အေျခခံထိုင္းစကား

ဘန်ကောက်တွင် မြန်မာအမျိုးသမီး မအိမွန်ထွေးကို ဓားဖြင့် ရက်စက်စွာ ထိုးသတ်ခဲ့သည့် တရားခံ မြန်မာနိုင်ငံသား ဟိန်းဇော်ဌေးကို ထိုင်းရဲတပ်ဖွဲ့ ဖမ်းဆီးရမိ

ရန်ကုန်၊ ဇွန် ၁၂ ရက်၊ ၂၀၂၆ ခုနှစ်

ထိုင်းနိုင်ငံ၊ ဘန်ကောက်မြို့ရှိ တိုက်ခန်းတစ်ခုတွင် တစ်ဦးတည်း ငှားရမ်းနေထိုင်သည့် အသက် ၃၅ နှစ်အရွယ် မြန်မာအမျိုးသမီး မအိမွန်ထွေးအား ဓားဒဏ်ရာ ၇ ချက်ဖြင့် ရက်ရက်စက်စက် သတ်ဖြတ်ပြီး ထွက်ပြေးတိမ်းရှောင်သွားသည့် တရားခံ မြန်မာနိုင်ငံသား ဟိန်းဇော်ဌေး (အသက် ၂၇ နှစ်) ကို ထိုင်းရဲတပ်ဖွဲ့က အောင်ပွဲခံအထိမ်းအမှတ်အဝိုင်း (Victory Monument) အနီးတွင် ယနေ့ ဖမ်းဆီးရမိခဲ့ကြောင်း သိရှိရသည်။

မအိမွန်ထွေး အသတ်ခံရသည့်ဖြစ်စဉ်မှာ ဇွန်လ ၁၀ ရက်နေ့ နံနက် ၁၀ နာရီခန့်တွင် ဘန်ကောက်မြို့၊ ဘန်ခွန်ထီယန် (Bang Khun Thian) ခရိုင်၊ သာခမ်း (Tha Kham) ရပ်ကွက်ရှိ အဆောင်ခန်းအတွင်းမှ အနံ့ဆိုးများ ထွက်ပေါ်နေသဖြင့် အဆောင်ပိုင်ရှင်ဖြစ်သူက သွားရောက်ခေါ်ယူရာ တုံ့ပြန်မှုမရှိခြင်းကြောင့် ရဲတပ်ဖွဲ့ထံ အကြောင်းကြားခဲ့ရာမှ စတင်ပေါ်ပေါက်ခဲ့ခြင်း ဖြစ်သည်။

ရဲတပ်ဖွဲ့နှင့် မှုခင်းဆရာဝန်များက အဆိုပါ အခန်းကို ဖွင့်လှစ်စစ်ဆေးခဲ့ရာ အခန်းအတွင်း သွေးအိုင်ထဲတွင် မှောက်လျက် အနေအထားဖြင့် ပုပ်ပွစပြုနေသည့် မအိမွန်ထွေး၏ ရုပ်အလောင်းကို တွေ့ရှိခဲ့ရသည်။

ကနဦး ရုပ်အလောင်းစစ်ဆေးချက်များအရ သေဆုံးသူ၏ ခန္ဓာကိုယ်ညာဘက်အခြမ်း၊ လည်ပင်းနှင့် ရင်ဘတ်တို့တွင် ထိုးသွင်းဒဏ်ရာ စုစုပေါင်း ၇ ချက် တွေ့ရှိခဲ့ရသည်။ အခန်းအတွင်း၌လည်း ရုန်းကန်တိုက်ခိုက်ထားသည့် အထောက်အထားများနှင့် သံသယရှိသူ၏ ခြေရာများကို တွေ့ရှိခဲ့ရသည့်အပြင်၊ ရေချိုးခန်းအတွင်း၌ တရားခံ ချန်ထားခဲ့သည့် ဖိနပ်တစ်ဖက်နှင့် အမှုအထောက်အထား ဖျက်ဆီးရန် ကြိုးပမ်းထားသည့် သွေးစွန်းနေသော ကြမ်းတိုက်တံတစ်ချောင်းတို့ကိုပါ သက်သေခံပစ္စည်းအဖြစ် သိမ်းဆည်းရမိခဲ့သည်။

