Echt?

🟡 နာမ်တစ်ခုကို အဖော်ပြုပေးနိုင်တဲ့ အညွှန်းစကားလုံး အမျိုးအစား (၇) မျိုး ရှိပါတယ် -

🟡 ၁။ Nullartikel (အညွှန်းစကားလုံး မပါခြင်း): နာမ်ကို ဗဟုဝုစ် (Plural) ပုံစံနဲ့ ရေးတဲ့အခါ ဒါမှမဟုတ် အချို့သော အခြေအနေတွေမှာ အာတီကယ် မသုံးတာကို ဆိုလိုပါတယ်။
ဥပမာ - In der heutigen Zeit braucht man Geld. (ဒီနေ့ခေတ်မှာ ပိုက်ဆံ လိုအပ်တယ် - ပိုက်ဆံရှေ့မှာ အာတီကယ် မပါပါ)။

🟡 ၂။ Bestimmter Artikel (တိကျအညွှန်းစကားလုံး): အင်္ဂလိပ်စာက "the" နဲ့ တူပါတယ်။ အသုံးအများဆုံး ဖြစ်ပါတယ်။
ဥပမာ - der, die, das, den... (Hat der Lehrer den Liebesbrief gelesen?)

🟡 ၃။ Unbestimmter Artikel (မတိကျအညွှန်းစကားလုံး): အင်္ဂလိပ်စာက "a / an" နဲ့ တူပါတယ်။ အကြောင်းအရာတစ်ခုကို စတင် မိတ်ဆက် ပြောဆိုတဲ့အခါ သုံးပါတယ်။
ဥပမာ - ein, eine, einen... (Vor der Tür steht ein Mann.)

🟡 ၄။ Possessivartikel (ပိုင်ဆိုင်မှုပြ အညွှန်းစကားလုံး): တစ်စုံတစ်ခုဟာ ဘယ်သူ့ပိုင်ဆိုင်မှုလဲဆိုတာ ပြပါတယ်။
ဥပမာ - mein (ကျွန်တော့်ရဲ့), dein (မင်းရဲ့), ihr (သူမရဲ့)

🟡 ၅။ Demonstrativartikel (ညွှန်းပြအညွှန်းစကားလုံး): "ဒီလူ၊ ဟိုအရာ" စသဖြင့် အထူးပြုပြီး ထိုးညွှန်ပြတဲ့အခါ သုံးပါတယ်။
ဥပမာ - dieser, jene, derjenige... (Dieser Mann dort hat gestern meine Brieftasche gestohlen.)

🟡 ၆။ Indefinitartikel (အရေအတွက်ပြ အညွှန်းစကားလုံး): တိကျတဲ့ အရေအတွက် မဟုတ်ဘဲ ယေဘုယျ သဘောမျိုး ပြောတဲ့အခါ သုံးပါတယ်။
ဥပမာ - alle (အားလုံး), einige (အချို့), manche (တချို့)

🟡 ၇။ Interrogativartikel (မေးခွန်းပြ အညွှန်းစကားလုံး): နာမ်နဲ့ပတ်သက်ပြီး မေးခွန်းထုတ်တဲ့အခါ သုံးပါတယ်။
ဥပမာ - welch- (ဘယ်ဟာလဲ), was für ein- (ဘယ်လိုမျိုးလဲ) (Welche positiven Eigenschaften haben Sie?)

⚜️⚜️ Artikel (အညွှန်းစကားလုံး) aka. Geschlechtswort (နာမ်၏ လိင်ညွှန်းစကားလုံး)
~~~~~~~~~~~~~~~~~~~~~~~~~~~~
⚜️Artikel ဆိုတာ နာမ် (Nomen) တွေရဲ့ အဖော်အသင်းတွေ ဖြစ်ကြပြီး နာမ်တစ်ခုရဲ့ လိင် (Geschlecht) ဖြစ်တဲ့ အထီး (maskulin)၊ အမ (feminin) ဒါမှမဟုတ် အလယ် (neutral) တို့ကို ခွဲခြားဖော်ပြပေးတဲ့ တာဝန်ကို ယူထားပါတယ်။

အမျိုးအစားများ (Arten)
~~~~~~~~~~~~~~
⚜️ ဂျာမန်စာမှာ Artikel တွေကို အောက်ပါအတိုင်း အုပ်စုခွဲနိုင်ပါတယ် -
၁။ Bestimmte Artikel (သတ်မှတ်အညွှန်းစကားလုံး):
• der, die, das, den, ... (ထိုလူ၊ ထိုအရာ - အတိအကျပြောဆိုလိုတဲ့အခါ သုံးပါတယ်)။

၂။ Unbestimmte Artikel (မသတ်မှတ်အညွှန်းစကားလုံး):
• ein, eine, einen, ... (တစ်ခု၊ တစ်ယောက် - အထွေထွေပြောဆိုတဲ့အခါ သုံးပါတယ်)။

၃။ Possessivartikel (ပိုင်ဆိုင်မှုပြအညွှန်းစကားလုံး):
• mein, dein, ihr, ... (ကျွန်ုပ်၏၊ သင်၏၊ သူမ၏ - ပိုင်ဆိုင်မှုကို ပြလိုတဲ့အခါ သုံးပါတယ်)။

၄။ Demonstrativartikel (ညွှန်းပြအညွှန်းစကားလုံး):
• diese, jene, manche (ဤအရာ၊ ထိုအရာ၊ အချို့သော - တစ်ခုခုကို လက်ညှိုးထိုး ညွှန်းပြလိုတဲ့အခါ သုံးပါတယ်)။

