شذى زهر shaza zahr

شذى زهر shaza zahr تعلّم اللّغة كنز يبقى معك ماحييت !فماذا تنتظر؟! 🇱🇷🇬🇧👌🏻
(1)

20/02/2026

ببساطة نحنا بالصف منقول.. ششششششششش ومنخبط عالدرج😂 صح ولا لا ..ادعمولنا الفيديو تعليقات ولو بتم 🌹🙏🏻وضلو بخير
#تعليم #لغة #رمضان #درس #دروس #أونلاين

رابعاً: Past Perfect Continuousماضي تام مستمر :كيف بحفظ صيغتو هاد 🥲بسيطة☺️..ماضي تام يعني hadتام مستمر يعني (been + (v+ ...
13/02/2026

رابعاً:
Past Perfect Continuous
ماضي تام مستمر :
كيف بحفظ صيغتو هاد 🥲
بسيطة☺️..
ماضي تام يعني had
تام مستمر يعني (been + (v+ ing
(had been + V-ing) اذا صيغتو
الفكرة العامة⚜️:
👌🏻شي كان مستمر فترة
👌🏻 قبل حدث بالماضي
👌🏻 التركيز على المدة وليس الانجاز
♦️I had been studying all day, so I was tired.
يعني انا كنت عم ادرس كل اليوم لذلك انا هلق تعبان ..هون التشديد والتاكيد على فكرة
(كل اليووووم😭)فانا هون بدي فهمك قديش كان الي عم ادرس..لذلك انا تعبااانة.
♦️We had been waiting you for an hour.
(النا ناطرينك ساعة😡)هون بدي نبهك انك نطرتنا كتيييير يعني بدي اكد عالمدة لذلك استخدمت ماضي تام مستمر وليس ماضي تام
رح وضح اكتر وأكتر 👌🏻شوفولي الفرق بين الجملتين :
1.Before I slept, I had read a book.

2.Before I slept, I had been reading for 3 hours.
بالجملة الاولى عم خبرك عن حدث صار قبل حدث بالماضي واكدلك عالانجاز الي عملتو .☺️👌🏻
اما بالجملة التانية عم خبرك ع حدث صار قبل حدث بالماضي وعم أكدلك كتير عالمدة الي قضيتها وانا عم اعمل هالحدث(ثلااااااااااث ساعات قريييييت 🥹تخيل..تعا افتخر فيي 💃💃)

بظن هيك صار تمام👌🏻🫢..وهلق حطولنا تعليقات وارفعو المنشور بعد اذنكم وعن شو حابين نحكي وعن شو حابين يكون الشرح بوست الجاي 👆🏻😊

هلووووو👋🏻عليكم ياجماعة ..يالله مكملين بالفعل التام الي ابدا ماعاد يلبكنا لانو فصلناه بمنشورات غير شكل😊 ..واليوم رح نكفي ...
05/02/2026

هلووووو👋🏻عليكم ياجماعة ..يالله مكملين بالفعل التام الي ابدا ماعاد يلبكنا لانو فصلناه بمنشورات غير شكل😊 ..واليوم رح نكفي :
ثالثاً: Past Perfect الماضي التام
صيغتو ..ولا اهون ..تعالو قلكم 🤓
دايما مع التام have او has
وهون لانو ماضي ..
فالماضي من have و has هو had..
والفعل بالتصريف الثالث V3
فببساطة ☺️
(had + V3)صيغتو

الفكرة العامة⚜️:
👉 حدث صار قبل حدث تاني بالماضي
ركزووووووو معي ...
الي صار من زمان هو فعلنا الماضي التام..الملعون🫢
والفعل التاني صار بعدو ..الدرويش لدرجة كان متأخر لأنو بسيييييط و على نياتو 🥹ماضي بسيط..
مثلا :
♦️ I had finished my homework before I went out.
أول شي خلّصت كتابة وظايفي(ماضي تام) 🙂
بعدين طلعت(بالماضي البسيط)☺️..اتذكرو (اتاخر)
♦️She had left when I arrived.
(هي طلعت، وبعدين أنا وصلت)
اول حدث ☝🏻هي طلعت..الاقدم ..الماضي التام
تاني حدث ☝🏻انا وصلت..تأخر ..لانو بسيط
بعد هالشرح مابيصير تنسى مين بيتاخر (البسيط الحباب الدرويش🥹)ومين الملعون الي بيصير قبل (🫢التام)
بنفس الطريقة :
I opened the door and I saw that someone had left a note
شو الحدث الاول؟؟ وشو صيغتو ؟
شو الحدثين التانيين ؟؟
اكتبولنا اجاباتكم او آراؤكم وضلو بخير🙏🏻

مرحبا يا جماعة👋🏻يالله مكملين معكم اليوم بالأزمنة🔥 :ثانياً:الزمن الحاضر التام المستمر Present Perfect Continuousطيب شو ص...
30/01/2026

