Факултети менеҷмент ва маркетинги байналмиллалӣ

ИШТИРОКИ ОМӮЗГОРОН ВА ДОНИШҶӮЁНИ ФАКУЛТЕТ ДАР ҲАМОИШИ ИЛМӢ-АМАЛӢ
Санаи 5-уми декабри соли 2024 бо ибтикори Вазорати саноат ва технологияи нави Ҷумҳурии Тоҷикистон, намояндагиҳои Барномаи рушди Созмони милали муттаҳид, Фонди Оғохон, иштироки ҳайати омӯзгорону донишҷӯёни Донишгоҳи технологии Тоҷикистон ва Донишгоҳи миллии Тоҷикистон дар TECHNOHUB DUSHANBE дар мавзуи “Пул ба ҷаҳони касбӣ” ҳамоиши илмӣ-амалӣ баргузор гардид.
Ба ҳамоиш намояндаи Вазорати саноат ва технологияи нави Ҷумҳурии Тоҷикистон Саодат Мирзоева ҳусни оғоз бахшида, мақсад ва муҳтавои ҳамоишро муаррифӣ намуд.
Намояндаи Барномаи рушди Созмони милали муттаҳид Таҳмина Каримова дар маърӯзаи худ фаъолияти Барномаи рушди Созмони милали муттаҳидро оид ба дастгирӣ, таъмини ҷавонон ва донишҷӯён бо ҷойҳои корӣ муаррифӣ намуд. Қайд карда шуд, ки Тоҷикистон яке аз кишварҳое мебошад, ки аҳолии он бо суръати баланд афзоиш ёфта, 70% аҳолии кишварро ҷавонон ташкил медиҳанд. Барномаи рушди Созмони милали муттаҳид маҳз барои таъмин намудани ҷавонон бо ҷойҳои корӣ, чорабиниҳо ва лоиҳаҳоеро амалӣ менамояд, ки ба ҷавонон барои ба даст овардани малакаи нав ва муваффақ гаштан дар бозори меҳнат равона гардидаанд. Ин ташкилот омодааст то 300 нафар донишҷуёнро ба таҷрибаомӯзии музднок фаро гирад.
Намояндаи Фонди Оғохон Ҷаҳонгир Раҷабов қайд намуд, ки солҳои қаблӣ корфармо ва корманд ҳамдигарро дар бозори меҳнат бо душворӣ пайдо менамуданд. Соли 2021 эътилофе таъсис дода шуд, ки дар он зиёда аз 60 ширкат аъзо мебошанд. Фонди Оғохон ба ҳамин ширкатҳо шартномаи ҳамкорӣ барои гузаронидани таҷрибаомӯзӣ ва коромӯзии ҷавононро ба имзо расонидааст, ки зиёда аз 30%-и онҳо бо ҷои корӣ таъмин карда мешаванд. Донишҷӯён метавонанд ба воситаи сомонаи koromuz.tj ба таҷрибаомӯзӣ ҷалб карда шаванд.
Директори “Карим академия” Карина Каримӣ, ки хатмкардаи Донишгоҳи технологии Тоҷикистон мебошад, мақсади асосии лоихаи худро дар кӯмак расонидан ба донишҷӯёну ҷавонон барои дарёфти малакаҳои касбӣ ва таъмин намудан ба ҷои корӣ шарҳ дод. Маълум мебошад, ки илм рӯз то рӯз пеш меравад, аз ин рӯ барои рақобатпазир будан дар бозори озоди меҳнат шахс пайваста дар ҷустуҷӯ ва андӯхти таҷриба бошад.
Дар охир декани факултети менеҷмент ва маркетинги Донишгоҳи технологии Тоҷикистон, номзади илмҳои иқтисодӣ, дотсент Абдурасул Сатторзода суханронии худро аз нақши Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти дастгирии ҷавонон оғоз намуда, қайд намуд, ки иштироки ҷавонони кишварро барои пешрафт ва рушду равнақёбии диёри азизамон ҳамеша дастгирӣ менамоянд. Барои ҷавонони мо имрӯзҳо тамоми шароитҳо барои таҳсил, таъмин намудан бо шароити таълимомӯзӣ фароҳам оварда шудааст. Инчунин ҳукумати кишвар барои беҳтар гардонидани шароити зиндагиву таҳсилоти духтарон низ тадбирҳои муҳим андешидааст. Бояд зикр намуд, ки Ҳукумати Тоҷикистон барои касбомӯзӣ ва фаъолияти босамари ҷавонони кишвар тамоми тадбирҳои заруриро андешида истодааст. Ташаккули сиёсати ҷавонон ва фароҳам овардани шароит барои такмили имкониятҳои онҳо барои ояндаи давлат мусоидат хоҳад кард. Боиси хушнудист, ки Донишгоҳи технологии Тоҷикистон дастуру супоришҳои Асосгузори сулҳу ваҳдати миллӣ – Пешвои миллатро сармашқи кори худ намуда, кадрҳои рақобатпазиро омода ва ба бозори меҳнат пешниҳод менамояд.
Дар охир байни мутахассисон ва донишҷуён саволу ҷавобҳо баргузор гардиданд.

ИШТИРОКИ ФАЪОЛОНАИ ҲАЙАТИ ОМӮЗГОРОНУ КОРМАНДОН ВА ДОНИШҶӮЁНИ Факултети менеҷмент ва маркетинги байналмиллалӣ ДАР РОҲПАЙМОИИ ИДОНА БАХШИДА БА РӮЗИ ПАРЧАМИ ДАВЛАТӢ

ш.Душанбе, 24.11.2024

ДАСТОВАРДҲОИ НАВБАТИИ НАЗАРРАСРО БАРОИ ҲАЙАТИ УСТОДОНУ КОРМАНДОНИ ВА ДОНИШҶӮЁНИ Факултети менеҷмент ва маркетинги байналмиллалӣ САМИМОНА МУБОРАКБОД МЕГУЕМ!

