Jeing Tai-ၸဵင်တႆး

ၼႂ်းပီၵဝ်ႇ
လီ ႁိုဝ် ႁၢႆႉ
သုတ်းသဵင်ႈၵႂႃႇယဝ်ႉ
ဢမ်ႇၸၢင်ႈႁူၼ်လင်
ၵႂႃႇလႅၵ်ႈလၢႆႈၶိုၼ်းလႆႈ

ပီမႂ်ႇ
ႁွတ်ႈသႂ်ႇထိုင်
​​​​တေလီ ႁိုဝ် ႁၢႆႉ
ဢမ်ႇၸၢင်ႈလၢမ်းလႆႈ

မိူဝ်ႈပူၼ်ႉဢမ်ႇၸၢင်ႈၵႂႃႇလႅၵ်ႈလၢႆႈ
မိူဝ်ႈလဵဝ်တႄႉလႅၵ်ႈလၢႆႈလႆႈယူႇ
ၵွပ်ႈၼႆ
ၼႂ်းပီမႂ်ႇၼႆႉ
ၶႂ်ႈႁဵတ်းသင် ၶႂ်ႈပဵၼ်သင်​​ၵေႃႈ
ၶတ်းၸႂ်ႁဵတ်းသၢင်ႈဢဝ်ၵႂႃႇလႄႈ
ယႃႇ​​ပေၼႅင်ၸႂ် မူၵ်းၸူမ်ယူႇၸွမ်း
ၼႂ်းပီၵဝ်ႇ

နှစ်ဟောင်းမှာ ဖြစ်ခဲ့တဲ့
အကောင်းနဲ့ အဆိုး
နောက်ကြောင်းပြန်ပြီး ပြောင်းလဲယူလို့မရနိုင်ပါ
ပြီးခဲ့ပြီးသားကို ပြီးခဲ့ပြီးပါပြီ

နှစ်သစ်ဆိုက်ရောက်
ကောင်းမလား ဆိုးမလားတော့
ကြိုတင်မမှန်းဆနိုင်ပါ

ပြီးခဲ့တာတွေကို ​ပြန်မပြောင်းနိုင်သော်လည်း
မဖြစ်သေးတဲ့အရကိုတော့ ကိုယ်ဖြစ်ချင်တာကို
အခုလုပ်ယူလို့ ရနိုင်ပါတယ်
ဒါကြောင့်
ဒီနှစ်သစ်မှာ
ဖြစ်ချင်တဲ့အရာ လုပ်ချင်တဲ့ကိစ္စ
ဇွဲရှိရှိနဲ့ကြိုးစားလုပ်ဆောင်ပါ
နှစ်ဟောင်းထဲမှာ နောင်တစရာတွေနဲ့နှစ်မြုပ်မနေသင့်ပါ

In the Old year
Good and bad
What had happened
Cannot be changed

In new year
Good or bad
Cannot predict

Though
Cannot do anything with
Things had already occurred,
But
Things have not yet happened
That willingly to achieve
It can be pursued now
Therefore
What things that wants to be obtained
In this new year
Strive with persistence,
don’t dwell on the past
and stuck with regret and despair

Happy New Year 2026

ယွၼ်ႉလွင်ႈတၢင်းၸိူင်ႉႁိုဝ်လႄႈ ၽူႈၸိူဝ်းၵႆႉလူလိၵ်ႈ
ၶဝ် တိူဝ်းၶိုၼ်ႈယႂ်ႇမၢၵ်ႈမီး?

တွၼ်ႈတႃႇၵူၼ်းၸိူဝ်းၶိုၼ်ႈယႂ်ႇမၢၵ်ႈမီးၶဝ်ၵမ်ႈၽွင်ႈ
လွင်ႈလူလိၵ်ႈဢၼ်ဝႃႈ ၼႆႉ ပဵၼ်ၼႃႈၵၢၼ်လမ်ႇ
လွင်ႈဢၼ်ၶဝ်ဝႆႉၼၵ်း ဢၼ်ၼိုင်ႈသေ ၵူၼ်းၸိူဝ်း
ၵႆႉလူလိၵ်ႈတႃႇသေႇ(ပုင်ႇမၢၼ်ႇ)ၶဝ်ၵေႃႈ ၼႂ်းၼႃႈၵၢၼ်လႂ်သေဢမ်ႇဝႃႈ ဢွင်ႇမၢင်ႇ ၵမ်ႈၼမ်၊
ဢွင်ႇမၢင်ႇလိူဝ်ပိူၼ်ႈယဝ်ႉ။ ၵူၼ်းၸိူဝ်းၵႆႉလူလိၵ်ႈၶဝ် ၼၼ်ႉ ယွၼ်ႉသင် လႄႈ ၶဝ်ဢွင်ႇမၢင်ႇလိူဝ်ပိူၼ်ႈလႃႇပေႃးၼႆၸိုင် ယွၼ်ႉဝႃႈၶဝ် မီးဢၼ်လၢၵ်ႇလၢႆး
ၵဝ်ႈၶေႃႈၼင်ႇတီႈတႂ်ႈၼႆႉယဝ်ႉ။

1. ၽူႈၸိူဝ်းဢၼ်ၵႆႉလူလိၵ်ႈၶဝ်ၼႆ မီးလွင်ႈပၵ်းၸႂ်ၼိမ်မၼ်ႈၼိူဝ် ၼႃႈၵၢၼ်။

တႃႇလူလိၵ်ႈၼိုင်ႈပပ်ႉႁႂ်ႈပေႃးယဝ်ႉၼၼ်ႉ ဢဝ်ၶၢဝ်းယၢမ်းပွတ်းပွတ်း ၵူၺ်း ဢမ်ႇလႆႈ။ တေလႆႈပၼ်ၶၢဝ်းယၢမ်းယူႇယဝ်ႉ။ ၽူႈၸိူဝ်းသူင်ၸႂ် လူဢၢၼ်ႇလိၵ်ႈၶဝ် တေႉတေႉ
ၶဝ်ၼႆႉ ပေႃးဝႃႈၶဝ်လႆႈလူပပ်ႉလိၵ်ႈ ဢၼ်ၶဝ်ထုၵ်ႇၸႂ်ၼၼ်ႉယဝ်ႉ ၼႆၸိုင် ၵႃႈဢမ်ႇယဝ်ႉဢမ်ႇၸူး ၶဝ်တိုၼ်းပၼ်ၶၢဝ်း ယၢမ်းသေ လူဢၢၼ်ႇႁႂ်ႈ ပေႃးယဝ်ႉၼၼ်ႉယဝ်ႈ။
ၵွပ်ႈလႆႈပၼ်ၶၢဝ်းယၢမ်းတင်းႁိုင်သေ လူဢၢၼ်ႇလႄႈ လွင်ႈပၵ်းၸႂ် ၼိမ်မၼ်ႈၶဝ်ၵေႃႈ တိူဝ်းၶႅမ်ႉမႃးၼၼ်ႉယဝ်ႉ။

