Technological university of Tajikistan

[For English please scroll down]
--------------------------------------------------------------------------
ЭЪЛОН!

Идораи равобити хориҷии Донишгоҳи технологии Тоҷикистон ба диққати донишҷӯён, магистрон, докторантон, постдокторантон ва муҳақиқони Донишгоҳ мерасонад, ки Ҷумҳурии Словакия озмуни иштирок дар барномаи миллии стипендиявии Ҷумҳурии Словакияро барои соли хониши 2025-2026 эълон намудааст.
Хоҳишмандон метавонанд маълумоти бештарро бо дарназардошти талаботи озмун аз сомонаи www.stipendia.sk ва www.scholarships.sk дастрас намоянд.

------------------------------------------------------------------------
ANNOUNCEMENT

Department of International Affairs of Technological University of Tajikistan brings to the attention of students, masters, doctoral students, postdoctoral students and researchers that the Republic of Slovakia has announced a competition for participation in National Scholarship Program of Republic of Slovakia in 2025-2026 academic year.
Applicants could find more information according to the requirements of the competition, on web: www.stipendia.sk and www.scholarships.sk

National Scholarship Programme - Home Research stay in Slovakia was a great experience for me – I was in the right place, in the right time and with the right people.

[For English and Russian, please scroll down]
--------------------------------------------------------------------------
СЕМИНАРИ ИТТИЛООТӢ ДАР МАВЗУИ “МУБОДИЛАИ АКАДЕМИИ ДОНИШҶӮЁН” ДАР ДОНИШГОҲИ ТЕХНОЛОГИИ ТОҶИКИСТОН

Санаи 26.09.2024 дар Донишгоҳи технологии Тоҷикистон дар доираи ҳамкорӣ бо Ассотсиатсияи Тоҷикистон оид ба мубодилаи донишҷӯён барои таҷрибаомӯзии техникӣ (АТМДТТ – IAESTE) семинари иттилотӣ дар мавзӯи “Табодули академӣ” бо иштироки васеи донишҷӯёну омӯзгорони донандагони забонҳои хориҷӣ баргузор гардид.
Чорабиниро мудири бахши мубодилаи академии донишҷӯёну омӯзгорони идораи равобити хориҷии донишгоҳ Назаров Ш.А. ифтитоҳ намуда, иштирокчиёну меҳмононро бо барномаи чорабинӣ шинос намуд. Дар чорабинии мазкур муовини ректор оид ба робитаҳои байналмилалӣ Икромӣ Х.И., сардори идораи робитаҳои хориҷӣ Охунов Б.Х., мудири шуъбаи рушди лоиҳаҳои грантӣ ва муносибатҳои берунаи идораи равобити хориҷии донишгоҳ Шафоева Ш.Н. ва инчунин ҳамоҳангсози IAESTE дар Тоҷикистон Соня Каримова ва устодону донишҷӯёни Донишгоҳ иштирок намуданд.
Дар ифтитоҳи семинари иттилоотӣ муовини ректор Икромӣ Х.И. меҳмонон ва иштирокчиёни семинарро хайрамақдам намуда, оид ба дастовардҳои донишҷуёни донишгоҳ, талабот ва имкониятҳои фароҳамовардаи донишгоҳ ҷиҳати иштироки онҳо дар барномаҳои мубодилаи донишҷӯён барои таҳсил ва таҷрибаомӯзӣ дар доираи барномаҳои Erasmus+ International Credit Mobility (ICM), IAESTE, Erasmus+ Erasmus Mundus Joint Master Degree COSI суханронӣ намуд.
Сипас, Охунов Б.Х. вобаста ба зарурияти хуб донистани забонҳои хориҷӣ ва ҳавасмандгардонии донишҷӯён ҷиҳати иштирок дар барномаҳои грантӣ суханронӣ намуд.
Ҳамоҳангсози IAESTE дар Тоҷикистон Соня Каримова маълумоти мушахасро роҷеъ ба фаъолият ва имкониятҳои Ассотсиятсия барои гузаштани таҷрибаомӯзии касбии донишҷӯён дар корхонаю ташкилотҳои хориҷи кишвар, алалхусус дар давлатҳои Австралия, Осиёи Ҷанубу Шарқӣ, Иттиҳоди Аврупо, ИМА, Канада ва ғайра ба ҳозирин рӯнамоӣ карда, ба саволҳо посух дод.
Мувофиқ ба барномаи кории чорабинӣ Назаров Ш.А. ҳамчун гирандаи стипедияи барномаи грантии стипендиявии ИМА “Фулбрайт барои муҳақиқон” (Fulbright Visiting Scholar Programme) дар соли 2023-2024 дар мавзуи “Интернатсионализатсияи таҳсилоти олӣ: мубодилаи академии байналмилалӣ дар доираи лоиҳаҳои грантӣ” маърӯза намуд.
Дар фарҷоми семинар, миёни баромадкунандагон ва донишҷӯён саволу ҷавобҳо баргузор гардид ва ба ҳамаи саволҳои додашуда ҷавобҳои қаноатманд дода шуд.

