Learn French with Yonn

ဒီတစ်ခါတော့ 🇫🇷ပြင်သစ်လူမျိုးတို့ရဲ့ နေ့လယ်စာ 🍕အနားယူချိန်ယဉ်ကျေးမှု အကြောင်းကိုပြောပြချင်ပါတယ် ပြင်သစ်ရဲ့ နေ့လယ်စာ အနားယူချိန် ယဉ်ကျေးမှုဟာ UNESCO မှ အသိအမှတ်ပြုထားတဲ့ အရေးပါတဲ့ ဓလေ့တစ်ခုလည်းဖြစ်ပါတယ်

ပြင်သစ်လူမျိုးတွေအတွက် နေ့လယ်စာဆိုတာ ဗိုက်ဖြည့်ရုံတင်မဟုတ်ဘဲ နေ့စဉ်ဘဝရဲ့ အရေးကြီးတဲ့ အစိတ်အပိုင်းတစ်ခု ဖြစ်တယ်ဆိုတာ သတိထားမိကြမလား 🧐

ပြင်သစ်နိုင်ငံကို သွားဖူးတဲ့သူတိုင်း သတိထားမိမှာပါ။ နေ့လယ် ၁၂ နာရီခွဲလောက်ရောက်ရင် စတိုးဆိုင်တွေ ရုတ်တရက်ပိတ်ကုန်တယ်။ ရုံးတွေ၊ ဘဏ်တွေမှာ အလုပ်တွေ ရပ်သွားတယ်။ ပြီးတော့ လမ်းဘေးက စားသောက်ဆိုင်လေးတွေမှာ ပြင်သစ်လူမျိုးတွေ တစ်နာရီခွဲ၊ နှစ်နာရီလောက် ထိုင်ပြီး သူတို့ရဲ့ နေ့လယ်စာကို ဖြည်းညှင်းစွာ သုံးဆောင်ရင်း ဘဝရဲ့အဓိပ္ပါယ်ကိုခံစားနေကြတာကို တွေ့ရမယ်။

သူတို့က အဆင့်လိုက် စားတယ်။ ပွဲဦးထွက်၊ ပင်မဟင်း၊ ဒိန်ခဲ၊ အချိုပွဲဆိုပြီး အနည်းဆုံး သုံးဆင့်လောက်ပါပါတယ်။ တစ်ချို့ဆို 🍷ဝိုင်တစ်ခွက်လောက်ပါ ထည့်သောက်တယ်။ စားနေရုံတင်မဟုတ်ဘဲ စကားစမြည်ပြောဆိုနေကြတယ်။ ဖုန်းကို အိတ်ထဲပစ်ထားပြီး သူငယ်ချင်း၊ မိသားစုဝင်တွေနဲ့ ရယ်မော ပျော်ရွှင်စွာ စားသောက်နေကြတယ်။ 📵

ဒီအချိန်မှာ ပြင်သစ်လူမျိုးတွေဟာ
❌ "အလုပ်လုပ်ဖို့ ရှင်သန်တာ" ❌မဟုတ်ဘဲ
✅ "ရှင်သန်ဖို့ အလုပ်လုပ်တာ" ✅ဆိုတဲ့ အတွေးအခေါ်ကို လက်တွေ့ကျင့်သုံးနေတာပါ။ သူတို့အတွက် ကောင်းမွန်တဲ့ အစားအစာနဲ့ စကားပြောခွင့်ဟာ လူ့ဘဝရဲ့ အခွင့်အရေးတစ်ခုလို့ သတ်မှတ်ထားကြတာဖြစ်ပါတယ်

ဒါ့အပြင် ပြင်သစ်ရဲ့အလုပ်သမားဥပဒေအရ ကိုယ့်ရဲ့အလုပ်စားပွဲမှာ နေ့လည်စာစားခြင်းကိုလည်းတားမြစ်ထားပါသေးတယ်။ အလုပ်သမားဦးရေ 50 နဲ့အထက်ရှိတဲ့ Company တိုင်းဟာ Eating Area ဒါမှမဟုတ် Cafeteria ထားရှိပေးရပါတယ် 🍽️

ဒါဟာ အလုပ်သမားတွေအတွက် အလုပ်ခွင်နဲ့ဝေးရာမှာ ကောင်းမွန်တဲ့ နေ့လည်စာကို သေချာသုံးဆောင်နိုင်အောင်လုပ်ပေးထားတဲ့ law တစ်ခုဖြစ်တာကြောင့် သူတို့ရဲ့ workplace culture ဟာအတုယူစရာကောင်းပါတယ်✨

ဒါကြောင့် စာဖတ်သူတို့ ပြင်သစ်ကို ရောက်ရင် သတိရဖို့က နေ့လယ် ၁၂ နာရီကနေ ၂ နာရီအတွင်း ဈေးဝယ်ဖို့ မကြံပါနဲ့။ အဲဒီအစား၊ သူတို့လိုပဲ လုပ်လိုက်ပါ။ ကော်ဖီဆိုင်လေးတစ်ဆိုင်မှာ ထိုင်ပြီး ကြာရှည်စွာ နေ့လယ်စာစားလိုက်ပါ။ လမ်းဘေးဖြတ်သွားဖြတ်လာတွေကို ကြည့်ရင်း ပြင်သစ်လူမျိုးတွေရဲ့ ဘဝအနှစ်သာရ၊ lifestyle ကို အပြည့်ဝခံစားလိုက်ပါ။ ဒါဟာ ခရီးသွားတစ်ယောက်အနေနဲ့ အချိန်ကုန်ခံပြီး ပြင်သစ်ကို အမှတ်ရစေမယ့် အတွေ့အကြုံကောင်းတစ်ခုပါပဲ💕