Идомаи конференсия илмӣ-амалии байналмилалӣ дар мавзуи “Самаранокии ҳамбастагии илм бо истеҳсолот дар партави Саноаткунии босуръати Ҷумҳурии Тоҷикистон
Имрӯз санаи 26.10.2024 дар толори шурои олимони донишгоҳ идомаи Конференсияи илмӣ-амалии байналмилалӣ дар мавзуи “Проблемаҳои рушди иқтисодиёти миллӣ дар раванди саноаткунонии босуръати Ҷумҳурии Тоҷикистон” дар бахши иқтисодӣ баргузор гардид, ки дар он як қатор професорону омӯзгорон, донишҷӯёни факултети менеҷмент ва маркетинги байналмилалӣ ва факултети иқтисодиёт ва молия иштирок ва бо маърузаҳои пурмуҳтавои худ баромад намуданд.
Сараввал роҳбари бахши конфронс декани факултети менеҷмент ва маркетинги байналмилалӣ н.и.и., дотсент Сатторзода А.А. баромад намуда қадами меҳмонон, професорону омӯзгоронро ба конференсияи илмӣ-амалӣ хайрам мақдам намуда ба кори бахши конференсия ҳусни оғоз бахшид. Дар кори бахши конфренсия муовини ректор оид ба илм ва татбиқот Яминзода З.А., мудири шуъбаи омодасозии кадрҳои илмӣ ва илмӣ-педагогӣ н.и.т., и.в.дотсент Олимбойзода П.А., декани факултети иқтисодиёт ва молия н.и.и., и.в.дотсент - Раҳимзода М.И., мудири кафедраи менеҷменти инвеститсиони ва маркетинг н.и.и., и.в.дотсент Бойназарова М.М., мудири кафедраи молия ва қарз н.и.и., и.в.дотсент Собирҷонов А.С., и.в. мудири кафедраи иқтисодиёт ва идора н.и.и., и.в.дотсент Гадоев А.Ҷ. ва дигар ҳайати професорону омӯзгорони донишгоҳ ва меҳмонон аз дигар муассисаҳои таҳсилоти олии кишвар иштирок ва суханронӣ намуданд.
Дар кори конференсия ҳайати професорону омузгорон бо маърузаҳои пурмуҳтаво дар мавзӯҳои:
- муҳимияти минтақаҳои озоди иқтисодӣ дар раванди саноаткунонии босуръати иқтисодиёти Ҷумҳурии Тоҷикистон;
- раванди саноаткунонӣ дар Ҷумҳурии Тоҷикистон ва таъсири он ба амнияти орзуқаворӣ дар шароити иқтисоди сабз;
- рушди иқтидори истеҳсолӣ ва мушкилоти он дар шароити саноаткунонии босуръати кишвар;
- нақши илм дар шароити саноаткунонӣ;
- рушди иқтисодиёти сабз дар Ҷумҳурии Тоҷикистон ва дигар мавзуҳои мубрами иқтисодӣ баромад намуданд.
Дар хотима наќши заминаҳои илмӣ – техникӣ ва иқтисодии дар саноатикунонии босуръати Ҷумҳурии Тоҷикистон ва таъсири он ба таъмини рушди босуботи иќтисодиёти Ҷумҳурии Тоҷикистон як чанд пешнињодњо карданд. Дар ҷамъбасти кори конференсия роњбари бахш н.и.и. дотсент Сатторов А.А. ба устодон ва иштирокчиён аз номи роҳбарияти донишгоҳ миннатдорӣ баён намуда, дар кору фаъолияти илмиашон пешравиҳоро таманно намуданд.

Менеҷменти созанда (креативӣ) ҳамчун система ва модели стратегии идоракунии инноватсионии рушди устувори иқтисодӣ
Санаи 21.10.2024 дар факултети менеҷмент ва маркетинги байналмилалӣ аз ҷониби профессори кафедраи менеҷменти инвеститсионӣ ва маркетинг д.и.и., профессор Ғаниев Таваралӣ Бобоевич барои донишҷӯёни курси 4-уми факултет дарси кушоди таълимӣ дар мавзӯи “Менеҷменти созанда (креативӣ) ҳамчун система ва модели стратегии идоракунии инноватсионии рушди устувори иқтисодӣ” баргузор гардид.
Дар дарси кушод декани факултети менеҷмент ва маркетинги байналмилалӣ Сатторзода А.А., мудири кафедраи менеҷменти инвеститсионӣ ва маркетинг Бойназарова М.М., муовинони декан ва омӯзгорони кафедра иштирок намуданд.
Профессор Ғаниев Т. Б. дар маърӯза оид ба масъалаҳои назариявӣ ва таҷрибаи амалӣ намудани моделҳои созанда маълумот дода, хусусиятҳои хоси рушдёбандагии менеҷменти креативӣ ва когнитивиро дар фарҳанги коорпоративии менеҷменти кишварҳои пешрафта муфассал баён кард.
Пас аз маърӯза байни устод ва донишҷӯён саволу ҷавоб доир гардида, донишҷӯён ба саволҳои хеш посух гирифтанд.
Дар охир декани факултет н.и.и., дотсент Сатторзода А.А. ба д.и.и., профессор Ғаниев Т.Б. барои маърӯзаи пурмуҳтаво изҳори сипос намуда, умед бастанд, ки чунин дарсҳои кушод бо иштироки васеи донишҷӯён ва омӯзгорони ҷавон дар оянда низ баргузор хоҳанд гашт.
Садорати факултет.