-------------------------------------------------------------------------

ИНФОРМАЦИОННЫЙ СЕМИНАР ПО АКАДЕМИЧЕСКОЙ МОБИЛЬНОСТИ В РАМКАХ МЕЖДУНАРОДНЫХ ПРОГРАММ В ТЕХНОЛОГИЧЕСКОМ УНИВЕРСИТЕТЕ ТАДЖИКИСТАНА

26 сентября 2024 года в Технологическом университете Таджикистана, в рамках сотрудничества с Ассоциацией Таджикистана по обмену студентами для прохождения технической практики (IAESTE), был проведён информационный семинар на тему «Академическая мобильность» с участием студентов и преподавателей, владеющих иностранными языками.
Мероприятие открыл начальник отдела академической мобильности студентов и преподавателей управления внешних связей университета Назаров Ш.А., который ознакомил участников и гостей с программой мероприятия. В семинаре приняли участие проректор по международным связям Икроми Х.И., начальник управления внешних связей Охунов Б.Х., заведующая отделом развития грантовых проектов и внешних связей Шафоева Ш.Н., а также координатор IAESTE в Таджикистане Соня Каримова, преподаватели и студенты университета.
На открытии семинара проректор Х.И. Икроми поприветствовал гостей и участников и представил информацию о созданных условиях и возможностях участия студентов в программах академического обмена и прохождении практики, таких как Erasmus+ International Credit Mobility (ICM), IAESTE, Erasmus+ Erasmus Mundus Joint Master Degree COSI и др.
Далее выступил начальник управления внешних связей Охунов Б.Х., отметивший важность владения иностранными языками и необходимость стимулирования студентов к участию в грантовых программах.
Координатор IAESTE в Таджикистане Соня Каримова представила подробную информацию о деятельности и возможностях Ассоциации для прохождения профессиональной стажировки студентами в зарубежных компаниях и организациях, в частности в таких странах, как Австралия, Юго-Восточная Азия, Европейский Союз, США, Канада и другие, а также ответила на вопросы участников.
В соответствии с рабочей программой мероприятия Назаров Ш.А., будучи обладателем гранта стипендиальной программы США «Fulbright для исследователей» (“Fulbright Visiting Scholar Programme”) на 2023-2024 годы, выступил с докладом на тему «Интернационализация высшего образования: международная академическая мобильность в рамках грантовых проектов».
В заключительной части семинара была организована сессия вопросов и ответов, в ходе которой участники задавали вопросы, получили исчерпывающие ответы, а также делились своим опытом.

