Al-Hanan Preschool روضة الحنان

06/06/2026

الطفل الذي يسمع: "أحسنت، حاول مرة أخرى وستنجح" يختلف كثيرًا عن الطفل الذي يسمع: "أنت دائمًا تخطئ."
الكلمات المشجعة تبني شخصية قوية، وتزرع في الطفل الإيمان بنفسه، وهذا من أجمل الهدايا التي يمكن أن نقدمها له. 🌷

30/05/2026

عائلة الحنان ....
قلوب إجتمعت على المحبة
وأيدٍ تعبت بإخلاص، لتصنع لأطفالنا ذكريات جميلة وخطوات واثقة نحو المستقبل. شكرًا لكل فرد من هذا الكادر المتفاني الذي يزرع الحب والحنان ويمنح من وقته وجهده بكل محبة ❣️

29/05/2026

ساري المذوق والمبدع شكراً من القلب 🤍
وللأطفال الرااااااائعييين سيروا للأمام دائماً ولا تقفوا أبداً 🤍🙏
بالتوفيق يا حلوين في كل حياتكم

تخرج روضة الحنان 2026

27/05/2026

كل طفل اختار الحلم اللي ساكن بقلبه… دكتور، معلمة، طيار، فنان، مهندس، وغيرن كتير
يمكن الصور مجرد فكرة…
بس الثقة اللي بعين الطفل لما يحكي عن حلمه، هي البداية الحقيقية لكل شي جميل
ما تنسوا أحلامكن يا حلوين وضلوا اشتغلوا لتحققوها 🙏

27/05/2026

"Oh simple things…" and suddenly it’s graduation day 🥹 Tiny hands, sweet voices, unforgettable memories.

22/05/2026

قبل الحفلة الرسمية ولبس التخرج…حبّينا نعيش مع أطفالنا لحظات صغيرة من الفرح تخصّهم وحدهم
لحظات مليانة ضحكات، وذكريات حلوة،
قطعوا كيكة التخرج مع رفقاتهم اللي شاركوهم أجمل أيام السنة
لأنهم تعبوا، تعلّموا، كبروا…وبيستاهلوا نحتفل فيهم من القلب ❤️

21/05/2026

اليوم أسدلنا الستارة على سنةٍ جميلة، مرّت بكل تفاصيلها… بتعبها، بضحكتها، بضجيج الأطفال وفرحتهم الصغيرة اللي كانت تملأ المكان حياة ❤️
كبر أطفالنا خطوة جديدة، وتعلّمنا معهم الصبر والمحبة والفرح بالأشياء البسيطة.
كانت سنة مليئة بالذكريات اللي رح تبقى محفورة في قلوبنا دائمًا.
شكرًا لكل أهلٍ كانوا شركاء حقيقيين معنا، لكل كلمة طيبة، لكل ثقة، ولكل تعبٍ بُذل من أجل أطفالنا 🌸
سنشتاق لوجوههم، لأصواتهم، ولمشاكساتهم الجميلة…
ونسأل الله أن تبقى أيامهم القادمة مليئة بالنجاح والفرح والمحبة.
دمتم بخير، وكل عام وأطفالنا بألف خير 🤍

13/05/2026

كتير من أطفال الروضة ممكن يمدّوا إيدهم على ألعاب أو أغراض غيرهم بدون استئذان، وهالشي غالبًا ما بيكون “سرقة” بالمعنى الحقيقي، بل سلوك ناتج عن حب الاستكشاف، أو عدم فهم كامل لمعنى الملكية الخاصة بهالعمر.
المشكلة مو بالسلوك نفسه فقط… المشكلة بطريقة تعاملنا معه.
لما منقول لطفل صغير: “إنت حرامي”، نحنا ما عم نصف تصرفه فقط، نحنا عم نزرع بداخله صفة ممكن تكبر معه وتترك أثر على ثقته بنفسه وصورته عن ذاته.
الطفل بحاجة لتوجيه، مو لإهانة.
بحاجة يسمع:
“هاد مو إلك، لازم تستأذن.”
“تعال نرجّعو لصاحبه.”
“شو فينا نقول قبل ما ناخد غرض غيرنا؟”
التربية الحقيقية مو بالعقاب القاسي أو الكلمات الجارحة، بل بالصبر والتكرار والتعليم الهادئ.
لأن الطفل اللي منتعامل معه باحترام… بيتعلّم يحترم الآخرين 🌷