ဒီလို culture သာ 9-to-5 လုပ်ငန်းခွင်တိုင်းမှာ ထားရှိရင် work-life balance ဖြစ်ရုံမကဘဲ လုပ်ငန်းခွင်တွင်း ပင်ပန်းနွမ်းနယ်မှု အနည်းနဲ့အများသက်သာသွားကြမယ်ထင်တယ်နော် စာဖတ်သူတို့ရဲ့အမြင်တွေကိုလဲည်း ပြောပြပေးသွားဦးနော် 📩

ပြင်သစ်ရဲ့ ရာသီဥတုနဲ့လိုက်ပြီး ခရီးသွားဖို့အကောင်းဆုံး ဒေသ ၅ ခု ဆိုပြီးခွဲခြားနိုင်ပါတယ် ခရီးသွားဖို့ အကောင်းဆုံးရာသီက ဧပြီလမှ အောက်တိုဘာလအထိဖြစ်ပြီး ဒေသအလိုက် ထူးခြားချက်တွေက အောက်ပါအတိုင်းပဲဖြစ်ပါတယ်

၁. ပင်လယ်နှင့် ပြင်သစ်ရာသီဥတု (ပါရစ်နှင့် မြောက်ပိုင်း)

· ဆောင်းရာသီ (ဒီဇင်ဘာ-ဖေဖော်ဝါရီ) က အအေးဆုံး အပူချိန် ၂-၇°C ရှိပြီး နှင်းခဲခဲတတ်ပါတယ်။
· နွေရာသီ (ဇွန်-ဩဂုတ်) က သက်သောင့်သက်သာရှိကာ ၁၅-၂၅°C ရှိပေမယ့် ရုတ်တရက် မိုးရွာနိုင်ပါတယ်။
· ဒီဒေသရဲ့ ထူးခြားချက်က တစ်နှစ်ပတ်လုံး မိုးရေချိန် မျှတခြင်း နဲ့ နွေဦးရာသီမှာ မကြာခဏ မိုးဖွဲဖွဲရွာခြင်းပါ။

၂. အတ္တလန္တိတ်ကမ်းရိုးတန်း (အနောက်ပိုင်း)

· ဆောင်းရာသီ (၅-၁၀°C) နဲ့ နွေရာသီ (၁၆-၂၂°C) နှစ်မျိုးစလုံးက ပျော့ပျောင်းပါတယ်။
· ထူးခြားချက်က စိုစွတ်ပြီး လေထန်ခြင်း ဖြစ်လို့ ယူဆောင်းဒေသဆီ ခရီးသွားရင် ရေစိုခံအကျီကို အမြဲဆောင်သွားသင့်ပါတယ်။
· လှိုင်းစီးသူတွေအတွက် နှစ်သက်ရာဒေသဖြစ်ပြီး နွေရာသီမှာတောင် ရေအပူချိန် ၁၈°C လောက်သာ ရှိပါတယ်။

၃. မြေထဲပင်လယ်ဒေသ (တောင်ပိုင်း၊ နိုင်းမြစ်ဝကျွန်းပေါ်)

· ဆောင်းရာသီ (၆-၁၂°C) က ပျော့ပျောင်းကာ ခြောက်သွေ့ပြီး နွေရာသီ (၂၂-၃၀°C) က ပူပြင်းပါတယ်။ တစ်ခါတစ်ရံ ၃၅°C အထက်ရောက်နိုင်ပါတယ်။
· ထူးခြားချက်က နွေရာသီ ခြောက်သွေ့ခြင်းနဲ့ မိုးရာသီ ပြတ်သားခြင်း ဖြစ်ပြီး ဆောင်းဦးနဲ့ နွေဦးမှာ ရုတ်တရက် မိုးကြီးတတ်ပါတယ်။
· မစ္စထရယ်လေတိုက်ခတ်ခြင်း ကြောင့် နာမည်ကြီးပြီး ဒီလေဟာ အေးမြခြောက်သွေ့ကာ အလွန်ပြင်းထန်နိုင်ကာ တစ်နှစ်မှာ ရက် ၁၀၀ ကျော် တိုက်ခတ်တတ်ပါတယ်။

၄. ကုန်းတွင်းပိုင်း (ကုန်းမြင့်ဒေသနှင့် မြစ်ဝှမ်းများ)

· ဆောင်းရာသီ (၀-၅°C) က အေးပြီး တစ်ခါတစ်ရံ နှင်းကျနိုင်ပါတယ်။ နွေရာသီ (၁၈-၂၆°C) က ပူပြင်းပါတယ်။
· ထူးခြားချက်က တစ်နှစ်ပတ်လုံး အပူချိန်ကွာဟမှုကြီးခြင်း ဖြစ်ပြီး ဒီဒေသက နွေရာသီနှောင်းပိုင်းမှာ မိုးကြိုးမုန်တိုင်းတွေ ဖြစ်ပေါ်တတ်ပါတယ်။

