МД "Маркази дарёфт ва рушди истеъдодҳо" - и ноҳияи Фирдавсӣ

10/05/2026

МАРОСИМИ ҶОИЗАСУПОРИИ ҒОЛИБОНИ ДАВРИ НОҲИЯВИИ ОЗМУНҲОИ ШАҲРИИ “ТОҶИ САРИ ҶУМЛА ҲУНАРҲОСТ ИЛМ” ВА “ЗАБОН ДОНӢ – ҶАҲОН ДОНӢ” ДАР НОҲИЯИ ФИРДАВСИИ ШАҲРИ ДУШАНБЕ

Санаи 8 майи соли 2026 бо ташаббуси Мақомоти иҷроияи ҳокимияти давлатии ноҳияи Фирдавсии шаҳри Душанбе дар толори муассисаи таҳсилоти миёнаи умумии №129-и ноҳияи Фирдавсии шаҳри Душанбе маросими ҷоизасупории даври ноҳиявии озмунҳои шаҳрии “Тоҷи сари ҷумла ҳунарҳост илм” ва “Забон донӣ – ҷаҳон донӣ” дар ноҳияи Фирдавсии шаҳри Душанбе бо иштироки муовини Раиси ноҳияи Фирдавсӣ – Шукурзода С.Н., мудири шуъбаи маорифи ноҳияи Фирдавсӣ – Раҷабзода Д.Р., директори Муассисаи давлатии “Маркази эҷодии кӯдакон ва наврасон”-и ноҳияи Фирдавсӣ – Бобозода Ш.З., устодону омӯзгорон ва ғолибони озмунҳои мазкур баргузор гардид.

Чорабинӣ бо тамошои видиогузориш аз рафти озмунҳои мазкур оғоз гардид.

Дар расми ифтитоҳи чорабинӣ муовини Раиси ноҳияи Фирдавсӣ Шукурзода С.Н. баромад намуда, қайд намуданд, ки Ҳукумати Ҷумҳурии Тоҷикистон бахусус Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ соҳаҳои илму маориф ва фарҳангро, ки рукни муҳими рушду инкишофи ҷомеа маҳсуб меёбад, дар меҳвари фаъолияти корӣ худ қарор дода, дар пешрафти ҳамаҷонибаи он таваҷҷуҳи хоса зоҳир менамоянд.

Қайд кардан ба маврид аст, ки даври ноҳиявии озмунҳои шаҳрии “Тоҷи сари ҷумла ҳунарҳост илм” ва “Забон донӣ – ҷаҳон донӣ” дар ноҳияи Фирдавсӣ рӯзҳои 17-ум ва 25-уми апрели соли ҷорӣ дар ноҳияи Фирдавсӣ баргузор гардида буд.

Сипас, дар вазъияти тантанавӣ ба ғолибони даври ноҳиявии озмунҳои шаҳрии “Тоҷи сари ҷумла ҳунарҳост илм” ва “Забон донӣ-ҷаҳон донӣ” дар ноҳияи Фирдавсӣ диплому сипосномаҳо ва тӯҳфаҳое, ки аз ҷониби Мақомоти иҷроияи ҳокимияти давлатии ноҳияи Фирдавсӣ омода гардида буданд супорида шуд.

08/05/2026

ХУШХАБАР ҒОЛИБИЯТИ ОМӮЗГОРОНИ МУАССИСА ДАР ОЛИМПИАДАИ ҶУМҲУРИЯВИ БАЙНИ МУАССИСАҲОИ ТАҲСИЛОТИ ОЛЛИИ КАСБӢ
Рузҳои 7-8 майи соли 2026 дар Донишгоҳи давлатии ҳуқуқ, бизнес ва сиёсати Тоҷикистон Олимпиадаи ҷумҳуриявӣ миёни донишҷӯёни муассисаҳои таҳсилоти олии касбӣ таҳти унвони «Тавоно бувад, ҳар кӣ доно бувад» бахшида ба 35-солагии Истиқлолияти давлатии Ҷумҳурии Тоҷикистон ташкил ва баргузор гардид, ки дар он омӯзгорони МД "Маркмзи дарёфт ва рушди истеъдодҳо"-и ноҳияи Фирдавсӣ иштирок намуда сазовори ҷойҳои намоён гардиданд.
Саидзода Муҳаммадҷон- омӯзгори фанни ҳуқуқ ҷои I🥇
Алимзода Хуршед - омӯзгори фанни география I🥇
Раҳимова Дионоза-омӯзгори фанни ҳуқуқ ҷои III🥉

29/04/2026

#ТВ ТОҶИКИСТОН
ГУЗОРИШИ ТЕЛЕВИЗИОНИ АЗ РАФТИ ТАШКИЛ ВА БАРГУЗОРИИ ДАВРИ ДУЮМИ ОЗМУНИ ШАҲРИИ "ЗАБОН ДОНӢ-ҶАҲОН ДОНӢ" ДАР НОҲИЯИ ФИРДАВСИИ ШАҲРИ ДУШАНБЕ

