Донишкадаи исломии Тоҷикистон

ВАРЗИШ НА ТАНҲО ҚУВВА, БАЛКИ ХИСЛАТ МЕСОЗАД!
26 октябри соли 2024 н. И. Сомонӣ
Санаи 26 октябри соли 2024 дар доираи дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри таъмини оммавияти варзиш ва таҳкими солимии миллат, зимни мулоқот бо намояндагони ҷавонони ҷумҳурӣ санаи 23 майи соли 2013 баён гардидааст, ки ҳар рӯзи шанбе дар қаламрави ҷумҳурӣ "Рӯзи варзиш" эълон карда шуда, дар доираи он аз ҷониби масъулини бахши кор бо ҷавонон ва варзиши ноҳия дар якҷоягӣ бо роҳбарият ва кормандони мақомоти иҷроияи ҳокимияти давлатии ноҳияи Исмоили Сомонӣ, Донишкадаи исломии Тоҷикистон ба номи Имоми Аъзам дар боғи Аҳмади Дониш машқи пагоҳирузӣ таҳти унвони "Зебоӣ, тавоноӣ ва доноӣ аз варзиш аст" доир карда шуд.

24-уми октябри соли 2024 дар толори Муассисаи давлатии «Донишгоҳи давлатии тиббии Тоҷикистон ба номи Абӯалӣ ибни Сино» бо ташаббуси Агентии назорати давлатии молиявӣ ва мубориза бо коррупсияи Ҷумҳурии Тоҷикистон конференсияи муштараки ҷумҳуриявӣ дар мавзуи «Конститутсия - бахтномаи миллат, калиди маърифат ва ташаккули фазои зиддикоррупсионии ҷомеа» баргузор гардид.
Дар конференсия зиёда аз 10 нафар кормандон ва 50 нафар донишҷӯёни Донишкадаи исломии Тоҷикистон ба номи Имоми Аъзам иштироки фаъолона доштанд.

ТАҶЛИЛИ РӮЗИ АБУАБДУЛЛОҲ РӮДАКӢ ДАР ДОНИШКАДАИ ИСЛОМИИ ТОҶИКИСТОН

Дар таърихи 21 сентябри соли ҷорӣ дар Донишкадаи исломии Тоҷикистон, ба муносибати гиромидошти рӯзи устод Абуабдуллоҳ Рӯдакӣ, ки ҳамасола дар асоси «Қонуни Ҷумҳурии Тоҷикистон дар бораи рӯзҳои ид» рӯзи 22 сентябр» таҷлил карда мешавад, семинари илмӣ-методологӣ баргузор гардид. Дар ин ҳамоиши илмӣ, ки «Абуабдуллоҳ Рӯдакӣ - асосгузори шеъри тоҷикӣ» ном дошт, раёсат, омӯзгорон ва донишҷӯёни Донишкада иштирок доштанд.
Дар чорабинии мазкур ректори Донишкада - Зокирзода Н.М., муовини ректор оид ба таълим – Қурбонов Б.Р. ва мудикри кафедраи забонҳои муассиса – Саидзода В. бо маърӯзаҳои илмӣ баромад намуданд. Баромадкунандагон қайд намуданд, ки дар ҳақиқат устод Рӯдакӣ асогузори шеъри классикии тоҷикӣ аст. Гарчанде пеш аз устод Рӯдакӣ ба забони шевои тоҷикӣ шеър сурудаанд, аммо устод Рӯдакӣ тамоми жанрҳои шеъриро, аз он ҷумла қасида, рӯбоӣ, ғазал ва ғ. такмил дода, ба авҷи аълои худ расонд. Ҳамзамон дар ин ҳамоиши илмӣ таъкид гардид, ки маҳз дар аҳди Сомониён, ки Рудакӣ намояндаи он буд, забони ноби тоҷикӣ таҚвият ёфт, ки бевосита давлатдории миллии тоҷикӣ дар ин давра заминаи мусоид фароҳам оварда буд.
Инчунин донишҷӯён аз ашъори устод Рӯдакӣ шеърҳо қироат намуданд.