၅. တောင်တန်းဒေသ (အဲလ်ပ်နှင့် ပီရီနီးစ်)

· ဆောင်းရာသီ (၅- ၅°C) က အအေးလွန်ကဲကာ နှင်းထူထပ်ပြီး နွေရာသီ (၁၀-၂၀°C) က အေးမြပါတယ်။
· အမြင့်ပေပေါ်မူတည်၍ ရာသီဥတုပြောင်းလဲတတ်ပြီး နွေရာသီမှာတောင် တောင်၃၀၀၀မီတာအထက်မှာ နှင်းဖုံးနေတတ်ပါတယ်။
· ထူးခြားချက်က မိုးလေဝသ လျင်မြန်စွာပြောင်းလဲခြင်း ဖြစ်လို့ တောင်တက်တဲ့အခါ သတိထားရပါမယ်။

နွေရာသီမှာ မြေထဲပင်လယ်ကမ်းခြေကို ရေကစားဖို့သွားလျှင် သာယာပေမယ့် နေဒဏ်အကာအကွယ် ယူဖို့လိုပါတယ်။ ဆောင်းရာသီမှာ အဲလ်ပ်တောင်တန်းက နှင်းလျှောစီးဖို့ အကောင်းဆုံးပဲဖြစ်ပါတယ်

French Work Culture🇫🇷🧑🏼‍💻

ဒီနေ့မှာတော့ ပြင်သစ်မှာ အလုပ်လုပ်တော့မယ်ဆိုရင် တွေ့ရတတ်တဲ့ workplace culture တချို့ကို ပြောပြပေးလိုက်ပါတယ်✨

✔️Workplace is formal

French တွေရဲ့ workplace မှာ ဝတ်ပုံစားပုံတွေက formal တွေပါ။ ယောက်ျားလေးတွေဆို formal suits ဝတ်ရပြီးတော့ မိန်းကလေးတွေဆိုရင်လည်း business suits or formal dress တွေဝတ်ရပါတယ်။ ပြီးတော့ တစ်ယောက်နဲ့တစ်ယောက်တွေ့ရင် Handshake or La bise လို့ ခေါ်တဲ့ French greeting kiss လုပ်ရပါတယ်😘

✔️Work hour limit

France မှာ တစ်ပတ်ကိုအလုပ်လုပ်ရမယ့် နာရီကို 35 hours (average 39.2 hours) ကန့်သတ်ထားပါတယ်။ Deadline တွေ မမှီမှာစိုးလို့ ညနေဘက်တွေမှာ အလုပ်ဆင်းတယ်ဆိုတာ ရှားပါတယ်။ Weekend တွေမှာလည်း Employees အချင်းချင်း အလုပ်ကိစ္စနဲ့ဆက်သွယ်လို့မရပါဘူး illegal ပါ။ Weekend မှာ အလုပ်ကိစ္စ mail ပို့လို့တောင် မရပါဘူး📬

✔️Long lunch break

ပြင်သစ်မှာ ပုံမှန်အားဖြင့် lunch break 1 hour ပေးပါတယ် ဒါပေမယ့် lunch break ကို up to 2 hours ထိယူလို့ရပါတယ်။ များသောအားဖြင့် company အများစုမှာ cafeteria တွေစီစဉ်ပေးပြီး အဲ့ဒီ cafeteria မှာ wine တွေကအစရှိတတ်ပါတယ်🍷 Lunch break အပြင် အလုပ်လုပ်နေရင်း coffee & cigarette break တွေယူတာကလည်း normal ပါ☕️

✔️Getting personal at work

ပြင်သစ်မှာ coworkers တွေက ဘယ်လောက်ပဲ ရင်းနှီးပါစေ personal ကိစ္စတွေကို သိပ် sharing မလုပ်ကြပါဘူး။ French တွေက သူတို့ရဲ့ family, kid, spouse အကြောင်းတွေကို သိပ်ပြောပြလေ့မရှိပါဘူး။

စာဖတ်သူတို့ရော ဒီ culture တွေအပေါ် ကိုယ်ရဲ့အမြင်တွေကိုလည်း ပြောပြပေးသွားဦးနော် ✨

Fyi

🇫🇷🏰 ဒစ်စနီလန်း ပဲရစ်ဟာ ပြင်သစ်နိုင်ငံ၊ ပဲရစ်မြို့အရှေ့ဘက် Marne-la-Vallée မှာတည်ရှိပါတယ်

၁၉၉၂ ခုနှစ်မှာ ဖွင့်လှစ်ခဲ့ပြီး ဥရောပရဲ့ နံပါတ်
တစ် ဖျော်ဖြေရေးပန်းခြံဖြစ်ပါတယ်။
ဒစ်စနီလန်းပန်းခြံ (Disneyland Park) က ရဲတိုက်၊ Big Thunder Mountain နဲ့ Space Mountain အပါအဝင် ဒစ်စနီဂန္ထဝင်တွေပါဝင်ပြီး၊ ဝေါ့ဒစ်စနီစတူဒီယိုပန်းခြံ (Walt Disney Studios Park) က ရုပ်ရှင်ထုတ်လုပ်ရေးနဲ့ အဆိုတော်
သရုပ်ဆောင်တွေရဲ့ လောကကိုလည်း ပြသထားပါတယ်

