Edu-Sport TV online

ນຳສະເໜີຂ່າວສານກ່ຽວກັບສຶກສາ, ວິທະຍາສາດ ແລ ກິລາ

22/08/2026

ທ່ານຮອງນາຍົກລັດຖະມົນຕີ, ລັດຖະມົນຕີກະຊວງສຶກສາທິການ ແລະ ກິລາ ເນັ້ນໃຫ້ເອົາໃຈໃສ່ 8 ທິດທາງ ແລະ ມາດຕະການ ເພື່ອແກ້ໄຂບັນຫາການປະລະການຮຽນ ແລະ ຍົກສູງຄຸນນະພາບການສຶກສາ ໃນໄລຍະໃໝ່.

22/08/2026

🇱🇦ຈູຈິດຊູລາວ ຄວ້າໄດ້ແລ້ວ 1 ຫຼຽນເງິນ 2 ຫຼຽນທອງ ( 1 ຫຼຽນເງິນໄດ້ຈາກ ນາງ ແປງ ແສງມະນີ) ໃນການເຂົ້າຮ່ວມແຂ່ງຂັນກີລາຈູຈິດຊູ ຊີງແຊ່ມອາຊຽນ 2026 ທີ່ປະເທດກຳປູເຈຍ (19-24 ສິງຫາ 2026).
ນີ້ເປັນການກະກຽມທີມກ່ອນເຂົ້າຮ່ວມ ການແຂ່ງຂັນກິລາເອຊຽນ ເກມ ຄັ້ງທີ 20 ທີ່ປະເທດຍີ່ປຸ່ນ ລະຫວ່າງວັນທີ 19 ກັນຍາ ຫາ 4 ຕຸລາ 2026.
ສຳລັບຄະນະທັງໝົດະກອບມີ:
1. ທ່ານ ສຸກສະໄຫມ ສະເຫລີມສຸກ ຮອງປະທານ ແລະ ເລຂາທິການ (ຫົວຫນ້າຄູຝຶກ)
2. ທ່ານ ກັນຍາເພັດ ພັນດານຸວົງ ຮອງເລຂາທິການ (ຄູຝຶກ)
3. ທ່ານ ແສງເພັງ ດວງວິໄລ ຄູຝຶກ
ນັກກິລາ
1. ຮ້ອຍເອກ ຈິນດາວອນ ສີວັນວິໄລ -69 ກກ (Jiujitsu and Fighting)
2. ທ້າວ ຄຳແກ້ວ ວິໄລພອນ -62ກກ (Jiujitsu and Fighting)
3. ນາງ ແປງ -57ກກ (Jiujitsu and Fighting)
4. ນາງ ມາລາ ຈັນທະລັກສາ ປະເພດຄູ່ Duo women ແລະ Show Women
5. ນາງ ກຸ້ງກິ້ງ ບຸດດາໄຊ ປະເພດຄູ່ Duo women ແລະ Show Women.
ທີ່ມາ: ສະຫິພັນຈູຈິດຊູແຫ່ງຊາດລາວ.

