Маркази дарёфт ва рушди истеъдодҳои ш.Душанбе

МИЗИ МУДАВВАР ДАР МАВЗУИ «НАҚШИ ЭМОМАЛӢ РАҲМОН ДАР ТАҲКИМИ СУЛҲУ ВАҲДАТИ МИЛЛӢ ВА АҲАММИЯТИ ҶАҲОНИИ ТАҶРИБАИ ТОҶИКИСТОН»

23.06.2026с ш. Душанбе

Имрӯз бахшида ба таҷлили 29-солагии Рӯзи Ваҳдати миллӣ дар Муассисаи давлатии «Маркази дарёфт ва рушди истеъдодҳои назди Сарраёсати маорифи шаҳри Душанбе» мизи мудаввар дар мавзуи «Нақши Эмомалӣ Раҳмон дар таҳкими сулҳу ваҳдати миллӣ ва аҳаммияти ҷаҳонии таҷрибаи Тоҷикистон» баргузор гардид.

Дар чорабинӣ Шарофуддинов Суҳроб Саломович – дотсенти кафедраи таърихнигорӣ ва архившиносии Донишгоҳи миллии Тоҷикистон, Маҳмудзода Суханвари Анвар – дотсенти кафедраи таърихнигорӣ ва архившиносии Донишгоҳи миллии Тоҷикистон, Раҷабзода Бунёд – иҷрокунандаи вазифаи директори Муассисаи давлатии «Маркази дарёфт ва рушди истеъдодҳои шаҳри Душанбе» ва ҳайати кормандони муассиса иштирок намуданд.

Нахуст, Раҷабзода Бунёд меҳмонон ва иштирокчиёни чорабиниро хайрамақдам гуфта, иброз дошт, ки Ваҳдати миллӣ аз муҳимтарин дастовардҳои даврони соҳибистиқлолии Тоҷикистон ба шумор рафта, маҳз ба шарофати сулҳу субот барои рушду пешрафти тамоми соҳаҳо, аз ҷумла маориф ва тарбияи насли наврас, заминаи мусоид фароҳам гардидааст. Зикр шуд, ки меваи ширини Ваҳдати миллӣ имрӯз дар дастовардҳои ҷавонон, рушди илму маориф ва болоравии нуфузи байналмилалии Тоҷикистон ба таври равшан эҳсос мегардад.

Сипас, Шарофуддинов Суҳроб Саломович дар мавзуи «Нақши Эмомалӣ Раҳмон дар пойдорӣ ва таҳкими сулҳу ваҳдати миллӣ дар Тоҷикистон» маърӯза намуда, аз саҳми таърихии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар барқарор намудани сулҳ, таҳкими давлатдории миллӣ ва муттаҳид сохтани ҷомеаи кишвар ёдовар шуд. Қайд гардид, ки маҳз бо иродаи қавии сиёсӣ ва талошҳои пайвастаи Сарвари давлат Тоҷикистон ба сулҳу субот расида, барои рушди устувори кишвар заминаи боэътимод гузошта шуд.

Баъдан, Маҳмудзода Суханвари Анвар дар мавзуи «Ваҳдати миллӣ – таҷрибаи арзишманди тоҷикон барои башарият» суханронӣ намуда, таъкид кард, ки таҷрибаи сулҳофаринии Тоҷикистон имрӯз ҳамчун намунаи муваффақи ҳалли мусолиматомези низоъҳо дар сатҳи байналмилалӣ эътироф гардидааст. Мавсуф зикр намуд, ки Ваҳдати миллӣ неъмати бебаҳо ва асоси пойдории давлат буда, маҳз тавассути ҳифз ва таҳкими он тоҷикон тавонистанд ҷойгоҳ ва обрӯи худро дар арсаи ҷаҳон боз ҳам баланд бардоранд.

Дар анҷоми чорабинӣ миёни иштирокчиён мубодилаи афкор сурат гирифта, аҳаммияти таърихии Ваҳдати миллӣ, нақши он дар таҳкими худшиносии миллӣ, тарбияи насли ҷавон дар рӯҳияи ватандӯстӣ ва масъулияти шаҳрвандӣ мавриди баррасӣ қарор гирифт. Таъкид гардид, ки ҳифзу таҳкими Ваҳдати миллӣ вазифаи муқаддаси ҳар як шаҳрванди Тоҷикистон буда, он кафили рушди устувор ва ояндаи дурахшони Ватани азизамон мебошад.