ပဲရစ်မြို့လယ်ကနေ RER A ရထားစီးရင် မိနစ် ၄၀ လောက် (ဘူတာ−Marne-la-Vallée/Chessy)၊ ကားနဲ့ဆို A4 အဝေးပြေးလမ်းနဲ့ မိနစ် ၃၅ မိနစ်လောက်သွားရပါတယ်
ပန်းခြံတစ်ခုစီအတွက် တစ်ရက်လက်မှတ် ယူရို ၇၀–၁၀၀ ဝန်းကျင်၊ ပန်းခြံနှစ်ခုလုံးအတွက် ၂ ရက် ၃ ရက်စာ လက်မှတ်တွေလည်းရှိပါတယ်

သွားရောက်လည်ပတ်ဖို့အတွက် အချိန်ကောင်းကတော့ ရာသီဥတုသာယာတဲ့ မေလနဲ့ ဇွန်လအစောပိုင်း၊ ဒါမှမဟုတ် ခရစ်စမတ်ရာသီမှာ အလှဆင်မှုတွေနဲ့ လှပတဲ့ နိုဝင်ဘာလကုန်မှ ဇန်နဝါရီလအစောပိုင်းတွေပဲဖြစ်ပါတယ် 🚙

ထူးခြားတဲ့ ဆွဲဆောင်မှုတွေအနေနဲ့ကတော့
အမေရိကန်နဲ့ အာရှက ပန်းခြံတွေနဲ့မတူတဲ့ သီးသန့် စီးနင်းခန်းတွေရှိတယ်။ ဥပမာ Crush's Coaster (အန်နီမေရှင်း Finding Nemo ဇာတ်ကောင်စီးရတဲ့ လှည့်ပတ်ကားလေး)၊ Ratatouille: The Adventure (ကြွက်စားဖိုမှူး Rémy ရဲ့ အရွယ်အစားအထိ ကျုံ့ဝင်ပြီး ပြေးလွှားရတဲ့ 3D စီးနင်းခန်း)၊ Big Thunder Mountain (ကျွန်းပေါ်မှာတည်ဆောက်ထားတဲ့ ကမ္ဘာ့အကောင်းဆုံး Big Thunder လို့ သတ်မှတ်ခံရတဲ့ မီးရထားတစ်ခု) စတာတွေပဲဖြစ်ပါတယ်

🎆"Disney Illuminations" ရိုးရိုးမီးရှူးမီးပန်းမဟုတ်ဘဲ ရေသန့်စင်မြူ (fountains)၊ လေဆာ၊ ဟိုလိုဂရမ်နဲ့ ဒရုန်းများစွာ (drones) ကောင်းကင်ယံမှာ ပုံဖော်ပြသထားတဲ့ ခေတ်မီပြသမှုတစ်ခု Drone ကနေ မိုးကောင်းကင်မှာ 🐭Mickey Mouse မျက်နှာ ဒါမှမဟုတ် Christmas ရာသီဆိုရင် ဆန်တာဘိုးဘွား 🎅🧑‍🎄ဖန်တီးပြသထားတာမျိုးတွေရှိလို့ မဖြစ်မနေကြည့်သင့်တဲ့အထဲပါပါတယ်ရှင်

စာဖတ်သူတို့ရော Disney land မှာဘယ်နေရာကိုသွားရောက်လည်ပတ်ရတာကြိုက်လဲဆိုတာ ပြောခဲ့ပေးဦးနော် 💕✨

တန်းခွဲအသစ်မေးတဲ့ကျောင်းသားတွေအတွက် အချိန်ဇယားအသစ်ထွက်ပြီဆိုတော့ ပြင်သစ်စာသင်တန်းတက်ချင်ကြတဲ့သူလေးတွေ Your French Teachers ရဲ့ Page Chatbox မှာ တိုက်ရိုက်ဆက်သွယ် ကျောင်းအပ်လို့ရပါပြီရှင် 💕

🇫🇷🎬ပြင်သစ်ရုပ်ရှင်လောကရဲ့ အထူးခြားဆုံးသော ထူးခြားချက်တစ်ခုကတော့ ကိန်းရုပ်ရှင်
ပွဲတော် (Cannes Film Festival) ပဲဖြစ်ပါတယ်
သူ့ရဲ့ ထူးခြားချက်တွေကတော့

🏰ကမ္ဘာ့အကြီးဆုံးနှင့် ဂုဏ်သတင်းအကြီးမားဆုံးဖြစ်တဲ့ ဗင်းနစ်၊ ဘာလင်ပွဲတော်များနှင့်အတူ
"ကမ္ဘာ့ထိပ်တန်း ရုပ်ရှင်ပွဲတော်သုံးခု" မှာပါဝင်ပြီး စီးပွါးရေးအရလည်း အရေးပါဆုံးပွဲတစ်ခုလဲဖြစ်ပါတယ်

🎬ကိန်းရုပ်ရှင်ပွဲတော်မှာ ပေးတဲ့ "ပါ့လ်မ်ဒေါ် (Palme d'Or)" ဆုဆိုတာ ရုပ်ရှင်အနုပညာသမားတွေအတွက်တော့ အမြင့်ဆုံးဂုဏ်ထူးဆောင်ဆုတစ်ခုဆိုလဲ မမှားပါဘူး