22/08/2026

ແຕ່ງຕັ້ງທ່ານ ອຸທັນ ໄຕລິດທິ ເປັນຮອງປະທານສະຫະພັນຍິງປືນແຫ່ງຊາດລາວ
--------------------------------------------------------------------------
ທ່ານ ອຸທັນ ໄຕລິດທິ ປະທານບໍລິສັດ ລາວສະແຕນດາດ ຄອນໂທຣ ຈຳກັດ ປະທານສະໂມສອນຍິງປືນໄອພີເອສຊີ ຖືກແຕ່ງຕັ້ງເປັນຮອງປະທານສະຫະພັນຍິງປືນແຫ່ງຊາດລາວ ຢ່າງເປັນທາງການ ເພື່ອກຽມຄວາມພ້ອມໃນການນຳພາທັບນັກກິລາຍິງປືນທີມຊາດລາວ ເຂົ້າຮ່ວມສ້າງຜົນງານກິລາໃນລະດັບພາກພື້ນ, ອານຸພາກພື້ນ ແລະ ສາກົນ ໂດຍສະເພາະການກະກຽມຄວາມພ້ອມເຂົ້າຮ່ວມກິລາຊີເກມ ຄັ້ງທີ 34 ທີ່ປະເທດມາເລເຊຍ ໃນປີ 2027.
ດ້ວຍຜົນງານທີ່ໂດດເດັ່ນລະດັບຊາດ ໃນການເສຍສະຫຼະປະກອບສ່ວນວັດຖຸ ແລະ ທຶນຮອນຂອງທ່ານ ອຸທັນ ໄຕລິດທິ ທີ່ໄດ້ປະກອບສ່ວນເຂົ້າໃນການສ້າງສາພັດທະນາປະເທເຊາດ ກໍຄື ວຽກງານການສຶກສາ ແລະ ກິລາ ໄດ້ສ້າງໂຮງຮຽນປະຖົມສຶກສາສີວິໄລ ເມືອງປາກຊັນ ແຂວງບໍລິຄຳໄຊ ເກືອບ 5 ຕື້ກີບ. ນອກນັ້ນ ຍັງສະໜັບສະໜູນເງິນ 200 ລ້ານກີບ ໃຫ້ແກ່ທັບນັກກິລາຍິງປືນໄອພີເອັດຊີທີມຊາດລາວ ຮ່ວມງານມະຫະກຳກິລາຊີເກມ ຄັ້ງທີ 33 ທີ່ປະເທດໄທ ເປັນເຈົ້າພາບ ໃນປີ 2025 ແລະ ປະກອບສ່ວນບັນດາກິດຈະກຳຂອງຊາດ ຍ້ອນມີຜົນງານທີ່ໂດດເດັ່ນ ທ່ານ ອຸທັນ ໄຕລິດທິ ຈຶ່ງໄດ້ຮັບການປະດັບຫຼຽນໄຊພັດທະນາ ຊັ້ນ I ແລະ ຫຼຽນລະນືກ 50 ປີ ວັນສະຖາປະນາ ສປປ ລາວ ຈາກພະນະທ່ານ ສອນໄຊ ສີພັນດອນ ນາຍົກລັດຖະມົນຕີແຫ່ງສປປ ລາວ, ຫຼຽນໄຊພັດທະນາ ຊັ້ນ lll ຈາກປະທານປະເທດ ແລະ ຫຼຽນຊາວໜຸ່ມຕະລຸມບອນຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິວັດລາວ.

22/08/2026

#ສະຫຼຸບຜົນງານຂອງທັກນັກກິລາດອກປີກໄກ່ເຍົາວະຊົນທີມຊາດລາວ ທີ່ເຂົ້າຮ່ວມການແຂ່ງຂັນກິລາດອກປີກໄກ່ເຍົາວະຊົນຊີງແຊ້ມອາຊຽນ ລາຍການ "Southeast Asia Badminton Regional Championships 2026" ທີ່ປະເທດກຳປູເຈຍ ລະຫວ່າງວັນທີ 15-21 ສິງຫາ 2026.
- ⁠🥇ອັນດັບທີ 1 ປະເພດຊາຍດ່ຽວ ຮຸ່ນອາຍຸຕໍ່າກວ່າ 23 ປີ: ທ້າວ ໄຊຍະລາດ ສຸກສະຫວັດ
- ⁠🥈ອັນດັບທີ 2 ປະເພດຍິງຄູ່ ຮຸ່ນອາຍຸຕໍ່າກວ່າ 16 ປີ: ນາງ ອາລິສາ ສຸກສະຫວັດ ແລະ ນາງ ທິບມະນີ ບ່າວທະນົນ
- ⁠🥈ອັນດັບທີ 2 ປະເພດຍິງຄູ່ ຮຸ່ນອາຍຸຕໍ່າກວ່າ 19 ປີ: ນາງ ມຸທິຕາ ກິນນາວົງ ແລະ ນາງ ເມສາທິບ ດ້ວງເງິນ
- ⁠🥈ອັນດັບທີ 2 ປະເພດຊາຍຄູ່ ຮຸ່ນອາຍຸຕໍ່າກວ່າ 23 ປີ: ທ້າວ ໄຊຍະລາດ ສຸກສະຫວັດ ແລະ ທ້າວ ໄຊຍະສອນ ແກ້ວໄຊ
- 🥉 ອັນດັບທີ 3 ປະເພດຊາຍຄູ່ ຮຸ່ນອາຍຸຕໍ່າກວ່າ 16 ປີ: ທ້າວ ອານາຈັກ ທະວີໄຊ ແລະ ທ້າວ ເພັດມັງກອນ ປາລົມ
- ⁠🥉 ອັນດັບທີ 3 ປະເພດຄູ່ປະສົມລຸ້ນອາຍຸຕໍ່າກວ່າ 16 ປີ: ທ້າວ ອານາຈັກ ທະວີໄຊ ແລະ ນາງ ອາລິສາ ສຸກສະຫວັດ
- ⁠🥉ອັນດັບທີ 3 ປະເພດຊາຍຄູ່ ຮຸ່ນອາຍຸຕໍ່າກວ່າ 19 ປີ: ທ້າວ ທອງປັນຍາ ສຸວັນມະນີ ແລະ ທ້າວ ອານຸວົງ ອຸລາລົມ
- ⁠🥉ອັນດັບທີ 3 ປະເພດຊາຍດ່ຽວ ຮຸ່ນອາຍຸຕໍ່າກວ່າ 19 ປີ: ທ້າວ ທອງປັນຍາ ສຸວັນມະນີ
- ⁠🥉🥉ອັນດັບທີ 3 ປະເພດຍິງດ່ຽວ ຮຸ່ນອາຍຸຕໍ່າກວ່າ 19 ປີ: ນາງ ມຸທິຕາ ກິນນາວົງ ແລະ ນາງ ເມສາທິບ ດ້ວງເງິນ.