အဆောင်ပိုင်ရှင်၏ ပြောပြချက်အရ မအိမွန်ထွေးသည် တခြားသူများနှင့် သိပ်ပြီးရောရောနှောနှော နေထိုင်လေ့မရှိဘဲ တစ်ဦးတည်း အေးအေးဆေးဆေး နေတတ်သူဖြစ်ကြောင်း၊ ယခင်ကလည်း အခန်းအတွင်း ဖောက်ထွင်းခိုးယူခံရသည့် ဖြစ်စဉ်များ ကြုံတွေ့ခဲ့ဖူးပြီး ပထမအကြိမ်တွင် ထိုင်းဘတ် ၅,၀၀၀ ခန့်၊ ဒုတိယအကြိမ်တွင် ထိုင်းဘတ်ငွေ ၃,၀၀၀ မှ ၄,၀၀၀ ခန့် ခိုးယူခံခဲ့ရဖူးကြောင်း သိရသည်။

ယခု အသတ်ခံရသည့် ဖြစ်စဉ်တွင်လည်း သူမ၏ လက်ကိုင်ဖုန်း ၁ လုံးနှင့် ငွေသားအချို့ ထပ်မံပျောက် ဆုံးသွားခဲ့သည်။ မျက်မြင်သက်သေများ၏ ထွက်ဆိုချက်အရ မအိမွန်ထွေးကို ဇွန်လ ၈ ရက်နေ့ ညနေ ၆ နာရီခန့်တွင် နောက်ဆုံးအကြိမ် အသက်ရှင်လျက် တွေ့ရှိခဲ့ရခြင်း ဖြစ်သည်။

လူသတ်မှု ဖြစ်ပွားပြီးနောက် ထိုင်းရဲတပ်ဖွဲ့က အခင်းဖြစ်ပွားရာ ဝန်းကျင်ရှိ စီစီတီဗီ (CCTV) မှတ် တမ်းများကို အသေးစိတ် စစ်ဆေးခဲ့ရာမှ ပြစ်မှုကျူးလွန်သူမှာ အသက် ၂၇ နှစ်အရွယ် မြန်မာနိုင်ငံသား ဟိန်းဇော်ဌေး ဖြစ်ကြောင်း အတည်ပြုနိုင်ခဲ့သဖြင့် ၎င်းနောက်သို့ တောက်လျှောက်ခြေရာခံ လိုက်လံဖမ်းဆီးခဲ့ကြခြင်းဖြစ်သည်။

ယနေ့ ဇွန်လ ၁၂ ရက်နေ့ ဘန်ကောက်မြို့ရှိ လူစည်ကားရာနေရာတစ်ခုဖြစ်သည့် အောင်ပွဲခံအထိမ်း အမှတ်အဝိုင်း (Victory Monument) အနီး၌ တရားခံ ဟိန်းဇော်ဌေးအား ထိုင်းရဲတပ်ဖွဲ့က ဖမ်းဆီးရမိခဲ့သည်။

ရဲတပ်ဖွဲ့သည် ဖမ်းဆီးရမိသူ ဟိန်းဇော်ဌေးအား လူသတ်မှု ဖြင့် အမှုဖွင့်အရေးယူနိုင်ရန် Phaya Thai ရဲစခန်းသို့ ထန်းသိမ်းပို့ဆောင်ခဲ့ပြီး မည်သည့်အကြောင်းရင်းကြောင့် ယခုကဲ့သို့ ရက်ရက် စက်စက် သတ်ဖြတ်ခဲ့ရသည်ဆိုသည့် ပြစ်မှုကျူးလွန်ရသည့် အကြောင်းအရင်း အသေးစိတ် သိရှိနိုင်ရန်အတွက် ဆက်လက်စစ်ဆေးလျက်ရှိကြောင်း သိရှိရသည်။

#ထိုင်းရောက်မြန်မာများ
#သတိပြုပါ

Crd.မူရင်းပါ
ချမ်းအေးသာစံမှာ အသက် ၂ နှစ်အရွယ် ကလေးငယ်အား အဓမ္မပြုကျင့်သူကို ပြည်သူတွေ ဝိုင်းဖမ်း