💃🏻🕺🏻ကမ္ဘာကျော် အနုပညာရှင်များ၊ ဒါရိုက်တာများ စုဝေးရာဖြစ်ပြီး ဖက်ရှင်နဲ့ မီဒီယာများရဲ့ဗဟိုချက်လည်းဖြစ်ပါတယ်

ကမ္ဘာ့အကြီးဆုံး ရုပ်ရှင်ဈေးကွက်ဖြစ်ပြီး နိုင်ငံတကာ ပူးပေါင်းထုတ်လုပ်ရေးနှင့် ဖြန့်ချိရေးတွေရဲ့ အဓိကနေရာဖြစ်တယ်

အနုပညာဇာတ်ကားများအတွက် ဒါရိုက်တာတွေရဲ့ထင်ရှားတဲ့အနုပညာဇာတ်ကားများကို ရှာဖွေတင်ဆက်ရာတွင်လည်း ကျော်ကြားပါတယ်🎞️

🏆(Palme d’Or) ဆုဆိုတာ အော်စကာလောက် အထင်ကြီးစရာ မဟုတ်ပေမဲ့ ကိန်းမှာ ဆုရသွားရင် ရုပ်ရှင်လောကရဲ့ အော်စကာအထိ လမ်းခင်းပေးတတ်ပါတယ်

ဒါကြောင့် ကိန်းကို ဆိုရရင် ၊ ရုပ်ရှင်တွေတင်မကဘူး၊ စီးပွားရေး၊ ဖက်ရှင်၊ ဂလမ် (Glitter) ရောနှောနေတဲ့ ပွဲကြီးတစ်ခုလို့ဆိုလိူ့ရပါသေးတယ်

ဒီပွဲတော်ဟာဆိုရင် ပြင်သစ်နိုင်ငံ ရဲ့ ရုပ်ရှင်
ယဉ်ကျေးမှုအပေါ် ထားရှိတဲ့ နက်ရှိုင်းသော အမွေအနှစ်နဲ့ ကမ္ဘာလုံးဆိုင်ရာ သြဇာလွှမ်းမိုးမှုကို ထင်ဟပ်ဖော်ပြနေပါသေးတယ် ✨

"𝐌é𝐭𝐫𝐨-𝐁𝐨𝐮𝐥𝐨𝐭-𝐃𝐨𝐝𝐨" ဆိုတာ ဘာလဲ? 🚇💼😴

ပြင်သစ်နိုင်ငံ၊ အထူးသဖြင့် ပါရီလို မြို့ကြီးပြကြီးမှာ နေထိုင်တဲ့သူတွေရဲ့ နေ့စဉ်ဘဝအကြောင်း ပြောရင် “Métro-boulot-dodo” ဆိုတဲ့ စကားစုလေးကို ချန်ထားလို့ မရပါဘူး။ ဒါဟာ ပြင်သစ်လူမျိုးတွေ သူတို့ရဲ့ တစ်နေ့တာ ဘဝသံသရာကို သရော်ပြီး ပြောလေ့ရှိတဲ့ အရမ်းခေတ်စားတဲ့ စကားစုလေးပဲ ဖြစ်ပါတယ်။

တစ်လုံးချင်းစီရဲ့ ဆိုလိုရင်းကို ကြည့်ရအောင်-
• Métro (မေထရို) 🚇: မြေအောက်ရထားကို ပြောတာပါ။ မနက်မိုးလင်းတာနဲ့ ရထားတိုးပြီး အလုပ်သွားရတဲ့ "လမ်းခရီး" ကို ဆိုလိုပါတယ်။

• Boulot (ဘူလို) 💼: ဒါက "အလုပ်" (Work) ကို ပြောတာပါ။ ပုံမှန်သုံးနေကျ Travail ဆိုတဲ့ စကားလုံးထက် ပိုပြီး ပေါ့ပေါ့ပါးပါး (Slang) အနေနဲ့ သုံးတာ ဖြစ်ပါတယ်။

• Dodo (ဒိုဒို) 😴: ကလေးလေးတွေကို "အိပ်တော့နော်" လို့ ပြောတဲ့အခါ သုံးတဲ့ ချစ်စနိုးစကားလုံးလေးပါ။ ဒီနေရာမှာတော့ "အိပ်စက်ခြင်း" ကို ပြောတာပါ။

ဒီစကားလုံး သုံးလုံးကို ပေါင်းလိုက်ရင် "ရထားစီး၊ အလုပ်လုပ်၊ အိပ်စက်" ဆိုတဲ့ အဆုံးမရှိတဲ့ သံသရာကြီးကို ဆိုလိုတာပဲ ဖြစ်ပါတယ်။ 🔄 ဗမာလို အလွယ်ဆုံး ပြောရရင်တော့ "အလုပ်နဲ့ အိမ်၊ အိမ်နဲ့ အလုပ်" ပဲ လည်နေတဲ့ ဘဝမျိုးပေါ့။ 🏃‍♂️💨

ကိုယ့်မှာ ကိုယ်ပိုင်အချိန်ဆိုတာ မရှိသလောက်ဖြစ်နေပြီး စက်ရုပ်တစ်ရုပ်လိုပဲ နေ့တိုင်း ဒီအတိုင်းကြီး ထပ်ခါတလဲလဲ ဖြစ်နေတဲ့အခါမျိုးမှာ "ငါ့ဘဝကတော့ Métro-boulot-dodo ပါပဲကွာ" လို့ ညည်းတွားပြီး သုံးလေ့ရှိပါတယ်။ 🤖

💡 ဥပမာလေးတွေ ကြည့်ကြရအောင်
• "J'en ai marre du métro-boulot-dodo !" 😫
(ဒီလိုပဲ အလုပ်သွား၊ အလုပ်လုပ်၊ အိပ်လိုက်နဲ့ လည်နေတဲ့ သံသရာကြီးကို ငါတကယ် စိတ်ကုန်နေပြီ!)

