T .Hanadi Moussa

T .Hanadi Moussa Contact information, map and directions, contact form, opening hours, services, ratings, photos, videos and announcements from T .Hanadi Moussa, Education, Lattakia.
(7)

🎓 أ. هنادي موسى | خبيرة تعليم الفيزياء والرياضيات
🔬 إجازة في الفيزياء بخبرة تزيد عن 10 سنوات في المجال التعليمي.
📚 متخصصة في تدريس:
الرياضيات والفيزياء (لطلاب الشهادات والمراحل الانتقالية).
الكيمياء والفيزياء (للمرحلة الثانوية بفرعيها العلمي والمهني).

22/08/2026

#هااام || تحديد معدل التقدم للمركز الوطني للمتميزين للناجحين بالصف التاسع ب 90%، وذلك بعد تثقيل مادتي الرياضيات والعلوم.

21/08/2026

📚✨ التسجيل بالدورات الجديدة بلّش!

إذا كنت طالب تاسع، مرحلة انتقالية، بكالوريا علمي أو بكالوريا مهني وبدك تقوّي مستواك بالفيزياء والكيمياء، فهاي فرصتك تبدأ صح. 🤍

مع الآنسة هنادي موسى
شرح واضح • تدريب مستمر • حل أسئلة • متابعة خطوة بخطوة 💪

🎯 هدفنا مو بس تجيب علامة…
هدفنا إنك تفهم المادة وتدخل امتحانك واثق من حالك.

📩 للتسجيل والاستفسار: راسلنا عالصفحة
واحجز مكانك بالدورات الجديدة.

#فيزياء #كيمياء

قصص نجاح بقية طلابنا رح تنزل تباعاً ❤️مو بس لحتى نحكي عن العلامات والنتائج…لكن لحتى كل طالب بهالسنة يشوف حاله بقصة من ها...
19/08/2026

قصص نجاح بقية طلابنا رح تنزل تباعاً ❤️

مو بس لحتى نحكي عن العلامات والنتائج…
لكن لحتى كل طالب بهالسنة يشوف حاله بقصة من هالقصص، ويعرف إنو كل مشكلة إلها حل، وكل خوف ممكن نتجاوزه، وكل بداية متأخرة ممكن نلحقها. 🌷

كل طالب من طلابنا عنده قصة مختلفة، وتعب مختلف، وطريق مختلف…
بس الشي المشترك بينهم كان الإصرار، والاجتهاد، والاستمرار.

خليكم متابعين…
يمكن قصة أحد طلابنا تكون هي الدافع اللي طالب بحاجة يسمعها هالسنة. ❤️✨

ولكل طلابنا الجدد… دوركم بلّش هلأ. 🫶🏻

قصة ليمار 🤍ليمـار كانت من الطلاب اللي سجلوا بالاختبارات بس… يعني ما كان معنا نفس الوقت الطويل للتحضير والمتابعة.بس ليمار...
19/08/2026

قصة ليمار 🤍

ليمـار كانت من الطلاب اللي سجلوا بالاختبارات بس… يعني ما كان معنا نفس الوقت الطويل للتحضير والمتابعة.

بس ليمار أثبتت إنو الوقت مو هو العامل الوحيد اللي بيصنع النجاح. ❤️

اشتغلت، اجتهدت، وثقت بحالها، وما سمحت لضيق الوقت يكون عذر.

والنتيجة؟
علامة ممتازة بالعلوم 👏🏻✨

قصة ليمار بتثبت إنو النجاح مو مرتبط بعدد الساعات ولا بطول الفترة…
أحياناً اللي بيصنع الفرق هو قديش أنت مصمم، وقديش بتثق بحالك، وقديش بتستغل الوقت اللي معك.

برافو ليمار ❤️
فخورة فيكي جداً… لأنك أثبتّي إنو الإصرار والاجتهاد والثقة بالنفس ممكن يختصروا طريق طويل. 🌷

قصة حمزة سلمان 🤍حمزة بلّش معنا العلوم بوقت متأخر، وبوقتها أنا ورفقاته كنا تقريباً قاطعين نص المنهاج… فكان قدامه فرق كبير...
19/08/2026

قصة حمزة سلمان 🤍

حمزة بلّش معنا العلوم بوقت متأخر، وبوقتها أنا ورفقاته كنا تقريباً قاطعين نص المنهاج… فكان قدامه فرق كبير يلحقه.

