20/08/2026
المنشور الأخير :
( نهاية المشوار _ فصلونا _ السبب عقد عسكري مسرح ( مابعرف اذا بيعرفو اني اخ شهيد كمان ) )
الحمد لله رب العالمين ..
كلشي رب العالمين بدو اياه بيصير
مابيجي من عند رب العالمين الا الخير
واذا اخترلنا طريق فهوي اكيد فيه خير
شكرا للسيد مدير التربية الدكتور مهند على كل الدعم اللي سندنا فيه من لما وصل عالتربية لغاية هاللحظة وكان اخ وصديق وسند ومابادر الا بالخير تجاهنا.
شكرا لكل صديق وأخ من تربية طرطوس كان النا رفيق درب
شكرا لكل استاذ وانسة ومستخدم عرفتو بهال ١١ سنة
لاتواخذونا كنا حابين نكمل بس رب العالمين الو رأي آخر
لاتواخذوني اذا بيوم زعجت حدا فيكم .
لاتواخذوني اذا بيوم قصرت مع حدا فيكم.
حطيت الصورة هي لانها بتعبر عن كلشي جواتي اتجاهكم .
من اليوم ماعد في الاستاذ بشار بتمنى كون بذاكرتكم وبحياتكم ذكرى حلوة .
وللزملاء اللي انفصلو بشباط هي صرنا سوا وهلق قلبي ارتاح يعني حتى بهي ماخذلتكم .
من بكرا باب جديد باذن الله
السلام عليكم ورحمة الله
اذكرونا بالخير . ❤️