مرحبا يا جماعة👋🏻يالله مكملين معكم اليوم بالأزمنة🔥 :
ثانياً:الزمن الحاضر التام المستمر
Present Perfect Continuous
طيب شو صيغتو؟
صيغتو :
♦️(have / has been + V-ing)

الفكرة العامة :

شي بلش بالماضي

ولسًا مستمر و أثره واضح..مثلا اذا بدي قول :الي عم أدرس من تلات ساعات😭 ولساتني عم ادرس... تعبت🤦🏻‍♀️

♦️I have been studying for three hours.
عم أدرس من 3 ساعات ولساتني عم ادرس.
اذا بدي قول مثلا رفيقتي الها عم تشتغل هون من ٢٠٢٠..ولساتها
♦️She has been working here since 2020
كلمات بتحب 😍هالزمن

👆🏻for

👆🏻sinc

👆🏻all day

👆🏻all week ....
وهلق قولولي شو الفرق 👇🏻 بالمعنى بين :
1.I have read the book .حاضر تام
2.I have been reading the book
حاضر تام مستمر
اذا حابين نكفي بالازمنة علقولنا بتم 👍🏻وضلو بخير

مراحب يا جماعة 👋🏻..بكرى طالبة غالية عقلبي كتير عندها فحص قيد مجستير ..ولمن سالتها شو الي حاسة حالك مامركزتيه زيادة..قالت...
28/01/2026

مراحب يا جماعة 👋🏻..بكرى طالبة غالية عقلبي كتير عندها فحص قيد مجستير ..ولمن سالتها شو الي حاسة حالك مامركزتيه زيادة..قالتلي كل شي عن الزمن التام 🥹ومعها حق هالزمن بيتلبك فيه اغلب الطلاب ..طبعا انا شرحتلاياهن والامور تمام ..وقررت اني انشر عن هالزمن تباعا ورح ابدأ اليوم ب
او الي منقلو باللغة الانجليزية : Present perfect
منبدا اولا ..صيغتو : ☝🏻(have / has + V3)
طيب..ايمت منستخدمو ..ولأي الأغراض:
👌🏻 شي صار بالماضي
👌🏻 بس النتيجة هلق موجودة
👌🏻 أو تجربة بحياتك
📌 متل اذا رحت لعند رفيقتي ولقيتها عم تتغدى فهون هي بتسألني ..تغديتي ؟ ولا اسكبلك صحن ؟؟
هون رح جاوب بالحاضر التام ...ليش لاني تغديت 🥗🥩وأثر هالغدا لساتو موجود لاني انا شبعانة ومافي داعي تصبلي صحن فهون بقلها :
I have just eaten lunch♦️
مثال آخر : بدي افتح باب البيت انا ورفيقتي ..اكتشفت اني مضيعة مفاتيحي فبقلها :
I have lost my key♦️
هي عرفت من كلمتي اني مضيعتن بالماضي ولهلق مضيعتن لانن هلق مو معي لاني استخدمت الحاضر التام

👌🏻ايمت بتستخدم كمان الحاضر التام؟ ..بتستخدمو لتحكي عن تجربة بحياتك (بدون ذكر وقت ☝🏻)
يعني اذا بدي احكيلك اني انا زرت دمشق:
I have visited Damascus♦️
او اذا بدي احكي بالنفي كمان عن تجارب حياة وبدي قلك بالعربي انا ماجربت السوشي ولا مرة بحياتي 🫢فبقول:
I have never tried sushi♦️
👌🏻بستخدم الحاضر التام كمان لشي صار من قريب
I have just finished my homework♦️
هلق خلصت كتابة وظايفي
? Have you eaten yet♦️
أكلت ولا لسا؟
كلمات بتحب هالزمن وممكن تجي معو:
ever
never
just
already
yet
recently
lately
وهلق قولولي ليش هي الجملة خطا؟؟👇🏻
❌ I have visited Paris in 2019
اذا حبيتو الشرح ...اكتبولنا رأيكم بالتعليقات او علقو بتم لنكفي معكم شرح بقية الأزمنة 👌🏻👌🏻وبطريقة سهلة انشالله 😊☺️👍🏻🔥

صراحة فيها وجهة نظر 🤷🏻‍♀️😅مين فهم النكتة 🫢
24/01/2026

صراحة فيها وجهة نظر 🤷🏻‍♀️😅مين فهم النكتة 🫢

22/01/2026

قاعدة لفظ عالسريع ...كنتو بتعرفوها؟؟☺️شاركونا بالتعليق ..او دعمونا ولو بكلمة تم 👇🏻 #شذىزهر #سوريا #حمص