CJ Platform

မန္တလေးတိုင်း၊ ချမ်းအေးသာစံမြို့နယ်၊ ပြည်ကြီးပျော်ဘွယ်အနောက်ရပ်ကွက်မှာ ဇွန် ၈ ရက်နေ့ ည ၇ နာရီဝန်းကျင်က အသက် ၂ နှစ်အရွယ် ကလေးငယ်တစ်ဦးအား အဓမ္မကျင့်ပြီး ထွက်ပြေးဖို့ ကြိုးပမ်းသူ အမျိုးသားတစ်ဦးကို ရပ်ကွက်နေပြည်သူတွေက ဝိုင်းဝန်းဖမ်းဆီးရမိခဲ့တယ်လို့ မြို့ခံတွေဆီက သိရပါတယ်။

မနေ့ညက ပြည်ကြီးပျော်ဘွယ်အနောက်ရပ်ကွက်ရှိ နေအိမ်တစ်အိမ်မှာ အသက် ၂ နှစ်အရွယ် ကလေးငယ်အား အဓမ္မကျင့်ပြီး ထွက်ပြေးသွားတဲ့ အမျိုးသားကို ရပ်ကွက်နေပြည်သူတွေက လိုက်လံပိတ်ဆို့ ဝိုင်းဝန်းဖမ်းဆီးခဲ့ကြတာ ဖြစ်တယ်လို့ မြို့ခံတစ်ဦးက CJ Platform ကို ပြောပါတယ်။

"မနေ့ညက ၂ နှစ်ကလေးလေးကို အဓမ္မကျင့်ပြီး ထွက်ပြေးတဲ့သူကို ရပ်ကွက်ထဲကလူတွေ ဝိုင်းဖမ်းတာ မိသွားတယ်။ မိသွားတော့ သူအရက်မူးနေလို့ ဖြစ်တာပါဆိုပြီး ဝန်ခံတယ်။ ရပ်ကွက်ကလူတွေပဲ ရဲစခန်းကို ပို့ပေးလိုက်တယ်" လို့ သူက ဆိုပါတယ်။

ကျူးလွန်သူလို့ စွပ်စွဲခံရသူကို ရပ်ကွက်နေပြည်သူတွေက ဖမ်းဆီးစဉ် ဒေါသအလျောက် ထိုးကြိတ်မှုအချို့ ရှိခဲ့တာကြောင့် ရဲစခန်းသို့ သွားရောက်အပ်နှံချိန်မှာ ရဲစခန်းဘက်က တာဝန်ရှိသူတွေနဲ့ ရပ်ကွက်ပြည်သူတွေအကြား စကားအချေအတင် ဖြစ်ပွားခဲ့သေးတယ်လို့ သိရပါတယ်။

"ကလေးသေးသေးလေးကို အဓမ္မကျင့်တာဆိုတော့ ဘယ်သူမဆို ဒေါသထွက်တာပေါ့။ အဲ့ဒီလူကို မိသွားတော့ ထိုးကြိတ်တဲ့သူတွေလည်း ရှိတယ်။ ရဲစခန်းပို့တဲ့အခါမှာ အဲ့လိုထိုးရမလားဆိုပြီး ချမ်းအေးသာစံရဲစခန်းက ရပ်ကွက်နေသူတွေကို ပြောဆိုကြိမ်းမောင်းလို့ အချေအတင် စကားများကြသေးတယ်" လို့ မြို့ခံနောက်တစ်ဦးက ရှင်းပြပါတယ်။

လက်ရှိမှာ ပြစ်မှုကျူးလွန်သူလို့ စွပ်စွဲခံရသူ အမျိုးသားကို ချမ်းအေးသာစံမြို့နယ် ရဲစခန်းက ဖမ်းဆီးထိန်းသိမ်းထားပြီး၊ ဥပဒေအရ ထိရောက်စွာ အမှုဖွင့်လှစ်အရေးယူနိုင်ရေးအတွက် ဆက်လက်စစ်ဆေးနေတယ်လို့ သိရပါတယ်။

ဓာတ်ပုံ - လူမှုကွန်ရက်
#မန္တလေးတိုင်း #ချမ်းအေးသာစံမြို့နယ် #ပြည်ကြီးပျော်ဘွယ်အနောက်ရပ်ကွက် #ကလေးသူငယ်မုဒိမ်းမှု #တရားခံဖမ်းဆီးရမိ #ဒေသတွင်းသတင်း

