بكلوريا تجارة

يسعد اوقاتكم جميعا 💜🍃
هاد المنشور لطلاب الثانوية التجارية والمنشور طويل منشان ما تسبوني 😂 عملو تاغ لرفيقك او لرفيقتك لبدرسو بالثانوية التجارية .
حبيت انشر اليوم تجربتي كخريج ثانوية تجارية وبعض النصائح لجميع الطلاب وخاصة الطلاب يلي هدفها انو تدرس بكلية الاقتصاد
بداية مشواري بمدرستي الثانوية التجارية في الكسوة
صراحة ماكنت حابب هلفرع ابدا ابدا لأن الناس همشو هلفرع انو شو طلعلك تجارة ☺ فلفكرة انو كرهت هلفرع وقررت ماعد كمل ، وأذ بتجي الانسة يلي بقمة اللطافة يلي ما بنساها بحياتي بلشت تعرفني علمواد كأساسيات محاسبة ومدين ودائن واصول وخصوم فعلا حبيت المواد وبلشت اتعمق فيها اكتر واكتر صرت حب التجارة من هديك اللحظة وصرت حبب رفقاتي حتى فيها ، حتى بيجي اليوم يلي بتجي في امتحانات الفصل الاول فهون علاماتي بلمواد الاختصاص كلها تامة والاول عصفي فهون أجاني الألهام معناها انا فيني ادرس المواد التانية وصير من المتفوقين بلفصل التاني هون ابدعت كنت الاول عمدرستي فرحة لا توصف لما تكون محط أنتباه للكل والكل بيحكي عنك فهون قررت انو دائما حكون هيك وأبدع انا لحد هلئ مافي هدف يعني ما بعرف اذا في كلية اقتصاد ، بلحادي عشر كانت من اروع التجارب وهون صرت اعرف انو لازم اتفوق بلبكلوريا بمعدل ممتاز لتفوت علكلية فهون خفت انو انا صرت من المتفوقين بلكي ما طلعلي جامعة يعني الخوف بلش يأثر عدراستي ، بس بتشكر الكادر التدريسي عنا بلمدرسة هنن يلي دعموني لحظة بلحظة خلصت الحادي عشر وطلعت كمان من الاوائل خلصنا التأسيس وبلشنا بلجد ووصلنا علبكلوريا هلئ النقطة هون الأهم
كيف تعاملت مع المواد وكيف كانت دراستي وبرنامجي وشو صار معي بفترة البكلوريا
اولا حبيت المواد الأختصاص بشكل مو طبيعي بﻷخص منشأت مالية والرياضيات والاحصاء 💜
تعاملي كان مع المواد بكل أريحية كل مادة باخدها برجع علبيت بلخص الشي المهم واذا في ملاحظات بحطها لأن وئت الامتحان النهائي مارح ارجع غير للشي يلي انا كتبتو ، المواد العملية ولا بتذكر أني حفظت شي ابدا ابدا دائما كنت افهم وحل عن فهم بلدرس وارجع طبق بلبيت ومشكورين الأساتذة من اروع الاشخاص وتحديدا استاذي القدير أ.عبد العزيز عليا فعلا يعني العملي فهم ثم فهم ثم فهم والشي يلي خلاني افهم بسرعة كنت عيش اللحظة لكل مادة مثلا منشأت مالية بحث الايداع والقروض بعتبر حالي بشتغل بمصرف وبتعامل عأساسها وديرو بالكن تقولو علفاضي مافي داعي اتعمق فيهن لاااء بلعكس لما تخلصو بكلوريا رح تعرفو لبئصدو ئديش حتتعاملو فيها بلحياة العملية وغير هيك بلجامعة ، وبلنسبة للمواد النظري يلي هية عقدة بلنسبة للكل وئلي كمان لاحدا يزعل ، التركيز التام على التسويق و الوطنية أهم مادتين بلنظري تعاملت معهن كنت لخص كل درس بدرسو وبدرسها بنفس اليوم وبضل سمع واعمل اختبار فيهن يا جماعة رح تجي لحظة تكرهو تكملو من ورا هلمادتين بس اصحكن طموحكن ينهز ياما بتعب وبنكسر من ورا هلمادتين بس لحمدلله برد برجع لأن بدي وصل لهدفي لو شو ماكان هي سنة بتتعب وخلص ويا جماعة حاسوب حضرو لتاخدو علامة العملي لا تهربو لأن مهمة ،واللغة الانكليزية بنصح تتابعوها من بداية السنة مع شي استاذ او انسة والمواضيع لا تراكمو عليكن نصيحة ،واللغة العربية يلي ضعيف بلاعراب وهي القصص كمان يشوف استاذ او انسة لأن علامتها كمان مهمة ، هيك بشكل عام كانت ترتيباتي لدراسة المواد يعني انا مو ولدت عبقري 😑 لو عبقري ماكانت علاماتي تفوتني التجارة
هلى خليني أختمها بنصائح لهلسنة :
- لا ترافق يلي مو سائل وبس عم يدرس ليأجل بلنسبة للشباب
- لا يكون عندك رهبة أنك ما حتقدر وما حتوصل نصيحة أبدع وخليك/ي محط انتباه الجميع لأن رح يفيدكن هلشي
- لا تتشتت بكذا حدا بلدراسة ادرس بمكان واحد فقط مو مليون واحد ومرجعيتك الكتاب ثم الكتاب نوطات لا تشترو بلنسبة للعملي اذا بتحل مسائل الكتاب معناها بىلك علاماتك تامة بلعملي
- ناقشو وطلعو ونافسو رفقاتكن خلي عندكن حب المنافسة
- حط بشنطتك دفتر خاص بلملاحظات والنكشات
- ولا تتحمسو زيادة عن اللزوم لأن بتحرقو حالكن
أسف علاطالة......
انا كنت معكن محمود الابراهيم خريج ثانوية تجارية بلكسوة عام 2020 بمعدل 95.59%
مافي شي مستحيل يا جماعة ونشالله بلتوفيق للجميع 💜