-------------------------------------------------------------------------

"ACADEMIC EXCHANGE OF STUDENTS" SEMINAR IN TECHNOLOGICAL UNIVERSITY OF TAJIKISTAN

On 26th of September, 2024, in framework of the International Association for the Exchange of Students for Technical Experience (IAESTE) student exchange program for technical internships in foreign countries, with the huge participation of english-speaking students and teachers was conducted an informative seminar on the theme: "Academic exchange" at the Technological University of Tajikistan. This Event was organized by the Department of international affairs of university.
At the beginning of the seminar head of the sector of academic exchange of students and teachers of the Department of international affairs of the University Nazarov Sh.A. introduced the guests of the seminar and program of the event to the participants. At this event took part Vice-Rector on International Relations Ikromi Kh.I., Head of International Affairs department B.Kh.Okhunov, Head of the Department of Development of Grant Projects and External Relations Shafoeva Sh.N. and also the Coordinator of the International Association for the Exchange of Students for Technical Experience (IAESTE) Sonia Karimova, teachers and students.
In prior of the seminar, Vice-Rector on international relations Ikromi Kh.I well-comed the guests and all participants to the seminar and informed about the achievements of our students and their future opportunities to participate in the International Association for the Exchange of Students for Technical Experience (IAESTE) and academic mobility (Academic mobility) within the Erasmus+ International Credit Mobility (ICM), IAESTE, Erasmus+ Erasmus Mundus Joint Master Degree COSI programs.
Head of International Affairs department B.Kh.Okhunov spoke about opportunities of knowing foreign languages and motivations of students to participate in grant programs.
During the information seminar was shown the report and presentation of the coordinator of the Tajikistan International Association for the Exchange of Students for Technical Experience (IAESTE) Sonya Karimova, which related how to get to the achievements and correct applying of this program. She explained how the students could do their professional internship abroad, especially in the USA, Canada, Germany, Poland, Portugal, Serbia, Thailand, Turkey, Switzerland, Sweden, etc.
According to the schedule of seminar presentation on the theme: "Internationalization of higher education: international academic exchange in framework of grant projects" was presented by Nazarov Shukhratjon, a graduater of the US Fulbright Visiting Scholar Program in 2023-2024.
At the end of the seminar was held a discussion and question -answer session between the speakers and the students. Students got specific answers to all the questions and they expressed their gratitude to the organizers of this seminar.

[For English and Russian, please scroll down]
--------------------------------------------------------------------------
ЭЪЛОН!

Идораи равобити хориҷии Донишгоҳи технологии Тоҷикистон ба диққати донишҷӯёни донишгоҳ мерасонад, ки Донишгоҳи Падоваи Ҷумҳурии Италия озмуни иштирок дар барномаи Erasmus+KA171 International Academic Mobility-ро барои донишҷӯёни зинаи магистратура аз рӯйи равияи “Механика ва коркарди маводҳо” дар соли хониши 2024-2025 эълон менамояд. Маврид ба зикр аст, ки донишгоҳи мазкур шарики Донишгоҳи технологии Тоҷикистон дар доираи барномаи Erasmus+ KA171 Иттиҳоди Аврупо мебошад.
Хоҳишмандон метавонанд дархостҳои худро бо дарназардошти талаботи озмун то санаи 15.10.2024 тариқи пайванди электронии дар поён овардашуда пешниҳод намоянд:
• Online application for Student Mobility for Studies: https://www.service4mobility.com/europe/LoginServlet?identifier=PADOVA01
Барои маълумоти иловагӣ ҷиҳати иштирок дар барномаи мазкур аз довталабон хоҳиш карда мешавад, ки ба Идораи равобити хориҷии донишгоҳ муроҷиат намоянд.
Тамос:
Тел.: 234-59-27
E-mail: [email protected], [email protected], [email protected]
-----------------------------------------------------------------------
ОБЪЯВЛЕНИЕ

Управление международных связей Технологического университета Таджикистана рад сообщить, что Падуанский университет Республики Италия объявляет конкурс на участие в программе международной академической мобильности Erasmus+ KA171 (International Academic Mobility Erasmus+KA171) для студентов степени магистратуры по направлению “Механика и обработка материалов” в 2024-2025 учебного год.
Следует отметить, что данный университет является партнером Технологического университета Таджикистана по международной программе Европейского Союза Erasmus+ KA171.
Претенденты могут подать свои заявки с учетом требований конкурса по ссылке ниже до 15.10.2024:
• Онлайн-заявка на студенческую мобильность для учебы: https://www.service4mobility .com/europe/LoginServlet?identifier=PADOVA01
За дополнительной информацией об участии в этой программе обращайтесь в управление международных связей университета по телефону 234-59-27 и E-mail: [email protected], [email protected], [email protected]