2. မေႃဝႆႉယိူင်းမၢႆ။

ၽူႈၸိူဝ်းလူဢၢၼ်ႇလိၵ်ႈၶဝ်ၼႆႉ ၶဝ်ဝႆႉယိူင်းမၢႆသေ ၶတ်းၸႂ်လူယဝ်ႉ။ မိူၼ်ၼင်ႇ တေလူလိၵ်ႈႁႂ်ႈမၼ်းထိုင်တွၼ်ႈလႂ်၊ ၼႃႈ လိၵ်ႈလႂ်၊ ႁႂ်ႈမၼ်းယဝ်ႉတင်းပပ်ႉႁႃႉ? တီႈဢေႇသုတ်းမၼ်း ၼႃႈလိၵ်ႈ လၢႆၼႃႈ သိပ်းၼႃႈႁႃႉ? ဢမ်ႇၼၼ် သၢဝ်းၼႃႈ ႁႃႉ? တႄႇၵႂႃႇၸိူဝ်းၼၼ်ႉယဝ်ႉ။ ပေႃးဝႃႈတႄႇလူယဝ်ႉၼႆၵေႃႈ မၼ်းၼင်ႇၶဝ်မၵ်း မၢႆ၊
ယိူင်းဢၢၼ်းဝႆႉ ၼၼ်ႉ တိုၼ်းၶတ်းၸႂ်လူႁႂ်ႈမီးယဝ်ႉယဝ်ႉ။ မိူၼ်ၼင်ႇၶဝ်ႁၢပ်ႇ
ဢဝ် ပုၼ်ႈၽွၼ်းဢၼ်ၼိုင်ႈၼႆၵေႃႈဝႃႈယဝ်ႉ။

3. ၽူႈၸိူဝ်းၵႆႉလူလိၵ်ႈၶဝ်ၼႆႉ ၶဝ်တေမီးၼမ်ႉၵတ်ႉၽၢႆႇတႅမ်ႈလိၵ်ႈ လႄႈ ၽၢႆႇ
လၢတ်ႈၵႂၢမ်း။

ၵူၼ်းၸိူဝ်းသူင်ၸႂ်ဢၢၼ်ႇလိၵ်ႈလူလိၵ်ႈၶဝ်ၼႆႉ ၶဝ်တေတဵမ်ထူၼ်ႈ ၶေႃႈၵႂၢမ်း ဝေႃး
ႁၢရ်တင်းၼမ်တင်းလၢႆယဝ်ႉ။ ၵွပ်ႈၶဝ်လႆႈလူဢၢၼ်ႇ လိၵ်ႈၼမ် ၸိူင်ႉၼင်ႇ ပပ်ႉပိုၼ်း
ၵဝ်ႇၵေႇၶဝ်လႄႈသင်၊ ပပ်ႉၸိူင်း ၸိူဝ်းဢၼ်ၸိုဝ်ႈသဵင်ယႂ်ႇၶဝ်ၸိူဝ်းၼၼ်ႉ လႄႈ လွင်ႈတႅမ်ႈလိၵ်ႈၶဝ် လိၵ်ႈလၢတ်ႈၵႂၢမ်းၶဝ်ၵေႃႈ တိုၼ်းတေၵျတွၼ်းယူႇ ၼၼ်ႉယဝ်ႉ။
4. ၽူႈၸိူဝ်းၵႆႉလူလိၵ်ႈၶဝ်ၼႆႉ ဢွၵ်းဢေႃလီ (ၺၢၼ်ႇလီ)။

ၵၢၼ်လူလိၵ်ႈၼႆႉ ႁဵတ်းႁႂ်ႈၵေႃႉလူမၼ်းမီးဢွၵ်းဢေႃလီ။ သမ်ႉပွင်ႇၸႂ်ပႃးလွင်ႈ ၼမ်ႉ
ၵတ်ႉဢွၵ်းဢေႃပဵၼ်ၸိူင်ႉႁိုဝ်၊ ယဝ်ႉၵေႃႈ ဢွၵ်းဢေႃလီၼၼ်ႉ မၼ်းတေ ဢမ်ႇၵိုတ်းဝႆႉယူႇတီႈၵဝ်ႇလဵဝ် မၼ်းတေႁုၼ်ႈမုၼ်းလႅင်းၶိုၼ်ႈတိၵ်းတိၵ်း။ ဢွၵ်း ဢေႃၼႆႉ မၼ်းၵဵပ်းဝႆႉပၼ်ငဝ်ႈႁၢၵ်ႈၶေႃႈမုၼ်းမၼ်းတင်းသဵင်ႈသေဢမ်ႇၵႃး သမ်ႉႁဵတ်းႁႂ်ႈ ၽူႈၵေႃႉလူလိၵ်ႈႁူႉထိုင်ဝႃႈ ယိုင်ႈၵႆႉလူလိၵ်ႈ ယိုင်ႈၶႅၼ်းႁဵတ်းႁႂ်ႈဢွၵ်းဢေႃ ႁုၼ်ႈမုၼ်းၵႅၼ်ႇၶႅင်လႄႈ သိမ်းလႆႈၶေႃႈမုၼ်းၼမ်လၢႆလႆႈငၢႆႈငႅမ်ႈလူမ်ၸႂ်။ ၼင်ႇၵူႈလွင်ႈလႆႈၽိုၵ်းဢဝ်ၼၼ်ႉ တႃႇဢွၵ်းဢေႃႁဝ်းတေပဵၼ်ဢွၵ်းဢေႃလီႁုၼ်ႈမုၼ်း ၼၼ်ႉၵေႃႈ လႆႈဢဝ်လွင်ႈလူလိၵ်ႈသေ ၽိုၵ်းပၼ်ယဝ်ႉ။

5. မေႃၸႂ်ႉတိုဝ်းၶၢဝ်းယၢမ်း ႁႂ်ႈပဵၼ်ၽွၼ်းလီ။

မၢင်ပွၵ်ႈမၢင်လႂ် ၵွပ်ႈပိူဝ်ႈမီးတၢင်းလူဝ်ႇၵႂႃႇလႄႈ တၼ်းလႆႈၶၢဝ်းယၢမ်း မွၵ်ႈ 15 မွၵ်ႈ 20 မဵတ်ႉၵူၺ်းၵေႃႈ ၶဝ်ၶတ်းၸႂ်ႁိမ်ဢဝ်ၶၢဝ်းယၢမ်းဢွၼ်ႇ ဢၼ်မီးၼၼ်ႉ သေ လူဢၢၼ်ႇလိၵ်ႈယဝ်ႉ။ ၶဝ်ပဵၼ်ၽူၼ်ႈၸိူဝ်းဢၼ် မေႃၸႂ်ႉတိုဝ်းၶၢဝ်းယၢမ်း ႁႂ်ႈမီးၽွၼ်းလီၼၼ်ႉယဝ်ႉ။ ၽူႈၸိူဝ်းဢွင်ႇမၢင်ႇ ၶဝ်ၼၼ်ႉ ပဵၼ်ၸိူင်ႉၼႆၵူၺ်း ယဝ်ႉ၊ သုၼ်ႇလႆႈတိုဝ်ႉတၢင်းလီဢၼ်ၶဝ် လႆႈမႃးၼၼ်ႉ တိုၼ်းၺွပ်းဢဝ်ဢမ်ႇပၼ် လွတ်ႈသေ
လဵပ်ႈႁဵၼ်းသွၼ် ၵမ်းသိုဝ်ႈယဝ်ႉ။