🔺ဂျာမန်စာမှာ နာမ်တစ်ခုကို ကျက်မှတ်တိုင်း Artikel ကိုပါ တွဲကျက်ဖို့ လိုအပ်ပါတယ်။ ဘာကြောင့်လဲဆိုတော့ အဲဒီ Artikel ကမှတစ်ဆင့် ဝါကျထဲမှာ Case (Fall) အလိုက် ပုံစံပြောင်းလဲမှုတွေကို မှန်ကန်အောင် လုပ်ဆောင်နိုင်မှာ ဖြစ်လို့ပါ။🔺

♦️ ♦️Akkusativ♦️♦️
~~~~~~~~~~~~~~~

♦️ Akkusativ ဆိုတာ ဝါကျတစ်ခုမှာ အပြုအမူတစ်ခုရဲ့ တိုက်ရိုက်သက်ရောက်မှုကို ခံရတဲ့ အရာဝတ္ထု (သို့မဟုတ်) လူကို ဖော်ပြခြင်း ဖြစ်ပါတယ်။ ၎င်းကို ကံလိုကြိယာ (transitive Verben) တွေနဲ့ တွဲဖက်အသုံးပြုပါတယ်။

♦️ ၁။ မေးခွန်းထုတ်ပုံ (Frage)
Akkusativ ကို သိချင်ရင် အောက်ပါမေးခွန်းတွေနဲ့ မေးနိုင်ပါတယ် -
• Wen? (ဘယ်သူ့ကိုလဲ?) - လူအတွက်
• Was? (ဘာကိုလဲ?) - အရာဝတ္ထုအတွက်

🔺 Akkusativ ရဲ့ ထူးခြားချက်ကတော့ အထီးနာမ် (Maskulin - der) တွေမှာပဲ အပြောင်းအလဲ သိသိသာသာ ရှိတာဖြစ်ပါတယ်။ (ဥပမာ - der Mann သည် den Mann / ihren Mann ဖြစ်သွားသလိုမျိုးပါ)။ အမနာမ် (die) နဲ့ အလယ်နာမ် (das) တွေမှာတော့ ပုံစံမပြောင်းလဲဘဲ မူရင်းအတိုင်း ရှိနေတတ်ပါတယ်။ 🔺

Absichtssatz (Finalsatz) ဆိုတာဘာလဲ?
~~~~~~~~~~~~~~~~~~~~~~~~
🚩 Absichtssatz ဆိုတာ "ရည်ရွယ်ချက်ပြဝါကျ" ဖြစ်ပါတယ်။ အဓိကအားဖြင့် လုပ်ဆောင်ချက်တစ်ခုကို ဘာကြောင့်လုပ်ရသလဲ၊ ဘာရည်ရွယ်ချက်နဲ့လုပ်သလဲ ဆိုတာကို ဖော်ပြတဲ့ ဝါကျခွဲ (Nebensatz) ဖြစ်ပါတယ်။

🚩 ၁။ မေးခွန်းထုတ်ပုံ (Fragewörter)
ဒီဝါကျမျိုးကို သိချင်ရင် အောက်ပါမေးခွန်းတွေနဲ့ မေးနိုင်ပါတယ် -
• Wozu? (ဘာအတွက်လဲ?)
• Mit welcher Absicht? (ဘယ်လိုရည်ရွယ်ချက်နဲ့လဲ?)
• Zu welchem Zweck? (ဘယ်လိုရည်မှန်းချက်နဲ့လဲ?)