• "Besoin de vacances pour casser le métro-boulot-dodo." ✈️🏝️
(ဒီလို ငြီးငွေ့စရာကောင်းတဲ့ ဘဝသံသရာထဲကနေ ခဏလောက် ရုန်းထွက်ဖို့ အားလပ်ရက်ခရီးလေးတစ်ခုတော့ သွားမှဖြစ်တော့မယ်။)

တကယ်တော့ Métro-boulot-dodo ဆိုတာ စကားစုလေးတစ်ခုထက် ပိုပါတယ်။ အလုပ်နဲ့ ဘဝ (Work-Life Balance) မမျှတတော့ဘဲ စက်ရုပ်တစ်ရုပ်လို ဖြစ်နေတဲ့ ကိုယ့်ရဲ့နေ့စဉ်ဘဝကို ထောက်ပြချင်တာပါ။

ပြင်သစ်သူငယ်ချင်းတွေနဲ့ စကားပြောတဲ့အခါဖြစ်ဖြစ်၊ ကိုယ်က အလုပ်တွေ အရမ်းများပြီး ပင်ပန်းနေကြောင်း ညည်းပြချင်တဲ့အခါမျိုးမှာပဲဖြစ်ဖြစ် ဒီစကားစုလေးကို သုံးကြည့်လိုက်ပါ။ သူတို့က ကိုယ့်ကို ပြင်သစ်စကားနဲ့ ယဉ်ကျေးမှုကို တော်တော်လေး နှံ့စပ်တဲ့သူလို့ အထင်ကြီးသွားမှာ သေချာပါတယ်။ 😉🇫🇷

"Alors, et vous ? C'est métro-boulot-dodo en ce moment ?" 🤔💬
(ကဲ... ဒါနဲ့ စာဖတ်သူတို့ရော? အခုတလော အလုပ်နဲ့အိမ်၊ အိမ်နဲ့အလုပ်ပဲ လည်နေရပြီလား?)

Vendredi 13 (သောကြာနေ့ ၁၃ရက်နေ့) နဲ့ ပတ်သက်တဲ့ ပြင်သစ်လူမျိုးတွေရဲ့ အယူအဆကို လေ့လာကြရအောင်နော်။

ပြင်သစ်လူမျိုးတွေကြားမှာ Vendredi 13 (သောကြာနေ့ ၁၃ရက်နေ့) ဟာ အထူးအယူအဆတစ်ခုရှိပါတယ်။ တချို့က ကံဆိုးတဲ့နေ့လို့ယူဆကြပြီး တချို့ကတော့ ကံကောင်းတဲ့နေ့လို့ ယူဆကြပါတယ်။

၁။ ကံဆိုးတဲ့နေ့အဖြစ် ယူဆခြင်း (အယူအဆအဟောင်း)

ပြင်သစ်လူမျိုးအများစုက Vendredi 13 ကို ကံဆိုးတဲ့နေ့အဖြစ် ယူဆကြပါတယ်။ အကြောင်းရင်းတွေကတော့-

က) သမိုင်းနောက်ခံအရ

· တမန်တော် ၁၃ပါး - ယေရှုခရစ်တော်ရဲ့ နောက်ဆုံးညစာစားပွဲမှာ တမန်တော် ၁၃ပါး ပါဝင်ခဲ့ပြီး ယုဒရှကာရုတ်ဆိုတဲ့ ၁၃ယောက်မြောက်တမန်တော်က သခင်ကို သစ္စာဖောက်ခဲ့တယ်လို့ ယုံကြည်ကြပါတယ်။

· သောကြာနေ့ - ယေရှုခရစ်တော် အသေခံခဲ့ရတဲ့နေ့ဟာ သောကြာနေ့ဖြစ်တယ်လို့ ခရစ်ယာန်တွေက ယုံကြည်ကြပါတယ်။

ခ) ဂဏန်းဗေဒင်အရ

· ဂဏန်းဗေဒင်မှာ ၁၃ ဂဏန်းဟာ မပြည့်စုံတဲ့ဂဏန်း၊ ဖောက်ပြန်တဲ့ဂဏန်းလို့ ယူဆကြပါတယ် (၁၂ ဂဏန်းက ပြည့်စုံတယ်လို့ယူဆပြီး ၁၃ က ၁၂ ကိုကျော်လွန်နေတဲ့အတွက် မညီမျှမှုကိုကိုယ်စားပြုတယ်)။

ဂ) ရှေးခေတ်အယူအဆများ

· ရှေးခေတ်ပြင်သစ်မှာ သောကြာနေ့တွေမှာ စာချုပ်စာတမ်းတွေ မချုပ်ဆိုးကြဘူး၊ ခရီးမထွက်ကြဘူး။
· ၁၃ယောက်အတူတူ စားပွဲမှာထိုင်တာကို ရှောင်ကြဉ်ကြတယ်။

