เว็บไซต์คืออะไร?

https://www.facebook.com/116021121901895/

สุภาษิตคำเมือง ล้านนา

Q: ที่อยู่อะไร?

จังหวัดน่าน

หน้าหลัก
ประเทศไทย
Nan
สุภาษิตคำเมือง ล้านนา

นักเดินทาง พเนจร ในท้องถิ่นล้านนา

27/04/2025

เห็ดลำล้อ หน่อลำรถ บ่อเต้าจิ้นลาบถ้วยเดียว
กินข้าวงายกั๋นครับ

16/04/2024

ชอบเล่น Line คือคนเฒ่า มักนั่งเฝ้าสวัสดี
ชอบเล่น IG คือดาราโชว์ดราม่าความเป็นไป
คนกลางวัยชอบ Facebook เล่าทุกข์สุขบ่เว้นวัน
ชอบเหมือนกันคือขี้จ่ม ชอบนั่งบ่มแลก้มหน้า
อย่างผีบ้านั่งใคร่หัว เล่าเรื่องผัวจ่มเรื่องลูก
เล่าเรื่องถูกเล่าเรื่องแปง เล่าเรื่องแข็งเล่าเรื่องอ่อน
เรื่องสำส่อน สอนธรรมะ มีสัพพะโลกออนไลน์
ผลสุดท้ายอย่าลืมจ่ายบิลโทรศัพท์เน้ออ้ายเหย

16/04/2024

ทำบุญฮับศีล ฮับปอน ไปเมื่อต่าเจ้า
ตกแลงแว่ใส่เหล้า คืนศีลหื้อตุ๊เจ้า
ไปเหียสี่ข้อเกิ่ง.....มันมีแต้ก่อหานิ

16/04/2024

ต๋อนบ่ายค่ำแลง ญิงจายใหญ่น้อย ต่างขนหาบทราย ไปวัด เอาก๋องรวมกั๋น พ่องน้อยพ่องนัก จนใหญ่คล้ายอั้น เจดีย์ ปักตุงเอาไว้ สิบสองราศี ทุกหอเฮือนมี จัดเตรียมผูกห้อย

16/04/2024

13เมษา ถัดมาจากหั้น เปิ้นฮ้องว่าวัน ส่งเคราะห์ ต๋อนเจ้าทำบุญ ต๋อนงายยามเหมาะ ไม้สานแตะน้อย สี่อัน เครื่องครัวพร้อมแล้ว หน้าตี่ปู่จารย์ กล่าวกำเวียนตาน ส่งเคราะห์แหมน้อย หนุ่มเฒ่าญิงจาย นั่งยายเป๋นถ้อย รอน้ำสัมปล่อย ผายผะ

30/09/2023

ของกินลำอยู่ตี้คนมัก
หน้านี้กะยำหน่อไม้ใส่น้ำปู๋น้อปี้น้อง

30/09/2023

กั๋วล้ำจ่างต๋าย อายล้ำจ่างต่าว

12/05/2022

ลุกยามเจ้าจะไปย่ำตีนเเฮง
ถ้ากินข้าวจะไปเคาะถ้วยแกง
บ่อดีไปแยงผ่อบ่อน้ำ

23/08/2021

จะไปเอาคนต๋าบอดมานำตาง
จะไปเอาคน
ต๋าฟางมาแบกไม้แคร่”

30/11/2020

“ไม้พัวะไม้พั้ง น้ำตั้งปาไหล บ่ดีนำไป แป๋งหลัวนึ่งข้าว หมากไม้อยู่สูง ต้องใช้ไม้ส้าว ค่อยสิสอยเอาไปใจ๊..มีดจะบ้าง ก็ย้อนต๋าไม้ มันแข็งแต๊ใบ้เกิ๋นคม อู้จ๋าอ่อนก๊อม คนฮักคนหม ไผก็นิยม จื้นจมชอบสู้ ขี้อู้ปากนักชอบตั๊กชอบอู้ ไหลตั๋วเข้าจูอย่างนั้น..คนดีช่างเสีย ย้อนเหล้าหน่อจั๊น ขาดสติอั้นเมามาย ไม้ไฮกับจ๊าง แม่ฮ้างผัวหลาย หญ้าคู่กับควาย ฝายกับน้ำกว้าง บ่มีเงินทอง ช่องใช้ฮับจ้าง เหมือนไหน่เตียวตางกิ่งไม้..เล่นเสียกำยำ มักกำช่างไร้ ช่างปาหื้อได้เสียเงิน ใช้เกิ๋นตั๋วนั้น ปาอั้นขาดเขิน เมินต๋ำเมิน อยู่บ้านบ่ได้
จ้องอยู่ที่ไกล๋ ฝนอยู่ที่ใกล้ ช่างตกฮำไปชุ่มเนื้อ..ขี้คร้านแอวยาน ไผบ่เอื้อเฟื้อ ไผบ่ก่อเกื้ออิ่นดู นกปู่ติ๊ด ชอบชิดกิ๋นหนู ฮ้าปล๋าทู เป็นฮูหนอนเข้า ใคร่ฮู้กำธรรม ต้องเปิ้งตุ๊เจ้า ตั้งใจ๋ฟังเอาบ่ละ ..แป๊ได้เป็นมาร ก๊านได้เป็นพระ สุขเกิดขึ้นได้ย้อนปอ ไม้ก๊ดงอง้อง จ้องใจ๊แป๋งขอ เหล็กก๊ดเหล็กงอ แป๋งเกียวงามใบ้ คนก๊ดอย่างเดียว แป๋งหยังบ่ได้ มีแต่ปายในจ้อกจ๊ำ..มัดไก่ผ่อหลัก แก๋งผักผ่อน้ำ ยามเมื่อเข้าถ้ำต๋ามไฟ ขี่รถขี่ล้อ หื้อผ่อไกล๋ไกล๋ ตางหน้าเป็นใด ที่ดอนที่โห้ง
จะแป๋งน้ำบวย ต้องเปิ้งกะโหล้ง ฮอกเปิ้งโกร๋นโพรงหลืบเลิ้ก..มีขาหื้อเตียว มีเขี้ยวเกิ๊กเดิ๊ก หื้อช่างขบอั้นก้าบคอ ไม้ต้นเดียวนั้น มันบ่เป็นก๋อ ป๋อต้นเดียวนอ บ่เป็นเหล่าได้ บ่เป็นเหล่าได้”.....สะบันงายม หลามปล๋ายก็จ่องไขว้ โบราณว่าไว้ หื้อนำไป ปิ๊จจาระณาผ่อแหล่..สรรชัย ธิวงษา...แต้มไว้...ขอบคุณเจ้าของภาพตวยเน้อครับ...