширкат намуданд, изҳори ташаккур гуфта, ба онҳое, ки ба даври ниҳоии озмун роҳхат гирифтанд, комёбиҳоро таманно мекунем.

✍МИРЗОҲАСАНОВ Лаълҷуба,
дотсенти кафедраи адабиёт ва рӯзноманигори

Амид Комилбеков

26/11/2025

🇹🇯📈📙ДОНИШ АНДАР ДИЛ ЧАРОҒИ РАВШАН АСТ🇹🇯📈📙
📖(дар ҳошияи рузи дониш)
📚Дониш самарае аст, ки тавассути он инсон ба мавқеи азалии хеш расида, рисолати таърихииашро ба сомон мерасонад ва он танҳо тавассути сахткушу талош ҳосил мешавад. Аз ин рӯ, барои насли инсон талаби илму дониш фарз ва ҳатмӣ аст. Мардуми тамаддунсози тоҷик, ки аз азал бо илму дониши хеш маъруфу машҳур аст, ҳамасола рузи донишро бо шукӯҳу шаҳомати хосса ҷашн гирифта мешавад.
📈Бе сабаб нест, ки дар Ҷумҳурии Тоҷикистони азизамон рузи дониш ҳар сол бо оғоз гардидани соли таҳсил таҷлил мегардад ва он аз соҳибтамаддуниву соҳибфарҳангии ин халқи куҳанбунёд шаҳодат медиҳад. Таҷлили бошукуҳи ин руз ҳамчун иди миллӣ муаррифӣ шуда, аз ҷониби Асосгузори сулҳу ваҳдати миллӣ, Пешвои миллат, Сарвари мамлакат муҳтарам Эмомалӣ Раҳмон он ҳамчун “Дарси сулҳ” гузаронида мешавад, ки дар он кулли мардуми сарбаланди тоҷик бо самимияти том якдилона иштирок менамоянд. Ин пеш аз ҳама эҳтиром гузотан ба сулҳу суботи комили миллии тоҷикон буда, суботи сиёсии ҷомеа, мақоми илму маориф, маънавият ва маърифат, меҳнати пурмашаққати омӯзгорон ва заҳмати хонандагону мактаббачагон, яъне насли ояндаи миллат мебошад. Чунонки дар яке аз суханрониҳояш Пешвои миллат иброз медоранд: “Дар даврони истиқлоли давлатӣ дар оғози соли таҳсил таҷлил намудани Рӯзи дониш ва Дарси сулҳ дар ҳамаи зинаҳои таҳсилоти низоми маорифи кишвар ба яке аз анъанаҳои неки умумимиллӣ дар Тоҷикистон табдил ёфтааст. Имрӯз бо дарназардошти тағйирёбии фазои сиёсиву иҷтимоии ҷаҳон ва бедор намудану тақвият бахшидани ҳисси миллӣ, худшиносиву худогоҳӣ, ватандӯстиву ватанпарастӣ ва ифтихори ватандорӣ дар зеҳну шуури кӯдакону наврасон ва ҷавонон зарурати ворид намудани тағйирот ба консепсияи мазкур ва мукаммал намудани он ба миён омадааст”.
📌Бо ин андешаҳои ҷолиб ва саривақтӣ Сарвари мамлакат тамоми мардуми тоҷикро ба омӯхтани илму дониш ташвиқ менамояд ва таъкид бар он месозад, ки танҳо насли соҳибдонишу соҳибфарҳанг метавонад мавқеи хешро дар ҷомеаи имруз пайдо намояд ва барои пойдории сулҳу субот ва ваҳдату якпорчагии Ватани азизи хеш талош намоянд.
📈 Ба ин хотир қобили тазаккур аст, ки ҳамасола дар Ватани азизамон ҷашни умумимиллӣ “Рузи дониш” ҳамчун иди маърифат ва дониш ҷашн гирифта мешавад. Ин нишонгари он аст, ки мардум бо сарварии Пешвои миллат пайваста талош доранд, то ҳарчи зудтар ба пешрафтҳои бесобиқа ноил гарданд ва барои насли наврас зиндагии шоиста ва бенуқсонро муҳайё созанд. Зеро дар ҷаҳони муосир илм ва дониш ҳамчун яке аз сарчашмаҳои асосии пешрафти соҳаи иҷтимоӣ аҳамияти бештар пайдо мекунанд. Аз ин лиҳоз, барои ҳар як фарди тоҷик ҷоиз аст, ки дар ин иқдоми неку созанда талош намояд ва барои зиндагии босаодати насли ояндаи кишвар саҳмгузор бошад. Зеро дар замони соҳибистиқлолӣ бо ибтикори бевоситаи Пешвои миллат муҳтарам Эмомалӣ Раҳмон барои беҳтар намудани шароити таълим ба хонандагону донишҷӯён шароит фароҳам оварда шуда, дар тамоми гӯшаву канори мамлакат садҳо муассисаҳои таълимии томактабию миёна ва олӣ бо китобхонаҳои электронӣ ва шароити мусоид барои таҳсил таҷҳизонида шудааст.
📊Гузаронидани дарсҳои сулҳ аз ҳар ҷиҳат ба мафкураи наврасону ҷавонони кишвар таъсирбахш буда, дар рӯҳияи ватандустӣ ва эҳтиром гузоштан ба сулҳу суботи мамлакат, илму маориф ва ватани аҷдодӣ тарбия менамояд. Зеро бидуни ташаккули зеҳни ҷавонони боистеъдод ва бидуни омӯзиши донишҳои муосир, омӯзиши илмҳои муосири электронӣ ва ҷорӣ намудани технологияҳои нав, мо наметавонем ба ҳадафҳои умедбахши хеш расида, рушди минбаъдаи сармояи инсониро дар кишвар таъмин кунем. Мо набояд фаромӯш кунем, ки ояндаи неки давлату миллати аҷдодии мо бештар аз таҳсилоти ҳозираи наврасону ҷавонон вобаста аст.

✍️БЕҲРОНШО Ҷумъа
н.и.ф.,декани факултети педагогӣ

Амид Комилбеков