Маркази миллии тестии назди Президенти Ҷумҳурии Тоҷикистон

ОҒОЗИ ДАВРИ СЕЮМИ КОРҲОИ ШИНОСОӢ БО НИЗОМИ ИМД 2026

Душанбе, 2-юми феврали соли 2026
Мувофиқи тартиби муқарраркардаи Ҳукумати Ҷумҳурии Тоҷикистон ва нақшаи фаъолияти Маркази миллии тестии назди Президенти Ҷумҳурии Тоҷикистон корҳои иттилоърасонию таблиғотӣ дар шакли курсҳои шиносоӣ ҳамасола аз моҳи январ то охири моҳи март дар се сатҳ (давр) – миқёси 1) ҷумҳурӣ, 2) шаҳру ноҳияҳо ва 3) муассисаҳои таълимии таҳсилоти миёнаи умумӣ (-и дахлдор) баргузор мегардад.
Даври сеюми корҳои иттилоърасонию таблиғотӣ дар шакли курсҳои шиносоӣ бо низоми ИМД 2026 аз 2-юм феврал оғоз гардида, то 10-уми феврали соли ҷорӣ идома меёбад. Дар доираи ин курсҳои шиносоӣ 46 нафар корманди Марказ барои ташкилу баргузории вохӯриҳо ба 68 шаҳру ноҳияи ҷумҳурӣ сафарбар шуданд ва кормандон мувофиқи нақша дар давоми 9 рӯз дар 314 муассисаи таълимӣ бо хонандагони синфҳои 9-ум ва 11-ум, омӯзгорон, падару модарон ва алоқамандони дигари низоми ИМД вохӯрӣ мегузаронанд.
Дар баробари ин, кормандони Марказ дар шаҳру ноҳияҳои ҷумҳурӣ бо мақсади ошноӣ пайдо кардани кормандони мақомоти иҷроияи ҳокимияти давлатӣ ва раёсату шуъбаҳои маорифи шаҳру ноҳияҳои ҷумҳурӣ бо кормандони ин идораҳо суҳбат карда, маводди иттилоотию методӣ, аз ҷумлаи дастури иттилоотию методии “Роҳнамои довталаб” ва маҷмуаи саволу масъалаҳои тестиро ба онҳо дастрас менамоянд.

www.ntc.tj

ЛУЧШИЕ ШКОЛЬНИКИ СТРАНЫ – «КУБОК РУКОВОДСТВА РТСУ» НАШЁЛ СВОИХ ПОБЕДИТЕЛЕЙ

​В Российско-Таджикском (Славянском) университете подведены итоги республиканского интеллектуального конкурса среди учащихся 11-х классов общеобразовательных школ «Кубок руководства РТСУ», проведённого совместно с Национальным центром тестирования при Президенте Республики Таджикистан.

Конкурс прошёл при поддержке Министерства образования и науки Республики Таджикистан и объединил талантливых выпускников школ из разных регионов страны. Участникам предстояло выполнить тестовые задания по общеобразовательным предметам, а также задания открытого типа, требующие аналитического мышления и развернутых ответов. По результатам конкурсных испытаний были определены победители и призёры интеллектуального конкурса по каждому региону.

https://www.ntc.tj/ru/glavnay/novosti/luchshie-shkolniki-strany-kubok-rukovodstva-rtsu-nashjol-svoikh-pobeditelej.html

ШАРҲУ ТАВЗЕҲИ НУКТАҲОИ ПАЁМИ ПЕШВОИ МИЛЛАТ ДАР МАРКАЗИ МИЛЛИИ ТЕСТӢ

​

Душанбе, 26-уми декабри соли 2025

​

26-уми декабри соли 2025 дар дафтари асосии Маркази миллии тестии назди Президенти Ҷумҳурии Тоҷикистон барои шарҳу тавзеҳи нуктаҳои Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, ки санаи 16-уми декабри соли равон баргузор гардида буд, ҷаласа доир гардид.

Дар ҷаласа директори Марказ Ҷаъфарзода Сабзалӣ Файзалӣ, раиси Кумитаи иҷроияи ҲХДТ дар ноҳияи Исмоили Сомонӣ Қурбонзода Убайдулло, мудири шуъбаи таблиғот ва иттилоотии ин Кумита Гадоев Абдурасул ва кормандони Марказ иштирок намуданд.

Ҷаласа бо садо додани Суруди миллӣ ва суханони ифтитоҳии директори Марказ Ҷаъфарзода Сабзалӣ Файзалӣ оғоз шуд.