16/01/2026

هل ضروري احكي متل الاميركان ❓️❓️لا أبدا مو ضروري بس اذا بدك فيك ...كيف؟؟
هي احدى الطرق الي كتير بتساعدك ومابتتطلب منك غير جوالك ☺️..تقنية الشادوينغ هي تماما الشي الي انا عم اعملو بالفيديو ...ليش؟؟ لانها بتعلمك كيف تلوّن صوتك وكلماتك تماما متل الناطق الاصلي للغة وبرايي كمان بتساعدك تفهم عليهم لمن بيحكو ...جربتوها شي؟؟ 🫢
طيب...بدكن تجربوها ؟؟🥹
شاركونا بتعليقاتكم وآراؤكم #شادوينغ #لغة #انجليزية #شذىزهر #حمص #تعليم #مدربةلغة @أبرز المعجبين Shaza Zahr

11/01/2026

♦️ وجع راس → Headache
♦️ دوخة (شعور بالدوار) → Dizziness
♦️ قلة تركيز → Poor concentration
♦️ نسيان → Forgetfulness
♦️ مشاكل بالنوم → Sleep problems
♦️ وجع رقبة → Neck pain
♦️ وجع بالكتفين → Shoulder pain
♦️ تنميل اليدين → Numbness in the hands
♦️ ضيق النَفَس → Shortness of breath
♦️ نفخة بعد الأكل → Bloating after eating
♦️ صرير الأسنان → Teeth grinding (Bruxism)
علق بتم لتصلك منشورات الصفحة 🙏🏻شارك المنشور للافادة 👍🏻
#تعلم #لغة #انجليزية

10/01/2026

ما معنى كلمة Eloquent ❓️هل هي:
1.فصيح
2.عريق
🛑ملاحظة:استعن بالفيديو😉
#لغة #انجليزية

09/01/2026

ولووووو...شو هالبرد هاد🥶..هيك منقولا ب #سوريا ..بس ب #اللغة #الانجليزية منقدر نقول :
"it's very cold"
"it's too cold"
"it's so cold" ..
كلها صحيحة نحويًا، ولكن بينها فروق بسيطة...بس مهمة
🚫"it's too cold"
يعني ..🥶كتير برد لدرجة الانزعاج❄️🥺
🚫"it's very cold
بتعبر عن شدة البرودة بشكل عام وماني متدايق منها☺️
🚫"it's so cold"
بستخدمها للتأكيد أو في سياقات غير رسمية...
طيب ..تعو نشرح أكتر وبالأمثلة مشان نفهم احسن😊👌🏻
⭕️"it's very cold":
عبارة مباشرة تعبر عن شدة البرد يعني بشكل عام للبرودة الشديدة..مثال:
♦️"It's very cold today, so I'm wearing a heavy coat."
"الجو بارد جدًا اليوم، لذلك انا أرتدي معطفًا ثقيلًا."

⭕️"it's too cold" :
يشير إلى أن البرودة قد وصلت إلى حد سلبي أو نقطة تمنع فيها شيئًا ما، وغالبًا رح يمنعني البرد من اني اعمل شي او يجبرني على شي 🤷🏻‍♀️
♦️"It's too cold to go swimming"
♦️"It's too cold to stay outside for long.".
مثال: "الجو بارد جدًا للذهاب للسباحة" أو
"الجو بارد جدًا للبقاء في الخارج لفترة طويلة."
⭕️" It's so cold" أما
منستخدمها تقريبا متل very بس بالكلام الغير رسمي وتقرييا اذا كنت اخد وجه علي عم احكي معو ..رفيقي اخي..اهلي .. مثل :
♦️"Oh, it's so cold! I can't feel my fingers!".
"يا إلهي، الجو بارد جدًا! لا أشعر بأصابعي!"...او بالعامية بسوريا ...ولووووو شو هالبرد هاد ماعاد حاسس بأصابعي🤭...كترولنا تعليقات عالمنشور اذا حبيتو وشكرا الكم ..وضلو دفيانين🙏🏻

🚫لاحدا...يزعل أبو إيفانكا🥹☠️📢من ضمن مجالنا منخبركم انو :🛑نشر حساب البيت الأبيض صورة للرئيس الاميريكي دونالد ترامب مع كلم...
05/01/2026

🚫لاحدا...يزعل أبو إيفانكا🥹☠️
📢من ضمن مجالنا منخبركم انو :
🛑نشر حساب البيت الأبيض صورة للرئيس الاميريكي دونالد ترامب مع كلمة🛑 FAFO 🛑
♦️هالكلمة هي اختصار لعبارة
"F*** Around and Find Out"
طبعا شفّرت اول كلمة لأنها غير لائقة ...
⭕️هالكلمة غير رسمية وتكاد تكون لغة "شوارع"
⭕️معناها تقريبا:
"من يتصرف تصرفات خاطئة سوف يتحمل العواقب"
أتوقع كأنو الرسالة حول اعتقال اميريكا الرئيس الفنزويلي

Address

سورية
Homs

Website

Alerts

Be the first to know and let us send you an email when شذى زهر shaza zahr posts news and promotions. Your email address will not be used for any other purpose, and you can unsubscribe at any time.

Shortcuts

Share

Category