၂။ ကံကောင်းတဲ့နေ့အဖြစ် ယူဆခြင်း (မျက်မှောက်ခေတ်အယူအဆ)

စိတ်ဝင်စားစရာကောင်းတာက ပြင်သစ်လူမျိုးတချို့ (အထူးသဖြင့် လူငယ်တွေ) က Vendredi 13 ကို ကံကောင်းတဲ့နေ့အဖြစ် သတ်မှတ်လာကြပါတယ်။

လောင်းကစားနဲ့ ထီထိုးခြင်း

· ပြင်သစ်မှာ Vendredi 13 ဆိုရင် လူတွေအများဆုံး ထီထိုးတဲ့နေ့ပါ။
· ပြင်သစ်အစိုးရပိုင် La Française des Jeux (ပြင်သစ်ထီအဖွဲ့) က Vendredi 13 မှာ အထူးထီပွဲတွေ ကျင်းပလေ့ရှိပါတယ်။
· လူတွေက ဒီနေ့မှာ ထီပေါက်ဖို့ကံကောင်းတယ်လို့ ယုံကြည်ကြပါတယ်။

စီးပွားရေးအရ

· စားသောက်ဆိုင်တွေ၊ ဘားတွေက Vendredi 13 မှာ အထူးပရိုမိုးရှင်းတွေ လုပ်လေ့ရှိပါတယ်။
· ဒီနေ့ဟာ စီးပွားရေးအတွက် အရောင်းအ၀ယ်ကောင်းတဲ့နေ့အဖြစ် သတ်မှတ်ကြပါတယ်။

၃။ ပြင်သစ်လူမျိုးတွေရဲ့ အပြုအမူများ

ကံဆိုးတယ်လို့ယူဆသူတွေ

· ခရီးမထွက်ကြဘူး
· အရေးကြီးဆုံးဖြတ်ချက်တွေ မချကြဘူး
· အိမ်အသစ်မပြောင်းကြဘူး
· လက်ထပ်ခြင်းကို ရှောင်ကြဉ်ကြတယ်

ကံကောင်းတယ်လို့ယူဆသူတွေ

· ထီထိုးကြတယ်
· ပါတီပွဲတွေ ကျင်းပကြတယ်
· စီးပွားရေးလုပ်ငန်းအသစ် စတင်ကြတယ်

၄။ ပြင်သစ်အသုံးအနှုန်းများ

Un vrai vendredi 13 - တကယ့် သောကြာနေ့ ၁၃ရက်နေ့လိုပဲ (ဖြစ်ကတတ်ဆန်း အခြေအနေ)

Cette journée a été un vrai vendredi 13, tout allait de travers!
(ဒီနေ့ဟာ တကယ့် သောကြာနေ့ ၁၃ရက်နေ့လိုပဲ၊ အရာရာလွဲနေတယ်။)

Le syndrome du vendredi 13 - သောကြာနေ့ ၁၃ရက်နေ့ ရောဂါလက္ခဏာစု (ဒီနေ့ကိုကြောက်ရွံ့ခြင်း)

Il ne sort jamais le vendredi 13 à cause de son syndrome.
(သူက သောကြာနေ့ ၁၃ရက်နေ့ဆိုဘယ်တော့မှ အပြင်မထွက်ဘူး ဒီနေ့ကိုကြောက်လို့။)

၅။ စိတ်ဝင်စားစရာ ကိန်းဂဏန်းများ

· ပြင်သစ်လူမျိုး ၂၀% ခန့်က Vendredi 13 ကို ကံဆိုးတဲ့နေ့အဖြစ် ယူဆကြပါတယ်။
· ပြင်သစ်ထီအဖွဲ့ရဲ့အဆိုအရ Vendredi 13 မှာ ထီအရောင်းအ၀ယ်ဟာ သာမန်နေ့တွေထက် ၃၀-၅၀% ပိုများပါတယ်။
· တစ်နှစ်ကို Vendredi 13 ရက်ဟာ အနည်းဆုံး ၁ကြိမ်မှ အများဆုံး ၃ကြိမ်အထိ ကြုံတွေ့ရတတ်ပါတယ်။

ဒီလိုနဲ့ ပြင်သစ်လူမျိုးတွေကြားမှာ Vendredi 13 ဟာ ကံကောင်းခြင်းရော၊ ကံဆိုးခြင်းရော နှစ်မျိုးစလုံးနဲ့ ဆက်နွယ်နေတဲ့ အထူးနေ့တစ်နေ့ဖြစ်ပါတယ်။ လူတစ်ဦးချင်းရဲ့ ယုံကြည်မှုအပေါ် မူတည်ပြီး ဒီနေ့ကို ချဉ်းကပ်ပုံချင်း ကွဲပြားကြပါတယ်။

Bonjour á tous!!!!!