22/08/2026

ການແຂ່ງຂັນກິລາຂີ່ມ້າຊີງແຊ້ມປະເທດລາວ ປີ 2026 ຈະຈັດຂຶ້ນທ້າຍເດືອນພະຈິກນີ້
--------------------------------------------------------------------------
ຈາກການໃຫ້ສຳພາດຜ່ານລາຍການ "ເລື່ອງຈິງຄົນແທ້ ເລົ່າຈາກເລື່ອງຈິງ" ຄັ້ງວັນທີ 15 ສິງຫາ 2026 ທີ່ຜ່ານມາ ທ່ານ ທະນະເທບ ວິບູນ ປະທານສະຫະພັນກິລາແຂ່ງມາແຫ່ງຊາດລາວ ໄດ້ໃຫ້ຮູ້ເຖິງຄວາມເປັນມາ ແລະ ການເຕີບໃຫຍ່ຂະຫຍາຍຕົວຂອງວົງການກິລາລາວ ທີ່ເກີດຈາກຄວາມມັກສ່ວນຕົວໃນກິລາຂີ່ມ້າ ແລະ ຄວາມຕ້ອງການຢາກເຫັນວົງການກິລາຂີ່ມ້າຂອງລາວມີຄວາມເປັນມືອາຊີບທຽບເທົ່າກັບສາກົນ ໂດຍນຳໃຊ້ງົບປະມານຂອງຕົນເອງລົງທຶນ 100% ປັດຈຸບັນ ມີມ້າໃນການຄຸ້ມຄອງຂອງສະຫະພັນ 37 ໂຕ ທີ່ເປັນມ້າກິລາ ທີ່ໄດ້ຮັບການເບິ່ງແຍງເປັນຢ່າງດີ ເພື່ອຍົກລະດັບການເຄື່ອນໄຫວວຽກງານຂອງສະຫະພັນກິລາຂີ່ມ້າແຫ່ງຊາດລາວ ໃຫ້ກວ້າງຂຶ້ນ ທາງສະຫະພັນກິລາ ກຳລັງຢູ່ໃນຂັ້ນຕອນຍື່ນເອກະສານເຂົ້າເປັນສະມາຊິກຂອງສະຫະພັນກິລາຂີ່ມ້າສາກົນ (FEI) ເພື່ອນຳພານັກກິລາຂີ່ມ້າທີມຊາດລາວ ໄປແຂ່ງໃນເວທີພາກພື້ນ ແລະ ສາກົນ ແລະ ໃນທ້າຍປີນີ້ ສະຫະພັນກິລາຂີ່ມ້າແຫ່ງຊາດລາວ ມີແຜນຈະຈັດການແຂ່ງກິລາຂີ່ມ້າຊິງແຊັ້ມປະເທດລາວ ລະຫວ່າງວັນທີ 28-29 ພະຈິກ 2026 ທີ່ສວນອາຊາສະເຕໂບ້ ບ້ານເພຍລາດ ເມືອງສັງທອງ ນະຄອນຫລວງວຽງຈັນ ທ່ານສາມາດເຂົ້າຊົມແບບບໍ່ເສຍຄ່າແຕ່ຢ່າງໃດ.
#ຂ່າວ: ຫຼ້າ ສາຍນ້ຳພຽງ
#ທີ່ມາຂໍ້ມູນ-ພາບ: ລັດຖະເທວາ

21/08/2026

ສະຫະພັນກິລາກ໊ອບແຫ່ງຊາດລາວ ສະຫຼຸບການເຄື່ອນໄຫວວຽກງານ ສະໄໝທີ IV ພ້ອມຄົ້ນຄວ້າບຸກຄະລາກອນ ປະກອບເຂົ້າກົງຈັກການຈັດຕັ້ງ ສະໄໝທີ V.
-----------------------------------------------------------------------------