"ဂျာမန်ကြိယာပုံစံများ (Verblisten) ကို အင်္ဂလိပ်စာနဲ့ နှိုင်းယှဉ်ပြီး လွယ်ကူစွာ မှတ်သားနည်း"
~~~~~~~~~~~~~~~~~~~~~~~~~~~~~~~~~~~~~~~~~~~~~

🟥 အင်္ဂလိပ်စာမှာ V1, V2, V3 ဆိုပြီး ပုံသေမှတ်သလိုမျိုး ဂျာမန်စာမှာလည်း ကြိယာတွေကို ပုံစံအမျိုးမျိုးနဲ့ ခွဲခြားသတ်မှတ်ထားပါတယ်။

💫 ၁။ Infinitiv (V1 နှင့် ဆင်တူသည်): ဒါဟာ ကြိယာရဲ့ မူလအခြေခံပုံစံ (Base form) ဖြစ်ပါတယ်။ အင်္ဂလိပ်စာမှာ V1 လို့ ခေါ်သလိုမျိုးပါပဲ။ ဂျာမန်စာမှာ Infinitiv ကို "Infinitivsätze" (Infinitiv ဝါကျများ) တည်ဆောက်ရာမှာ အသုံးပြုပါတယ်။

💫 ၂။ 3. Person Präsens (V1 + s/es နှင့် ဆင်တူသည်): ဒါကတော့ ပစ္စုပ္ပန်ကာလ (Gegenwart) မှာ တတိယပုဂ္ဂိုလ် (he, she, it) အတွက် ကြိယာကို အဆုံးသတ်ပြောင်းလဲခြင်း (Konjugation) ပြုလုပ်ထားတဲ့ ပုံစံဖြစ်ပါတယ် ။ ဂျာမန်စာမှာ ကြိယာတွေဟာ ကတ္တားအလိုက် ပုံစံပြောင်းလဲ (Beugung) တတ်တဲ့အတွက် ဤပုံစံဟာ အရေးကြီးပါတယ်။

💫 ၃။ 3. Person Präteritum (V2 နှင့် ဆင်တူသည်): ဒါကတော့ အင်္ဂလိပ်စာက V2 (Past Simple) လိုမျိုး အတိတ်ကာလ (Präteritum) ကို ဖော်ပြတဲ့ ပုံစံဖြစ်ပါတယ် ။ ဂျာမန်စာမှာ ပုံမှန်ကြိယာ (Regelmäßige Verben) နဲ့ ပုံမှန်မဟုတ်တဲ့ကြိယာ (Unregelmäßige Verben) တွေဟာ အတိတ်ကာလမှာ ပုံစံကွဲပြားသွားတတ်ပါတယ်။

💫 ၄။ Partizip II (V3 နှင့် ဆင်တူသည်): ဒါဟာ အင်္ဂလိပ်စာက V3 (Past Participle) နဲ့ တူပါတယ် ။ ဂျာမန်စာမှာ Perfekt (ပြီးစီးပြီးသောကာလ) နဲ့ Passiv (ကံထူးဝါကျ) တွေ တည်ဆောက်ဖို့အတွက် ဒီ Partizip II ကို မဖြစ်မနေ သုံးရပါတယ် ။

💫၅။ Hilfsverb (Helping Verb / Auxiliary Verb): ဒါကတော့ အင်္ဂလိပ်စာမှာ have/has/had တို့လိုမျိုး ကူညီကြိယာ တွေဖြစ်ပါတယ် ။ ဂျာမန်စာမှာတော့ Perfekt ကာလ တည်ဆောက်တဲ့အခါ 'sein' သို့မဟုတ် 'haben' ကို Hilfsverb အဖြစ် အသုံးပြုရပါတယ် ။

🌟 အင်္ဂလိပ်စာမှာ V1, V2, V3 လို့ အလွယ်ခေါ်ပေမယ့် ဂျာမန်စာမှာတော့ ကြိယာတစ်ခုကို လေ့လာတဲ့အခါ အဲဒီကြိယာဟာ ပုံမှန်လား၊ မမှန်ဘူးလားဆိုတာ သိနိုင်ဖို့ (Infinitiv ရယ် 3. Person Präsens ရယ် 3. Person Präteritum နဲ့ Hilfsverb + Partizip II) ဆိုတဲ့ အစဉ်လိုက် (Verblisten) အတိုင်း မှတ်သားကြရတာ ဖြစ်ပါတယ်။

မည်သည့်ဘာသာစကားမှာမဆို Speaking အပိုင်းမှာ ကိုယ်ကျက်ထားတဲ့ စကားလုံးတစ်ခုကို ခဏခဏ repete လုပ်ပြီးတော့ ပြောမိနေမယ်ဆိုရင်တော့ usage မကြွယ်ဝတာကို examiner ကသတိထားမိနိုင်ပါတယ်။ ဒါကြောင့်မလို့ မနေ့က တင်ခဲ့တဲ့ Redewendungen တွေထဲကမှ အဓိပ္ပာယ်တူပြီး ပြောင်းလဲအသုံးပြုနိုင်မယ်ဆိုရင် ကိုယ့်အတွက် အကျိုးမယုတ်ဘူးလို့ ထင်ရနိုင်တဲ့ စာကြောင်းတချို့ကိုထပ်မံဖြည့်စွက်ပေးလိုက်ပါတယ်။ ကျက်မှတ်ထားမယ်ဆိုရင် လိုအပ်တဲ့အချိန်မှာပြန်လည်အသုံးချနိုင်မှာဖြစ်ပါတယ်ခင်ဗျာ။

⭐ 1. “ပထမဆုံးတွေးမိတာ” (First thing that comes to mind)
1. Das Erste, was mir eingefallen ist…
2. Als Erstes denke ich an…
3. Da muss man erstmal drauf kommen
𝙀𝙜. 𝘿𝙖𝙨 𝙀𝙧𝙨𝙩𝙚, 𝙬𝙖𝙨 𝙢𝙞𝙧 𝙚𝙞𝙣𝙜𝙚𝙛𝙖𝙡𝙡𝙚𝙣 𝙞𝙨𝙩, 𝙬𝙖𝙧 𝙚𝙞𝙣 𝙐𝙧𝙡𝙖𝙪𝙗 𝙖𝙢 𝙈𝙚𝙚𝙧.

⭐ 2. “ငါတစ်ခုပြောပြမယ်” (I will tell you a story)
1. Ich kann eine Geschichte erzählen
2. Ich habe da eine Geschichte für dich
3. Ich möchte dir kurz von etwas erzählen
𝙀𝙜. „𝙄𝙘𝙝 𝙠𝙖𝙣𝙣 𝙚𝙞𝙣𝙚 𝙂𝙚𝙨𝙘𝙝𝙞𝙘𝙝𝙩𝙚 𝙚𝙧𝙯ä𝙝𝙡𝙚𝙣, 𝙙𝙞𝙚 𝙢𝙞𝙧 𝙫𝙤𝙧 𝙯𝙬𝙚𝙞 𝙅𝙖𝙝𝙧𝙚𝙣 𝙥𝙖𝙨𝙨𝙞𝙚𝙧𝙩 𝙞𝙨𝙩.“

⭐ 3. “အဲ့တုန်းကတကယ်ရူးချင်စရာ” (That was crazy)
1. Das war total verrückt.
2. Das war wirklich heftig.
3. Das war richtig abgefahren.
𝙀𝙜. „𝘿𝙖𝙨 𝙬𝙖𝙧 𝙩𝙤𝙩𝙖𝙡 𝙫𝙚𝙧𝙧ü𝙘𝙠𝙩, 𝙬𝙚𝙞𝙡 𝙞𝙘𝙝 𝙨𝙤𝙬𝙖𝙨 𝙣𝙤𝙘𝙝 𝙣𝙞𝙚 𝙚𝙧𝙡𝙚𝙗𝙩 𝙝𝙖𝙗𝙚.“

⭐ 4. “နင်အရင်စ” (You start first)
1. Du fängst an.
2. Du kannst gerne beginnen.
3. Starte du zuerst.
𝙀𝙜. „𝘿𝙪 𝙛ä𝙣𝙜𝙨𝙩 𝙖𝙣, 𝙙𝙖𝙣𝙣 𝙨𝙖𝙜𝙚 𝙞𝙘𝙝 𝙖𝙪𝙘𝙝 𝙚𝙩𝙬𝙖𝙨 𝙙𝙖𝙯𝙪.“

⭐ 5. “အထူးသဖြင့်” (specifically / especially)
1. Und zwar
2. Im Besonderen…
3. Um genau zu sein…
𝙀𝙜. „𝙄𝙘𝙝 𝙝𝙖𝙗𝙚 𝙬𝙚𝙣𝙞𝙜 𝙕𝙚𝙞𝙩, 𝙪𝙣𝙙 𝙯𝙬𝙖𝙧 𝙬𝙚𝙜𝙚𝙣 𝙢𝙚𝙞𝙣𝙚𝙧 𝘼𝙧𝙗𝙚𝙞𝙩.“

⭐ 6. “ဘာဖြစ်လို့အဲ့လောက်လိုချင်နေတာလဲမသိဘူး” (I don’t know why I want it so much)
