Yalla Ntalem - يلا نتعلم

ّ


ّم_الأسبوعي
مرحباا🙋‍♀️🙋‍♂️
اليوم..وبعد ست أسابيع تشاركنا فيها معكن ب 6 تطبيقات تعليمية ضمن سلسلة
اليوم ختامها مسك مع تطبيق منصة إدراك.

إدراك (Edraak)، منصة إلكترونية عربية للمساقات الجماعية مفتوحة المصادر، MOOCS، أنشئت بمبادرة من مؤسسة الملكة رانيا للتعليم والتنمية، بموجب اتفاقية بين هذه الأخيرة ومنصة edx إيديكس.
تساهم منصة إدراك، باعتمادها اللغة العربية في التعليم، بإغناء المحتوى العربي بمساقات تعليمية معتمدة من قبل أفضل الجامعات العالمية مثل هارفرد، معهد ماسشوستس للتكنولوجيا، ويوسي بركلي (UC Berkeley) مع إمكانية الحصول على شهادات إتقان لتلك المساقات.

👈إذا كنتوا من المهتمين بمجالات (الأزياء-صناعة الأفلام -فن الأوريغامي(طي الورق) الاقتصاد-الريادة-المواطنة...وغيرها) بتلاقوا طلبكن مع منصة إدراك.

فيديو تعريفي عن منصة إدراك:
https://youtu.be/Ivrs_Dd2dtI

😍 رابط مساق رحلة في صناعة الأفلام مع المخرجة اللبنانية نادين لبكي:

https://www.edraak.org/course/course-v1:Edraak+FLM100+2015_T4/

رابط تحميل التطبيق من Google Play:

https://play.google.com/store/apps/details?id=org.edraak.mobile&hl=en_US

رابط تحميل التطبيق من Apple store:

https://itunes.apple.com/us/app/%D8%A5%D8%AF%D8%B1%D8%A7%D9%83/id1212057600?mt=8

شاركونا تجاربكم مع المنصة والتطبيق..
رحلة تعلم ممتعة🤗

ّ


ّم_الأسبوعي

مرحبا 👋🏻
رجعنالك متل كل أسبوع بسلسلة
تطبيقنا لهاد الإسبوع هو تطبيق لجماعة المعلوماتية والبرمجة وكل حدا بيهتم بمجال IT (تكنولوجيا المعلومات) تطبيقنا هو...تطبيق منصة Udacity
Udacity، Inc:
هي منظمة تعليمية ربحية تأسست من قبل سيباستيان ثرون وديفيد ستافنز ومايك سوكولسكي تقدم دورات ضخمة مفتوحة عبر الإنترنت
وهو تطبيق بيقدملك عملية تعلم كتير سهلة و ممتعة لأنو كل كورس بيتكون من عدة وحدات تضم محاضرات فيديو مع شرح مكتوب ، بالتزامن مع اختبارات متكاملة لمساعدة الطلاب على فهم المفاهيم وتعزيز الأفكار ، بالإضافة إلى متابعة الواجبات المنزلية ، والتي تعزز نموذج "التعلم بالممارسة" تستخدم فصول البرمجة لغة Python؛ يتم تصنيف مهام البرمجة من خلال برامج التصنيف الآلي على خوادم Udacity.
ومن أشهر الكورسات يلي عندهم
اكتشاف التعلم الآلي Explore Machine learning
تنمية مهارات في علوم البيانات Grow your data science skill
وإذا بتحب تعرف اكتر عن هاد التطبيق بإمكانك تزور الروابط التالية:
رابط موقع منصة Udacity:
https://www.udacity.com/
رابط تنزيل التطبيق من Apple Store :

