30/03/2024
اهم صفحة لابتوبات في سوق سوريا تابعوهم 👇🏻👇🏻
- عندك التلت معالعجات التالية:
Core I7 جيل تاني
Core I5 جيل خامس
Core I3 جيل عاشر
رتبلي ياهن من الاقوى للاضعف
* اي سهلة
ال i7 بعدين ال i5 بعدين ال i3
- اي غلط!😂
* شو!؟😟 عم تضحك عليي؟!!😑
- لا! بس بمواضيع المعالجات الجيل اهم من الكورات بالاختيار..
الترتيب الصحيح هو من ال i3بعدين i5 بعدين i7 بهالمثال يعني هاد تحديدا
الجيل الأحدث دائما أفضل
*شمعنا بقا..لي؟
- لح شبهلك ياها بمحركات السيارات..
اذا قلنا المعالج هو المحرك..فقد ما كان قوي..دائما الشي أحدث منو..أقل استهلاكا للبنزين..وبيقطع مسافات أحسن..جديد ونضيف وغير هيك بتستفيد من كل التقنيات الحديثة الي أضافها العلم خلال هالكم سنة فرق..
ونفس الشي المعالجات كل ما كان جيل اجدد كل ما كان بيستهلك طاقة اقل وكان أحدث وأفضل..
* يعني بفهم منك أول الشي بنتبه عالجيل وبعدين عالكورات؟
- صحيح..واذا فيك تاخد التنين بكون ممتاز..
- طبعا المعالجات بحر كبير والموضوع ما بينتهي بالجيل بصفة عامة والكور لان كمان في رقم الجيل ولاحقته هدول لازم تركز عليهن لتقارن خاصة بين الاجيال القريبة من بعضها البعض وهدول رح نشرحلكن عنهن ببوست خاص اما هلأ بشكل عام لازم تعرف انو الجيل مهم جدا مو بس لازم تطلع عالكور 😉
المعالج وكرت الشاشة اهم قطعتين تستثمر فين مصاريك بالجهاز لانون ما بيتبدلو..