1. Ich weiß nicht, wieso ich das immer wollte.
2. Ich kann nicht erklären, warum ich das so wollte.
3. Ich weiß echt nicht, warum mir das so wichtig war.
𝙀𝙜, „𝙄𝙘𝙝 𝙬𝙤𝙡𝙡𝙩𝙚 𝙞𝙢𝙢𝙚𝙧 𝙞𝙣 𝘿𝙚𝙪𝙩𝙨𝙘𝙝𝙡𝙖𝙣𝙙 𝙨𝙩𝙪𝙙𝙞𝙚𝙧𝙚𝙣. 𝙄𝙘𝙝 𝙬𝙚𝙞ß 𝙣𝙞𝙘𝙝𝙩, 𝙬𝙞𝙚𝙨𝙤 𝙞𝙘𝙝 𝙙𝙖𝙨 𝙞𝙢𝙢𝙚𝙧 𝙬𝙤𝙡𝙡𝙩𝙚.“

⭐ 7. “ငါဒီနေ့ကြားဖူးသမျှထဲမှာ” (Among everything I heard today)
1. ... die ich heute gehört habe.
2. Von dem, was ich heute gehört habe, war das am interessantesten.
3. Aus all dem, was ich heute mitbekommen habe…
𝙀𝙜. „𝙑𝙤𝙣 𝙖𝙡𝙡𝙚𝙣 𝙄𝙙𝙚𝙚𝙣, 𝙙𝙞𝙚 𝙞𝙘𝙝 𝙝𝙚𝙪𝙩𝙚 𝙜𝙚𝙝ö𝙧𝙩 𝙝𝙖𝙗𝙚, 𝙛𝙞𝙣𝙙𝙚 𝙞𝙘𝙝 𝙙𝙞𝙚𝙨𝙚 𝙖𝙢 𝙗𝙚𝙨𝙩𝙚𝙣.“

⭐ 8. “ငါ့ခေါင်းထဲဝင်လာတဲ့အဖြစ်အပျက်” (A story that comes to my mind now)
1. Geschichte, die mir jetzt so einfällt
2. Eine Situation, die mir gerade einfällt…
3. Das Erste, was mir in den Sinn kommt, ist diese Geschichte…
𝙀𝙜, „𝙀𝙞𝙣𝙚 𝙂𝙚𝙨𝙘𝙝𝙞𝙘𝙝𝙩𝙚, 𝙙𝙞𝙚 𝙢𝙞𝙧 𝙟𝙚𝙩𝙯𝙩 𝙨𝙤 𝙚𝙞𝙣𝙛ä𝙡𝙡𝙩, 𝙞𝙨𝙩 𝙫𝙤𝙣 𝙢𝙚𝙞𝙣𝙚𝙢 𝙡𝙚𝙩𝙯𝙩𝙚𝙣 𝙐𝙧𝙡𝙖𝙪𝙗.“

⭐ Goethe exam ရဲ့ Speaking part တွေမှာဆိုရင်တော့ မိမိကိုယ်ကိုယ်မိတ်ဆက်ရတဲ့အပိုင်းနဲ့ Personal မေးခွန်းလေးတွေမေးလေ့ရှိတဲ့ Teil 1, ရုပ်ပုံကားချပ်တွေ ဒါမှမဟုတ် topic တစ်ခုခုအကြောင်းကိုကိုယ်ပိုင် စာသားနဲ့ဖော်ပြပေးရတဲ့ Teil 2 နဲ့ ပါတနာနဲ့အတူတူအကြောင်းအရာတစ်ခုခုကိုဆွေးနွေးပြီးတော့အမေးအဖြေလုပ်ရတဲ့ Teil 3 (ဒီ Teil 3 မှာတော့ Examiner တွေကလည်း ကိုယ်ပြောသွားတဲ့အကြောင်းအရာတွေပေါ်မူတည်ပြီးတော့ counter question လေးတွေ ၂ခု ၃ခု လောက်ထပ်မေးလေ့ရှိပါတယ်)

⭐ Goethe Speaking အပိုင်းအတွက် Redewendung ဒါမှမဟုတ် Ausdruck လို့ ခေါ်တဲ့ အမှတ်ကောင်းအောင်လို့ ကျက်ထားသင့်တဲ့ အသုံးအနှုန်းလေး တချို့ကိုမျှဝေပေးလိုက်ပါတယ်။ ဘယ်အသုံးအနှုန်းကို ဘယ် Teil မှာအသုံးပြုလို့ရတယ်ဆိုတာကို comment ထဲမှာဖော်ပြပေးထားပါတယ်။

1. ပထမဆုံးတွေးမိတာကတော့= da muss man erstmal drauf kommen
2. ငါတစ်ခုပြောပြမယ်= ich kann eine Geschichte erzählen
3. အဲ့တုန်းကတကယ်ရူးချင်စရာပဲ= das war total verrückt
4. နင်အရင်စ= Du fängst an.
5. အထူးသဖြင့်= und zwar
6. ဒါကိုဘာဖြစ်လို့အဲ့လောက်လိုချင်နေမှန်းမသိဘူး= ich weiß nicht, wieso ich das immer wollte
7. ငါဒီနေ့ကြားဖူးသမျှထဲမှာ= die ich heute gehört habe.
8. ငါ့ခေါင်းထဲကိုဝင်လာတဲ့အဖြစ်အပျက်တစ်ခုကတော့= Geschichte, die mir jetzt so einfällt

𝗗𝗼 𝘆𝗼𝘂 𝗽𝗿𝗲𝗳𝗲𝗿 𝗧𝗲𝘅𝘁𝗯𝗼𝗼𝗸 𝗼𝗿 𝗣𝗗𝗙𝘀?
~~~~~~~~~~~~~~~~~~~~~~~~~~~~~~
🌟 📝 ကျွန်တော်တို့ ကျောင်းတက်တဲ့ အချိန်တုန်းက အတန်းချိန်တွေပါပါ မပါပါဖတ်စာအုပ်အလေးကြီးတွေကိုထည့်ပြီးတော့ ကျောင်းကိုသယ်သွားရတဲ့အချိန်တွေကို မှတ်မိကြဦးမယ်လို့ထင်ပါတယ်။ ဒါကတော့ အလယ်တန်း၊ အထက်တန်းတုန်းကတင်ပြီးဆုံးသွားပေမယ့် တက္ကသိုလ်ရောက်တဲ့အချိန်မှာတောင်မှ တခါတလေ ဖတ်စာအုပ် Textbook ကျန်ခဲ့ရင် Stress ရတဲ့အချိန်မျိုးရှိနေကြဦးမှာပါ။ အထူးသဖြင့် Language တစ်ခုခုကို specialize လုပ်ပြီးတော့သင်ယူနေကြတဲ့ ကျောင်းသား၊ ကျောင်းသူတွေဆိုရင်တော့ Grammar အချိန်တို့ Reading အချိန်တို့မှာ စာပိုမေးခံရလေ့ရှိပါတယ်။ စာမေးလို့ stress ရတာတစ်မျိုး တချို့စာတွေကမှတ်မိနေပေမယ့် မသေချာတဲ့အခါ စာအုပ်ကိုအမြန်လှန်ပြီးတော့ ကိုယ့်ဘာသာ self-confirmation ယူလိုက်ရင် ရနေတာကို ကြည့်စရာမရှိတော့ stress ရတာတစ်မျိုး ကြုံဖူးကြမှာပါ။ စာအုပ်နဲ့ဆိုရင်တောင် စာမေးနေရင်း စာရွက်လှန်တဲ့အသံကြားရင်တီချယ်တွေက လှမ်းဆူရင်ဆူနေဦးမှာ။
🎓 အဲ့လိုမျိုးမဖြစ်ရလေအောင် ဒီ post လေးမှာ PDF files လေးတွေကိုတစ်ခါတည်း Download လုပ်လို့ရအောင် Zip ချုပ်ပြီးတော့ တင်ပေးထားလိုက်ပါမယ်။ စာကြမ်းပိုးများအတွက်မရည်ရွယ်ပေမယ့် တခါတလေလူတိုင်းမှာ ညဘက်သန်းခေါင်ကျမှ‌ ထိပ်ဆုံးသို့ရောက်ချင်တဲ့အခါမျိုးလည်းရှိတက်ကြတာမလို့ အိပ်ယာထဲရောက်နေလည်း စာအုပ်ထရှာစရာမလိုအောင် (𝗦𝗰𝗵𝗿𝗶𝘁𝘁𝗲 𝗶𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝟭 𝘁𝗼 𝟱) 𝗣𝗗𝗙 𝗳𝗶𝗹𝗲𝘀 လေးတွေ Download လုပ်ပြီးတော့စာလုပ်ကြပါလို့တိုက်တွန်းလိုက်ရပါတယ်။