САҲМИ АСОСГУЗОРИ СУЛҲУ ВАҲДАТИ МИЛЛӢ – ПЕШВОИ МИЛЛАТ, ПРЕЗИДЕНТИ ҶУМҲУРИИ ТОҶИКИСТОН МУҲТАРАМ ЭМОМАЛӢ РАҲМОН ДАР ТАҲКИМИ ВАҲДАТИ МИЛЛӢ

20.06.2026с ш. Душанбе

Ваҳдати миллӣ яке аз бузургтарин дастовардҳои даврони соҳибистиқлолии Ҷумҳурии Тоҷикистон ба шумор меравад. Ин неъмати бебаҳо, ки имрӯз асоси субот, пешрафт ва зиндагии осоиштаи мардумро ташкил медиҳад, маҳз бо талошҳои шабонарӯзӣ, сиёсати хирадмандона ва иродаи қавии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба даст омадааст.

Дар солҳои аввали истиқлолият Тоҷикистон ба гирдоби ҷанги шаҳрвандӣ кашида шуда, хатари парокандашавии миллат ва аз байн рафтани давлатдории миллӣ ба миён омада буд. Дар чунин шароити мураккабу ҳассос муҳтарам Эмомалӣ Раҳмон масъулияти бузурги роҳбарии давлатро ба зимма гирифта, ҳифзи истиқлолият, барқарор намудани сулҳ ва муттаҳид сохтани мардумро ҳадафи асосии фаъолияти худ қарор доданд.
Пешвои миллат аз рӯзҳои нахустини роҳбарӣ ба халқи Тоҷикистон муроҷиат намуда, таъкид карданд, ки тамоми нерӯи худро барои барқарор намудани сулҳ ва оромӣ сафарбар хоҳанд кард. Ин суханон танҳо ваъда набуданд, балки ба барномаи амалии наҷоти миллат табдил ёфтанд. Бо кӯшишҳои пайгирона ва музокироти тӯлонӣ байни тарафҳои мухолиф, ниҳоят 27 июни соли 1997 Созишномаи умумии истиқрори сулҳ ва ризоияти миллӣ ба имзо расид, ки барои Тоҷикистон саҳифаи нави таърихро оғоз намуд.

Нақши муҳтарам Эмомалӣ Раҳмон дар расидан ба сулҳ ва ваҳдати миллӣ воқеан таърихӣ ва беназир аст. Ӯ тавонист бо хиради сиёсӣ, таҳаммулпазирӣ ва муҳаббат ба миллат тамоми нерӯҳои ҷомеаро муттаҳид намуда, заминаи сулҳу суботи пойдорро фароҳам созад. Маҳз ба шарофати ин сиёсати оқилона дар кишвар фазои эътимод, ҳамдигарфаҳмӣ ва ҳамбастагии миллӣ ба вуҷуд омад.

Имрӯз ваҳдати миллӣ барои ҳар як шаҳрванди Тоҷикистон рамзи сулҳ, дӯстӣ ва ягонагӣ мебошад. Маҳз ваҳдат имкон дод, ки иқтисодиёти кишвар рушд ёбад, роҳҳо ва нақбҳои стратегӣ сохта шаванд, муассисаҳои таълимӣ ва тандурустӣ бунёд гарданд ва сатҳи зиндагии мардум беҳтар шавад. Ҳамаи ин дастовардҳо самараи сулҳу субот ва сиёсати созандаи Пешвои миллат мебошанд.

Пешвои миллат ҳамеша таъкид менамоянд, ки ваҳдати миллӣ бояд ҳамчун арзиши муқаддас ҳифз карда шавад. Зеро таҷрибаи таърихӣ нишон медиҳад, ки бе иттиҳод, ҳамдигарфаҳмӣ ва ҳамбастагӣ ҳеҷ миллат ба пешрафту шукуфоӣ ноил шуда наметавонад. Аз ин рӯ, тарбияи насли ҷавон дар рӯҳияи ватандӯстӣ, худшиносии миллӣ ва эҳтиром ба арзишҳои ваҳдат яке аз самтҳои муҳими сиёсати давлатӣ ба ҳисоб меравад.