Дар ДИТ бо иштироки ҳайати омўзгорон, кормандон ва донишҷўён (фориғ аз машғулиятҳои дарсӣ) рўзи 21.09.2024 шанбегӣ гузаронида шуд. Дар шанбегӣ роҳравҳо, бехҳои дарахтону гулҳои саҳн ва атрофи Донишкада ва роҳи масҷиди марказиро тозаву озода намуданд.

Иштироки қисми тарбия ва бахши ҷавонони Донишкадаи исломии Тоҷикистон дар ҳамоиши тантанавию фарҳангии ҷавонони касбу кори гуногуни пойтахт таҳти унвони “Ҷавонон меросдори арзишҳои соҳибистиқлолии кишвар”, дар доираи эълон гардидани соли 2024 “Соли маърифати ҳуқуқӣ” дар толори Донишгоҳи давлатии тиббии Тоҷикистон ба номи Абӯалӣ ибни Сино.

Дар доираи нақша чорабиниҳои тарбиявӣ – фарҳангии Донишкадаи исломии Тоҷикистон санаи 18 – уми сентябри соли 2024 омӯзгорон ва 200 нафар донишҷӯёни Донишкада берун аз машғулиятҳои дарсӣ дар тамошои намоишнома асари Султон Усмонов дар театри Академӣ – драмавии ба номи А.Лоҳутӣ иштирок намуданд.

Дар доираи амалишавии Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025 ва нақша-чорабиниҳои тарбиявии Донишкадаи исломии Тоҷикистон ба номи Имоми Аъзам.

Раёсати Донишкада санаи 13-уми сентябри соли 2024 бо донишҷӯёни курсҳои якум ҷамъомад баргузор намуд.Дар ҷамъомад, ректори Донишкада – Зокирзода Н.М., сардори раёсати таҳсилоти динии Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон – Юсуфзода Файзигул, муовини ректор оид ба тарбяи Матинов Х., сардори шуъбаи кадрҳо – Ҷомадов Х., ва декани факултети филологияи Шарқ Каримов Р., баромад намуданд. Дар маҷлис баромадкунандагон доир ба вазифаҳои донишҷӯ дар муассисаи таълимии олӣ, истифодаи телефонҳои мобилӣ, таълимоти ғайрирасмии динӣ ва моҳияти он, гуруҳҳои террористӣ-экстремистӣ ва таҳдиди онҳо ба ҳаёти ҷомеа, аъзошавӣ ба китобхонаҳо, иштирок дар озмунҳои маърифатии донишкадавӣ ва ҷумҳуриявӣ ва ғайраҳо баромад намуданд.

"МИЛЛАТИ ҶИСМАН СОЛИМ-РУҲАН НИЗ МУҚТАДИР ВА ШИКАСТНОПАЗИР АСТ"
Санаи 7 сентябри соли 2024 дар доираи дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри таъмини оммавияти варзиш ва таҳкими солимии миллат, зимни мулоқот бо намояндагони ҷавонони ҷумҳурӣ санаи 23 майи соли 2013 баён гардидааст, ки ҳар рӯзи шанбе дар қаламрави ҷумҳурӣ "Рӯзи варзиш" эълон карда шудааст.Машқи пагоҳирузӣ дар боғи Аҳмади Дониш таҳти унвони "Зебоӣ, тавоноӣ ва доноӣ аз варзиш аст" доир карда шуд. Дар ин машиқи пагоҳирӯзи донишҷӯёни Донишкадаи исломии Тоҷикистон иштироки фаъолона доштанд.

Санаи 07.09.2024 бо мақсади тақвияти корҳои созандагию ободкорӣ ва дар сатҳи баланд таҷлил намудани 33-солагии Истиқлолияти давлатии Ҷумҳурии Тоҷикистон ва чорабиниҳои марбут ба он бо иштироки ҳайати омўзгорон, кормандон ва донишҷӯён (фориғ аз машғулиятҳои дарсӣ) шанбегӣ гузаронида, роҳравҳо, саҳни ҳавлӣ ва кӯчаву хиёбонҳои ҳамшафати Донишкадаро тозаву озода намуданд.

Санаи 06.09.2024 донишҷӯёни Донишкадаи исломии Тоҷикистон дар кушодашавии мусобиқаи варзишӣ оид ба намуди Футболи хурд барои дарёфти “Ҷоми Ҳизби Халқии Демократии Тоҷикистон” дар майдончаи варзиши Маҷмааи варзишии Донишгоҳи миллии Тоҷикистон иштирок намуданд.