🔔 𝗚𝗲𝗿𝗺𝗮𝗻 𝗡𝗼𝘂𝗻𝘀 တွေကို 𝗣𝗹𝘂𝗮𝗹 (အများကိန်း) ပြောင်းခြင်း ‼️
~~~~~~~~~~~~~~~~~~~~~~~~~~~~~~~

👉 English စာမှာတော့ စကားလုံးတစ်ခုကို အများကိန်းပြောင်းလဲတဲ့နေရာမှာ s, es နဲ့ y နဲ့ဆုံးရင် y ကို i ပြောင်း es ပေါင်းစသည်ဖြင့်မှတ်သားရမယ့် စည်းမျဉ်းတွေကအများကြီးမရှိလှပါဘူး။ သို့ပေမယ့် English စာနဲ့ German စာရဲ့ မတူညီတဲ့အချက်ကို ဒီနေရာမှာတင် ခြွင်းချက်တွေအများကြီးနဲ့ ကွဲကွဲပြားပြားစတင်ခံစားလို့ရနိုင်ပါတယ်ခင်ဗျာ။

✅ ဂျာမန်စာရဲ့ Plural forms တွေအကြောင်းပြောရမယ်ဆိုရင် ယေဘူယျအားဖြင့် (၈) မျိုးရှိပါတယ်။ 👇

1. -e form (အဆုံးသတ်မှာ e ပေါင်းရတဲ့ပုံစံ)
2. -er form (အဆုံးသတ်မှာ er ပေါင်းရတဲ့ပုံစံ)
3. –(e)n form (အဆုံးသတ်မှာ -(e)n ပေါင်းရတဲ့ပုံစံ)
4. – (အဆုံးသတ်မှာဘာမှပေါင်းထည့်စရာမလိုတဲ့ပုံစံ)
5. -s form (အဆုံးသတ်မှာ s ပေါင်းရတဲ့ပုံစံ)
6. Umlaut+ -e (အဆုံးသတ်မှာ Umlaut+ -e ပေါင်းရတဲ့ပုံစံ)
7. Umlaut+ -er (အဆုံးသတ်မှာ Umlaut+ -er ပေါင်းရတဲ့ပုံစံ)
8. Umlaut (အဆုံးသတ်မှာ Umlaut ပဲပေါင်းရတဲ့ပုံစံ) ဆိုပြီးရှိကြပါတယ်။

I. အဆုံးသတ်မှာ 𝗲 ပေါင်းရတဲ့ပုံစံ (-𝗲 𝗳𝗼𝗿𝗺)
~~~~~~~~~~~~~~~~~~~~~~~~~~~~