-----------------------------------------------------------------------

ANNOUNCEMENT

The Department of Foreign Affairs of the Technological University of Tajikistan has announced to the students of the University that the University of Padova of the Republic of Italy has declared a competition for participation of students in framework of Erasmus+KA171 International Academic Mobility program for Master students (MSc) for Mechanics and material trades specialties for 2024-2025 academic year.
It should be noted that this University is a partner of the Technological University of Tajikistan in all international programs of the European Union Erasmus+ KA171.
Applicants could submit their applications, according to the requirements of the competition till 15.10.2024:
• Online application for Student Mobility for Studies: https://www.service4mobility .com/europe/LoginServlet?identifier=PADOVA01
For complete information about participation in this program, you can contact the Department of Foreign Affairs of the university.
Contact: Tel.: 2345927, E-mail: [email protected], [email protected], [email protected]

ТАҚВИЯТИ ҲАМКОРИҲОИ ИЛМӢ

Нимаи дуввуми рӯзи 8 июли соли 2024 ҷиҳати тақвияти ҳамкориҳои илмӣ ректори Донишгоҳи технологии Тоҷикистон Раҳмонзода Зоир Файзалӣ бо олимон - Додаев Кучкор Одилович - доктори илмҳои техникӣ, профессори Донишкадаи кимиёвӣ-технологии Тошкенти Ҷумҳурии Ӯзбекистон ва Ҷӯраев Хайрулло Файзиевич - доктори илмҳои техникӣ, профессори Донишкадаи муҳандисӣ-технологии Бухорои Ҷумҳурии Ӯзбекистон, ки ба донишгоҳ ташриф оварда буданд, мулоқот намуд. Зимни мулоқот масъалаи густариши ҳамкориҳои илмӣ ва табодули таҷриба байни олимони самтҳои технологияҳои маводи хӯрока дар донишгоҳҳои ҳар ду кишвар мавриди баррасӣ қарор гирифтанд.
Қайд гардид, ки ҳамкориҳои илмӣ, барои рушди донишгоҳҳо ва омода намудани кадрҳои баландихтисоси илмӣ барои тарафҳо судманд аст.

ДТТ
08.07.2024

РИВОҶИ ҲАМКОРИҲОИ МУШТАРАК

Санаи 8 июли соли 2024 бо ибтикори Вазорати саноат ва технологияҳои нави Ҷумҳурии Тоҷикистон ҷиҳати ба роҳ мондани ҳамкориҳои муштараки самаранок роҳбари корпоратсияи машваратӣ ва хизматрасонии EFC Корея ҷаноби Се Ҷонг Хюн, директори генералии маркази лоиҳаҳои рушди Вазорати саноат ва технологияҳои нави Ҷумҳурии Тоҷикистон Парвиз Ҷабборов ва сардори шуъбаи муассисаҳои таълимӣ ва илмии вазорат Тиллоева Ситора ба Донишгоҳи технологии Тоҷикистон ташриф оварданд.
Ректори донишгоҳ Раҳмонзода Зоир Файзалӣ дар сатҳи зарурӣ меҳмононро қабул намуда, ташрифи онҳоро хайрамақдам гуфт.
Дар рафти мулоқот роҳбари корпоратсияи машваратӣ ва хизматрасонии EFC Корея ҷаноби Се Ҷонг Хюн иброз намуд, ки мақсад ва нияти ин ширкат, ташкил намудани маркази омӯзишӣ ва забономӯзӣ дар назди Донишгоҳи технологии Тоҷикистон барои шаҳрвандони Ҷумҳурии Тоҷикистон, ҷиҳати тайёр намудани онҳо барои муҳоҷирати корӣ ба кишвари Кореяи Ҷанубӣ мебошад. Бояд зикр намуд, ки таъсиси ин марказ ба тамоми шаҳрвандони гӯшаю канори ҷумҳурӣ хизмат расонида, малакаю маҳорати касбӣ ва омӯзиши забони кореягиро барои онҳо таъмин менамояд, то ки дар оянда барои ба кор фиристонидани онҳо мушкилӣ пеш наояд.
Дар навбати худ, ректори донишгоҳ Раҳмонзода Зоир Файзалӣ барои интихоб ва таъсиси маркази омӯзишӣ дар назди донишгоҳ, ба намояндагони вазорат ва меҳмонон ибрози сипосу минатдорӣ намуда, оид ба имконияти донишгоҳ дар тайёр намудани мутахассисони касбии ҷавобгӯи талаботи бозори меҳнат маълумоти мушаххас дода, зарурияти тайёр намудани муҳоҷирони меҳнатиро барои кор дар Ҷумҳурии Кореяи Ҷанубӣ иқдоми шоистаи таҳсин хонд. Зикр намуд, ки роҳбарияти донишгоҳ ҷиҳати саҳм гузоштан барои тайёрии касбии муҳоҷирони меҳнатӣ ҳамеша дар партави дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон омода аст ва ҳамаи имкониятҳоро тибқи талаботи касбӣ доро мебошад.
Дар фарҷоми мулоқот барои ба роҳ мондани корҳои ташкилию омодагӣ оид ба таъсиси маркази мазкур созишномаи ҳамкорӣ ба имзо расонида шуд.