بس حمزة من أولها قاللي بكل ثقة:
«انسه، أنا باخد الباقي من رفقاتي وبكمّل لحالي.» ❤️

وبالفعل… ما خلّى تأخره يكون عذر، ولا خلّى كرهه للحفظ يوقفه.

شدّ حاله، لحق اللي فاته، واجتهد على قد ما قدر… والأهم إنو أصرّ يكمل للنهاية.

وقدرنا نعمل نتيجة ممتازة جداً مقارنة بالوقت والظروف اللي بلّشنا فيها. 👏🏻❤️

قصة حمزة بتثبت إنو مو دائماً البداية هي اللي بتحدد النتيجة…
أحياناً الإصرار والاستمرار بيعملوا فرق أكبر بكتير مما منتوقع.

برافو يا حمزة…
فخورة فيك وبإصرارك إنك ما استسلمت من البداية. ❤️🌷

قصة رحمة 🤍رحمة كانت عندها رهاب حقيقي من المسائل وحلّها…وأما التحويلات؟ فكانت بالنسبة إلها قصة تانية تماماً! 😂مجرد ما تشو...
19/08/2026

قصة رحمة 🤍

رحمة كانت عندها رهاب حقيقي من المسائل وحلّها…
وأما التحويلات؟ فكانت بالنسبة إلها قصة تانية تماماً! 😂
مجرد ما تشوف تحويل، بيبلّش الخوف قبل ما نبلّش الحل.

بس ما خلّينا الخوف يقرر عنها.
اشتغلنا خطوة خطوة، جرّبنا، غلطنا، رجعنا حلّينا… لحد ما الشي اللي كان يخوّفها صار شي بتقدر تواجهه بثقة. ❤️

والأجمل إننا ما تجاوزنا الخوف وبس…
حوّلنا الخوف لعلامة ممتازة. 👏🏻✨

رحمة، أنا فخورة فيكي جداً…
مو بس لأنك جبتي علامة حلوة،
بل لأنك أثبتّي إنو الشي اللي منخاف منه اليوم، ممكن يكون هو نفسه مصدر فخرنا بكرا. ❤️

برافو يا رحمة… بطلة بكل معنى الكلمة. 🌷

قصة حمزة 😂❤️حمزة… الطالب اللي ما كان يترك فرصة إلا ويقول:«انسي، أنا حفظت من الدرس وقت كنتِ عم تشرحي!» 😂وبعد شوي… بنرجع ل...
19/08/2026

قصة حمزة 😂❤️

حمزة… الطالب اللي ما كان يترك فرصة إلا ويقول:
«انسي، أنا حفظت من الدرس وقت كنتِ عم تشرحي!» 😂

وبعد شوي… بنرجع للواحدات، وبنكتشف إنو الواحدات عند حمزة كأنها عم تهبط من الفضاء الخارجي وما إلها أي علاقة بالدرس! 😂🚀

بس بعيداً عن كل هالمواقف، حمزة كان عنده شي أهم بكتير…
التزام.

التزمنا، اجتهدنا، وانضبطنا، ومع الوقت قدر يحوّل كل طاقة الحكي والمزح لطاقة اجتهاد واستمرار. ❤️

وهاي هي القصة اللي بفتخر فيها أكتر من أي علامة…

إنك ما لازم تكون الطالب المثالي من أول يوم، المهم تعرف كيف تطوّر حالك، وتستمر، وما تستسلم.

حمزة كان خير مثال على الطالب اللي حوّل طاقة الحكي إلى طاقة إنجاز. 👏🏻❤️

فخورة فيك يا حمزة… وبكل خطوة عملناها سوا. 🌷

قصة زينب 🤍زينب من الطلاب اللي بيخلّوك تؤمن إنو الاجتهاد الحقيقي مو بس وقت الامتحان…خلصنا معها من الصيف، وكان ممكن تعتبر ...
19/08/2026

قصة زينب 🤍

زينب من الطلاب اللي بيخلّوك تؤمن إنو الاجتهاد الحقيقي مو بس وقت الامتحان…

خلصنا معها من الصيف، وكان ممكن تعتبر إنو خلص دورها وتترك الدراسة لآخر فترة، بس زينب اختارت تضل محافظة على مستواها وتشتغل على حالها بهدوء واستمرار.