6. ၽူႈၸိူဝ်းၵႆႉလူလိၵ်ႈၶဝ်ၼႆႉ ၶဝ်ၸၢင်ႈမီးတၢင်းဝူၼ်ႉ/ႁူႉမႂ်ႇမႂ်ႇ။

ၽူႈၵေႃႉလူဢၢၼ်ႇၸိူင်းၶဝ်ၼႆႉ လွင်ႈပွင်ႇၸႂ်ၶဝ်ၵေႃႈတိူဝ်းမီးမႃး လိူဝ်ၵဝ်ယဝ်ႉ။ ၶဝ်မေႃၶဝ်ႈၵႂႃႇယိၼ်းပူၺ်ႈ(ၶုၺ်ႉႁၼ်)ၸွမ်းတူဝ် ၸၢတ်ႈၸိူင်းၼႂ်းပပ်ႉၸိူင်း ၸိူဝ်း ၼၼ်ႉယဝ်ႉ။ ၵွပ်ႈၼၼ် ၽူႈၸိူဝ်း ၵႆႉလူလိၵ်ႈၶဝ်ၼႆႉ ၶဝ်ၸင်ႇမီးလွင်ႈဝူၼ်ႉ /ႁူႉမႂ်ႇ မႂ်ႇသေ ၼႂ်းၶႂၢင်ႇၼႃႈၵၢၼ်လႂ်သေမဝ်ႇဝႃႈ ၶဝ်ၸၢင်ႈဢွၵ်ႇပၢႆးဝူၼ်ႉမႂ်ႇမႂ်ႇသေ ႁူႉပွင်ႇ ၼိူဝ်လွင်ႈတၢင်း ၵူႈၽၢႆႇၽၢႆႇယဝ်ႉ။

7. ၶဝ်မေႃဝူၼ်ႉလႆႈၶႆႈၸၢင်ႈ။

လိၵ်ႈၸိူဝ်းဢၼ်ၶဝ်လူဢၢၼ်ႇယဝ်ႉၸိူဝ်းၼၼ်ႉ တေႁဵတ်းႁိုဝ်ဢဝ်ၸႂ်ႉ တိုဝ်းၼႂ်း
ၸၢတ်ႈပၢၼ်ၶဝ်၊ တေႁဵတ်းႁိုဝ်ႁႂ်ႈၸၢတ်ႈပၢၼ်ၶဝ်လီသေဢွၼ် တွၼ်းသေၵဝ်ႇ တႄႇၵႂႃႇၸိူဝ်းၼႆႉ ၶဝ်မေႃဝူၼ်ႉၶႆႈယူႇယဝ်ႉ။ လိူဝ်ၼၼ်ႉ ၼင်ႇႁိုဝ်ၼႃႈၵၢၼ် ၶဝ်ပေႃးတေတိူဝ်းဢွင်ႇမၢင်ႇၼၼ်ႉ ၶဝ်မေႃသပ်းသေး ထတ်းသၢင်ၶိုၼ်းသေ ၶတ်းၸႂ်ဝူၼ်ႉမေးႁဵတ်းသၢင်ႈၼႃႈၵၢၼ်ဢၼ်ၶဝ် ၼၼ်ႉယဝ်ႉ။

8. တၢင်းႁူႉတၢင်းႁၼ် တိူဝ်းၼမ်။

ၽူႈၸိူဝ်းလူလိၵ်ႈၶဝ်ၼႆႉ ဢမ်ႇၸႂ်ႈဝႃႈၶဝ်ၵူၺ်းလူဢဝ်ႁႂ်ႈယဝ်ႉၵႂႃႇလၢႆလၢႆ ၵူၺ်း ၶဝ်ဝူၼ်ႉပႃးဝႃႈဝၢႆးသေလူယဝ်ႉယဝ်ႉ တေလႆႈတွၼ်ႈသွၼ်သင်၊ တေလႆႈၽွၼ်း လီသင်ၼႆသေ လူယဝ်ႉ။ ၵွပ်ႈၼၼ်လႄႈ လုၵ်ႉတီႈလႆႈ လူဢၢၼ်ႇပပ်ႉလိၵ်ႈၶႅမ်ႉ သေ ၶဝ်လႆႈပၼ်ႇၺႃႇတၢင်ႈႁူႉတၢင်းႁၼ် တွၼ်ႈ တႃႇၸၢတ်ႈပၢၼ်ၶဝ်တင်းၼမ် တင်းလၢႆယဝ်ႉ။
9. လူလိၵ်ႈ ပိူဝ်ႈတႃႇယႃႁိူဝ်ႉယႃမွႆႈ။

မၢင်ပွၵ်ႈမၢင်လႂ် ၽူႈၸိူဝ်းလူလိၵ်ႈၶဝ် တေလူလိၵ်ႈ ပိူဝ်ႈတႃႇမီးလွင်ႈ သိူဝ်းၸႂ်၊ ယႃႁိူဝ်ႉယႃမွႆႈ၊ လိုဝ်ႈႁိူဝ်ႉတူဝ်ၸႂ်လႂ်ၸိူဝ်းၼႆႉယဝ်ႉ။ လူလိၵ်ႈ ပိူဝ်ႈတႃႇယႃႁိူဝ်ႉယႃမွႆႈ ၼႆႉ ၸၢင်ႈႁဵတ်းႁႂ်ႈပၼ်ႇၺႃႇတိူဝ်းၶိုၼ်ႈလႄႈ လႆႈတၢင်းဝူၼ်ႉၶႆႈမႂ်ႇမႂ်ႇတင်းၼမ်တင်း လၢယူႇယဝ်ႉ။

ၼပ်ႉယမ်ၸမ်ၸႂ်​​သေ
ၸဵင်တႆး

ၽိုၼ်တိုၼ်း
9 Reasons Why Readers Tend To Be A Lot More Successful Posted by Jenna Cossuto on Read more at:

ၼႂ်းလုမ်ႈၾႃႉၼႆႉ
ဢၼ်ႁဝ်းလီလႆႈၸူမ်းၸွမ်းႁၢၼ်ႉၸႂ်ၸွမ်းၵေႃႈ ၼမ်ၼႃႇၼႃႇ
ဢၼ်ႁဝ်းလီလႆႈယိၼ်းၸူမ်းၶွပ်ႈၸႂ်ၵေႃႈ ၼမ်ၼႃႇၼႃႇ
ဢၼ်ႁဝ်းလီလႆႈဢဝ်ၵုင်ႇမုၼ်ၸွမ်းၵေႃႈ ၼမ်ပေႇၸႂ်
ၵွပ်ႈၼၼ်လႄႈ ဢဝ်ၶၢဝ်းယၢမ်းၵႅပ်ႉၼိုင်ႈသေ
ဝူၼ်ႉႁၼ် လွင်ႈလီၸူမ်း၊ လီႁၢၼ်ႉၸႂ်တင်းၼမ်ၼၼ်ႉသေ
ၸူမ်းၸွမ်းလႄႈ။
ဝူၼ်ႉႁၼ် လွင်ႈလီယိၼ်းၸူမ်းၶွပ်ႈၸႂ် လႄႈ လွင်ႈလီဢဝ်ၵုင်ႇမုၼ်
ၸိူဝ်းၼၼ်ႉသေ ယိၼ်းၸူမ်းၶွပ်ႈၸႂ်လူၺ်ႈႁူဝ်ၸႂ်ၸႅတ်ႈၸၢင်ႇလႄႈ။
ၸၢတ်ႈပၢၼ် တေတိူဝ်းႁၼ်မီးလွၼ်ႉၵႅၼ်ႇတီႈပွင်ႇမႃးတင်းၼမ်ယူႇ။။

တႃႇႁဵတ်းၵၢၼ်လႆႈတႅတ်ႈၼႅတ်ႈဝႆးၶၼ်
ဢၼ်ပဵၼ်တၢင်းႁူႉ၊ ၼမ်ႉၵတ်ႉတၢင်း​​မေႃ လႄႈ ဢိၵ်ႇပႃးလွင်ႈတူဝ်ထူပ်းၼၼ်ႉ လမ်ႇလွင်ႈ​​တေႉ​​တေႉ။