ДТТ
08.07.2024

РӮЗИ ҶАҲОНИИ ФУТБОЛ МУБОРАК!

МУЛОҚОТ БО ҲАЙАТИ НАМОЯНДАГОНИ БАРНОМАИ РУШДИ ҲУҚУҚИ ТИҶОРАТӢ (CLDP)-и ШМА ДАР ДТТ

Муҳокимаи роҳҳо ва усулҳои тиҷораткунонии ихтироотҳо дар ДТТ

Санаи 24 майи соли ҷорӣ дар асоси мактуби Ҳукумати Ҷумҳурии Тоҷикистон (таҳти №15708/29-4.1 аз 30.04.2024) ба Донишгоҳи технологии Тоҷикистон ташрифи намояндагони Барномаи рушди ҳуқуқи тиҷоратӣ Вазорати савдои ИМА - ҳуқуқшиноси калони CLDP Ҷеймс Филпи ва собиқ мудири Дафтари интиқоли технологияҳои Донишгоҳи Бостон доктор Эшли Стивенс барпо гардид.
Тибқи расмиёт, ректори Донишгоҳи технологии Тоҷикистон Раҳмонзода З.Ф. меҳмононро пазируфта, хайру мақдам гуфта, бо сохтори донишгоҳ, дастовардҳои илмӣ-таълимӣ ва ҳамкориҳои байналмилалӣ ба таври мухтасар шинос намуд. Аз ҷумла, зикр гардид, ки дар донишгоҳ зиёда аз 400 нафар кормандон ба фаъолияти таълимӣ, илмӣ ва фарҳангӣ сафарбар гардидаанд. Дар 8 факултет ва 20 кафедра аз руйи 53 ихтисос бакалавр - мутахассисони рақобатпазир барои бозори меҳнат омода карда мешаванд. Фаъолияти илмии донишгоҳ бошад, дар зинаи магистратура аз руйи 36 ихтисос ва аз руйи 8 самти илмӣ докторантура PhD ба роҳ монда шудааст. Қайд карда шуд, ки дар донишгоҳ Шӯрои диссертатсионӣ амал мекунад, ки ба ду самти техникӣ - саноати хӯрокворӣ ва саноати сабук тахассус дорад.
Дар навбати худ меҳмонон Ҷеймс Филпи ва Эшли Стивенс кайд намуданд, ки мақсади онҳо барои омӯзонидани ҷонибҳои манфиатдор дар Тоҷикистон дар раванди арзёбии ихтирооте, ки дар донишгоҳҳо ба даст оварда шудааст ва доир ба усулу роҳҳои ҳифзи ҳуқуқҳои моликияти зеҳнӣ ва тиҷоратикунонии инноватсияҳое, ки дар натиҷаи тадқиқоти устодону донишҷӯёни донишгоҳҳои кишвар ба амал меояд, равона карда мешавад. Зикр гардид, ки барнома аз ҳадафҳои зерин иборат мебошад:
- Баргузор намудани семинари якрӯза дар шаҳри Душанбе бо мақсади омӯзонидани ҷонибҳои манфиатдор оид ба баҳодиҳии ихтироот ва пешниҳоди патент ба Дафтари интиқоли технология (ДИТ);
- баргузор намудани мулоқотҳо бо ректорони донишгоҳҳои дахлдори шаҳри Душанбе барои гирифтани уҳдадориҳои ин муассисаҳои таълимӣ оид ба таъин кардани кормандон барои робита бо ДИТ-и марказӣ дар Тоҷикистон.
Дар интиҳои мулоқот ҷонибҳо изҳор намуданд, ки ҷиҳати амалӣ гардидани ҳадафҳои ин барнома дар чорчубаи қонунҳои амалкунандаи Ҷумҳурии Тоҷикистон дар оянда фаъолияти самаранокро ба роҳ мемонанд.