ПЕШВОИ МИЛЛАТ МУҲТАРАМ ЭМОМАЛӢ РАҲМОН ЭҲЁГАРИ ДАВЛАТДОРИИ МИЛЛӢ ВА ТАҲКИМБАХШИ ИСТИҚЛОЛИЯТИ ДАВЛАТӢ.
Истиқлолияти давлатӣ дастоварди бузург дар таърихи давлатдории тоҷикон мебошад. «Истиқлолият» мафҳуми арзишманд ва дар навбати худ калидие мебошад, ки ноил гардидан ба он шарафи бузург барои ҳар як миллат аст.
Истиқлолияти давлатӣ ба он мусоидат намуд, ки рушди босубот дар кишвар таъмин гардад, сатҳи некуаҳволии аҳли ҷомеа беҳтар ва натиҷаҳои бузург дар ҳаёти сиёсӣ, иҷтимоӣ ва фарҳангӣ ба даст оварда шавад.
Ба роҳ мондан ва татбиқи чаҳор ҳадафи стратегӣ дар даврони истиқлолият барои кишвар имконият фароҳам овард, ки вазъи иҷтимоӣ ва иқтисодӣ дар кишвар рушд ёбад ва такони ҷиддие дар сатҳи некуаҳволии ҷомеа ба амал ояд. Албатта, Истиқлолияти давлатии Тоҷикистон, ки таърихи 33-сола дорад, ба он мусоидат намуд, ки дар ҳаёти сиёсӣ, иқтисодӣ ва иҷтимоиву фарҳангии кишвар дастовардҳо ва комёбиҳои беназир ба даст оварда шаванд.
Яке аз дастовардҳои сиёсии истиқлолияти давлатӣ ин ба даст овардани давлатдорӣ мебошад. Маҳз дар сатҳи давлатдорӣ як миллат ё халқ метавонад сохти ҳаёти иҷтимоӣ, низоми сиёсӣ ва шакли идоракунии давлатро нишон диҳад ва дар навбати худ низоми ҳуқуқии миллиро таъсис диҳад. Аз ин лиҳоз, дар таърихи муосири Тоҷикистон ба даст овардани давлатдории миллӣ падидаи нодир буда, дастоварди беназири истиқлолият мебошад, ки дар он саҳми арзишманди Пешвои миллат басо бузург аст.
Раванди ба даст овардани истиқлолият дар ҷумҳурии мо назар ба дигар ҷумҳуриҳои осиёимиёнагӣ бе қурбониҳо ва душвориҳои сангин ба даст наомад. Дар байни қишрҳои гуногуни ҷомеа нофаҳмиҳо ба вуҷуд омад, ки билохир ба ҷанги шаҳрвандӣ оварда расонд. Хушбахтона, фарҳанги бузурги тоҷикона ғалаба кард ва дар тафаккури шаҳрвандон ҳисси ягонагӣ, ваҳдат, ҳамдигарфаҳмӣ, гузаштан аз ҷурми якдигар ба умеди шукуфоии оянда боло гирифт. Сулҳу ваҳдат дар кишвар пойдор гардид. Маҳз ваҳдати миллӣ ва сулҳ нуктаҳои калидие буданд, ки истиқлолияти давлатиро таҳким бахшиданд ва роҳро барои бартараф намудани рушди иҷтимоӣ, сиёсӣ ва иқтисодии кишвар кушоданд. Инчунин сулҳ имкон дод, ки ихтилофҳо дар кишвар барҳам дода шуда, тамоми гурезаҳо ба Ватан баргардонда шаванд ва як заминаи воқеӣ барои ҷомеаи боамну босубот дар кишвар муҳайё карда шавад.
Истиқлолияти давлатӣ барои мо имкон дод, ки баҳри ҳифзи забон, таърих ва фарҳанги ниёгони худ аҳамияти махсус диҳем. Чунки забони миллии мо ифодакунандаи таърих ва саргузашти миллат, воситаи муҳими мавҷудияти миллати тоҷик баҳри дарки ҳувияти ў дар тўли асрҳо ба шумор меравад. Истиқлолияти давлатӣ барои рушди забони тоҷикӣ, ҳамчун забони давлатӣ шароити мусоид фароҳам овард, ки ҳифзу гиромидошт ва тозагии он вазифаи ҳар як фарди бонангу номуси кишвар мебошад. Бояд қайд намуд, ки дар даврони истиқлолият баҳри бедории худшиносӣ ва ҳувияти миллӣ назари амиқ намудан ба таърихи миллати тоҷик ва расму ойинҳои миллӣ, рушди фарҳанги миллӣ ва амсоли инҳо корҳои зиёде ба сомон расонида шуданд.