‏https://itunes.apple.com/gb/app/udacity/id819700933?mt=8

ورابط تنزيل التطبيق من Google Play:

https://play.google.com/store/apps/details?id=com.udacity.android&hl=en_US

👈شاركونا بتجاربكن مع التطبيق وآرائكن فيه وبالمنصة ككل.
رحلة تعلم ممتعة🤗

كل شي بهالحياة عبارة عن ..خيارات
إنك تكمل رغم الصعوبات...خيار
إنك تجرب شي جديد..خيار
وإنك تسعى للأفضل..خيار
ولكل الأشخاص يلي كان خيارن التعلم الذاتي..وجربوه..وكان إلن نجاحاتن.
وللأشخاص الخايفين يجربوه لعدة أسباب وبدن حدا ينصحن، يجاوب على أسئلتن ويمسك بإيدن بأول خطواتن.
من 2014 ..ولهلأ عم نحاول نكون معكن بهاد الطريق..طريق التعلم الذاتي والتعلم عن بعد.
واليوم بالشراكة مع أصدقائنا بفريق سند التنموي وببث مباشر لأحد المؤسسين الأوائل لفريقنا "مهدي الراعي"
رح نحكي عن التعلم الذاتي ..شوية نصائح عن الالتزام بالكورس ونجاوب على أسئلتكن بخصوص التعلم عن بعد.
لاقونا اليوم الساعة 8 المسا..لحتى نحنا وإنتو نتعلّم 💪
ّم

ّ


ّم_الأسبوعي
مرحباا🙋‍♀️🙋‍♂️
ومتل كل يوم تلاتا..رجعنا معكن بسلسلة يلي منشاركون فيها كل أسبوع بتطبيق جديد بيساعدكن تتعلمو معلومات جديدة بأكتر من مجال وخصوصي للأشخاص يلي وقتن ضيق ما بيساعدن يسجلو كورسات كاملة أو يحضرو لوقت طويل..
ما تخافو..🤗 الحل مع عصر السرعة..عصر العجئة 😅...عصر التكنولوجيا..هي التكنولوجيا بحد ذاتها..الحل هو التعلم عن بعد😉

واليوم الحل هو تطبيق تعلم اللغة الإنكليزية من القناة البريطانية BBC
ما فينا ننكر إنو القناة البريطانية كان إلها دور كبير بتعليم اللغة الإنكليزية على مدى سنوات طويلة إما عن طريق الكورسات والمواضيع يلي بتنشرها عن طريق موقعها الإلكتروني الخاص بتعلم اللغة الإنكليزية
رابط الموقع:
http://www.bbc.co.uk/learningenglish/english/
أو عن طريق الراديو يلي كانت تبث عن طريقو مسرحيات شكسبير وكتار غيرو من الكتّاب والشعراء وتناقش أعمالن لمساعدة طلاب الأدب الإنكليزي.
واليوم مع تطبيق Learning English for BBC - Practice Listening
بإمكاننا نقوي حالنا بأكتر من موضوع مع البرامج يلي بيعرضها التطبيق:
The English We Speak, Words in the News, 6 Minute English,Drama,Pronunciation, News Report, LingoHack, 6 Minute Vocabulary,6 Minute Grammar
وبهيك منكون غطينا أغلب المواضيع وبوقت قليل.
من ميزات التطبيق:
أنو بإمكانا نسمع التسجيل ونشوف النسخة المكتوبة من الحكي الموجود بالتسجيل وبهيك منقوي مهارة اللغة السماعية.
بالإضافة إنو بإمكانا ننزل كل المواد الموجودة بالتطبيق ونسمعها وقت ما يكون عنا انترنت.

رابط تنزيل التطبيق من Google Play:
https://play.google.com/store/apps/details?id=com.dragonlab.bbclearningenglish&hl=en_US

رابط تنزيل التطبيق من Apple Store:
https://itunes.apple.com/az/app/learn-english-for-bbc-with-conversation-listening/id917318984?mt=8

⬅️شاركونا بتجاربكن مع التطبيق وآرائكن فيه وبموقع BBC لتعلم اللغة الإنكليزية بشكل عام.
رحلة تعلم ممتعة🤗