✨ Maskulin နဲ့ Feminin Nouns တွေဆိုရင် များသောအားဖြင့် Plural ပြောင်းလို့ရှိရင် အဆုံးသတ်မှာ -e ပေါင်းကပ်ပေးရပါတယ်။

II. အဆုံးသတ်မှာ 𝗲𝗿 ပေါင်းရတဲ့ပုံစံ (-𝗲𝗿 𝗳𝗼𝗿𝗺)
~~~~~~~~~~~~~~~~~~~~~~~~~~~~~

✨ Neutrum Nouns အများစုကတော့ Plural ပြောင်းရင် အဆုံးသတ်မှာ -er ပြောင်းပြီးတော့ Plural လုပ်နိုင်ပါတယ်။

III. အဆုံးသတ်မှာ -(𝗲)𝗻 ပေါင်းရတဲ့ပုံစံ (-(𝗲)𝗻 𝗳𝗼𝗿𝗺)
~~~~~~~~~~~~~~~~~~~~~~~~~~~~~~~

✨ အပေါ်မှာတော့ Maskulin နဲ့ Feminin Nouns တွေကို Plural ပြောင်းရင် -e နဲ့ပြောင်းရတယ်လို့ပြောခဲ့ပေမယ့် ခြွင်းချက်အနေနဲ့ -(e)n ထည့်ပေါင်းပေးရတဲ့ Nouns အချို့လည်းရှိနေပြန်ပါတယ်။ များသောအားဖြင့် အလွယ်မှတ်မယ်ဆိုရင်တော့ -(e)n form သည် Feminin nouns တွေမှာ (-e,-ei, -heit,-ion,-keit,-schaft,-tät,-ung, -ur) တွေနဲ့အဆုံးသတ်ရင်ပိုပြီးတော့သက်ရောက်ပါတယ်။

IV. အဆုံးသတ်မှာဘာမှပေါင်းထည့်စရာမလိုတဲ့ပုံစံ (-)
~~~~~~~~~~~~~~~~~~~~~~~~~~~~~~~

✨ Neutrum Nouns တွေမှာ အဆုံးသတ် (-el, -er, -chen, -lein) တွေနဲ့ဆုံးရင် အဆုံးသတ်မှာဘာမှမပြောင်းဘဲနဲ့ Artikel ကိုသာ die ပြောင်းလိုက်ရင် Plural ဖြစ်ပါတယ်။

V. အဆုံးသတ်မှာ 𝘀 ပေါင်းရတဲ့ပုံစံ (-𝘀 𝗳𝗼𝗿𝗺)
~~~~~~~~~~~~~~~~~~~~~~~~~~~

✨ ဒီ form ကတော့လွယ်ပါတယ်။ မှတ်ရအလွယ်ဆုံးပါ။ ဂျာမန်စကားလုံးမဟုတ်တဲ့ မွေးစားစကားလုံးတွေကို အများကိန်းပြောင်းချင်တဲ့အခါမှာ s သာပေါင်းလိုက်နိုင်ရင်အဆင်ပြေပါတယ်။ မြန်မာစကားမှာလည်း စကားလုံးအချို့ကို အင်္ဂလိပ်၊ ထိုင်း၊ တရုတ် စတဲ့ မွေးစားစကားလုံးတွေရှိသလို ဂျာမန်စကားမှာလည်း English ဆီကနေမွေးစားထားတဲ့စကားလုံးတွေနဲ့ ပြင်သစ် ကနေမွေးစားထားတဲ့စကားလုံးတွေအများရှိပါတယ်။

VI. အဆုံးသတ်မှာ 𝗨𝗺𝗹𝗮𝘂𝘁+ -𝗲 ပေါင်းရတဲ့ပုံစံ (𝗨𝗺𝗹𝗮𝘂𝘁+ -𝗲)
~~~~~~~~~~~~~~~~~~~~~~~~~~~~~~~

✨ Maskulin နဲ့ Feminin Nouns တွေမှာမှ "a," "o," "u" alphabet တွေပါတဲ့အခါမှာ "a," "o," နဲ့ "u" တွေမှာ Umlaut ပေါင်းပြီးတော့ အများကိန်းကိုပြောင်းလို့ရပါတယ်။

VII. အဆုံးသတ်မှာ 𝗨𝗺𝗹𝗮𝘂𝘁+ -𝗲𝗿 ပေါင်းရတဲ့ပုံစံ (𝗨𝗺𝗹𝗮𝘂𝘁 + -𝗲𝗿)
~~~~~~~~~~~~~~~~~~~~~~~~~~~~~~~

✨ Neutrum Nouns တွေကို အများကိန်းပြောင်းတဲ့အခါမှာ Umlaut+ -er ပုံစံနဲ့ ပြောင်းလေ့ရှိပြီးတော့ အချို့သော Maskulin Nouns တွေမှာလည်း ဒီစည်းမျဉ်းက ချွင်းချက်အနေနဲ့သက်ရောက်ပါတယ်။