29/04/2026

#ИМЛ ВА ТАБИАТ
ГУЗОРИШИ ТЕЛЕВИЗИОНИ АЗ РАФТИ ТАШКИЛ ВА БАРГУЗОРИИ ДАВРИ ДУЮМИ ОЗМУНИ "ЧАРОҒИ МАЪРИФАТ" ДАР НОҲИЯИ ФИРДАВСИИ ШАҲРИ ДУШАНБЕ

25/04/2026

ИФТИТОҲИ БОШУКӮҲИ ДАВРИ ДУЮМИ ОЗМУНИ ШАҲРИИ «ЗАБОН ДОНӢ — ҶАҲОН ДОНӢ» ДАР НОҲИЯИ ФИРДАВСӢ

25.04.2026 н. Фирдавсӣ

Чорабинии мазкурро раиси комиссияи даври дуюми озмун муовини раиси ноҳияи Фирдавсӣ, сарпарасти соҳа муҳтарам Шукурзода Саодат ифтитоҳ намуда, ба иштирокчиён комёби таманно намуданд.
Озмуни мазкур бо ҳадафи баланд бардоштани сатҳи дониш, рушди малакаҳои забондонӣ ва тақвияти ҳисси худшиносиву ҷаҳонбинӣ миёни наврасону ҷавонон роҳандозӣ гардида, барои иштирокчиён фазои солими рақобат ва имкони муаррифии истеъдодҳоро фароҳам меорад.

Ба ҳамаи иштирокчиён барору комёбӣ таманно дорем!

24/04/2026

БАРГУЗОРИИ ҶАЛАСАИ КУМИТАИ ТАДОРУКОТИ ДАВРИ НОҲИЯВИИ ОЗМУНИ ШАҲРИИ "ЗАБОН ДОНӢ - ҶАҲОН ДОНӢ" ДАР НОҲИЯИ ФИРДАВСИИ ШАҲРИ ДУШАНБЕ
24.04.2026. н. Фирдавсӣ

21/04/2026

18/04/2026

ИФТИТОҲИ ДАВРИ ДУЮМИ ОЗМУНИ НОҲИЯВИИ "ЧАРОҒИ МАЪРИФАТ"

Имруз 18.04.2026 дар Муассисаи таълимии хусусии гимназияи "Саидумар" даври дуюми озмуни ноҳиявии "Чароғи маърифат" миёни хонандагони синфҳои 2-4 муассисаҳои таълимии ноҳияи Фирдавсӣ бо иштироки голибони даври муассисави ташкил ва баргузор гардид.

Суратгузориш аз рафти озмун

16/04/2026

ДИҚҚАТ!
ДИҚҚАТ!
ДИҚҚАТ!
ҶАДВАЛИ БАРГУЗОРИИ ДАВРИ ДУЮМ (НОҲИЯВӢ) ОЛИМПИАДАИ "ЧАРОҒИ МАЪРИФАТ" БАЙНИ ХОНАНДАГОНИ СИНФҲО 2-4-И МУАССИСАҲОИ ТАЪЛИМИИ НОҲИЯИ ФИРДАВСИИ ШАҲРИ ДУШАНБЕ

16.04.2026с ш.Душанбе

Ба самъи ҳамаи иштирокчиён ва масъулон мерасонем, ки иштирокчиёни олимпиадаи мазкур бояд ҳатман бо худ маълумотномаи расмӣ, ки дорои расм ва муҳр буда, аз ҷониби директори муассисаи таълимӣ тасдиқ гардидааст ва шаҳодатномаи таваллуд дошта бошанд.

Хотиррасон менамоем, ки дар сурати мавҷуд набудани ҳуҷҷатҳои зикршуда, иштирокчӣ ба олимпиада роҳ дода нахоҳад шуд. Лутфан, пешакӣ ҳуҷҷатҳоро омода намуда, ба талабот бо масъулият муносибат намоед.

Макони баргузорӣ: МУАССИСАИ ТАЪЛИМИИ ХУСУСИИ "ГИМНАЗИЯИ САИДУМАР"

13/04/2026

Қадами устувор - натиҷаи олӣ.
Бо ифтихор итилоъ медиҳем, ки хонандагони синфи 11-и муассисаҳои таълимии ноҳияи Фирдавсӣ тавонистанд дар даври ҷумҳуриявии олимпиадаҳои фаннӣ бо касби 31-ҷойи ифтихорӣ, (ҷойи якум - 4 нафар, ҷойи дуюм - 7 нафар ва ҷойи сеюм - 20 нафар) дар байни шаҳру ноҳияҳои ҷумҳурӣ мақоми дуюмро ишғол намоянд. Ин дастовардро ба кӯли маорифчиёни ноҳия ва хонандагону волидонӣ онҳо муборак мегуем.