တႃႇႁဵတ်းၵၢၼ်ၵႂႃႇလႆႈယိုၼ်းယၢဝ်းၶၢဝ်းၵႆၼၼ်ႉ
ႁႅင်းၸႂ်၊ လွင်ႈၼိမ်မၼ်ႈ (လွင်ႈဢမ်ႇဝၢင်ႇဝိူဝ်ႈ)၊
လႄႈ လွင်ႈယိူၼ်ႉၵၼ်ႈၼႆႉ လမ်ႇလွင်ႈ​​တေႉ​​တေႉ။

တႃႇႁဵတ်းၵၢၼ်ၵူၼ်းၼမ်ၵႂႃႇလႆႈဢွင်ႇမၢၼ်ၼၼ်ႉ
လွင်ႈယိူၼ်ႉၵၼ်ႈ၊ လွင်ႈပွင်ႇၸႂ်၊ တၢင်းႁူႉ၊ လွင်ႈ​​မေႃႁူမ်ႈၵၼ်ႁဵတ်းၵၢၼ်၊ မီးယိူင်းမၢႆၸႅင်ႈလႅင်း၊ ယိူင်းမၢႆမိူၼ်ၵၼ်၊ ဝၢင်းၽႅၼ်ၼႃႈၵၢၼ်တႅတ်ႈတေႃး၊
မီးလွင်ႈၽိုၵ်းၽွၼ်ႉလီ ၊ ၸႅၵ်ႇၽႄၼႃႈၵၢၼ်ပုၼ်ႈၽွၼ်းတႅၵ်ႇလႅင်း၊ မႅၼ်ႈၵၢၼ်မႅၼ်ႈၵူၼ်း၊ ႁႅင်း ၸႂ်ႁူမ်ႈ၊ ၸွႆႈထႅမ်ၵၼ်လူၺ်ႈမဵတ်ႉတႃႇၵတ်းယဵၼ်ၸိူ
ဝ်းၼႆႉ ပဵၼိလွၼ်ႉၵႅၼ်မၼ်းယဝ်ႉ။

ၵူၼ်းဢွင်ႇမၢၼ်
ၶဝ်ႁူႉတီႈယူပ်ႈယွမ်းၶဝ်သေ
မူၼ်ႉမႄးလႅၵ်ႈလၢႆႈ
ပူၵ်းပွင်ႁႂ်ႈ ၶိုၼ်ႈယႂ်ႇ။

ၵူၼ်းဢမ်ႇဢွင်ႇမၢၼ်
ၶဝ်ႁူႉတီႈယူပ်ႈယွမ်းၶဝ်ယူႇ ၵူၺ်းၵႃႈ
ဢမ်ႇမူၼ်ႉမႄးလႅၵ်ႈလၢႆႈ။

ၵူၼ်းတူၵ်းတႅမ်ႇ
ၶဝ်ဢမ်ႇႁူႉတီႈယူပ်ႈယွမ်းၶဝ်ံ၊
တီႈယူပ်ႈယွမ်းၶဝ်ၼၼ်ႉ
ၶဝ်ထၢင်ႇဝႃႈပဵၼ်လွင်ႈၶိုၼ်ႈယႂ်ႇတႃႇၶဝ်ၼႆသေ
သိုပ်ႇႁဵတ်းၵႂႃႇဢမ်ႇယဝ်ႉဢမ်ႇဝၢႆး။

လွၵ်းလၢႆးလူလိၵ်ႈတွင်းၵိုမ်း 7 ၶေႃႈ

1. လူၵႂႃႇတွင်းၵႂႃႇၸွမ်း

မိူဝ်ႈၽွင်းလူပပ်ႉလိၵ်ႈၼၼ်ႉ
သင်ဝႃႈလူမႅၼ်ႈၺႃးတီႈဢၼ်လီၶဝ်ႈၸႂ်ၼၼ်ႉၼႆ
တႅမ်ႈမၢႆတွင်းတၢင်းႁၼ်ထိုင်တူဝ်ၵဝ်ႇဝႆႉၸွမ်း
တီႈႁိမ်းပွင်ႈလိၵ်ႈၼၼ်ႉ ဢမ်ႇၼၼ်
တႅမ်ႈသႂ်ႇၼိူဝ်ၸေႈသေ ပႃႉၸပ်းဝႆႉႁႂ်ႈပေႃးတွင်းငၢႆႈ
ဢမ်ႇၼၼ်ၵေႃႈ တႅမ်ႈသႂ်ႇဝႆႉၼႂ်းပပ်ႉလိၵ်ႈမၢႆတွင်းတူဝ်ၵဝ်ႇ။
ပေႃးႁဵတ်းၼႆၸိုင် တေႁဵတ်းႁႂ်ႈႁဝ်းတွင်းလိၵ်ႈတၢင်းႁူႉ
တီႈၼႂ်းပပ်ႉလိၵ်ႈဢၼ်ႁဝ်းလူၼၼ်ႉၼမ်တိူဝ်းမႃးယူႇ။

2. ဝူၼ်ႉၶိုၼ်းၶေႃႈမုၼ်းတၢင်းႁူႉ တီႈၼႂ်းပပ်ႉဢၼ်လူ

ပေႃးဝႃႈလူယဝ်ႉၵႂႃႇၼိုင်ႈတွၼ်ႈယဝ်ႉၼႆ
ၵိုတ်းလွင်ႈလူလိၵ်ႈၵမ်းၼိုင်ႈသေ
ၶိုၼ်းဝူၼ်ႉတူၺ်းၶိုၼ်းတၢင်းႁူႉၼႂ်းတွၼ်ႈၼၼ်ႉ။
မိူဝ်ႈလူယဝ်ႉၵႂႃႇၼိုင်ႈပပ်ႉၼၼ်ႉၵေႃႈ
ၶိုၼ်းဝူၼ်ႉၶိုၼ်းၶေႃႈမုၼ်းတၢင်းႁူႉ
တီႈၼႂ်းပပ်ႉၼၼ်ႉ လွင်ႈဝႃႈ မၼ်းလၢတ်ႈလွင်ႈသင်လၢႆလၢႆ။
လွင်ႈၶိုၼ်းဝူၼ်ႉၶိုၼ်းလွင်ႈတၢင်းၼႂ်းပပ်ႉလိၵ်ႈ
ဢၼ်ႁဝ်းလူယဝ်ႉၵႂႃႇၼၼ်ႉ တေႁဵတ်းႁႂ်ႈႁဝ်းတွင်းတၢင်းႁူႉ
ဝၢႆးသေလူပပ်ႉလိၵ်ႈယဝ်ႉၵႂႃႇယူႇၼႆယူႇ။

3. တႅမ်ႈႁူဝ်ႁုပ်ႈယေႃႈ

လွင်ႈတႅမ်ႈႁူဝ်ႁုပ်ႈယေႃႈ
ဝၢႆးသေလူပပ်ႉလိၵ်ႈယဝ်ႉၵႂႃႇၼႆႉၵေႃႈ
ၸွႆႈထႅမ်ပၼ်ႁႂ်ႈႁဝ်းတွင်းလိၵ်ႈဢၼ်ႁဝ်းလူသေဢမ်ႇၵႃး
ႁဵတ်းႁႂ်ႈႁဝ်းလႆႈဢွၵ်ႇတၢင်းဝူၼ်ႉၸွမ်း လႄႈ
ၸွႆႈႁႂ်ႈႁဝ်းတိူဝ်းပွင်ႇၸႂ်လိၵ်ႈဢၼ်ႁဝ်း
လူဢၢၼ်ႇၸိူဝ်းၼၼ်ႉၼႆယူႇ။