Инчунин баргузор намудани ҳамоишҳои илмӣ баҳри бузургдошти фарзандони бузурги миллат бо ҷалби олимону муҳаққиқони ватаниву хориҷӣ низ дастоварди азими даврони истиқлолият ба шумор меравад. Ин ҷашнҳо, аз як тараф, бозгўкунандаи он ҳастанд, ки насли муосир бидонад, ки чунин таърихи воло ва аҷдодони барўманд дорад ва аз тарафи дигар, омили тақвиятбахшандаи ваҳдати миллӣ ва ҳамгироии шаҳрвандон дар зери парчами давлати мустақил бар зидди таҳдидҳои ҷаҳони муосир мебошанд.
Истиқлолияти давлатӣ барои рушди иқтисодиёти ватанӣ шароити мусоид фароҳам овард. Амалӣ гардондан ва тақвият бахшидани раванди татбиқи се ҳадафи стратегӣ – «баромадан аз бунбасти коммуникатсионӣ», «таъмини амнияти озуқавории кишвар» ва «ба даст овардани истиқлолияти энергетикӣ» вазифаҳои аввалиндараҷа буда, муҳайё намудани заминаҳои воқеӣ дар кишвар оид ба рушди соҳибкорӣ ва дар маҷмўъ, баланд бардоштани иқтисодиёт муҳим мебошад.
Рушди иқтисодии кишвар омили муҳим барои тақвияти ваҳдати миллӣ дар даврони истиқлолият низ мебошад. Дар минтақаҳои гуногуни ҷумҳурӣ корхонаҳои нав бунёд мегарданд ва ҷойҳои нави корӣ ба вуҷуд меоянд, ки боиси рушди ин ё он маҳал ва баланд гардидани сатҳи иқтисодии аҳли ҷомеа мегардад. Гурўҳҳои иҷтимоӣ-этникӣ дар рушди иқтисодиёти кишвар саҳми худро мегузоранд. Аз тарафи дигар, дар даврони истиқлолият муҳоҷирати дохилӣ низ тақвият пайдо кардааст, ки боз ҳам такони ҷиддие барои ҳамгироии намояндагони минтақаҳои гуногуни ҷумҳурӣ ва ваҳдати миллӣ мегардад.
Бунёди роҳҳои оҳан ва автомобилгард ба монанди «Роҳи мошингарди Бадахшон»,«Нақби Истиқлол», «Роҳи оҳани Хатлону Кўлоб»,таҷдид намудани бунёди неругоҳи бузурги аср – НБО-и Роғун, Сангтуда-1,Сангтуда2 қадами бузург баҳри иҷрои ҳадафҳои стратегӣ ва омили муҳим баҳри ҳамгироии ҷомеа маҳсуб меёбад.
Бояд қайд намуд, ки Истиқлолияти давлатӣ ба он мусоидат намуд, ки Ҷумҳурии Тоҷикистон сиёсати хориҷии худро рушд диҳад ва бо аксар давлатҳои минтақавӣ ва фароминтақавӣ муносибатҳои дипломатӣ, иқтисодӣ ва тиҷоратӣ барқарор намояд. Махсусан, бо пешбурди «сиёсати дарҳои боз», ки аз соли 2003 роҳандозӣ шудааст, Ҷумҳурии Тоҷикистон муваффақ гардид, ки мавқеи худро дар сиёсати байналмилалӣ устувор созад. Аз ҷумла, яке аз авлавиятҳои сиёсати хориҷии Ҷумҳурии Тоҷикистон «сиёсати дарҳои боз» мебошад.