VIII. အဆုံးသတ်မှာ 𝗨𝗺𝗹𝗮𝘂𝘁 ပဲပေါင်းရတဲ့ပုံစံ (𝗨𝗺𝗹𝗮𝘂𝘁)
~~~~~~~~~~~~~~~~~~~~~~~~~~~~~~~

✨ တချို့သော Irregular Nouns တွေကိုတော့ Plural လုပ်ချင်ရင် vowel တွေအပေါ်မှာ Umlaut အစက် ၂ စက်ပဲတင်ရင်ရပါတယ်။

🌟 ဒီလောက်ဆိုရင် ယေဘူယျအားဖြင့် ဂျာမန်စကားရဲ့ Plural ပြောင်းနည်း Complexity ကိုအကြမ်းအားဖြင့် ရိပ်မိကြမယ်လို့ထင်ပါတယ်။ ဘာသာစကားတိုင်းမှာတော့ သင်ယူကြပြီဆိုတာနဲ့ သူတို့နဲ့သက်ဆိုင်တဲ့ သတ်မှတ်ချက်တွေ Rules တွေကိုလိုက်နာရမှာပါပဲ။ ဒီနေရာမှာအကြံပေးချင်တာက Rules ဆိုတိုင်းမဖြစ်မနေလိုက်နာစရာမလိုအပ်ပါဘူး။ Rules တွေကိုလိုက်နာရပြီးတော့လိုက်လုပ်ရတာက stress ဖြစ်စေပါတယ်။ ဒါကြောင့်မလို့ German Noun တစ်လုံးကိုမြင်ရင် သူ့ရဲ့ Plural ကိုတစ်ခါတည်းပေါ့ပေါ့ပါးပါးကျက်မှတ်ပြီးတော့ မိမိရဲ့ Notebook ထဲမှာချရေးထားပြီး အချိန်ရတဲ့အခါတိုင်းမှာ Review လုပ်တာအကောင်းဆုံးနည်းလမ်းဖြစ်ပါတယ်လို့အကြံပေးချင်ပါတယ်ခင်ဗျာ။

🔔 Email ရေးတဲ့အခါမှာနောက်ထပ်သတိထားရမယ့် အချက်တွေကိုဆက်ပြီးတော့ပြောပြချင်ပါတယ်။ ‼️

🌟 𝗪𝗼𝗿𝗱 𝗟𝗶𝗺𝗶𝘁
~~~~~~~~~~~

👉 Word limit က များသောအားဖြင့် Schreiben Teil-1 မှာ ဆိုရင် (circa 80 Wörter) စာလုံးရေ (80) ဝန်းကျင် လို့သတ်မှတ်ထားလေ့ရှိတဲ့အတွက်ကြောင့် ကျောင်းသားတွေဘက်က စာလုံးအရေအတွက် (75 ~ 85) ဝန်းကျင်ပဲရေးနိုင်ရင်အကောင်းဆုံးပါ။ သတ်မှတ်အလုံးရေထက်ကျော်သွားရင်တော့ Examinar အနေနဲ့ ပိုသွားတဲ့စာလုံးအရေအတွက်က ပေးထားချက်တွေနဲ့ ကိုက်ညီမှုရှိမရှိ အမှတ်ပေးစည်းမျဉ်းအတိုင်းစီစစ်ပြီးတော့ Score ပေးမှာဖြစ်တယ်။ စာမေးပွဲအခန်းထဲရောက်ရင် Exam stress ကြောင့် တခါတလေမှာ အလုံး (80) ကိုတောင်မနည်းရေးရတဲ့အခါမျိုး နဲ့ Word counts ကျော်သွားတာမျိုးလည်းဖြစ်တက်ပါတယ်။ ဒါကြောင့်မလို့ Schreiben ရေးတဲ့အခါမှာ ပေးထားတဲ့ Hinweise (insturctions) တွေနဲ့အညီ ကျစ်ကျစ်လစ်လစ်နဲ့ရေးသားနိုင်ရင်အကောင်းဆုံးဖြစ်ပါတယ်။ Word count ကို Exam မဖြေခင်ကတည်းက A4 စာရွက်အပေါ်မှာ မိမိလက်ရေးလက်သားအကြီးအသေးအပေါ်မူတည်ပြီးတော့ A4 မှာတစ်ကြောင်းပြည့်ဖို့ဆိုရင် ဘယ်နှစ်လုံးလောက်ပဲရေးမယ်ဆိုတာမျိုးကို (Prüfungsvorbereitung) လုပ်ကတည်းကကြိုတင်ပြီးတော့လေ့ကျင့်သွားဖို့လိုပါတယ်။

🌟 𝗧𝗲𝗻𝘀𝗲
~~~~~~~

👉 အရေးကြီးတဲ့အချက်တစ်ခုက Tense ရွေးချယ်ခြင်းဖြစ်ပါတယ်။ ဂျာမန်လိုဆိုရင်တော့ Zeitformen ဖြစ်ပါတယ်။ ကိုယ်က ပေးထားချက်ဖြစ်တဲ့မေးခွန်းအပေါ်မူတည်ပြီးတော့ မိမိအသုံးပြုရမယ့် Zeitform ကို Präsens လား, Perfekt လားစသည်ဖြင့်မှန်ကန်အောင်ရွေးပေးရပါမယ်။ ဒီနေရာမှာ စာပိုဒ်တစ်ခုလုံးကို Präsens နဲ့ပဲရေးရမယ် Perfekt နဲ့ပဲရေးရမယ်လို့ မဆိုလိုပါဘူး ကိုယ်ရေးမယ့် စာကြောင်းအနေအထားကိုလိုက်ပြီးတော့ Zeitform ကိုသင့်လျော်သလိုအသုံးပြုပေးရမှာပါ။ ဥပမာ ပြီးခဲ့တဲ့အပတ်က ပျော်ပွဲစားထွက်ခဲ့တဲ့အကြောင်းကိုအတန်းထဲက သူငယ်ချင်းတစ်ယောက်ဆီ ရေးပြီးတော့ပို့ပေးပါဆိုတာမျိုး သို့မဟုတ် ကိုယ်က Gym ဆော့နေတာ ၂ ပတ်လောက်ရှိပြီမလို့ ကိုယ် gym ဆော့တဲ့အကြောင်းကိုသူငယ်ချင်းဆီလှမ်းပြောပြတာမျိုး ဒါမှမဟုတ် စသည်ဖြင့် Topic တွေက လာတက်ပါတယ်။

🌟 𝗙𝗼𝗿𝗺𝗮𝗹/ 𝗜𝗻𝗳𝗼𝗿𝗺𝗮𝗹 𝘀𝘁𝘆𝗹𝗲
~~~~~~~~~~~~~~~~~~