4. ၸႂ်ႉလွၵ်းလၢႆး Mnemonic

လွၵ်းလၢႆး Mnemonic ၼႆႉ မီးႁူဝ်ယွႆႈတၢင်းၼမ်ယူႇ။
ၵူၺ်းၼႃႇ ပေႃးတေလၢတ်ႈႁႂ်ႈပွင်ႇၸႂ်ငၢႆႈငၢႆႈၼႆ ပွင်ႇဝႃႈ
ၶေႃႈမုၼ်းတၢင်းႁူႉတီႈၼႂ်းပပ်ႉလိၵ်ႈ
ဢၼ်ႁဝ်းလူယဝ်ႉၵႂႃႇၼၼ်ႉ
ၶိုၼ်းဢဝ်မႃးတႅမ်ႈပဵၼ်ထႅဝ်လိၵ်ႈပွတ်းပွတ်း
ယမ်ယမ် တႃႇႁႂ်ႈႁဝ်းတွင်းလႆႈငၢႆႈၼၼ်ႉယူႇ။
ပိူင်တႅၵ်ႈမၼ်း ပေႃးဝႃႈပပ်ႉလိၵ်ႈဢၼ်ႁဝ်းလူၼၼ်ႉ
မၼ်းသိပ်းတွၼ်ႈၼႆ ဢဝ်ၶေႃႈမုၼ်း (တၢင်းႁူႉ)ယမ်ယမ်ၸိူဝ်းၼၼ်ႉ
မႃးတႅမ်ႈပဵၼ်ဝွၵ်းပွတ်းပွတ်းဢွၼ်ႇ တႃႇႁႂ်ႈႁဝ်းဢူမ်ဢၢၼ်ႇ
တွင်းလႆႈငၢႆႈၸိူင်ႉၼၼ်ယူႇ။ ပေႃးႁဵတ်းၸိူင်ႉၼႆၸိုင်
လူယဝ်ႉၵေႃႈ တေဢမ်ႇလိုမ်း၊ ဝူၼ်ႉၶိုၼ်းမိူဝ်ႈလႂ်ၵေႃႈ
တေတွင်းၶိုၼ်းယူႇတႃႇသေႇ။

5. ႁဵတ်းၶေႃႈထၢမ်

ပေႃးဝႃႈလူပပ်ႉလိၵ်ႈယဝ်ႉၼႆ ၸၢမ်းႁဵတ်းၶေႃႈထၢမ်
ဢၼ်ၵွင်ႉၵၢႆႇၵၼ်တင်း တၢင်းႁူႉၼႂ်းပပ်ႉလိၵ်ႈဢၼ်ႁဝ်းလူၼၼ်ႉသေ
ၶိုၼ်းၸၢမ်းတွပ်ႇတူၺ်းၵမ်းၶေႃႈၶေႃႈ ၼႆယူႇ။
လွင်ႈလႆႈတွပ်ႇၶေႃႈထၢမ်ၼႆႉ
ၸွႆႈထႅမ်ႈႁႂ်ႈႁဝ်းလႆႈၶူၼ်ႉၶႆႈၶိုၼ်းလွင်ႈတၢင်း
ဢၼ်ႁဝ်းလူၼၼ်ႉသေ သင်ဝႃႈၶေႃႈလႂ်
ဢမ်ႇတွပ်ႇလႆႈၼႆၵေႃႈ ႁဝ်းတေၸၢင်ႈၵႂႃႇလူၶိုၼ်းသေ
တေႁဵတ်းႁႂ်ႈႁဝ်းတွင်းၵိုမ်း ဢမ်ႇသူႈလိုမ်းငၢႆႈငၢႆႈၼႆယူႇ။

6. ဢဝ်တၢင်းႁူႉၼႂ်းပပ်ႉလိၵ်ႈ ၵွင်ႉသၢၼ်ၵၼ်တင်းလွင်ႈဢၼ်ႁဝ်းႁူႉ

လူပပ်ႉလိၵ်ႈၼိုင်ႈပပ်ႉၼႆႉ
တေႁဵတ်းႁႂ်ႈႁဝ်းလႆႈလဵပ်ႈႁဵၼ်းႁူႉတၢင်းႁူႉမႂ်ႇမႂ်ႇ
ဢၼ်ႁဝ်းဢမ်ႇယၢမ်ႈႁူႉမႃးၼၼ်ႉယူႇ။
သင်ဝႃႈဢဝ်တၢင်းႁူႉၼၼ်ႉ
မႃးၵွင်ႉသၢၼ်ၵၢၼ်တင်းၵၢၼ်တူဝ်ထူပ်းႁဝ်း
ဢမ်ႇၼၼ် တၢင်းႁူႉဢၼ်ႁဝ်းမီးဝႆႉယူႇၼၼ်ႉၼႆ
တေႁဵတ်းႁႂ်ႈႁဝ်းတွင်းလႆႈငၢႆႈသေဢမ်ႇၵႃး
တေၸၢင်ႈဢဝ်မႃးၸႂ်ႉတိုဝ်းၼႂ်းၸၢတ်ႈပၢၼ်ၵမ်းလဵဝ်ယူႇ။

7. လူထႅင်ႈၵမ်းၼိုင်ႈ

လွင်ႈလူၶိုၼ်းပပ်ႉလိၵ်ႈဢၼ်ႁဝ်းလူယဝ်ႉၵႂႃႇ
ထႅင်ႈပွၵ်ႈၼိုင်ႈၼၼ်ႉၵေႃႈ ပဵၼ်လွၵ်းလၢႆးလီ
တႃႇႁႂ်ႈတွင်းငၢႆႈၼႆယူႇ။ လွင်ႈလူသမ်ႉၶိုၼ်ႈထႅင်ႈၵမ်းၼိုင်ႈၼႆႉ
လိူဝ်သေႁဵတ်းႁႂ်ႈႁဝ်းတွင်းၵိုမ်းတၢင်းႁူႉၼႂ်းပပ်ႉလိၵ်ႈယဝ်ႉ
မၼ်းယင်းၸွႆႈထႅမ်ႁႂ်ႈႁဝ်းဝူၼ်ႉလႆႈလွင်ႈတၢင်းမႂ်ႇမႂ်ႇ
လႄႈ မီးတၢင်းႁၼ်ထိုင်မႂ်ႇမႂ်ႇထႅင်ႈလူးၵွၼ်ႇ။

ၵွပ်ႈၼႆ ပေႃးဝႃႈႁဵတ်းၸွမ်းၼင်ႇလွၵ်းလၢႆးၸဵတ်းၶေႃႈၼႆႉၸိုင်
လူပပ်ႉလိၵ်ႈဢၼ်လႂ်ၵေႃႈယဝ်ႉ တေႁဵတ်းႁႂ်ႈႁဝ်းတွင်းၵိုမ်းၼၢၼ်း
လိုမ်းဢမ်ႇႁၢင်ႉ။