Инчунин дар давоми 33 соли истиқлолият Ҷумҳурии Тоҷикистон худро дар арсаи байналмилалӣ ҳамчун ҷумҳурии демократӣ, мустақил, ҳуқуқбунёд ва дунявӣ муаррафӣ намуда, бо аксар кишварҳои дунё ва созмонҳои минтақавӣ ва ҷаҳонӣ муносибатҳои дипломатӣ ва ҳамкорӣ барқарор намудааст. Имрўз Ҷумҳурии Тоҷикистон аъзои як қатор созмонҳои бонуфузи минтақавӣ ва фароминтақавӣ ба монанди СММ, САҲА, Созмони Конфронси исломҳ, ЭКО, Созмони Паймони Амнияти Дастаҷамъҳ, Иттиҳоди Давлатҳои Мустақил, Созмони Ҳамкориҳои Шанхай ва ғ. мебошад.
Падидаи муҳими дигар дар сиёсати хориҷии Ҷумҳурии Тоҷикистон, ин қабул гардидани пешниҳодҳо дар сатҳи байналмилалӣ мебошад. Ин пешниҳодҳо бо сарварии Асосгузори сулҳу Ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ҳифзи манфиати миллӣ ва дарки баробариву ҳамкории судманд дар сатҳи байналмилалӣ манзур гардиданд. Махсусан, дар соҳаи об аз ҷониби Сарвари давлат ин ташаббусҳо – Соли байналмилалии оби тоза (соли 2003), Даҳсолаи амалиёти байналмилалии «Об барои ҳаёт» (солҳои 2005-2015), Соли байналмилалии ҳамкорӣ дар соҳаи об (2013) ва Даҳсолаи байналмилалии амал «Об барои рушди устувор», солҳои 2018-2028 пешниҳод гардиданд, ки Созмони Милали Муттаҳид онҳоро дастгирӣ ва доир ба онҳо қатъномаҳо қабул намуд. Бояд зикр кард, ки ташаббуси Даҳсолаи байналмилалии амал «Об барои рушди устувор», солҳои 2018-2028 22 марти соли 2018 оғоз гардид. Ба ин муносибат Президенти Ҷумҳурии Тоҷикистон муҳтарам Эмомалӣ Раҳмон дар Иҷлосияи 72-юми СММ суханронӣ намуда, таъкид карданд, ки масъалаи об ва таъмини он яке аз масъалаҳои муҳими инсоният ба шумор рафта, фаъолияти дастаҷамъона ва муносибати ҷиддиро тақозо менамояд.
Мавриди зикр аст, ки 3 марти соли 2021 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқоти якуми Панели сатҳи баланд оид ба масъалаҳои об ва иқлим, ки дар шакли видеоконференсия баргузор гардид, иштирок ва оид ба масъалаҳои об ва иқлим суханронӣ намуданд. Чорабинӣ таҳти раёсати Дабири кулли Созмони байналмилалии обуҳавошиносӣ Петери Таалас сурат гирифта, дар он Президенти Ҷумҳурии Тоҷикистон муҳтарам Эмомалӣ Раҳмон, Президенти Маҷористон Янош Адер, Раиси СММ-Об, Президенти Хазинаи байналмилалии рушди кишоварзӣ (IFAD) Гилберт Ҳунгбо, сарони ҳукуматҳои як қатор кишварҳо, инчунин коршиносони байналмилалӣ иштирок карданд. Президенти мамлакат сабаби асосии тағйирёбии иқлимро дар обшавии босуръати пиряхҳо дар натиҷаи гармшавии глобалӣ маънидод карданд. Таъкид гардид, ки мутаассифона, имрўзҳо мо босуръат об шудани яхро дар Арктика, Антарктида ва Гренландия мушоҳида менамоем. Ҳамчунин, тағйироти ҷиддӣ дар пиряхҳои воқеъ дар хушкӣ низ ба амал омада истодаанд.