Имрӯз мардуми Тоҷикистон бо ифтихор ва сипосгузорӣ аз сулҳу оромии Ватан ёд мекунанд ва саҳми Пешвои миллатро дар таҳкими ваҳдати миллӣ баланд арзёбӣ менамоянд. Зеро маҳз бо роҳбарии муҳтарам Эмомалӣ Раҳмон Тоҷикистон аз вартаи ҷанг раҳо ёфта, ба кишвари сулҳпарвар, обод ва рӯ ба рушд табдил гардид.

Ваҳдати миллӣ ганҷи бебаҳо ва дастоварди муқаддаси миллат аст. Ҳифз ва таҳкими он вазифаи ҳар як шаҳрванди Тоҷикистон мебошад. Мо бояд ҳамеша дар атрофи сиёсати созанда ва бунёдкоронаи Пешвои миллат муттаҳид бошем ва барои рушди минбаъдаи Ватани азизамон саҳми арзандаи худро гузорем.

Ваҳдати миллӣ – пояи давлатдории миллӣ, кафили сулҳу субот ва омили асосии пешрафти Тоҷикистон мебошад. Ин неъмати бузург бо талошҳои таърихии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба даст омадааст ва барои наслҳои имрӯзаву оянда ҳамчун мероси гаронбаҳо боқӣ хоҳад монд.

Қурбонов Акмал
мудири шуъбаи таълими
МД "Маркази дарёфт ва рушди истеъдодҳои ш.Душанбе"

ВАҲДАТИ МИЛЛӢ – ОМИЛИ МУҲИММИ РУШДИ ЛАЁҚАТМАНДИИ ХОНАНДАГОНИ БОИСТЕЪДОД

17.06.2026с ш. Душанбе

Дар шароити ҷаҳонишавӣ ва рушди босуръати ҷомеаи иттилоотӣ сармояи асосии ҳар як давлатро неруи зеҳнӣ ва захираҳои инсонӣ ташкил медиҳанд. Аз ин рӯ, масъалаи муайянсозӣ, дастгирӣ ва рушди хонандагони болаёқат ҳамчун яке аз самтҳои афзалиятноки сиёсати давлатӣ дар соҳаи маориф арзёбӣ мегардад. Таҷрибаи давлатҳои пешрафта нишон медиҳад, ки рушди иқтидори зеҳнии насли наврас танҳо дар муҳити устувори сиёсӣ, иҷтимоӣ ва фарҳангӣ имконпазир мебошад. Дар ин замина, Ваҳдати миллӣ ҳамчун дастоварди бузурги таърихии халқи тоҷик на танҳо асоси суботу амнияти ҷомеа, балки омили муҳими рушди қобилиятҳои зеҳнӣ ва эҷодии хонандагони болаёқат маҳсуб меёбад.

Маҳз Ваҳдати миллӣ ҳамчун заминаи пойдори сулҳу субот барои рушди низоми муосири маорифи кишвар шароити мусоид муҳайё намудааст. Дар доираи ислоҳоти соҳаи маориф, бунёди муассисаҳои нави таълимӣ, таъсиси синфхонаҳои муосир, марказҳои дарёфт ва рушди истеъдодҳо ва фароҳам овардани шароити мусоид барои таҳсил аз ҷумлаи тадбирҳое мебошанд, ки ба рушди хонандагони болаёқат мусоидат менамоянд.

Дар низоми муосири таҳсилот озмуну олимпиадаҳои фаннӣ яке аз шаклҳои муассири дарёфт, дастгирӣ ва рушди хонандагони болаёқат ба ҳисоб мераванд. Ин раванд имконият медиҳанд, ки истеъдодҳои нав ошкор гардида, қобилиятҳои зеҳнӣ ва эҷодии хонандагон такмил ёбанд.