СУРАТГУЗОРИШ АЗ ҶАРАЁНИ ОЛИМПИАДАИ ХОНАНДАГОНИ СИНФҲОИ 11-УМИ МУАССИСАҲОИ ТАЪЛИМИИ ТАҲСИЛОТИ МИЁНА УМУМИИ ШАҲРИ ДУШАНБЕ АЗ ФАНҲОИ МАТЕМАТИКА, ФАЗИКА, ХИМИЯ, БИОЛОГИЯ, ТЕХНОЛОГИЯҲОИ ИТТИЛООТӢ ВА ГЕОГРАФИЯ БАРОИ ДАРЁФТИ "ҶОМИ РАЁСАТИ ДБССТ"

ОҒОЗИ ОЛИМПИАДАИ ХОНАНДАГОНИ СИНФҲОИ 11 БАРОИ ДАРЁФТИ «ҶОМИ РАЁСАТИ ДБССТ»

20 декабри соли 2025 дар Донишгоҳи байналмилалии сайёҳӣ ва соҳибкории Тоҷикистон озмун (олимпиада)-и хонандагони синфҳои 11-и муассисаҳои таҳсилоти миёнаи умумии шаҳри Душанбе барои дарёфти «Ҷоми раёсати Донишгоҳи байналмилалии сайёҳӣ ва соҳибкории Тоҷикистон» расман оғоз гардид.

Олимпиада дар доираи иҷрои Нақшаи чорабиниҳои “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” баргузор шуда, ҳадафи он дарёфт, дастгирӣ ва рушди истеъдодҳои ҷавон, инчунин таҳкими шавқу ҳавасмандии хонандагон ба омӯзиши илмҳои риёзӣ, дақиқ ва табиӣ мебошад.

Дар маросими ифтитоҳи олимпиада Ёрдамчии Президенти Ҷумҳурии Тоҷикистон оид ба масъалаҳои иҷтимоӣ ва робита бо ҷомеа Раҳмонзода Абдулло Қурбоналӣ, директори Маркази миллии тестии назди Президенти Ҷумҳурии Тоҷикистон Ҷаъфарзода Сабзалӣ Файзалӣ, ректори Донишгоҳи байналмилалии сайёҳӣ ва соҳибкории Тоҷикистон, профессор Асрорзода Убайдулло Саттор иштирок намуда, суханронӣ намуданд.

Зимни баромадҳо таъкид гардид, ки баргузории чунин олимпиадаҳо ба татбиқи сиёсати давлатӣ дар самти рушди илму маориф, омода намудани кадрҳои баландихтисос, тарбияи насли наврас дар рӯҳияи донишандӯзӣ, мусоидат менамояд.

Ҳамзамон дар кори олимпиада намояндагони Агентии назорат дар соҳаи маориф ва илми назди Президенти Ҷумҳурии Тоҷикистон, Академияи миллии илмҳои Тоҷикистон, мақомоти маорифи ноҳияҳои шаҳри Душанбе, Марказҳои дарёфт ва рушди истеъдодҳо, мақомоти иҷрояи ҳокимияти давлатии ноҳияҳои пойтахт, омӯзгорон ва тақрибан 1000 нафар хонандагон ширкат варзиданд.

Қобили зикр аст, ки натиҷаҳои олимпиада дар марҳилаҳои минбаъда ҷамъбаст гардида, ғолибон бо ҷоизаҳо ва «Ҷоми раёсати Донишгоҳи байналмилалии сайёҳӣ ва соҳибкории Тоҷикистон» қадрдонӣ хоҳанд шуд.

МАРОСИМИ МУКОФОТСУПОРӢ БА ДАҲГОНАИ БЕҲТАРИН ДОВТАЛАБОНИ ИМД ДАР СОЛИ 2025

Душанбе, 2-юми декабри соли 2025

2-юми декабри соли 2025 дар толори Донишгоҳи давлатии тиббии Тоҷикистон ба номи Абуалӣ ибни Сино маросими мукофотсупорӣ ба даҳгонаи беҳтарин довталабон дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2025 ба таври идона бо иштироки намояндагони Ҳукумати кишвар, роҳбарони аввали ниҳодҳои марбутаи шаҳриву ҷумҳуриявӣ ва донишҷӯёну толибилмон баргузор гардид.

Сифати таҳсилот яке аз масъалаҳои муҳимтарини соҳаи маорифи кишвар ба ҳисоб рафта, ҳамеша дар мадди назари Президент ва Ҳукумати Ҷумҳурии Тоҷикистон қарор дорад. Бо ин мақсад Маркази миллии тестии назди Президенти Ҷумҳурии Тоҷикистон низ пайваста барои тарғибу ташвиқи бештари донишандӯзӣ, ки яке аз омилҳои баланд бардоштани сифати таҳсилот аст, кӯшиш мекунад. Марказ дар ҳамин робита барои дастгирии иҷтимоӣ, баланд бардоштани ҳисси худшиносию ватандӯстии ҷавонон ва ҳавасмандсозии онҳо, аз ҷумла ҳар сол даҳгонаи беҳтарини довталабонро дар ИМД, ки аз рӯйи дастовардҳо – холҳои бадастовардаашон дар ҷойи аввал қарор мегиранд ва тибқи рейтинги ҳамгиро (интегралӣ) аз ҳамаи субтестҳо дар имтиҳонҳои номбурда мақоми болотаринро соҳиб мешаванд, муайян ва қадр менамояд.