ما احتاجت عشرات الجلسات قبل الامتحان…
كم جلسة مراجعة كانت كافية، لأنها طول الفترة كانت عم تحافظ على تعبها ومستواها. ❤️

وهون بالضبط بيبان الفرق بين الطالب اللي بيدرس مشان الامتحان، والطالب اللي فعلاً بنى مستواه من وقت بكير.

زينب…
بطلة بكل ما تعنيه الكلمة من معنى. 🥹❤️

فخورة فيكي وبالتزامك، وبالطريقة اللي حافظتي فيها على تعبك من الصيف لحد يوم الامتحان.
والأجمل؟ إنك أثبتي إنو الاستمرارية أحياناً أقوى من الدراسة الكثيرة قبل الامتحان. 🌷

زينة وقصتها مع العلوم 🤍زينة من الطلاب اللي ما بتحب الحفظ أبداً… وكل ما كنا نبلّش بالعلوم كانت تقوللي:«ذكريني بأول كلمة!»...
19/08/2026

زينة وقصتها مع العلوم 🤍

زينة من الطلاب اللي ما بتحب الحفظ أبداً… وكل ما كنا نبلّش بالعلوم كانت تقوللي:
«ذكريني بأول كلمة!» 😅

وكانت هاي المشكلة الصغيرة تحدّي إلنا… بس شوي شوي، ومع التدريب، قدرت تتجاوز خوفها من الحفظ وتفهم المعلومة بدل ما تحفظها بس.

والنتيجة؟ علامة ممتازة بالعلوم العامة 👏🏻❤️

أما الفيزياء والكيمياء؟
هون كانت بطلة الأبطال بكل معنى الكلمة! 🔥♥️

أكتر شي بحبه بقصة زينة إنو العلامة ما كانت بس نتيجة دراسة… كانت نتيجة إنها ما استسلمت لنقطة كانت صعبة عليها، وظلت تحاول لحد ما صارت سهلة.

فخورة فيكي يا زينة… وبكل خطوة قطعناها سوا. ❤️

لطلاب التاسع… هالحكي إلكم من القلب 🤍إنتوا تعبتوا… اجتهدتوا… درستوا، حاولتوا، وخفتوا، ويمكن مرقت عليكم أيام حسيتوا فيها إ...
19/08/2026

لطلاب التاسع… هالحكي إلكم من القلب 🤍

إنتوا تعبتوا… اجتهدتوا… درستوا، حاولتوا، وخفتوا، ويمكن مرقت عليكم أيام حسيتوا فيها إنكم ما عاد فيكم تكفّوا… بس كملتوا.

عملتوا يلي عليكم، وما قصّرتوا أبداً. 🤍

وبدي قلكم شغلة من تجربتي أنا…

لما كنت بالتاسع جبت 295 من 310، ومع هيك قالولي:
«مبروك… بس كان فيكي تجيبي أكتر.»

وبالبكالوريا جبت 215 من 240، وبرضو سمعت نفس الكلام.

ولما اخترت الفيزياء، صار السؤال:
«ليش ما اخترتي هندسة؟»

وقتها فهمت إنو حكي الناس ما بيخلص.

كل ما توصل لشي، رح يطلع حدا يقلك:
كان فيك تعمل أكتر…
كان فيك تجيب أعلى…
كان فيك تختار أحسن…

بس ما حدا كان محلك.
ما حدا عاش تعبك، ولا عرف خوفك، ولا شاف كل مرة حاولت فيها وما استسلمت.

لهيك اليوم، إذا حدا قالك:
«مبروك… بس كان فيك تجيب أكتر»
لا تخلي هالكلمة تسرق فرحتك.

ابتسم… وكون فخور بحالك. 🤍

لأنك بتعرف قديش تعبت لتوصل لهون.

العلامة رقم… بس تعبك، محاولاتك، وخطواتك كلهم إنجاز.

مبروك يا أبطال التاسع 🌸
كونوا راضيين عن حالكم… لأن حكي الناس ما بيخلص، بس إنتوا لازم تضلوا فخورين بحالكم .

Address

Lattakia

Website

Alerts

Be the first to know and let us send you an email when T .Hanadi Moussa posts news and promotions. Your email address will not be used for any other purpose, and you can unsubscribe at any time.

Shortcuts

Share

Category