ဒီနေ့မှာတော့ ပြင်သစ်စာ A2 Level သင်ယူနေသူများအတွက် အထောက်အကူဖြစ်စေမဲ့ စာအုပ်နှင့်သင်ထောက်ကူပစ္စည်းတွေအကြောင်းပြောပြပေးသွားမှာပဲဖြစ်ပါတယ်ရှင်။

ဒါဆိုလိုက်ကြည့်လိုက်ရအောင်နော်🥰

✅ သင်ရိုးညွှန်းတမ်းစာအုပ်များ (Textbooks)
- 📖 Édito A2
➡️ပြင်သစ်ဘာသာစကားသင်ကြားရာမှာ အသုံးများသော စာအုပ်ဖြစ်ပြီး A2 Level အတွက် သင့်တော်ကာ နေ့စဉ်သုံးစကားပြော သဒ္ဒါ၊ ဝေါဟာရများကို အခြေခံမှစပြီး လေ့လာနိုင်ပါတယ်။
➡️အသံဖိုင် (Audio) ပါဝင်သောကြောင့် Listening Skill ကိုတိုးတက်စေပါတယ်နော်။

- 📖 Alter Ego+ A2
➡️ပြင်သစ်ဘာသာစကားသင်တန်းများတွင် အသုံးပြုသော စာအုပ်ဖြစ်ပြီး စကားပြော၊ ဖတ်ရှုခြင်း၊ နားထောင်ခြင်းစတဲ့စွမ်းရည်များကို လေ့ကျင့်ပေးပါတယ်။
➡️လက်တွေ့သုံး ဥပမာများပါဝင်ပြီး DELF A2 စာမေးပွဲအတွက်ပါ အထောက်အကူဖြစ်စေပါတယ်။

- 📖 Le Nouveau Taxi! 2 (A2)
➡️ရိုးရှင်းပြီး လွယ်ကူသော သင်ခန်းစာများဖြင့် ပြင်သစ်စကားပြောကို အခြေခံမှစပြီး လေ့လာနိုင်ပါတယ်။
➡️အလုပ်ခွင်၊ ခရီးသွား၊ နေ့စဉ်ဘဝ ဆိုင်ရာ အခြေအနေများကို လေ့လာရန် သင့်တော်ပါတယ်။

✅ သဒ္ဒါနှင့် ဝေါဟာရစာအုပ်များ (Grammar & Vocabulary)
- 📚 Grammaire Progressive du Français - Niveau Débutant (A1/A2)
➡️A2 Level အတွက် အခြေခံသဒ္ဒါများကို ရှင်းလင်းစွာ ရှင်းပြထားသောစာအုပ်ဖြစ်ပြီး လေ့ကျင့်ခန်းများစွာ ပါဝင်ပါတယ်။

- 📚 Vocabulaire Progressif du Français - Niveau Débutant (A1/A2)
➡️နေ့စဉ်သုံးဝေါဟာရများ (အစားအသောက်၊ မိသားစု၊ အလုပ်၊ ခရီးသွား) ကိုအကြောင်းအရာအလိုက် သင်ကြားပေးပါတယ်။

✅ လေ့ကျင့်ခန်းစာအုပ်များ (Workbooks)
- 📝Exercices de Grammaire en Contexte - Niveau Débutant (A2)
➡️သဒ္ဒါကို လက်တွေ့အသုံးချနည်းများဖြင့် လေ့ကျင့်နိုင်သော စာအုပ်။

- 📝 DELF A2 100% Réussite
➡️DELF A2 စာမေးပွဲအတွက် လေ့ကျင့်ခန်းများ၊ နမူနာမေးခွန်းများ ပါဝင်ပြီး စာမေးပွဲဖြေဆိုနည်းများကို လေ့လာနိုင်ပါတယ်။

✅အခမဲ့အွန်လိုင်းအရင်းအမြစ်များ (Free Online Resources)
- 🌐 TV5MONDE (https://apprendre.tv5monde.com/)
➡️A2 Level အတွက် နားထောင်ခြင်း၊ ဖတ်ရှုခြင်း လေ့ကျင့်ခန်းများ ပါဝင်ပါတယ်။
- 🌐 Duolingo (ပြင်သစ်ဘာသာသင်ကြားရေး App)
➡️အခြေခံဝေါဟာရနှင့် ဝါကျတည်ဆောက်ပုံများကို ဂိမ်းသဖွယ် လေ့လာနိုင်ပါတယ်။

📌 စာအုပ်ရွေးချယ်ရာတွင်
- Audio ပါဝင်သော စာအုပ်များကို ဦးစားပေးရွေးပါ (နားထောင်မှုစွမ်းရည် တိုးတက်စေရန်)။
- လေ့ကျင့်ခန်းများပါဝင်သော စာအုပ်များကို ရွေးချယ်ပါ (သဒ္ဒါနှင့် ဝေါဟာရကို လက်တွေ့အသုံးချနိုင်ရန်)။
📌 နေ့စဉ်လေ့ကျင့်ရန်
- ပြင်သစ်စာဖတ်စာများ (ဥပမာ - ကလေးများအတွက် ရိုးရှင်းသော ပုံပြင်များ)၊ YouTube တွင် French A2 Listening ဗီဒီယိုများ ကြည့်ပါ။

A2 Levelသည် ပြင်သစ်ဘာသာစကားရဲ့ အခြေခံအဆင့်ဖြစ်သောကြောင့် စကားပြောနားထောင်ခြင်း၊ ဖတ်ရှုခြင်းစွမ်းရည်များကို တဖြည်းဖြည်းတည်ဆောက်ရန်အရေးကြီးပါတယ်နော်💗

Bonne chance dans votre apprentissage du français ! 🇫🇷✨