ၼပ်ႉယမ်ၸမ်ၸႂ်ၽူႈလူလိၵ်ႈႁဝ်းၶဝ်ၵူႈၵေႃႉသေ

ပိၼ်ႇၽၢႆႇလႄႈထွၼ်ထႅမ်
ၸဵင်တႆး

ပိုၼ်းမိူင်းတႆး လႄႈ ၵၢၼ်ပၢႆးမိူင်းမိူင်းတႆးတီႈၵႅပ်ႈ

ပိုၼ်းလိၵ်ႈလၢႆးတႆးပၢၼ်သိုပ်ႇပၢၼ်တီႈၵႅပ်ႈ
လီလဵပ်ႈႁဵၼ်းႁူႉ

ၵႂၢမ်းမင်ၵလၾၢၵ်ႇတွၼ်ႈ ပီမႂ်ႇလုမ်ႈၾႃႉ 2023 လႄႈ သူင်ႇသင်ႇပီၵဝ်ႇ #ၸဝ်ႈၶူးလူင်

ႁႂ်ႈယူႇလီၵိၼ်ဝၢၼ် ၵႃႉဢွင်ႇၶၢႆမၢၼ် ၼႃႈၵၢၼ်တိူဝ်းတွၼ်း ၽွၼ်းလီၼမ်မၢၵ်ႈ ဢသၢၵ်ႈယိုၼ်းယၢဝ်း​​ၵၼ်ၵူႈ​​ၵေႃႉၵူႈၵူၼ်းသေၵမ်းၶႃႈ

လွၵ်းလၢႆး ပႅင်းၵိၼ်ပႅင်းၸၢႆႇ ၵူၼ်းမိူင်းဢမေႇရိၵၢၼ်ႇ

မိူဝ်ႈမွၵ်ႈပီ 1930 ၼၼ်ႉ ဢိင်ၼိူဝ်ပၢႆးမၢၵ်ႈမီးလုမ်ႈၾႃႉလုလႅဝ်လႄႈ ၵူၼ်းမိူင်းဢမေႇရိၵၢၼ်ႇၶဝ်ၵေႃႈ လႆႈထူပ်းတၢင်းၵပ်ႉၵိၼ်းၶိၼ်ၸႂ်တေႉတေႉဝႃႈဝႃႈယူႇ။ မိူဝ်ႈၽွင်းယၢမ်းပၢႆးမၢၵ်ႈမီးၵပ်းၵိၼ်းၸိူင်ႉၼႆ လူင်ပွင်ၸိုင်ႈမိူင်း
ဢမေႇရိၵၢၼ်ႇ ၸွင်ႇသွၼ်ပၼ်ဝွၵ်းၵပ်းၵၢႆႇလူၺ်ႈ
လွင်ႈႁွမ်ငိုၼ်း လႄႈ ၸၢႆႇငိုၼ်းဢွမ်ႇဢီႈပၼ်ႁႂ်ႈၵူၼ်း
မိူင်းၶဝ်လႆႈ ဢဝ်ၵႂႃႇၸႂ်ႉတိုဝ်း တီႈၼႂ်းၸၢတ်ႈပၢၼ်ၶဝ်ယူႇ။

ဝွၵ်းဢၼ်ၼၼ်ႉ ဢမ်ႇၸႂ်ႈဝႃႈ တႃႇၵူၼ်းမိူင်းဢမေႇရိ ၵၢၼ်ႇၶဝ်ၵူၺ်း။ ၽႂ်သေဢမ်ႇဝႃႈ မိူဝ်ႈထူပ်းၺႃးပၢႆးမၢၵ်ႈမီးၵပ်ႉၵိၼ်းၼၼ်ႉ ၶဝ်ႈတၢင်းတိုဝ်းတႃႇၵူႈၵေႃႉယူႇ။ ၼွၵ်ႈသေၼၼ်ႉ ဝွၵ်းဢၼ်ၼၼ်ႉ ယင်းပၢႆၸွႆႈထႅမ်ပၼ် တႃႇႁႂ်ႈပဵၼ်ၽူႈမၢၵ်ႈမီးလႆႈလူးၵွၼ်ႇ။ ၵွပ်ႈပိူဝ်ႈၼၼ်လႄႈ ၸင်ႇလႆႈဢဝ်မႃးၾၢၵ်ႇတွၼ်ႈထိုင်ၽူႈလူလိၵ်ႈ
ႁဝ်းၶဝ်ယူႇ။

တီႈၼႂ်းၸၢတ်ႈပၢၼ်ၵူၼ်းႁဝ်းၼႆႉ ဢမ်ႇပွၵ်ႈၼိုင်ႈၵေႃႈပွၵ်ႈၼိုင်ႈ တိုၼ်းတေယၢမ်ႈလႆႈထူပ်းတၢင်းမႆႈၸႂ်
ယွၼ်ႉပိူဝ်ႈငိုၼ်းယူႇၽႂ်မၼ်းယူႇ။ သထေးၽူႈမၢၵ်ႈၶဝ် ၵေႃႈ လႆႈထူပ်းတၢင်းမႆႈၸႂ်ယွၼ်ႉပိူဝ်ႈငိုၼ်းတွင်းယူႇ။
ယွၼ်ႉပိူဝ်ႈၼၼ်လႄႈ ယွၼ်ႉပိူဝ်ႈငိုၼ်းသေ လႆႈထူပ်း ၺႃးတၢင်းမႆႈၸႂ်တုၵ်ႉၸႂ်ၼႆၸိုင် ယႃႇပေၼႅတ်ႈၸႂ်တူၵ်း လႄႈ ယႃႇပေၼႅတ်ႈယွမ်းၵၢၼ်ႉ။ ပၼ်ႁႃငိုၼ်းတွင်းၼႆႉ ပဵၼ်တုၵ်ႉၶဢၼ်ၵူၼ်းၵူႈၵေႃႉ တိုၼ်လႆႈထူပ်းၼၼ်ႉယူႇ။ သင်ဝႃႈမူၼ်ႉမႄးတီႈယၢမ်ႈလႆႈၽိတ်းမႃး၊ မေႃဢဝ်တွၼ်ႈသွၼ်သေ သိုပ်ႇၶတ်းၸႂ်ၵႂႃႇၼႆၸိုင် လွင်ႈမႆႈၸႂ်
ၵပ်းၵၢႆႇလူၺ်ႈငိုၼ်းတွင်းၼႆႉၵေႃႈ တေဢေႇမၢင်ၵႂႃႇယူႇ။ သင်ၵုမ်ႇပွင်ႉၶၢင်းဝႃႈ "ၵဝ်ၵၢမ်ႇႁၢႆႉၼႃႇလူင်"ၼႆသေ
လူမ်ႉယူႇၵေႃႈ ဢမ်ႇၶတ်းၸႂ်လုၵ်ႉၶိုၼ်ႈမႃးၼႆ ၼွၵ်ႈသေ
လႆႈၸဵပ်းယွၼ်ႉပိူဝ်ႈလူမ်ႉယဝ်ႉ ပၢႆတေလႆႈၶၢမ်ႇတၢင်းၵႃးယဵပ်ႇသမ်ႉထႅင်ႈလူးၵွၼ်ႇ။ ၵွပ်ႈပိူဝ်ႈၼၼ်လႄႈ လူမ်ႉ
ယဝ်ႉၵေႃႈ လုၵ်ႉၶိုၼ်းလႄႈ။

မုင်ႈမွင်းဝႃႈ ဝွၵ်းဢွၼ်ႇတီႈတႂ်ႈၼႆႉ တေၸွႆႈထႅမ်ပၼ်ၽူႈလူလိၵ်ႈႁဝ်းၶဝ်ပူၼ်ႉဢွၵ်ႇတီႈၼႂ်းပၼ်ႁႃပၢႆးမၢၵ်ႈမီးၵပ်ႉ ၵိၼ်းၼၼ်ႉယူႇ။