https://khovar.tj/rus/2024/05/v-tehnologicheskom-universitete-sostoyalis-obuchayushhie-kursy-po-razvitiyu-tekstilnoj-promyshlennosti/

В Технологическом университете состоялись обучающие курсы по развитию текстильной промышленности | НИАТ "Ховар" ДУШАНБЕ, 22.05.2024 /НИАТ «Ховар»/. В Технологическом университете Таджикистана состоялось мероприятие по завершению обучающих курсов для специалистов текстильной пр....

ЭЪЛОН!!!

РУШДИ ҲАМКОРИҲО БО ТАШКИЛОТИ «WTIT - ИНТИҚОЛИ ҶАҲОНИИ ТЕХНОЛОГИЯҲОИ ИТТИЛООТӢ ДАР ТОҶИКИСТОН»

Имрӯз ректори Донишгоҳи технологии Тоҷикистон Раҳмонзода Зоир Файзалӣ дар раванди рушди ҳамкориҳои дуҷониба, ки аз ҷониби Ҳукумати Ҷумҳурии Тоҷикистон ва Ҳукумати Ҷумҳурии Кореяи Ҷанубӣ фароҳам сохта шудаанд, бо намояндаи расмии ташкилоти «WTIT - Интиқоли ҷаҳонии технологияҳои иттилоотӣ дар Тоҷикистон» ва ҳамзамон директори Маркази муштараки Тоҷикистону Кореяи назди донишгоҳ ҷаноби Ёнгҳо ПАК вохӯрӣ намуд. Зимни вохӯрӣ ҷонибҳо аз ҳамкориҳои судманди чандинсолаи хеш бо шарикон ва ташкилотҳои куриёгӣ дар самти рушди маорифи Тоҷикистон, роҳандозии технологияҳои муосири таълимиву методӣ ва мукаммалгардонии базаи моддиву техникии донишгоҳ суҳбат доир намуданд.
Махсусан, ректори донишгоҳ аз саҳми маркази номбурда дар пешбурди технологияҳои навини иттилоотиву коммуникатсионӣ дар донишгоҳ, роҳандозии дастовардҳои илмию техникӣ, ташкили чорабиниҳои илмию фарҳангӣ ва пешбурди фаъолияти илмию таълимии муштарак ибрози назар намуд.
Ҷонибҳо қайд намуданд, ки мақсади ҳамкориҳо пеш аз ҳама баланд бардоштани тавонмандии донишгоҳ оид ба рушди заминаҳои моддиву техникии мосир, такмил додани нерӯи кадриву омӯзгории он дар самти ТИК ва рақобатпазир гардонидани хатмкунандагони ин соҳа мутобиқ ба талаботу меъёрҳои бозори меҳнат инчунин тақвият бахшидани нуфӯзи донишгоҳ дар бозори таълимоти дохилӣ, минтақавӣ ва ҷаҳонӣ, ба шумор меравад. Донишгоҳ ҳамчун муассисаи таълимии ба самти технологияҳо нигаронидашуда, метавонад тариқи омода намудани мутахассисони рақобатпазири ин соҳа дар бозори меҳнат ва таълимоти минтақавӣ ва ҷаҳонӣ бо такя ба таҷрибаи пешқадами донишгоҳҳои кореягӣ барои худ мавқеъи муносибро пайдо намояд. Ин раванд имконият медиҳад ҳамчун омили муҳим барои ноил шудан ба рушди саноати мамлакат тавассути рушди индустрияи ТИК дар асоси табодули рақамӣ (цифровая трансформация) ва роҳандозии технологияҳои “Зеҳни сунъӣ” бо истифода аз таҷрибаи муваффақи Корея барои таҳкими малакаҳои баланди таълимию илмии мутахассисони соҳаи ТИК аҳамияти бузург дошта бошад.
Дар баробари ин, қайд карда шуд, ки Маркази номбурда бо дастгирии Ҳукумати Ҷумҳурии Корея, Фонди миллии тадқиқотии Корея (NRF) ва Ташкилоти кореягӣ оид ба ҳамкориҳои байналмилалӣ (KOICA) барои дар сатҳи лозимӣ ба роҳ мондани раванди тадрис ва омодасозии тренерону волонтёрон тамоми шароити заруриро фароҳам овардааст. Дар он фазои хеле ҳам муосири фарогири технологияҳои навини иттилоотиву коммуникатсионӣ таъмин гардидааст ва бо таҷҳизоти зарурӣ муҷаҳҳаз мебошад.
Дар доираи фаъолияти Марказ ҳоло мунтазам якчанд устодони Кореяи Ҷанубӣ ба донишҷӯёни донишгоҳ аз забонҳои муосири барномасозӣ, робототехника, барномасозии бесарнишинҳо ва зеҳни сунъӣ дарс мегӯянд.
Бо назардошти тамоюли муайяни донишҷуён оид ба азхуд намудани забони кореягӣ ва гирифтани таҳсилот дар Корея соли 2022 дар донишгоҳ “Маркази забономӯзии Институти шоҳ Сеҷонг” ташкил гардид, ки он метавонад дар омодасозӣ ба таҳсилоти касбӣ, шиносоӣ бо таъриху фарҳанги Корея, васеъгардонии ҷаҳонбинӣ ва ташаккули фарҳанги техникии насли нав такони ҷиддие диҳад.
Дар фароварди вохӯрӣ ҷонибҳо иброз доштанд, ки бо пайдо гардидани имкониятҳои бештар кӯшиш менамоянд, ки ҳамкориҳои дуҷонибаро дар самти рушди ТИК дар сатҳи сифатан нав ба роҳ монда, ба натиҷаҳои назарраси илмӣ-тадқиқотии муштарак ва интиқоли технологияҳои пешрафтаи соҳа ноил гарданд.