Бо ташаббус ва дастгирии пайвастаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар солҳои охир таваҷҷуҳ ба рушди истеъдодҳои ҷавон ва ҷалби онҳо ба озмуну олимпиадаҳои гуногун ба марҳилаи сифатан нав ворид гардидааст. Сол ба сол доираи баргузории олимпиадаҳои фаннӣ ва озмунҳои ҷумҳуриявӣ васеъ гардида, шумораи иштирокчиён ба таври назаррас афзоиш меёбад.

Зеро, яке аз омилҳои асосии афзоиши шумораи иштирокчиёни озмуну олимпиадаҳо маҳз фазои сулҳу субот ва ваҳдати миллӣ мебошад. Дар шароити орому осуда хонандагон имконият доранд, ки бемамониат ба таҳсил машғул шуда, барои иштирок дар чорабиниҳои илмӣ ва зеҳнӣ омодагӣ бинанд. Ваҳдат на танҳо шароити моддӣ ва ташкилии рушди маорифро таъмин менамояд, балки дар замири ҷавонон эҳсоси ватандӯстӣ, худшиносии миллӣ ва масъулияти шаҳрвандиро низ тақвият мебахшад.

Дар чунин фазо муҳассилин новобаста аз минтақа, маҳалли зист ва вазъи иҷтимоӣ метавонанд дар озмунҳо ва олимпиадаҳои сатҳи гуногун ширкат варзида, қобилиятҳои худро муаррифӣ намоянд.

Бинобар ин, афзоиши солонаи шумораи иштирокчиён ва ғолибон дар озмуну олимпиадаҳои фаннӣ ҳамчун натиҷаи бевоситаи сиёсати ваҳдатофар ва рушди устувори ҷомеа арзёбӣ мегардад.

Мақомоти иҷроияи ҳокимияти давлатии шаҳри Душанбе таҳти роҳбарии Раиси шаҳри Душанбе муҳтарам Рустами Эмомалӣ ба масъалаи баланд бардоштани сифати таълим ва рушди хонандагони соҳибистеъдод таваҷҷуҳи махсус зоҳир менамояд. Татбиқи барномаҳои гуногуни таълимӣ, фароҳам овардани шароити муосири таҳсил, дастгирии иштирокчиён ва ғолибони олимпиадаҳо, инчунин ташкили озмунҳои гуногуни зеҳнӣ дар муассисаҳои таълимии пойтахт аз ҷумлаи тадбирҳое мебошанд, ки ба рушди иқтидори илмии хонандагон мусоидат менамоянд.

Натиҷаҳои олимпиадаҳои фаннӣ нишон медиҳанд, ки шаҳри Душанбе тайи даҳ соли охир дар байни шаҳру ноҳияҳои ҷумҳурӣ мавқеи пешсафиро нигоҳ дошта, пайваста мақоми аввалро ишғол менамояд. Ин дастовард аз сатҳи баланди ташкили раванди таълиму тарбия, фаъолияти самараноки омӯзгорон ва низоми муназзами кор бо хонандагони соҳибистеъдод шаҳодат медиҳад.

Ваҳдати миллӣ ҳамчун бузургтарин дастоварди сиёсӣ ва иҷтимоии Тоҷикистони соҳибистиқлол барои рушди ҳамаҷонибаи ҷомеа, бахусус соҳаи маориф ва тарбияи насли соҳибмаърифат, заминаи устувор фароҳам овардааст. Аз ин рӯ, ҳифз ва таҳкими ваҳдати миллӣ на танҳо кафили суботу амнияти кишвар, балки шарти асосии рушди илму маърифат, парвариши истеъдодҳои ҷавон ва таъмини пешрафти устувори давлат дар оянда мебошад.