Learning English for BBC - Practice Listening - Apps on Google Play

ّ


ّم_الأسبوعي

مرحبا.. رجعنالكن بفقرة يلي منحاول من خلالها نعرفكن عتطبيقات للتعلم عن بعد لتتعلموا بالوقت يلي بيناسبكن🤗
تطبيق اليوم هو تطبيق منصة edX
بتقدم منصة edX أفضل المساقات التعليمية المقدمة من جامعات و كليات على مستوى عالمي (جامعة هارفارد و معهد ماساتشوستس للتكنلوجيا ) لنقدر فيها نطور حالنا بأكتر من مجال هنن من أهم المجالات بعصرنا (مجال علوم الكمبيوتر و هندسة الاتصالات و الرياضيات و الطب و السياسة و الفنون)
ومن الكورسات يلي بقدمها التطبيق
(كورسات لللغة البرمجة جافا ، ++C، الذكاء الاصطناعي و علم الروبوتات ، تسويق ، محاسبة .........). هي الدورات مقدمة من نخبة من الخبراء والمدرسين يلي بيشتغلوا بأهم الجامعات و المعاهد بالعالم .
و من ميزات تطبيق edX :
انك بتقدر تنزل مضمون الدورة (المساق التعليمي) وتحضرو ايمتى ما بدك
بقدملك اختبارات صغيرة لتختبر يلي عم تتعلموا خلال الفترة يلي عم تاخد الكورس فيها
فيك تقدم على طلب لتحصل على شهادة من الجامعة يلي أخدت منها الكورس
بإمكانك تنزّل التطبيق على Google Play :

https://play.google.com/store/apps/details?id=org.edx.mobile
و على Apple store :
https://itunes.apple.com/gb/app/edx-learn-with-online-courses/id945480667?mt=8

⬅️شاركونا بتجاربكن مع التطبيق وآرائكن فيه وبالمساقات المقدمة من المنصة ككل .
وكالعادة..رحلة تعلّم سعيدة🧐

ّ


ّم_الأسبوعي

مرحبااا
ولساتنا عموعدنا معكن كل يوم تلاتا مع سلسلة ّم_الأسبوعي يلي منحكي فيها كل أسبوع عن تطبيق تعليمي جديد🤗
تطبيقنا لليوم هو تطبيق لوحدة من المنصات العربية المهمة... منصة رِواق : https://www.rwaq.org

بتقدملك منصة رواق مجموعة من المساقات التعليمية باللغة العربية بشتى المجالات (التربية والتعليم-الاقتصاد والإدارة-العلوم الاجتماعية- البرمجة..الخ) بيقدمها مجموعة من محاضرين جامعيين ومختصين في مجال كل مساق تعليمي.

ميزة منصة/تطبيق رواق: إنو عم يقدمو محتوى عربي جيد جدًا وبطريقة سلسلة باستخدام الفيديوهات والتمارين مع وجود مساحة للنقاشات ومن مصادر موثوقة متل Microsoft و Cisco
ومع مشاركة سورية لإحدى الشركات SEA وهي شركة الخدمات الإحصائية واللي عم تقدم عدد من المساقات بالشراكة مع منصة رواق.

رابط تحميل التطبيق من Google Play:

https://play.google.com/store/apps/details…

رابط تحميل التطبيق من Apple store:

https://itunes.apple.com/app/rwaq-rwaq/id918091637

⬅️شاركونا بتجاربكن مع التطبيق وآرائكن فيه وبالمساقات المقدمة من المنصة ككل .
وكالعادة..رحلة تعلّم سعيدة🧐

منصة عربية للتعليم المفتوح تهدف لنشر المعرفة

ّ


ّم_الأسبوعي
مرحبااا🤗
واليوم متل كل يوم تلاتا.. مكملين معكن بسلسلة ّم_الأسبوعي لنتعرف كل أسبوع عتطبيق تعليمي جديد.💪

تطبيقنا لليوم هو تطبيق منصة تيد (TED):
وهي عبارة عن منظمة غير ربحية تفسح المجال لمن لديه أفكار مبدعة في مختلف المجالات أو أفكار؛ كما تقول تيد في شعارها (أفكارتستحق الانتشار)Ideas worth spreading، أن يطرحها من خلال مؤتمراتها ومنصاتها المختلفة حول العالم.

https://www.ted.com/

التطبيق يلي بيحتوي على أكتر من 3000 خطاب ملهم لعلماء، مبدعين، مؤلفين، طلاب..الخ ولكافة أطياف وفئات المجتمع من كل أنحاء العالم بيقدملك الفرصة لتتعرف على مواضيع مختلفة تتعلق ب (التعليم ، الاقتصاد ، علم الأحياء ، التكنولوجيا، والإبداع ....الخ ) وكتير مجالات جديدة يمكن أول مرة بتسمع عنها.