ကျွန်တော်ဝက်ပါမစ် 8.6.2026တနလာ်နေ့မှာ လတ်ပူလီခွန်စုံရုံးမှာ ဆိုင်ကယ်အမောင်းလိုင်ဆင်သက်တမ်းတိုးရင် ကျပျောက်သွားလို့ တွေရှိရင် ဒီဖုန်းနံပါက်လေးကို စက်သွယ်လာပေးပါနော် ကျေးဇူးတင်ပါတယ်
0620842380 နိုင်လွင် အုန်းနွဲ့ အုန်းယိုင်

🚨 ဆုခေါထိုင်းခရိုင်၊ ဆဝမ်ခလုတ်မြို့တွင် ထီပြဿနာဖြစ်ပွား။
၂၀၂၆ ခုနှစ်၊ ဇွန်လ ၁ ရက်နေ့ထုတ် ပထမဆုထီလက်မှတ် ပျောက်ဆုံးမှု ။ ဒေါ်ဆာယန်ဖြစ်သူက အိမ်နီးနားချင်းကို ထီတိုက်ခိုင်းပြီး ဝမ်းသာအားရ ဖက်လဲတကဲဖြစ်ခဲ့ကြသော်လည်း နောက်တစ်နေ့တွင် အိမ်နီးနားချင်းက ထီမပေါက်သဖြင့် အမှိုက်ပုံးထဲ လွှင့်ပစ်လိုက်ပြီဟု စကားအလှည့်အပြောင်းလုပ်မှု ဖြစ်ပွား။

​👵🏻 ဒေါ်ဆာယန် (အသက် ၅၄ နှစ်) က ပြောကြားရာတွင် မိမိသည် အတူတွဲချုပ်ထားသော ထီလက်မှတ် ၃ စောင်ကို အိမ်နီးနားချင်းထံ သွားရောက်တိုက်ခိုင်းခဲ့ကြောင်း၊ ပထမဆုံးညတွင် ပထမဆုနံပါတ် "173770" ပေါက်သည်ဟုဆိုကာ ဝမ်းသာအားရ ဖက်လဲတကဲ ဖြစ်ခဲ့ကြပြီး ထီလက်မှတ်ကို ထိုအိမ်နီးနားချင်းထံတွင် ခေတ္တအပ်နှံထားခဲ့ကြောင်း ပြောသည်။

​🗑️ သို့သော် နောက်တစ်နေ့နံနက်တွင် အိမ်နီးနားချင်းက ထီမပေါက်ဟုဆိုကာ အမှိုက်ပုံးထဲ လွှင့်ပစ်လိုက်ပြီဟု ပြောကြားခဲ့သည်။ ထို့ကြောင့် အမှိုက်ပုံးကို သွားရောက်မွှေနှောက်ရှာဖွေရာ ထီလက်မှတ် ၂ စောင်သာ တွေ့ရှိရပြီး ပထမဆုပေါက်သည့် အလယ်က ထီလက်မှတ်မှာမူ မည်သည့်ခြေရာလက်ရာမျှမရှိဘဲ ပျောက်ဆုံးနေခဲ့သည်။

​🙅🏻‍♀️ အခြားတစ်ဖက်တွင်မူ အိမ်နီးနားချင်းဖြစ်သူက ဇာတကွဲတပြား ငြင်းဆိုထားပြီး မိမိအနေဖြင့် ဖုန်းဖြင့် သေချာတိုက်စစ်ပေးခဲ့ရာ ထီမပေါက်သဖြင့် ချက်ချင်းပြန်ပေးခဲ့ကြောင်း၊ မိမိထံတွင် မည်သည့်အခါမျှ သိမ်းဆည်းမထားခဲ့သလို ပထမဆုကြီး ပေါက်သည်ဟုလည်း ဘယ်တုန်းကမှ မပြောခဲ့ကြောင်း အခိုင်အမာ ငြင်းဆိုထားသည်။

