Bites Lectures

31/05/2021

صباح الخير 🌷

بتعرفو أنو الطفل أول ست شهور من عمرو مو بحاجة طعام أو شراب غير حليب الأم 👶❤

05/05/2021

لازم تعرف أنو فقر الدم بعوز الحديد لازم ينعرف سببه وهالشي أهم من علاجه 👌

30/04/2021

لازم تعرف شو هي ال ABC تبع مريض السكري
🚩 ال A هيي ال A1Cوهو الخضاب السكري:
تحليل مخبري بقيس قيمة الخضاب السكري ضمن الكريات الحمر
ولأنو عمر هالكرية 3 شهور (120 يوم) فهالتحليل كتير مهم لأنو بعبر عن ضبط قيم سكر الدم آخر 3 شهور.
وطبعا لازم يضل أقل من 7

🚩 ال B هي blood pressure ضغط الدم:
يجب ضبط ضغط دم المريض تحت 140/90 لتجنب أمراض الأوعية والقلب والكلية اللي بترافق الداء السكري
مع أهمية التذكير بزيارة طبيب القلبية والكلية كل 6 شهور على الأقل.

🚩ال C هي cholesterol مستوى كولسترول الدم:
يجب ضبطه بقيم LDL تحت 100 وذلك بالحمية والتمارين الرياضية وإعطاء كل مرضى السكري بعمر فوق ال 40 دواء الستاتين لضبط معدل الكولسترول

دمتم بخير وصحة وعافية أنتم ومن تحبون 🌷

22/04/2021

لازم تعرف شو الفرق بين الصاد (المضاد الحيوي) ومضاد الالتهاب!

✴المضاد الحيوي دوا بيقتل الجراثيم✅
مانو مسكن ❌
مانو خافض حرارة❌
مابفيد بالرشح والاحتقان الأنفي أو البلعومي❌

🚫ولا يؤخذ بدون وصفة طبية🚫

✴مضاد الالتهاب هو دوا بيوقف أو يخفف الالتهاب بالجسم
طب ياترى الالتهاب سيء لنوقفه؟

لاء، بس أعراضه مزعجة لهيك نسعى لتخفيفها بمضادات الالتهاب

وضمن هالفئة بتجي
⚡ اللاستيروئيدية متل البروفن و الديكلون
⚡ الستيروئيدية وهي الاقوى شوي وبتتضمن الكورتيزون

هي منقدر ناخدها كخوافض حرارة أو مسكنات الم✅

طبعا بعد قراءة النشرة والانتباه للجرعة والتأثيرات الجانبية لأنو بتسيء أحيانا لضبط ضغط الدم أو بتوجع المعدة🤕

اتركولنا بالتعليقات أي أسئلة بتحبو نجاوب عليها
وشاركو البوست مع رفقاتكن ❤

21/04/2021

صباح الخير ورمضان كريم 🌙❤

بكل سنة شركة زين للاتصالات بتنزل إعلان بيحمل رسالة معينة, ورسالتن هالسنة كانت الدعوة لأخذ لقاح فيروس كورونا.

لهيك اليوم رح نحكي عن لقاح فيروس كورونا, ورح نتركلكن رابط الإعلان بنهاية البوست لتستمتعو فيه 🌷

تم تطوير عدة أنواع من اللقاحات لفيروس كورونا رح نحكي عنن باختصار:

⚡لقاح Pfizer-BioNTech
يعطى لكل الأشخاص فوق عمر 16
يعطى على جرعتين بفاصل 3 أسابيع
يؤمن الوقاية بعد تاني جرعة بأسبوعين

⚡لقاح Moderna
يعطى لكل الأشخاص فوق 18
يعطى على جرعتين بفاصل 4 أسابيع
يؤمن الوقاية بعد تاني جرعة بأسبوعين

⚡لقاح Johnson & Johnson’s Janssen

تم إيقاف استخدامه مؤخراً بسبب تأثيراته الجانبية💔

⚡لقاح AstraZeneca/Oxford vaccine
يعطى لكل الأشخاص فوق 18
يعطى على جرعتين بفاصل 8 ل 12 أسبوع والفاصل الأكبر يترافق مع فعالية أعلى
يؤمن الوقاية بعد تاني جرعة بأسبوعين
هو اللقاح الأقل تأكداً من فعاليته والبيانات المتوفرة بتقول أنو نسبة فعاليته 63.09% بالحماية من الإصابات العرضية.✅

- هل أخذ اللقاح بيسمحلي بطل اتخذ إجراءات وقاية؟
للحقيقة اللقاح يخفض احتمال أنك تنقل العدوى ولا يمنعه بالتالي أنت كشخص أخذ اللقاح ملزم تلبس الكمامة لحماية الأشخاص حواليك.