ဝွၵ်းဢၼ်ၼၼ်ႉတႄႉ ၽၢႆႇဢင်းၵိတ်ႉမၼ်းဝႃႈ -
"Use It Up, Wear It Out, Make It Do, Or Do Without" ၼႆဝႃႇ။ ၶႃႈပိၼ်ႇပဵၼ်ၽၢႆႇတႆးဝႃႈ-
"ၸႂ်ႉႁႂ်ႈသဵင်ႈ၊ ၼုင်ႈႁႂ်ႈၵဝ်ႇ၊ ၶိုၼ်းမႄးၸႂ်ႉ၊ ယူႇႁႂ်ႈလႆႈ" ၼႆယူႇ။

1။ Use It Up (ၸႂ်ႉသဵင်ႈသဵင်ႈ)

ပေႃးပိၼ်ႇသိုဝ်ႈသိုဝ်ႈၼႆ ပွင်ႇဝႃႈ "ၸႂ်ႉသဵင်ႈသဵင်ႈ"ၼႆယူႇ။ ၸႂ်ႉသဵင်ႈသဵင်ႈဢၼ်ဝႃႈၼႆႉ ဢမ်ႇပွင်ႇဝႃႈ
ႁႂ်ႈဢဝ်ငိုၼ်းတွင်းၵႂႃႇၸႂ်ႉၸၢႆႇသိုဝ်ႉၶူဝ်းၶွင်ပႅတ်ႈသဵင်ႈ
သဵင်ႈၸိူင်ႉၼၼ်။ တီႈၼႆႈမၢႆထိုင်ဝႃႈ တၢင်းၵိၼ်တၢင်း
ယမ်ႉ ၶူဝ်းၶွင်ၸႂ်ႉတိုဝ်းဢၼ်သိုဝ်ႉမႃးဝႆႉၸိူဝ်းၼၼ်ႉ ႁႂ်ႈၸႂ်ႉတိုဝ်း ႁႂ်ႈသဵင်ႈသဵင်ႈ၊ ဢမ်ႇပႆႇသဵင်ႈသေ ယႃႇပေ
ဝိုတ်ႉပႅတ်ႈၼႆယူႇ။

ပိူင်တႅၵ်ႈမၼ်း ယႃႈသီၶဵဝ်ႈ၊ ၼမ်ႉသၢႆႇၶူၼ်ႁူဝ်တႄႇၵႂႃႇ ၸိူဝ်းၼၼ်ႉ ပေႃးၸႂ်ႉဢမ်ႇပႆႇမူတ်းသဵင်ႈလီလီၼႆ
ယႃႇပေၼႅတ်ႈထိုမ်ႈပႅတ်ႈသေ ၵႂႃႇသိုဝ်ႉမႃးထႅင်ႈဢၼ်မႂ်ႇၼႆယူႇ။ ဢၼ်ၼႆႉထုၵ်ႇလီဝႄႈၼႆယဝ်ႈ။

တၢင်းၵိၼ်တၢင်းယမ်ႉၸိူဝ်းၼၼ်ႉၵေႃႈ မိူၼ်ၼၼ်ၼင်ႇ
ၵဝ်ႇ ပေႃးဝႃႈသိုဝ်ႉမႃးယဝ်ႉၼႆ ၵိၼ်ႁႂ်ႈသဵင်ႈသဵင်ႈသေ ၵွၼ်ႇ ၸင်ႇၵွႆႈထုၵ်ႇလီၵႂႃႇသိုဝ်ႉမႃးထႅင်ႈၼႆယူႇ။ ပေႃး
ဢဝ်ပၢႆးၸႂ်ဝႃႈပေႃးၼႆ မိူဝ်ႈဝႃႈ တၢင်းၵိၼ်ဢမ်ႇလႆႈသိုဝ်ႉဝႆႉဢၼ်လိူဝ်မၼ်းၼႆ ၵူၼ်းႁဝ်း တေမေႃပႅင်းၵိၼ်တၢင်း ၵိၼ်ဢၼ်ၵိုတ်းဝႆႉၸိူဝ်းၼၼ်ႉၵႂႃႇၶၢဝ်းႁိုင်ၼႆယူႇ။
ထႅင်ႈၽၢႆႇၼိုင်ႈၵေႃႈ ပေႃးဝႃႈတၢင်းၵိၼ်ဢမ်ႇမီးၼမ်တႃႇ
တေလႆႈလိူၵ်ႈၼႆ တၢင်းၵိၼ်ဢၼ်ၵိုတ်းၼၼ်ႉ တေဢမ်ႇသူႈပႅတ်ႈလၢႆၼႆယူႇ။

2။ Wear It Out (ၼုင်ႈႁႂ်ႈၵဝ်ႇ)

ၶူဝ်းႁဝ်းၼၼ်ႉ ၼုင်ႈႁၢၼ်ႉတေႃႇမၼ်းပေႃးယွၵ်းလႄႈ ၼႆဝႃႇ။ ၶူဝ်းဢၼ်ႁဝ်းသိုဝ်ႉမႃးၸိူဝ်းၼၼ်ႉ ဢမ်ႇပႆႇၵဝ်ႇပႆႇယွၵ်းသေဢမ်ႇထုၵ်ႇလီထိုမ်ႈပႅတ်ႈ။ ၶူဝ်းၼုင်ႈတၢင်းဝႆ၊ ၶူဝ်းၸႂ်ႉတိုဝ်းၼႂ်းႁိူၼ်းယေး ၸိူဝ်းၼၼ်ႉၵေႃႈ မိူၼ်ၵၼ်ယဝ်ႉ၊ ဢမ်ႇပႆႇလုပႆႇၵွႆသေ ယႃႇပေထိုမ်ႈပႅတ်ႈ ၼႆယူႇ။

သိူဝ်ႈၶူဝ်းႁဝ်းၸိူဝ်းဢၼ်ၵဝ်ႇမွင်ၼၼ်ႉ ၶိုၼ်းဢဝ်ၸႂ်ႉတိုဝ်းလႆႈထႅင်ႈတၢင်ႇတီႈယူႇ။ မိူၼ်ၼင်ႇ ဢဝ်ႁဵတ်း ၽႅၼ်ႇထူပိုၼ်ႉႁိူၼ်း၊ ၽႅၼ်ႇၸဵတ်ႉမိုဝ်း၊ ၽဵၼ်ႇၺိပ်ႈမေႃႈ ၸိူဝ်းၼႆႉလႆႈယူႇ။

3။ Make It Do (ၶိုၼ်းမႄးၸႂ်ႉ)

ႁႂ်ႈမေႃယူႇသဝ်းႁၢၼ်ႉၸႂ်ၸွမ်းၼင်ႇဢၼ်မီးဝႆႉ ၼႆဝႃႇ။
ၶူဝ်းၶွင်ႁဝ်းဢၼ်မီးဝႆႉၸိူဝ်းၼၼ်ႉ သင်ဝႃႈမၼ်းၵွႆၵႂႃႇၼႆ ၶိုၼ်းမႄးႁႂ်ႈမၼ်းလီသေ ၸႂ်ႉတိုဝ်း၊ သင်ဝႃႈမၼ်းသိၵ်ႇမၼ်းယွၵ်းၵႂႃႇၼႆ ၶိုၼ်းမႄးၵုပ်းမႄးယဵပ်ႉသေ ၼုင်ႈၼႆယူႇ။ မၢင်ပွၵ်ႈ ၶူဝ်းၵဝ်ႇႁဝ်းၼၼ်ႉ ယဵပ်ႉၵုပ်းၶိုၼ်းလႆႈယူႇသေတႃႉ ၵမ်ႈၼမ် ၵႆႉလႄႇၸူးငၢႆႈသေ ၵႂႃႇသိုဝ်ႉ
ၶူဝ်းမႂ်ႇၸိူဝ်းၵႃႈပေႃးပေႃးၼၼ်ႉမႃးထႅင်ႈယူႇ။
ဢၼ်ၼႆႉလီၾၢင်ႉတေႉတေႉယူႇ။