Раҷабзода Бунёд Зайнулло – муовини директор оид ба илм ва инноватсияи Муассисаи давлатии “Маркази дарёфт ва рушди истеъдодҳои назди Сарраёсати маорифи шаҳри Душанбе”

СУРАТГУЗОРИШ АЗ ИДОМАИ ҶАРАЁНИ МАРОСИМИ ҲАВАСМАНДГАРДОНӢ ВА ҶАМЪБАСТИ СОЛИ ТАҲСИЛИ 2025-2026 - И МД "МАРКАЗИ ДАРЁФТ ВА РУШДИ ИСТЕЪДОДҲОИ ШАҲРИ ДУШАНБЕ"

БЕҲТАРИНҲО ҚАДРДОНӢ ГАРДИДАНД: МАРОСИМИ ҲАВАСМАНДГАРДОНӢ ВА ҶАМЪБАСТИ СОЛИ ТАҲСИЛИ 2025–2026

12.06.2026с ш. Душанбе

Имрӯз дар фазои тантанавӣ ва сатҳи баланд дар Муассисаи давлатии «Маркази кӯдакон ва наврасони шаҳри Душанбе» маросими ҳавасмандгардонӣ ва ҷамъбасти соли таҳсили 2025–2026 барои хонандагони болаёқат, омӯзгорони фаъол ва кормандони МД “Маркази дарёфт ва рушди истеъдодҳои шаҳри Душанбе” баргузор гардид.

Чорабинии мазкур бо ибтикори Муассисаи давлатии «Маркази дарёфт ва рушди истеъдодҳои назди Сарраёсати маорифи шаҳри Душанбе» роҳандозӣ гардида, ҳадафи асосии он қадрдонӣ аз заҳмату талошҳои хонандагони лаёқатманд, омӯзгорони пешқадам ва масъулони самти ҳаракати олимпӣ мебошад.

Дар маросим Саломён Хуршед - муовини директори Маркази ҷумҳуриявии дарёфт ва рушди истеъдодҳои назди Вазорати маориф ва илми Ҷумҳурии Тоҷикистон, Худоёров Фарҳод - муовини сардори Сарраёсати маорифи шаҳри Душанбе, Султонзода Нигора, директорон ва муовинони марказҳои дарёфт ва рушди истеъдодҳои ноҳияҳои пойтахт, омӯзгорони фаъол, ғолибони озмуну олимпиадаҳо ва хонандагони болаёқат иштирок намуданд.

Сухани ифтитоҳиро Худоёров Фарҳод - муовини сардори Сарраёсати маорифи шаҳри Душанбе оғоз намуда, таъкид кард, ки дастгирии хонандагони болаёқат, рушди ҳаракати олимпӣ, баланд бардоштани сифати таълим ва фароҳам овардани шароити мусоид барои фаъолияти эҷодиву илмии насли наврас аз самтҳои муҳими сиёсати маорифпарваронаи давлату Ҳукумати Ҷумҳурии Тоҷикистон ба ҳисоб меравад. Зикр гардид, ки дар партави сиёсати хирадмандона ва маорифпарваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба масъалаи дастгирии истеъдодҳо, тарбияи насли соҳибмаърифату худогоҳ, рушди тафаккури илмӣ ва ҷалби хонандагон ба озмуну олимпиадаҳо таваҷҷуҳи доимӣ зоҳир карда мешавад. Ҳамзамон таъкид шуд, ки Мақомоти иҷроияи ҳокимияти давлатии шаҳри Душанбе ва Сарраёсати маорифи шаҳри Душанбе ҷиҳати рушди низоми дарёфт, дастгирӣ ва парвариши хонандагони болаёқат пайваста тадбирҳои муассир меандешанд. Баргузории озмуну олимпиадаҳо, конференсияҳои илмӣ-эҷодӣ, машғулиятҳои иловагӣ, семинару чорабиниҳои омӯзишӣ ва ҳавасмандгардонии хонандагону омӯзгорони фаъол маҳз ба хотири баланд бардоштани сатҳу сифати таълим, тавсеаи ҷаҳонбинии илмии наврасон ва рушди иқтидори зеҳнии пойтахт амалӣ мегардад.

Дар идомаи чорабинӣ омӯзгорон ва кормандони фаъоли Муассисаи давлатии «Маркази дарёфт ва рушди истеъдодҳои назди Сарраёсати маорифи шаҳри Душанбе» ва марказҳои дарёфт ва рушди истеъдодҳои ноҳияҳои пойтахт барои саҳми арзанда, хидмати софдилона, масъулиятшиносӣ дар фаъолияти касбӣ, иштироки фаъолона дар чорабиниҳои ҷамъиятӣ ва саҳмгузорӣ дар рушди ҳаракати олимпӣ бо сипосномаҳои Маркази ҷумҳуриявии дарёфт ва рушди истеъдодҳои назди Вазорати маориф ва илми Ҷумҳурии Тоҷикистон, Сарраёсати маорифи шаҳри Душанбе ва Муассисаи давлатии «Маркази дарёфт ва рушди истеъдодҳои назди Сарраёсати маорифи шаҳри Душанбе» сарфароз гардонида шуданд.