👉 နောက်ထပ်သတိထားရမယ့်အချက်က Inforormal type (Du form) သုံးရမလား ဒါမှမဟုတ် Formal type (Sie form) သုံးရမလား ဆိုတာကို မေးခွန်းမှာပေးထားတဲ့အတိုင်းဖတ်ပြီးတော့မှန်ကန်အောင်ရွေးချယ်ပေးရပါမယ်။ ဘာလို့လဲဆိုတော့ ကိုယ်ရွေးချယ်လိုက်တဲ့ form ကိုမူတည်ပြီးတော့ verb တွေကို conjugate လုပ်ရမယ့်ပုံစံကလည်းကွဲပြားသွားတာဖြစ်လို့ပါ။ ကိုယ်ကမှားသွားခဲ့ရင် မလိုအပ်ဘဲနဲ့ အမှတ်လျော့ခံရနိုင်ပါတယ်။

🌟 𝗣𝗿𝗼𝗻𝗼𝗺𝗲𝗻
~~~~~~~~~~

👉 နောက်ဆုံး တတိယအချက်ကတော့ Pronomen တွေသုံးတဲ့အခါမှာ Singular သုံးရမလား Plural သုံးရမလား (Ihr, euch, du, sie, Sie) တွေကိုလည်း insturction မှာပေးထားတဲ့အတိုင်းသတိထားပြီးတော့အသုံးပြုပေးရပါမယ်ခင်ဗျာ။

📧 𝗘𝗺𝗮𝗶𝗹 𝘀𝗰𝗵𝗿𝗲𝗶𝗯𝗲𝗻 ‼️
~~~~~~~~~~~~~~

👉 𝗚𝗼𝗲𝘁𝗵𝗲 𝗪𝗿𝗶𝘁𝗶𝗻𝗴 𝗘𝘅𝗮𝗺 ဖြေတဲ့အခါမှာ ပါလေ့ရှိတဲ့ 𝗘𝗺𝗮𝗶𝗹 𝘀𝗰𝗵𝗿𝗲𝗶𝗯𝗲𝗻 အကြောင်းပြောပြချင်ပါတယ်။
Email တွေရေးတဲ့အခါမှာ သူ့ရဲ့ Sturcture အတိုင်း ၆ ခုပါအောင်ရေးသားနိုင်ဖို့အလွန်အရေးကြီးပါတယ်။

1. 𝗔𝗻𝗿𝗲𝗱𝗲 (address someone) တစ်စုံတစ်ယောက်ကိုခေါ်ဆိုခြင်း
(ဥပမာ- Liebe ဘယ်သူဘယ်သူ/ Lieber ဘယ်သူဘယ်သူ)

2. 𝗘𝗶𝗻𝗹𝗲𝗶𝘁𝘂𝗻𝗴 (introduction) နိဒါန်း စာကြောင်း
(Einleitung ကတော့ မေးခွန်းအပေါ်မူတည်ပြီးရေးရတာမလို့ ဥပမာအနေနဲ့မရေးပြတော့ပါဘူး။)

3. 𝗘𝗺𝗮𝗶𝗹 𝗞ö𝗿𝗽𝗲𝗿 (Email body) စာကိုယ်အကြောင်းအရာ
(ဥပမာအနေနဲ့ မေးခွန်းအပေါ်မူတည်ပြီးတော့ ကိုယ်က အကြံဉာဏ်ပေးရတာ/ အကြောင်းအရာတစ်ခုကိုဖော်ပြပြောဆိုရတာတွေရေးရပါတယ်။)

4. 𝗦𝗰𝗵𝗹𝘂𝘀𝘀𝘀𝗮𝘁𝘇 (closing sentense) နိဂုံးစာကြောင်း
(ဥပမာ-Schreib zurück! (ငါ့ဆီစာပြန်ပါဦး)/ Es wäre schön von dir, wenn du mir schnell antworten kannst. (မင်းငါ့ဆီကိုစာမြန်မြန်ပြန်နိုင်ရင်ကောင်းမှာပဲ) စသည်ဖြင့်

5. 𝗚𝗿𝘂ß (greeting) ဒီနေရာမှာ greeting ဆိုတာ နိဂုံးနှုတ်ဆက်ဆုတောင်းကိုဆိုလိုပါတယ်။
(ဥပမာ- Liebe Grüße/ Mit herzlichen Grüßen) စသည်ဖြင့်

6. 𝗨𝗻𝘁𝗲𝗿𝘀𝗰𝗵𝗿𝗶𝗳𝘁 (signature) signature လို့ခေါ်ပေမယ့် ဒီနေရမှာတော့ မိမိရဲ့နာမည်ကိုဆိုလိုပါတယ်။
(ဥပမာ- Deine Tina/ Dein Peter/ Peter Liam)

ဒီ ၆ ချက်ကိုပါအောင်လို့အကုန်လုံးရေးသားပြီးတော့ Exam ဖြေဆိုတဲ့အခါမှာအဆင်ပြေကြပါစေခင်ဗျာ။