4။ Do Without (ယူႇႁႂ်ႈလႆႈ)

ၶူဝ်းၶွင်ဢၼ်ဢမ်ႇပႆႇမီးၼၼ်ႉ ယႃႇပေၵုမ်ႇမုင်ႈမွင်း
ၸႂ်ၸပ်းႁႅင်းၼႃႇ၊ ႁၢၼ်ႉၸႂ်ၸွမ်းၶူဝ်းၶွင်ဢၼ်တူဝ်ၵဝ်ႇ
မီးၼၼ်ႉလႄႈ။ ထုၵ်ႇလီမေႃၸႅၵ်ႇၽႄ ၼႂ်းၵႄႈ
လွင်ႈလူဝ်ႇတႄႉတႄႉလႄႈ လွင်ႈၶႂ်ႈလႆႈၼၼ်ႉယူႇ။
လူတ်းယွမ်းတၢင်းၶႂ်ႈလႆႈၼၼ်ႉၽွင်ႈလႄႈ။
ဢမ်ႇမီးၵေႃႈ ၶတ်းၸႂ်ၽိုၵ်းႁႂ်ႈမေႃယူႇလႆႈၵႂႃႇလႄႈ။
မိူဝ်ႈပႆႇသိုဝ်ႉၶူဝ်းၶွင်ၼၼ်ႉ ထၢမ်ၶိုၼ်းတူဝ်ၵဝ်ႇဢွၼ်
တၢင်းၵွၼ်ႇလႄႈ ဝႃႈ - ပေႃးဢမ်ႇသိုဝ်ႉၶူဝ်းၶွင်ဢၼ်ၼႆႉ ၼႆ တေဢမ်ႇယူႇသဝ်းၵႂႃႇလႆႈႁႃႉ? ၶူဝ်းၶွင်ဢၼ်ၼႆႉ မၼ်းပဵၼ်ဢၼ်လမ်ႇလွင်ႈ ၵပ်းၵၢႆႇလွင်ႈပဵၼ်လွင်ႈတၢႆ(လမ်ႇလွင်ႈ‌ေတႉ)ယူႇႁႃႉ? သင်ၶေႃႈတွပ်ႇဝႃႈ ဢမ်ႇမီးၶူဝ်ၶွင်ၼႆႉၵေႃႈ တိုၵ်ႉယူႇသဝ်းလႆႈယူႇၼႆ ၶူဝ်းၶွင် ၼၼ်ႉ ယႃႇပေသိုဝ်ႉၼႆယူႇ။

မိူဝ်ႈၵူၼ်းတင်းလုမ်ႈၾႃႉ ထူပ်းၺႃးပၼ်ႁႃပၢႆးမၢၵ်ႈမီး
ၵပ်ႉၵိၼ်းၼၼ်ႉ ၵူၼ်းမိူင်းဢမေႇရိၵၢၼ်ႇၶဝ် ဢဝ်လွၵ်းလၢႆးၼႆႉသေ ႁွမ်ပႅင်းၸႂ်ႉၸၢႆႇငိုၼ်းတွင်းၶဝ်ယူႇယဝ်ႈ။

သင်ဝႃႈဢမ်ႇၶႂ်ႈပဵၼ်ၶႃႈငိုၼ်းတွင်းၼႆ ပႅင်းၵိၼ်ပႅင်းၸၢႆႇလႄႈၼႆယူႇ။

ယိၼ်းၸူမ်းၽူႈလူလိၵ်ႈႁဝ်းၶဝ်ၵူႈၵေႃႉၶႃႈ ဢၼ်ပၼ်
ၶၢဝ်းယၢမ်းသေ လူႁၢၼ်ႉတေႃႇပေႃးသုတ်း။ တူဝ်ၸႂ်သွင်ပိူင် ႁႂ်ႈမူၼ်ႈသိူဝ်း ၵတ်းယဵၼ်သေၵမ်းၶႃႈ။

ၼပ်ႉယမ်ၸမ်ၸႂ်ၵူႈၵေႃႉသေ
ပိၼ်ႇတႅမ်ႈ- ၸဵင်တႆး
10 August 2022

credit: ပိုးစုန်းကြူး
ၶႅပ်းႁၢင်ႈ: google

ၶၢဝ်ႇငၢဝ်းလီ တွၼ်ႈတႃႇၽူႈႁၵ်ႉလိၵ်ႈလၢႆးႁဝ်းၶဝ်
ပၼ်ႁႅင်း ပပ်ႉမႂ်ႇၶိုၵ်ႉၶႅမ်ႉလႆႈယဝ်ႉၶႃႈဢေႃႈ။

တီႈၼႂ်းပပ်ႉၼႆႉ သပ်းလႅင်းၼႄဝႆႉ
လွၵ်းလၢႆးတႃႇမေႃဝႆႉဝၢင်းၸႂ်ယဵၼ်
မိူဝ်ႈၽွင်းထူပ်းၺႃးပၼ်ႁႃ လွင်ႈသုၵ်ႉယုင်ႈၵူႈလွင်ႈလွင်ႈ။
လႄႈ လၢတ်ႈၼႄလွၵ်းလၢႆးတႃႇႁႂ်ႈမီးႁႅင်းၸႂ်
မိူဝ်ႈထူပ်းၺႃးလွင်ႈၸႂ်တူၵ်း လွင်ႈဢမ်ႇမိူၼ်ၼင်ႇၸႂ်။
ၼွၵ်ႈသေၼၼ်ႉ ၼႂ်းပပ်ႉၼႆႉ လၢတ်ႈလွင်ႈၵပ်းၵၢႆႇလူၺ်ႈ
လွင်ႈပၢႆးၸႂ် လႄႈ လွင်ႈမေႃဝႆႉဝၢင်းၸႂ်
မိူဝ်ႈထူပ်းၺႃးလွင်ႈယၢပ်ႇၽိုတ်ႇ တီႈၼႂ်ႈၸူဝ်ႈပၢၼ်ၼၼ်ႉယူႇ။

ပပ်ႉၼႆႉ ပဵၼ်ပပ်ႉဢၼ်ပူၵ်းတိုၼ်ႇပၼ်ႁႅင်းၸႂ် လႄႈ
ၸိၼႄသဵၼ်ႈတၢင်း ႁႂ်ႈမေႃဝႆႉဝၢင်းၸႂ်သေ
ယူႇသဝ်းမူၼ်ႈသိူဝ်းၵတ်းယဵၼ် တီႈၼႂ်းတူင်ႇဝူင်း
ဢၼ်မီးလွင်ႈတုၵ်ႉလွင်ႈသုၵ်ႉတၢင်းလူင်ၼႆႉယူႇ။

ၵပ်းသိုပ်ႇပၼ်ႁႅင်းလႆႈတီႈ မၢႆၽဵတ်ႉပုၵ်ႉ ၽူႈပိၼ်ႇပပ်ႉ
လႆႈတီႈ https://www.facebook.com/mwe.ngin.315 ယူႇၶႃႈဢေႃႈ။

ၼပ်ႉယမ်ၸမ်ၸႂ်ၵူႈၵေႃႉသေ