Ҳамзамон, хонандагоне, ки дар даври шаҳрии Конференсияи Ҷамъияти илмӣ-эҷодии хонандагони муассисаҳои таълимии шаҳри Душанбе дар соли таҳсили 2025–2026 ғолибият ба даст овардаанд, бо дипломҳо қадрдонӣ гардиданд.

Ҳамчунин ба хонандагони синфҳои 11, ки машғулиятҳои иловагиро сарбаландона хатм намуда, дар давоми соли таҳсил дар озмуну олимпиадаҳо фаъолона иштирок карда, ба натиҷаҳои назаррас ноил гардидаанд, гувоҳномаҳои хатми муассиса тақдим карда шуд.

Ҷиҳати болидагии хотири иштирокчиён ва фароҳам овардани фазои идона аз ҷониби санъаткорони Муассисаи давлатии «Маркази кӯдакон ва наврасони шаҳри Душанбе» барномаи фарҳангӣ пешниҳод гардид, ки ба чорабинӣ шукуҳу шаҳомати бештар бахшид.

Дар фароварди маросим Султонзода Нигора ба омӯзгорон, кормандон, хонандагони болаёқат ва ҳамаи иштирокчиёни чорабинӣ барои саҳми арзанда дар рушди ҳаракати олимпӣ, дастовардҳои назаррас дар соли таҳсили 2025–2026 ва иштироки фаъолона дар чорабиниҳои таълимӣ, илмӣ ва эҷодӣ изҳори сипос намуд. Мавсуф таъкид дошт, ки дастовардҳои хонандагони болаёқат натиҷаи заҳмати пайвастаи омӯзгорон, дастгирии волидон, фаъолияти муассисаҳои таълимӣ ва таваҷҷуҳи доимии масъулони соҳаи маориф мебошад. Ба ҳамаи хонандагон дар роҳи илмомӯзӣ, худшиносӣ, эҷодкорӣ ва муаррифии шоистаи шаҳри Душанбе дар озмуну олимпиадаҳои ҷумҳуриявию байналмилалӣ комёбиҳои нав таманно карда шуд.

Маросими ҳавасмандгардонӣ ва ҷамъбасти соли таҳсили 2025–2026 бо рӯҳияи ифтихор, сипосгузорӣ ва умед ба дастовардҳои боз ҳам баландтари хонандагони болаёқати пойтахт ҷамъбаст гардид.

07.06.2025 шаҳри Душанбе

ПЕШВОЗИ ҒОЛИБОНИ ОЛИМПИАДАИ БАЙНАЛМИЛЛАЛИИ "AL-KHWARAZMI”

Дар Фурудгоҳи байналмиллалии шаҳри Душанбе ғолибони олимпиадаи байналмиллалии "Al-Khwarazmi" сатҳи баланд пешвоз гирифта шуд.
Ёдовар бояд шуд, ки олимпиадаи байналмиллалии "Al-Khwarazmi" аз фанҳои информатика ва математика аз 1 то 7 июни соли ҷорӣ дар шаҳри Тошканди Ҷумҳурии Ӯзбекистон баргузор гардид, ки ҳайати дастаи олимпии шаҳри Душанберо хонандагони болаёқат муаррифӣ намуданд.
Боиси хушнудист, ки 11 ҷойи ифтихорӣ, аз ҷумла 1-ҷойи якум, 2-ҷойи дуюм ва 8-ҷойи сеюмро хонандагони муассисаҳои таълимии ҷумҳурӣ тавонистанд сазовор гарданд.

ҒОЛИБОНИ ОЗМУНИ ШАҲРИИ "ЗАБОН ДОНӢ - ҶАҲОН ДОНӢ" ДАР ВАО