ထိုင်းစကားလွယ်လွယ်ပြောမယ် Sharing Thai Speaking

ထိုင်းနိုင်ငံတွင် မြန်မာစစ်ဘေးရှောင်များအား သက်သေခံကတ် (ပန်းရောင်ကဒ်) ထုတ်ပေးမည်
နိုင်ငံသားဖြစ်ခွင့်ကဒ် မဟုတ်ဟု အာဏာပိုင်များ အတည်ပြုပြောဆို

မြန်မာနိုင်ငံမှ စစ်ဘေးရှောင်များအား ထိုင်းအစိုးရက သက်သေခံကတ်ပြား ထုတ်ပေးရန် စီစဉ်နေသော်လည်း ယင်းသည် ထိုင်းနိုင်ငံသားဖြစ်ခွင့် (နိုင်ငံသားအဖြစ် ပေးခြင်း) မဟုတ်ကြောင်း အာဏာပိုင်များက အတည်ပြုထားသည်။

ကတ်ပြားထုတ်ပေးရခြင်း၏ ရည်ရွယ်ချက်မှာ စစ်ဘေးရှောင်များကို တရားဝင် အလုပ်လုပ်နိုင်စေရန်၊ ဘဏ်အကောင့်ဖွင့်နိုင်စေရန်နှင့် အစိုးရအနေဖြင့် လူဦးရေကို စနစ်တကျ စီမံခန့်ခွဲနိုင်စေရန် ဖြစ်သည်။

စစ်ဘေးရှောင်များဟာ ထိုင်းနိုင်ငံသားများကဲ့သို့ အစိုးရ၏ ကျန်းမာရေးအခွင့်အရေးများကို အလိုအလျောက် မရရှိဘဲ ကျန်းမာရေးအာမခံ ဝယ်ယူရမည် သို့မဟုတ် လူမှုဖူလုံရေးအာမခံထဲ ဝင်ရမည်ဖြစ်ပါသည်။

ထိုင်းနိုင်ငံတွင် စစ်ဘေးရှောင်ခန့်မှန်းခြေ ၈၀,၀၀၀ ခန့်ရှိပြီး အများစုမှာ နှစ်ပေါင်း ၄၀ နီးပါး ဒုက္ခသည်စခန်းများတွင် နေထိုင်လာခဲ့ကြကြောင်းအစိုးရက ၎င်းတို့အား ကိုယ်တိုင် အသက်မွေးဝမ်းကျောင်းနိုင်စေရန်နှင့် အလုပ်သမားလိုအပ်ချက်ကို ဖြည့်ဆည်းနိုင်စေရန် ရည်ရွယ်ထားသည်။

အလုပ်ရှင်များဘက်ကလည်း သက်သေခံကတ် (ပန်းရောင်ကဒ်)ရှိလာပါက အလုပ်ခန့်ထားရာတွင် ပိုမိုလွယ်ကူလာမည်ဖြစ်ပြီး ဘဏ်မှတစ်ဆင့် လစာပေးချေနိုင်မည်ဟု မျှော်လင့်ထားကြသည်။

လက်ရှိမူဝါဒအရ စစ်ဘေးရှောင်များကို ထိုင်းနိုင်ငံသားဖြစ်ခွင့်ပေးမည် မဟုတ်ဘဲ ယာယီနေထိုင်ခွင့်နှင့် အလုပ်လုပ်ခွင့်သာ ပေးရန် ရည်ရွယ်ထားကြောင်း တာဝန်ရှိသူများက ပြောကြားထားသည်။

Ref : TODAY

19/6/2026 ထိုင်း-မြန်မာငွေလဲစျေးနှုန်းပါခ 🥰😍

18/6/2026 ထိုင်း-မြန်မာငွေလဲစျေးနူန်းပါခ 🥰😍