Марказ тибқи нақшаи чорабиниҳо барои солҳои 2020-2025 оид ба амалигардонии “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” эълон намудани солҳои 2020-2040”, ки бо қарори Ҳукумати Ҷумҳурии Тоҷикистон аз 30-юми июли соли 2020, № 427 тасдиқ гардидааст, довталабонеро, ки аз рӯйи дастовардҳо – соҳиб шуданашон ба шумораи имконпазири ҳадди аксари холҳо аз фанҳои табиатшиносӣ, дақиқ ва риёзӣ дар доираи гурӯҳи ихтисосҳо аз ҷумлаи беҳтаринҳоянд, низ интихоб ва қадрдонӣ мекунад.

ТАШКИЛИ НУҚТАИ САЙЁРИ БАҚАЙДГИРӢ ДАР НОҲИЯИ ЁВОН

Душанбе, 21-уми ноябри соли 2025

Маркази миллии тестии назди Президенти Ҷумҳурии Тоҷикистон ба таваҷҷуҳи шахсони хоҳишманди таҳсил дар гурӯҳҳои ғоибона ва фосилавии муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2025 мерасонад, ки барои давраи чоруми бақайдгирии довталабон ҷиҳати иштирок дар имтиҳонҳои марказонидаи дохилшавӣ ИМД 2025 дар заминаи муассисаи давлатии таълимии "Литсейи касбии техникии ноҳияи Ёвон” 25-уми ноябри соли 2025 нуқтаи сайёри бақайдгирӣ фаъолият мекунад.

Довталабон барои гирифтани маълумот дар бораи тартиби номнависӣ ва нуқтаи сайёри бақайдгирӣ метавонанд тавассути телефон (рақамҳо: 224 53 68 ва 224 53 73) бо шахсони масъули Марказ дар тамос шаванд.

https://www.ntc.tj/tj/hamai-khabarho/konstitutsiya-bakhtnoma-va-ra-namoi-millat.html

www.ntc.tj

ОҒОЗИ ДАВРАИ ЧОРУМИ БАҚАЙДГИРИИ ДОВТАЛАБОН БАРОИ ИШТИРОК ДАР ИМД 2025

www.ntc.tj

ЭЪЛОНИ НАТИҶАҲОИ ОЗМУНИ ТАҚСИМОТИ ТАКРОРИИ ДОВТАЛАБОН ДАР ДАВРАИ СЕЮМИ ИМД 2025

7-уми октябри соли 2025 Маркази миллии тестии назди Президенти Ҷумҳурии Тоҷикистон натиҷаҳои озмуни тақсимоти такрории довталабонеро, ки дар давраи сеюми имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2025 иштирок кардаанд, эълон кард.

Барои эълони натиҷаҳои тақсимоти такрории довталабон аз хизматрасонии ирсоли паёмакҳо ва кабинетҳои инфиродии довталабон истифода карда шуд. Вобаста ба ин, дар бораи натиҷаҳои тақсимоти такрории довталабон ба телефони мобилии ҳар довталаби дар давраи аз 1-ум то 4-уми октябр аз нав номнависшуда паёмак бо маълумоти мухтасар фиристода шуд. Инчунин, маълумоти муфассал дар ин бора, аз ҷумла бали умумии аз қисми дахлдор бадастовардаи довталаб дар доираи ҳар як комбинатсияи ихтисоси интихобкардааш ва бали гузариш дар доираи ҳар як комбинатсия (агар довталаб дар озмун аз рӯйи он(ҳо) комёб нагардида бошад) дар кабинети инфиродии ҳар як довталаб ҷойгир карда шуд.

Ёдрас менамоем, ки бо мақсади шинос шудан бо натиҷаҳои озмуни тақсимоти такрорӣ довталаби барои иштирок дар ин озмун аз нав номнависшуда бояд аз кабинети инфиродии наваш истифода кунад. Барои воридшавӣ ба кабинети инфиродӣ довталаб бояд аз рақами назоратии нав ва рамзи муваққатии кабинет, ки дар варақаи бақайдгирии охиринаш қайд шудааст, истифода намояд.

Муфассал: дар www.ntc.tj

ЭЪЛОНИ НАТИҶАҲОИ ОЗМУНИ ТАҚСИМОТИ ТАКРОРИИ ДОВТАЛАБОН ДАР ДАВРАИ СЕЮМИ ИМД 2025

https://ntc.tj/tj/hamai-khabarho/eloni-natijahoi-ozmuni-taqsimoti-takrorii-dovtalabon-dar-davrai-seyumi-imd-2025.html