- هل يؤمن اللقاح مناعة دائمة؟
الدراسات حول فيروس COVID 19 كلها جديدة وجواب منظمة الصحة العالمية لهالسؤال هو مامنعرف.
لكن الأرجح أنو يؤمن مناعة لعدة أشهر على الأقل والحكي نفسه بينطبق عالإصابة بالفيروس.

- هل ممكن يسبب أخذ اللقاح إيجابية اختبارCOVID 19 كاذبة؟
لا, اللقاح يولد أضداد للفيروس بالجسم وبالتالي تحري الأضداد بيصير إيجابي.
أما الPCR هو اختبار دقيق جداً وإيجابيته ولو أنت آخد اللقاح تعني أنك مصاب وناقل للعدوى ولو كنت بدون أعراض

- ممكن إعطاء اللقاح لسيدة مرضعة؟
نعم, ولاداعي لإيقاف الإرضاع بعد التلقيح.

- إذا كنت مصاب حديثاً بالفيروس, في داعي آخذ اللقاح؟
نعم, لأن الإصابة ممكن تتكرر, لكن نظراً لقلة توفر اللقاح ينصح بتأجيل أخذه 6 شهور بعد الإصابة لتسمح لغيرك ياخده.

دمتم بخير وصحة وعافية ❤ اتركولنا أي سؤال بدكن ياه بالكومنتات ورح نجاوب عليه ببوستات قادمة🌷

ورح نترككن هلق مع إعلان شركة زين
مشاهدة ممتعة ❤

إختراع اللقاح يدل على ذكاء الإنسان. أما أخذه، فيدل على ذكاء الإنسانية. بادرة زين بالتعاون مع منظمة الأمم المتحدة للطفوله UNICEF لمحاربة الوباءInventing the v...

15/04/2021

صباح الخير

اليوم رح نحكي عن موضوع شائع وبيشغل بال الأهل كتير وهو ارتفاع الحرارة عند الأطفال

🌷بداية خلينا نعرف الحرارة الطبيعية وكيف منقيسها:

في ٣ طرق لنقيس حرارة الطفل هن :
-القياس الشرجي وهو الأفضل وبعبر عن حرارة الجسم الداخلية.

-القياس الفموي ومنفضلو عادة بأعمار تسمح بالتعاون مع الطبيب وبتكون عادة أخفض من حرارة الجسم ب 0.6 درجة من القياس الشرجي، انتبهو أنو بيغير فيها تناول حديث لمشروب ساخن أو بارد.

-القياس الإبطي بتتنوع درجاته بشدة ويستخدم فقط بحال مافينا نستخدم الفموي لأي سبب.

🌷 طيب شو هيي القياسات الطبيعية والقياسات يلي مالازم نخاف منها؟

-حرارة الجسم الطبيعية بأعلى حد صباحاً بتوصل ل 37.2

وخلال النهار عادي توصل ل 37.7

وأكيد بتتنوع حسب النشاط والعمر ووقت النهار والطور الطمثي بالنسبة للسيدات.

🌷منجي للأهم؛ ايمت لازم خاف عطفلي من الحرارة؟

👶بعمر من الولادة حتى 28 يوم الحدالأعلى المقبول للحرارة هو 37.5 و بتكون مثيرة للقلق وذات أهمية إذا زادت عن 38 🆙️

👧👦بعمر 3 وحتى 36 شهر يعرف ارتفاع الحرارة فوق 38 وبكون مثير للقلق فوق 39 🚨

🙋‍♀️🙋‍♂️أما الأطفال الأكبر من هيك والبالغين منقول عندن ارتفاع حرارة مثير للقلق لما تزيد الحرارة الفموية عن 39.5 🌞

🌷 في كم فكرة مهمين نخلين ببالنا:

مافي اي دليل انو الحمى فوق 40 بتئذي الدماغ.

العلاج الأولي للحمى هو الراحة والسوائل.

مافي داعي نفيق الطفل لنعطيه خافض الحرارة طالما نايم ومرتاح.