​📸 ခိုင်မာသော သက်သေ ..ထီသည်ဆိုင်ပိုင်ရှင်က ဓာတ်ပုံသက်သေကို ထုတ်ပြကာ အဆိုပါအဒေါ်သည် မိမိဆိုင်မှ ပထမဆုပေါက်သည့် ထီနံပါတ်ကို တကယ်ဝယ်ယူခဲ့ကြောင်း၊၎င်းထီလက်မှတ်၃စောင်ထဲက ပထမဆု ၁ စောင်တည်းဖြစ်ပြီး အခြားထီလက်မှတ်၂‌ေစာင်များနှင့်အတူ ၃ စောင်တွဲ ကျိပ်နဲ့ချုပ်ထားသည်မှာ ထင်ရှားလှကြောင်း အတည်ပြုပေးခဲ့သည်။

​⚖️ နောက်ဆုံးတွင် ထီပေါက်သူရဲ့ သမီးက ဆဝမ်ခလုတ်ရဲစခန်းသို့ သွားရောက်တိုင်ချက်ဖွင့်ခဲ့ပြီး ရဲတပ်ဖွဲ့က အမှန်တရားကို အမြန်ဆုံး စုံစမ်းဖော်ထုတ်နေပြီ ဖြစ်သည်။ ဤဖြစ်ရပ်တွင် အမှန်တရားက တစ်ခုတည်းသာ ရှိလိမ့်မည်။ ဒီထီပြဿနာ မည်သို့အဆုံးသတ်မည်နည်း။ 🤔💬
#ထိုင်းသတင်းမြန်မာဘာသာပြန်
​ #ထီပြဿနာ #ပထမဆုပျောက်ဆုံးမှု #ဆဝမ်ခလုတ် #ဆုခေါထိုင်း #ဒီနေ့ခေတ်စားနေတဲ့သတင်း

ချွန်ပူရီနှင့် ရယောင်းခရိုင်အတွင်း ခိုးမှုများစွာကျူးလွန်ခဲ့သည့် မြန်မာနိင်ငံသား လျှပ်စစ်ကေဘယ်ကြိုးခိုးဂိုဏ်းကို အမြစ်ပြတ်ဖမ်းဆီးရမိ

​၂၀၂၆ ခုနှစ်၊ ဇွန်လ ၄ ရက် နံနက် ၀၄:၄၀ နာရီအချိန်တွင် ချွန်ပူရီခရိုင်၊ နောင်အိရွန်းအုပ်စု၊ အကွက် (၈) ရှိ Siam Food ကုမ္ပဏီအနောက်ဘက် Ensys ကုမ္ပဏီလုပ်ငန်းခွင်၌ လူ ၁၀ ဦးခန့်ပါဝင်သော ဓားပြဂိုဏ်းတစ်ခုက လျှပ်စစ်ကေဘယ်ကြိုးများကို လုယက်သွားကြောင်း ဘန်ဘူရဲစခန်းသို့ သတင်းပေးတိုင်ကြားချက်အရ ရဲတပ်ဖွဲ့ဝင်များ အခင်းဖြစ်ပွားရာနေရာသို့ ချက်ချင်းသွားရောက်စစ်ဆေးခဲ့သည်။

​အခင်းဖြစ်ပွားရာနေရာတွင် Ensys ကုမ္ပဏီ၏ လုံခြုံရေးဝန်ထမ်းအား မေးမြန်းရာတွင် ဇွန်လ ၄ ရက် ညသန်းခေါင်ကျော် ၀၁:၂၅ နာရီခန့်တွင် ၎င်းသည် လုပ်ငန်းခွင်အတွင်းရှိ ကားပေါ်၌ အိပ်ပျော်နေစဉ် မျက်နှာဖုံးစွပ်ထားသည့် အမျိုးသား ၁၀ ဦးခန့် ရောက်ရှိလာပြီး ကားတံခါးကိုဖွင့်ကာ ဓားဖြင့်ထောက်၍ ကားပေါ်မှဆင်းခိုင်းပြီးနောက် လက်နှင့်ခြေထောက်များကို ကြိုးဖြင့်တုတ်နှောင်ထားခဲ့ကြောင်း ပြောကြားသည်။
ထို့နောက် လိုင်စဉ်နံပါတ်မသိရသော တိုယိုတာ (Toyota) ပစ်ကပ်ကားတစ်စီးနှင့် (Isuzu) ပစ်ကပ်ကားတစ်စီးတို့ လုပ်ငန်းခွင်အတွင်းသို့ မောင်းနှင်ဝင်ရောက်လာပြီး အဆိုပါအမျိုးသားတစ်စုသည် စုစုပေါင်းတန်ဖိုး ဘတ် ၆ သိန်းကျော်ရှိသော လျှပ်စစ်ကေဘယ်ကြိုးများကို ကားနှစ်စီးပေါ်သို့တင်ဆောင်ကာ မောင်းနှင်ထွက်ပြေးသွားခဲ့ကြသည်။