14.05.2024.

ҲАМГИРОИИ ВОЛИДАЙН ВА ДОНИШГОҲ КАФИЛИ ТАРБИЯТИ МУТАХАССИСИ ҲИРФАӢ
Тибқи нақша-чорабиниҳои тасдиқгардидаи Донишгоҳи технологии Тоҷикистон дар таърихи 4 майи соли ҷорӣ ректори донишгоҳ, Раҳмонзода Зоир Файзалӣ дар ҳошияи суханрониҳои Асосгузори сулҳу ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон дар мулоқот бо фаъолону намояндагони ҷомеа ва ходимони дин бо волидайн ва донишҷӯёни факултети иқтисодиёт ва молия ва факултети муштараки Донишгоҳи давлатии Полотски Ҷумҳурии Белорусс ва Донишгоҳи технологии Тоҷикистон вохурӣ доир намуд.
Ректори донишгоҳ нахуст аз дастгириву ғамхориҳои доимии Асосгузори сулҳу ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон нисбати ҷавонон ёдовар шуда, иброз дошт, ки вазифаи асосии донишҷӯён, пеш аз ҳама, бо баҳои хубу аъло таҳсил намудан, интизоми намунавӣ доштан ва риояи сару либоси аз ҷониби Вазорати маориф ва илми Ҷумҳурии Тоҷикистон тасдиқгардида мебошад.
Раҳмонзода Зоир Файзалӣ таъкид намуд, ки ҳамкории падару модар бо макотиби олӣ имкон медиҳад, ки сатҳи донишу малакаи донишҷӯён баланд гардида, боиси аз байн бурдани камбудию норасоиҳои ҷойдошта ва шомил нагардидани онҳо ба ҳар гуна ҳизбу ҳаракатҳои террористӣ ва ифротгаро гардад. Дар робита ба ин, аз Шумо падару модарони азиз хоҳиш карда мешавад, ки Қонунҳои Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” ва “Дар бораи танзими анъана ва ҷашну маросим дар Ҷумҳурии Тоҷикистон” –ро риоя намуда, фарзандонро дар руҳияи дӯст доштани Ватан, худшиносии миллӣ, эҳтироми калонсолон, арҷ гузоштан ба арзишҳои миллию умумибашарӣ ва ҳифзи дастовардҳои Истиқлолият тарбия намоем.
Дар фароварди вохӯрӣ ректори донишгоҳ бори дигар ҳозиринро барои ташрифашон арзи сипос намуда иброз дошт, ки роҳбарият ва ҳайати устодону омӯзгорони донишгоҳ баҳри дар амал татбиқ намудани сиёсати маорифпарваронаи Пешвои муаззами миллат муҳтарам Эмомалӣ Раҳмон саъйю талош намуда, дар омода намудани кадрҳои баландихтисос саҳмгузор бошанд.