Сарвари давлат муҳтарам Эмомалӣ Раҳмон оид ба вазъи имрўзаи пиряхҳои Тоҷикистон андешаронӣ карда, таъкид доштанд, ки вазъи ба ин монанд дар пиряхҳои Помир низ ба вуҷуд омада истодааст. Обшавии бузургтарин пиряхи воқеъ дар хушкӣ - пиряхи Федченко дар Тоҷикистон, ки зиёда аз 75 километр дарозӣ дорад, намунаи возеҳи ин гуфтаҳо мебошад. Пажуҳишҳо нишон медиҳанд, ки фақат дар тўли 70-80 соли охир пиряхи Федченко зиёда аз як километр ақиб рафта, майдони он то 44 километри мураббаъ кам шудааст. Зиёда аз ин, ҳаҷми он 15 километри мукааб ихтисор гардида, суръати миёнаи ақибравии нӯги (забони) пирях дар як сол 16 метрро ташкил медиҳад.
Сарвари давлат пиряхҳоро захираи асосии оби соф арзёбӣ карда, изҳор доштанд, ки обшавии босуръати онҳо дар баробари зиёдшавии истеъмоли об, ки бо афзоиши аҳолӣ ва рушди иқтисодӣ вобастагӣ дорад, метавонад ба оқибатҳои бағоят манфӣ оварда расонад.
Президенти мамлакат таъкид доштанд, ки обшавии пиряхҳои Арктика ва Антарктида боиси баландшавии сатҳи уқёнуси ҷаҳонӣ гардидааст ва ин омил, дар навбати худ метавонад ба ҳаёт ва накўаҳволии садҳо миллион сокинони Замин, хусусан дар кишварҳои хурди ҷазиранишин ва минтақаҳои наздисоҳилии онҳо, таҳдид ба бор орад.
Дар ин робита Сарвари давлат муҳтарам Эмомалӣ Раҳмон пешниҳод карданд, ки соли 2025-ум Соли байналмилалии ҳифзи пиряхҳо эълон гардида, санаи Рўзи ҷаҳонии ҳифзи пиряхҳо муайян карда шавад. Пешниҳоди дигари ҷониби Тоҷикистон таъсис додани Бунёди махсуси байналмилалии ҳифзи пиряхҳо аст.
Инчунин Ҷумҳурии Тоҷикистон ҳамчун узви фаъоли созмонҳои бонуфузи минтақавӣ ва ҷаҳонӣ доир ба масъалаҳои актуалии ҷаҳони муосир пешниҳодҳои худро иброз намуда, мавқеи худро муайян менамояд.
Бунёд ва азнавсозии муассисаҳои таҳсилотӣ ва тиббӣ, аз ҷумла мактабҳо, беморхонаҳо, литсейҳо, донишкадаву донишгоҳҳо дар саросари кишвар аз ҷумлаи амалӣ намудани барномаҳои маърифатноккунии ҷомеа ба шумор меравад. Дар ин самт вазифаи асосӣ на танҳо сохтмон, балки ба талаботи замона ҷавобгў будан ва муҳайё намудани шароити муосири таълим ва таҷҳизоту лавозимоти замонавӣ, аз ҷумла технологияҳои иттилоотӣ ва дигар васоити техникӣ мебошад. Ҳамаи ин ба самти тарбияи дурусти насли наврас,баланд бардоштани сатҳу сифати таҳсилот, омўзиши илмҳои дақиқ ва забономўзӣ ҳидоят намудани хонандагон, дар рўҳияи ватандўстиву ифтихори миллӣ ва арзишҳои милливу умумибашарӣ тарбия намудани наслҳои наврасу ҷавони ҷомеа равона шудаанд.

Ноиби ректор оид ба тарбия Матинов Х.Қ.

Санаи 5 - уми сентябри соли 2024 дар Донишгоҳи байналмилалии сайёҳӣ ва соҳибкории Тоҷикистон бахшида ба ҷашни Истиқлоли давлатӣ ҳамоиши ҷашнии ҷавонону варзишгарон таҳти унвони «Нақши ҷавонон дар таҳкими Истиқлоли давлатӣ» доир гардид.
Дар чорабинӣ Зулфиқор Гулаҳмадзода - Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, олимону адибон, масъулин ва кормандони соҳаи кор бо ҷавонон ва варзиш, варзишгарон, ҷоизадорони Ҷоизаи давлатии ба номи Исмоили Сомонӣ, гирандагони стипендияи Президентӣ ва ҷавонони касбу кори гуногун иштирок намуданд.