​ထို့နောက် ဘန်ဘူရဲစခန်း စုံစမ်းစစ်ဆေးရေးအဖွဲ့သည် အမှုမှန်ပေါ်ပေါက်ရေးအတွက် ကွင်းဆင်းစုံစမ်းကာ ချွန်ပူရီခရိုင်ရဲတပ်ဖွဲ့ စုံစမ်းစစ်ဆေးရေးအဖွဲ့နှင့် ပူးပေါင်း၍ ပြစ်မှုကျူးလွန်ရာတွင် အသုံးပြုခဲ့သည့် ယာဉ်များကို နောက်ခြေခံလိုက်လံစုံစမ်းခဲ့ရာ အဆိုပါကားနှစ်စီးအား အရစ်ကျစနစ်ဖြင့် ဝယ်ယူထားသူများကို သိရှိခဲ့ပြီး ပြစ်မှုကျူးလွန်သူ ၂ ဦးအား စတင်ဖမ်းဆီးရမိခဲ့သည်။ ၎င်းတို့မှာ-
၁။ တိုယိုတာ ရီဗို (Toyota Revo) မီးခိုးရောင် ပစ်ကပ်ကားကို ဝယ်ယူထားသူ Mr. Sai Htet Aung ဖြစ်ပြီး ၎င်းအား ချွန်ပူရီခရိုင်၊ ဘန်ဘူမြို့နယ်တွင် ဖမ်းဆီးရမိခဲ့သည်။
၂။ (Isuzu D-Max) ပစ်ကပ်ကားကို ဝယ်ယူထားသူ Mr. Ye Htwe ဖြစ်ပြီး ၎င်းအား ရယောင်းခရိုင်၊ ပလွက်ဒန်းမြို့နယ်တွင် ဖမ်းဆီးရမိခဲ့သည်။

​ဖမ်းဆီးရမိသူ ၂ ဦးအား ဆက်လက်စစ်ဆေးဖော်ထုတ်ချက်အရ ပူးပေါင်းပါဝင်သူ နောက်ထပ် ၂ ဦးဖြစ်သည့် Mr. Ye Ko Lin နှင့် Mr. Wai Gan တို့ကို ချွန်ပူရီခရိုင်၊ ဘန်ဘူမြို့နယ်တွင် ထပ်မံဖမ်းဆီးရမိခဲ့သဖြင့် စုစုပေါင်း တရားခံ ၄ ဦး ဖမ်းဆီးရမိခဲ့သည်။ ၎င်းတို့ ၄ ဦးစလုံးမှာ မြန်မာနိုင်ငံသားများဖြစ်ကြပြီး ကျန်ရှိနေသေးသော ပူးပေါင်းပါဝင်သူများ၏ အချက်အလက်များကို ထွက်ဆိုထားသဖြင့် ရဲတပ်ဖွဲ့အနေဖြင့် ဥပဒေအရ အရေးယူနိုင်ရန် ဖမ်းဝရမ်းများ ဆက်လက်ထုတ်ဆင့်သွားမည်ဖြစ်သည်။

​ဖမ်းဆီးရမိသူ ၄ ဦး၏ ထွက်ဆိုချက်အရ ၎င်းတို့ဂိုဏ်း၏ လုပ်ဆောင်ပုံမှာ- ဂိုဏ်းခေါင်းဆောင်သည် ၎င်း၏တပည့်များကို ဆောက်လုပ်ရေးလုပ်ငန်းခွင်များနှင့် စက်ရုံအသီးသီးတွင် အလုပ်ဝင်ရောက်လုပ်ကိုင်စေပြီး လျှပ်စစ်ကေဘယ်ကြိုးများ ရောက်ရှိလာပါက ဂိုဏ်းခေါင်းဆောင်ထံ သတင်းပို့စေသည်။ ထို့နောက် ဂိုဏ်းခေါင်းဆောင်က အဖွဲ့ဝင်များကိုစုစည်းကာ လုယက်မှုကျူးလွန်ပြီး ပြန်လည်ရောင်းချခြင်းဖြစ်သည်။

