28/05/2026
ဖြတ်သန်းလာခဲ့ရတဲ့ မြန်မာ School Culture
“အပြင်က ပြဿနာတွေ ကျောင်းကို မသယ်လာနဲ့”
ဆိုတဲ့စကားကို ဆရာ၊ ဆရာမတွေဆီက ကြားဖူးကြမှာပါ။
တစ်ဖက်မှာလည်း “ကျောင်းက ပြဿနာတွေကို မိဘတွေနားထဲ၊ ပတ်ဝန်းကျင်ထဲ မရောက်အောင် ဖုံးဖိထား” ဆိုတဲ့ Culture မျိုးကလည်း အမြစ်တွက်နေခဲ့ပြန်တယ်။ မဖုံးနိုင်မဖိနိုင်တော့မှ ပြဿနာကို အပေါ်ယံဖြေရှင်းကြတာများပြီး၊ ဖြေရှင်းတဲ့နည်းလမ်းကလည်း မယောင်ရာဆီလူး မမျှတမှုတွေနဲ့ပဲ အဆုံးသတ်သွားလေ့ရှိပါတယ်။
ဒါပေမယ့်… ပညာရေးဆိုတာ စာအုပ်ထဲက သင်ခန်းစာတွေကို အလွတ်ကျက်ဖို့တင် မဟုတ်ပါဘူး။ ကလေးတွေရဲ့ နေ့စဉ်ဘဝ (Real Life) နဲ့ ဆက်စပ်ပြီး စဉ်းစားတတ်ဖို့၊ ပြဿနာတွေကို ရင်ဆိုင်ဖြေရှင်းတတ်ဖို့ သင်ပေးရတာလည်း ပါဝင်ပါတယ်။
သို့သော် မြန်မာ့ School Culture ထဲမှာတော့ ကလေးတွေရဲ့ Real Life Problems တွေကို ပွင့်ပွင့်လင်းလင်း ဆွေးနွေးဖို့၊ မေးခွန်းထုတ်ဖို့၊ အဖြေရှာဖို့ဆိုတာကို ကျောင်းက အဆင်သင့်ရှိမနေခဲ့ပါဘူး။ စိတ်ဖိစီးမှု၊ မိသားစုအခက်အခဲ၊ Bullying, Mental Health နဲ့ လူမှုရေးဖိအားတွေလို ကလေးတွေရဲ့ တကယ့်ဘဝပြဿနာတွေကို “စာမေးပွဲနဲ့ မဆိုင်ဘူး” ဆိုပြီး ဘေးဖယ်ထားလိုက်တဲ့အခါ ကလေးတွေဟာ စာတတ်လာနိုင်ပေမယ့် ဘဝကို ရင်ဆိုင်နိုင်တဲ့ စွမ်းရည်တွေ မရလာတော့ပါဘူး။
ဒီအလေ့အထက အခြေခံပညာမှာတင် ရပ်မသွားဘဲ အဆင့်မြင့်ပညာအထိ ကူးစက်လာပါတယ်။ တစ်ဆက်တည်းမှာပဲ တက္ကသိုလ်တွေဆိုတာလည်း မြန်မာ့လူမှုဘဝပြဿနာတွေ၊ နိုင်ငံရေးပြဿနာတွေကို လွတ်လပ်စွာ ဆွေးနွေးအဖြေရှာခွင့်ရှိတဲ့ နေရာတစ်ခု မဟုတ်ခဲ့ပြန်ဘူး။
ဒီလိုနဲ့ ပြဿနာတွေကို ပွင့်ပွင့်လင်းလင်း ဆွေးနွေးအဖြေရှာရကောင်းမှန်းမသိဘဲ ကြီးပြင်းလာရတဲ့ အကျိုးဆက်ကတော့— နိုင်ငံအရေးကို ဆွေးနွေးအဖြေရှာဖို့ ကတိပေးပြီး နေရာယူခဲ့ကြတဲ့ လွှတ်တော်လို နေရာမျိုးမှာတောင် တကယ်တမ်း ဆွေးနွေးကြတဲ့အခါ အသက်မပါ၊ Heart မထိဘဲ အပေါ်ယံ ဟန်ပြတွေ ဖြစ်ကုန်ကြတာပါပဲ။
တကယ်တော့ ကျောင်း (ဒါမှမဟုတ်) ပညာရေးအဖွဲ့အစည်းဆိုတာ ပြဿနာတွေကို ဖုံးဖိထားတဲ့နေရာ မဟုတ်ဘဲ၊ စိုးရိမ်ကြောင့်ကြမှုမရှိဘဲ လုံခြုံစွာ ဆွေးနွေးအဖြေရှာနိုင်တဲ့ နေရာတစ်ခု ဖြစ်သင့်ပါတယ်။
ဒါကြောင့်မို့လို့ပဲ... ကျွန်မတို့ EDUCESS Online School ကို ဖွင့်လှစ်တည်ထောင်ရခြင်းရဲ့ နောက်ကွယ်မှာ အပေါ်ယံ ဟန်ပြတွေနဲ့ အမြစ်တွက်နေခဲ့တဲ့ မြန်မာ့ School Culture အဟောင်းတွေကို အမြစ်ကလှန်ပြီး တော်လှန်ပစ်မယ်ဆိုတဲ့ ရည်ရွယ်ချက်က ခိုင်ခိုင်မာမာ ရှိနေခဲ့တာပါ။
EDUCESS ဟာ ကလေးတွေအတွက် စာအုပ်ထဲက စာတွေကိုတင်မကဘဲ၊ မိမိကိုယ်မိမိ လုံခြုံစိတ်ချစွာနဲ့ အမှန်တရားကို မေးခွန်းထုတ်ရဲဖို့၊ Real Life Problems တွေကို ရင်ဆိုင်ဖြေရှင်းရဲဖို့နဲ့ တွေးခေါ်မြော်မြင်မှုအပြည့်နဲ့ လူလားမြောက်လာစေဖို့အတွက် စိုးရိမ်ကြောင့်ကြမှုကင်းဝေးတဲ့ Safe Space (လုံခြုံတဲ့ နယ်မြေတစ်ခု) အဖြစ် အမြဲတမ်း ရပ်တည်ပေးသွားမှာ ဖြစ်ပါတယ်။
၂၈/၅/၂၀၂၆
