Khmer News

ូន្មានរបស់អ្នកប្រាជ្ញខ្មែរយើង !

លោកថាឆ្កួកបី ឆ្កួកមួយនិងស្រី ឆ្កួតមួយនិងស្រា
ឆ្កួតមួយនិងល្បែង អំពើពាលា ឆ្កួតនេះហៅមហា
​​ ​​ ឆ្កួតក្រៃកន្លង។

កូនអើយចាំចុះ ពាក្យនេះមិនខុស ថ្លៃថ្លាកន្លង
កូនត្រូវចងចាំ ចាប់ធ្វើកុំឆ្គង កុំអោយរំលង
​​​ ពាក្យលោកប្រាជ្ញព្រឹត្ត ។

កុំចាញ់មន្តស្រី មន្តស្រាអប្រិយ កុំគៀកកុំកិត
កុំចាញ់មន្តល្បែង ​​ លោភលន់មិនគិត នាំអោយជីវិត
ធ្លាក់ចូលរណ្តៅ ។

មិត្តនាំស៊ីផឺក ដោតច្រមុះដឺក ឆ្ពោះទៅរកខ្លៅ
ស្រវឺងវង្វេង ភ្លេចពាក្យប្រដៅ កូនអើយកុំទៅ
នាំទុក្ខបណ្តាក់ ។

មិត្តនាំចូលបា ចូលបនពាលា ចូលផ្ទះសំណាក់
សប្បាយខ្លាំងណាស់ ចិត្តជាប់ច្រវាក់ នាំទុក្ខបណ្តាក់
ដល់អ្នកមានគុណ ។

សង្គមផឺកស្រា យុវជនហានក្លា ដើរខុសមហាធ្ងន់
ជាតិធ្លាក់រណ្តៅ ខ្មែរខ្លៅសែនល្ងង់ ជ្រុលជ្រោះជាប់ជុង
បាត់អស់ទឺកដី ។


Chhun Putsithear
១៣​ មិថុនា ២០១៧

កំណាព្យ ពាក្យ ៧ ( poem 7 word )

សត្វលោកធ្វើខុស ព្រោះតែល្ងង់ ជ្រុលជ្រោះជាប់ជុង ព្រោះតែល្ងិត
យល់បាបជាបុណ្យ ធ្ងន់គំនិត ស្ទុះស្ទាចួលជិត ឥតគិតក្រែង ។


ស្រវាអោបរិត កិតកៀកកើយ លុះបានឆីហើយ ទុក្ខក្រៃលែង
បាបចេះប្រែរូប ជប់សំដែង ស្រស់ស្អាតក្រៃលែង ជាអប្សរា ។


បាបល្បែងស្រាស្រី បារីកញ្ឆា ល្ងង់ខ្លៅកាលណា ពិតស្រេកឃ្លាន
បាបនេះបីដូច ជាគ្រឿងញាណ ឃ្លានហើយឃ្លានទៀត ឃ្លាតពុំបាន ។


បាបកាប់សំលាប់ ចាប់ប្រហារ បាបនេះហៅមហា កុំភ្លេចប្រាណ
ព្រោះប្រាក់អំណាច កាចតិរច្ឆាន ល្លង់ក្លៅរុញច្រាន ចុះនរក ។


បាបលួចឆក់ប្លន់ ឆបោកប្រាស់ ខ្មែរអើយចាំច្បាស់ កុំលភ្លក់
លូកផ្លាប់បាបចាប់ អោយវិលវក់ បើហ៊ានលភ្លក់ ជក់ចិន្តា ។


បាបព្រោះខឹងក្រោធ ឆោតក្រៃលែង ចិត្តកើតរបេង បាត់បញ្ញា
លោភលន់របស់ ឈ្លោះទោសា ទោសៈខ្លាំងក្លា ខ្លោចបុណ្យទាន ។


បាបព្រោះប្រមាទក្នុងចិនន្តា ជើងជាន់បន្លា មុតព្រោះហ៊ាន
ធ្វើអំពើបាប ឆាបឆេះប្រាណ ឆេះបុណ្យកល្យាណ ចាកលោកា ។


ដើម្បីស្គាល់បាប ត្រូវខំរៀន ក្មេងចាស់កុំអៀន រៀនអោយយល់
អ្វីបាបអ្វីបុណ្យ គន់គិតឆ្ងល់ បើគិតមិនដល់ ខ្វល់សាកសួរ ។


រៀនសួររៀនស្តាប់ ត្រាប់បណ្ឌិត ខុសពិតត្រូវពិត ឥតលំអៀង

ឱវាទពុទ្ធដីកា ច្បាទូន្មាន បើខិតខំរៀន មានបញ្ញា ។

Chhun Putsithear
01 April 1965

-----------------------
ខ្មែរ​ស្រឡាញ់ខ្មែរ ! យើងពិតជាអាចធ្វើអោយកម្ពុជា រុងរឿងម្តងទៀត ! Thanks so much For your Liked , Comment, Shared and Invited your Friends to like this Page. When You Done in Good Deed
You will have happiness in your Lives.