​ယခုအမှုတွင် တရားခံ ၄ ဦးသည် ခိုးယူထားသော လျှပ်စစ်ကြေးနီကြိုးများကို သွားရောက်ရောင်းချခဲ့သည့် ချွန်ပူရီခရိုင်၊ ဆီရာချာမြို့နယ်၊ ဘောဝင်းရှိ အဟောင်းဆိုင်သို့ ရဲတပ်ဖွဲ့အား လိုက်လံပြသခဲ့သည်။
ထို့အပြင် ၎င်းတို့သည် ချွန်ပူရီခရိုင်၊ ဘန်ဘူမြို့နယ်၊ ကလောင်ကိဝ်တွင်လည်း ယခုကဲ့သို့သော ပြစ်မှုမျိုးကို ကျူးလွန်ခဲ့ဖူးကြောင်း ဝန်ခံထွက်ဆိုထားသည်။
​ဘန်ဘူရဲစခန်းမှ ရဲတပ်ဖွဲ့ဝင်များသည် ဖမ်းဆီးရမိသူ ၄ ဦးအား "ညအချိန်တွင် ယာဉ်ကိုအသုံးပြု၍ ပြစ်မှုကျူးလွန်ရန် ဓားပြတိုက်မှု၊ ပစ္စည်းများကို သယ်ဆောင်မောင်းနှင်ထွက်ပြေးမှု သို့မဟုတ် ဖမ်းဆီးခြင်းမှ လွတ်မြောက်ရန် ကြံစည်မှုနှင့် သူတစ်ပါးအား ရုပ်ပိုင်းဆိုင်ရာ သို့မဟုတ် စိတ်ပိုင်းဆိုင်ရာ ထိခိုက်နာကျင်စေမှု" စသည့် ပြစ်မှုဆိုင်ရာပုဒ်မများဖြင့် အရေးယူဆောင်ရွက်နိုင်ရန် ဘန်ဘူရဲစခန်း စုံစမ်းစစ်ဆေးရေးအရာရှိထံ လွှဲပြောင်းအပ်နှံခဲ့သည်။ အဆိုပါပြစ်မှုသည် အမြင့်ဆုံးထောင်ဒဏ် အနှစ် ၂၀ အထိ ချမှတ်နိုင်သော ပြစ်ဒဏ်ဖြစ်သည်။
#ထိုင်းသတင်းမြန်မာဘာသာပြန်
#အခြေခံထိုင်းစကား

အသက် ၇ နှစ်အရွယ် နောင်အငွန် (Nong Angun) သေဆုံးမှု ဖြစ်စဉ် ပြန်လည်သရုပ်ပြမှု
​ ပြစ်မှုကျူးလွန်ခဲ့သည့် တရားခံများမှာ အသက် ၁၇ နှစ်အရွယ် ဦးလေးဖြစ်သူနှင့် အသက် ၁၃ နှစ်အရွယ် အစ်မဖြစ်သူတို့ ဖြစ်ကြောင်း သိရသည်။

စုံစမ်းစစ်ဆေးချက်များအရ အစပိုင်းတွင် စကားများရန်ဖြစ်ရာမှတစ်ဆင့် ကိုယ်ထိလက်ရောက် ကျူးလွန်ခဲ့ကြပြီးနောက်၊ ရုပ်အလောင်းကိုအဝတ် ဗီတိုထဲတွင် ထည့်၍ ဝှက်ထားခဲ့ကြောင်း၊ ထို့နောက် ညဘက်ရောက်သောအခါ အမှုမှန်ကို ဖုံးကွယ်ရန်အတွက် ရုပ်အလောင်းကို သုံးဘီးဆိုင်ကယ် (ဆာလန်း) ဖြင့် ရာဘာခြံထဲသို့ သွားရောက်စွန့်ပစ်ခဲ့သည်။