МО ДАР ЯКҶОЯГӢ МУВАФФАҚ МЕГАРДЕМ
Дар таърихи 3 майи соли ҷорӣ дар асоси нақша-чорабиниҳои Донишгоҳи технологии Тоҷикистон ректори донишгоҳ Раҳмонзода Зоир Файзалӣ дар доираи суханрониҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо фаъолону намояндагони ҷомеа ва ходимони дин инчунин тартибу низоми таълиму тарбия, бо волидайн ва донишҷӯёни факултети менеҷмент ва маркетинги байналмилалӣ вохурии навбатиро баргузор намуд.
Зимни суханронӣ ректори Донишгоҳ Раҳмонзода Зоир Файзалӣ қайд намуд, ки бо мақсади боз ҳам равнақ додани низоми тарбияи насли ҷавон, баланд бардоштани ҳисси миллии онҳо, ҳамкории волидайн бо донишгоҳ дар сатҳи зарурӣ ба роҳ монда шавад, зеро бегонапарастию таълимоти ғайрирасмӣ, имрӯз ҷавонони моро аз фарҳанги аҷдодиямон дур намуда, дар тинати онҳо ахлоқи носолим ва тақлид ба фарҳанги бегонаро рушд додааст.
Дар идомаи суханронӣ ректори донишгоҳ иброз намуд, ки дар донишгоҳ тамоми имкониятҳо барои донишҷӯён муҳайё карда шудааст. Донишҷӯён метавонанд аз китобхонаи электронии донишгоҳ ва дигар имкониятҳои донишгоҳ дар раванди таълим ҷиҳати расидан ба ҳадафҳои ниҳоии худ, ҳамзамон аз курсҳои забономӯзӣ, робототехника, технологияҳои иттилоотӣ ва касбомӯзӣ самаранок истифода баранд.
Пас аз суханронии ректори донишгоҳ саволу ҷавоб байни волидайн ва раёсати донишгоҳ сурат гирифт. Аз ҷумла, Тошева Наргис - модари донишҷӯи курси 4-уми ихтисоси 1-25010301 факултети мазкур Султонова Фарангис Салимовна суханронӣ намуда, миннатдории хешро ба раёсати донишгоҳ ва садорати факултету устодоне, ки давоми 4 сол ба фарзандаш таълим додаанд, иброз намуд. Иброз намуд, ки фарзандаш давоми 4 сол дар донишгоҳ бо баҳои аъло таҳсил намуда, гирандаи стипендияи Президентӣ буда, дар доираи ҳамкориҳои байналмилалии донишгоҳ як сол дар Ҷумҳурии Федеративии Олмон таҳсил намудааст. Дар ҷавоб ректори Донишгоҳ қайд кард - барои ҳар нафаре, ки таҳсил ва мутахассиси ҳирфаӣ буданро ҳадафи хеш қарор медиҳад, дар донишгоҳ тамоми имкониятҳо муҳайё буда, метавонад дар ин самт ҳатман ба муваффақият ноил гардад.
Дар хотимаи вохӯрӣ ректори донишгоҳ бори дигар ҳозиринро барои ташрифашон арзи сипос намуда иброз дошт, ки роҳбарият ва ҳайати устодону омӯзгорони донишгоҳ баҳри дар амал татбиқ намудани сиёсати маорифпарваронаи Пешвои муаззами миллат саъйю талош намуда, дар омода намудани кадрҳои баландихтисос саҳми босазои худро мегузоранд.