الجرعة لخافض الحرارة بتعتمد عالوزن

أخيرا دمتو بخير أنتو وكل أحبائكم❤

اتركولنا بالتعليقات أي موضوع حابين تعرفو عنه

06/04/2021

ارتفاع الضغط الشرياني أشيع الأمراض حول العالم

يشخص بقياس ضغط دم أعلى من 120/80

يتم تدبيره أولياً بتعديل نمط الحياة👌:

1- خسارة الوزن أثبتت أنو خسارة ١٠ كغ تنقص الضغط الانقباضي بين 5 و 20 مم زئبقي.

2- الحد من استهلاك الكحول ل 30 مل ايثانول عند الرجال و15 مل عند النساء و الأشخاص النحيلين بنقص الضغط الانقباضي بين 2 و 4 مم زئبقي.

3- الحد من استهلاك الصوديوم (الملح) إنقاص 6 غرامات تنقص الضغط الانقباضي بين 2 و 8 مم زئبقي.

4- تناول كميات كافية من البوتاسيوم والكالسيوم.

5-إيقاف التدخين وحد استهلاك الدهون المشبعة والكولسترول.

6- تمارين الآيروبيك ل 30 دقيقة يومياً لأغلب ايام الأسبوع.

هي التدابير ممكن تقدر لوحدها تضبط ضغط الدم خصوصاً بالأعمار تحت 60 يلي قيم ضغط الدم عندن أقل من 150 بالنسبة للضغط الانقباضي.❤

أما في حال ماكانت كافية منبدأ العلاج الدوائي 💔 يلي بيستمر بمجرد بدؤه مدى الحياة👌

اكتبولنا بالتعليقات رأيكن وإذا عندكن أي سؤال أو موضوع حابين نحكي فيه لاحقاً

دمتم بخير أنتو والناس يلي بتحبوهن ❤

30/03/2021

بمناسبة يوم الطبيب العالمي ❤ منبشركن بالانطلاقة الجديدة لصفحتنا bites lectures 😌

الصفحة رح تقدم معلومات طبية✅
دقيقة✅
باللغة العربية✅
تفيد عامة الناس، سواء عن التدبير الأولي لحالة إسعافية أو التدابير اليومية للأمراض المزمنة.

ادعمونا بالمشاركة مع أهلكن وأحبابكن وكل يلي بيهمكن يبقو بصحة جيدة 🤗

و اتركولنا بالتعليقات الحالات والأمراض يلي حابين تعرفوا عنها أكتر❤

26/10/2017

مراجعة سبيل تحلل الغلوكوز
Review of Glycolysis

انضموا لقناتنا الرسمية على اليوتيوب:
https://www.youtube.com/channel/UC-WRRdIP_NnPYZn5NNZvoYQ

إعادة سريعة وملخصة لسبيل تحلل الغلوكوز Quick summarized review of glycolysis انضموا لقناتنا الرسمية على اليوتيوب: https://www.youtube.com/channel/UC-WRRdIP_N...

22/10/2017

المرحلة الثالثة من سبيل تحلل الغلوكوز (الخطوات 3-4-5)
Stage 3 of Glycolysis (Steps 3-4-5)

انضموا لقناتنا الرسمية على اليوتيوب:
https://www.youtube.com/channel/UC-WRRdIP_NnPYZn5NNZvoYQ

شرح مفصل عن ثالث مراحل سبيل تحلل الغلوكوز بخطواتها الثالثة والرابعة والخامسة Detailed demonstration of the third stage of glycolysis - third, fourth and fift...

20/10/2017

المرحلة الثالثة من سبيل تحلل الغلوكوز (الخطوات 1-2)
Stage 3 of Glycolysis (Steps 1-2)

انضموا لقناتنا الرسمية على اليوتيوب:
https://www.youtube.com/channel/UC-WRRdIP_NnPYZn5NNZvoYQ

شرح مفصل عن ثالث مراحل سبيل تحلل الغلوكوز بخطوتيها الأولى والثانية Detailed demonstration of the third stage of glycolysis - first and second steps انضموا لق...

18/10/2017

المرحلة الثانية من سبيل تحلل الغلوكوز
Stage 2 of Glycolysis

انضموا لقناتنا الرسمية على اليوتيوب:
https://www.youtube.com/channel/UC-WRRdIP_NnPYZn5NNZvoYQ

شرح مفصل عن ثاني مراحل سبيل تحلل الغلوكوز detailed demonstration of the second stage of glycolysis انضموا لقناتنا الرسمية على اليوتيوب: https://www.youtube.c...