​အခင်းဖြစ်ပွားရာနေရာ၌ ပြစ်မှုပြန်လည်သရုပ်ပြနေစဉ်အတွင်း ရွာသားများစွာ လာရောက်ဝိုင်းအုံကြည့်ရှုနေကြသဖြင့် ရဲတပ်ဖွဲ့က တရားခံများကို ထီးများဖြင့် ကာကွယ်ပေးထားခဲ့သည်။ အဘယ်ကြောင့်ဆိုသော် ဤအမှုသည် အလွန်ရက်စက်ကြမ်းကြုတ်သည့် အမှုတစ်ခုဖြစ်ပြီး၊ ပို၍အရေးကြီးသည်မှာ ကျူးလွန်သူများသည် အခြားသူများမဟုတ်ဘဲ နီးစပ်သူ ဦးလေးနှင့် အစ်မအရင်း ဖြစ်နေခြင်းကြောင့်ဖြစ်သည်။
#ဘဝဆက်တိုင်းဒီလိုအဖြစ်မျိုးမကြုံရပါစေနဲ့လို့ဆုတောင်းပေးလိုက်ပါသည်ကလေးရယ်
#ထိုင်းသတင်းမြန်မာဘာသာပြန်

" ကလေးက ည(၁၂)နာရီလောက် မှောင်ကြီးထဲမှာ အမေဖြစ်သူကို ကားနဲ့တိုက်သွားတဲ့အချိန် ပတ်ဝန်းကျင်မှာ ကူညီမယ့်သူ တစ်ယောက်မှမရှိဘူး။ အမေ့ကို ကယ်ပါဦးလို့ လိုက်အော်ပေမယ့် ကူညီမယ့်သူ မရှိခဲ့ဘူးပေါ့နော်။ အဲဒီ့စိတ်ခံစားချက်က အရွယ်နဲ့မမျှအောင် ပြင်းထန်မယ်လို့ ထင်ပါတယ်။ ကလေးက ကျောင်းတက်ဖို့လည်း စိတ်အားထက်သန်နေတာမို့ လိုအပ်တာလေးတွေ ဝယ်ဖို့အတွက် သားအမိနှစ်ယောက် ညသန်းခေါင်ကြီး ပလုံကောက်ထွက်ရင်း အခုလို ဖြစ်သွားတာဆိုတော့ ? "

.... လို့ဆိုပြီး ပလုံကောက်သားအမိရဲ့ စိတ်မကောင်းစရာ အဖြစ်အပျက်ကို ပြောပြလာတဲ့ မေတ္တာသင်္ဂဟ လူမှုကူညီရေးအသင်း ကိုမင်းဒင်
မူရင်း #သတင်း

ထိုင်း channal8မှာ ပိုင်တံခွန် ယမင်းမေဦး ကွီးနေထူးနိင်တို့အဓိကပါဝင်ထားတဲ့ ဇာတ်လမ်းတွဲစီးရီး တစ်ကား
ပြသသွားမည်သိရပါသည်။

ဇာတ်ကားအမည် หมัดสั่งตาย หัวใจสั่งสู้
အသက်နဲ့လဲရမယ့်လက်သီး စိတ်ဓာတ်နဲ့ခရီး
Fight For Hope
#အထိုင်းသတင်းမြန်မာဘာသာပြန်

ကယန်းလက်ဝှေ့မယ် veroပေါက်ကွဲပီ။

‼️ ကယ်ဆယ်ရေး အစ်ကိုကြီးများက ဂူထဲမှာ ပိတ်မိနေတဲ့ လာအိုနိုင်ငံသား ၇ယောက်အနက် ၅ ဦးကို ရှာဖွေတွေ့ရှိခဲ့ပြီး ဘေးကင်းစွာ ကယ်ဆယ်နိုင်ခဲ့ပါပြီ။ ထမင်းမစား၊ ရေမသောက်ရဘဲ ၈ ရက်တိုင်တိုင် ပိတ်မိနေခဲ့တာဖြစ်ပြီး အခုတော့ ဘေးကင်းလုံခြုံစွာ ကယ်ထုတ်နိုင်ခဲ့ပါပြီ။
အလာတူ ပျောက်ဆုံးနေသော၂ဦးဆက်လက်ရှာဖွေနေဆဲဖြစ်သည်။
ကယ်ဆယ်ရေးအဖွဲ့သား အားလုံးအပြင် အချင်းချင်း ရိုင်းပင်းကူညီကြတဲ့ ထိုင်းနဲ့ လာအို ပြည်သူပြည်သား အားလုံးကို အထူးပဲ ကျေးဇူးတင်ရှိပါတယ်။