بتقدر من خلال هاد التطبيق انك تحفظ تنزّل و تشارك خطاباتك /محادثاتك المفضلة وتاخد فكرة أكتر عن خبرات أشخاص من مجالات مختلفة و رؤيتهم تجاه موضوع معين.
والميزة ب TED: إنو بإمكانك من خلال المحادثات وخصوصي راديو TED إنك تسمع مواضيع مختلفة وتقوي لغتك وتتعرف على أفكار ومعلومات جديدة بما لا يتجاوز 15-20 دقيقة للمحادثات (يلي بيتواجد لقسم كبير منها ترجمة للغة العربية بفضل مجتمع الترجمة العربية الخاص بتيد) وقد تصل للساعة بالنسبة لحلقات الراديو وكلها بشكل مجاني وبمتناول الجميع.

بإمكانكن تشوفو فيديوهين تعريفيين عن تيد بالعربية والإنكليزية من هون:
الفيديو الاول مقدم من قناة TEDx Talks عاليوتيوب:

https://www.youtube.com/watch?v=d0NHOpeczUU&feature=youtu.be

والتاني من تيدكس عدن TEDxAden:

https://www.youtube.com/watch?v=1dj9WQf3EMo&feature=youtu.be

بإمكانكن تنزيل التطبيق للموبايلات والحواسيب العاملة بنظام الويندوز:
https://www.youtube.com/watch?v=1dj9WQf3EMo&feature=youtu.be

رابط تحميل التطبيق من Google play:
https://play.google.com/store/apps/details?id=com.ted.android&hl=ar

ورابط تحميل التطبيق من Apple store:
https://itunes.apple.com/us/app/ted/id376183339?mt=8

⬅️شاركونا بتجاربكن مع تطبيق TED وآرائكن فيه
رحلة تعلم واستكشاف سعيدة🧐

TED: Ideas worth spreading

ّ


ّم_الأسبوعي
مرحبا🤗
متل ما بتعرفو التعلم بيبلش بخطوة..والخطوة الأولى بأي شي جديد هي الأصعب وشو حلو انو يكون في مين يدلك طول الطريق خطوة خطوة ..وبهالطريق..طريق التعلم الالكتروني..رح نكون نحنا الدليل.🧐
رح نكون معكن كل يوم تلاتا الساعة 6 المسا بتطبيق جديد يساعدنا بالتعلم عن بعد 😉

واليوم، الافتتاحية رح تكون بتطبيق ديولينغو Duolingo تطبيق تعلم اللغات.

التطبيق بيحوي أكتر من 30 لغة مختلفة، في 5 لغات بتقدر تتعلمن كمتحدث لللغة العربية وأحلى شي بهاد التطبيق أنو هو مجاني وعندو أسلوب حلو وممتع بالتعليم.
مثلا: بإمكانك خلال 15 دقيقة تتعلم عن قواعد اللغة أو المصطلحات أو عن أي موضوع باللغة لإنو ديولينغو بيتشغل على مبدأ المواضيع (topics) وبتتعلم اللغة على أساس هي المواضيع.

هون بتلاقوا رابط تنزيل التطبيق من متجر Google Play
https://play.google.com/store/apps/details?id=com.duolingo&hl=en
وهاد الرابط لتنزيل التطبيق لموبايلات iphone
https://itunes.apple.com/us/app/duolingo/id570060128?mt=8

وهاد الموقع: https://www.duolingo.com

⬅️شاركونا بتجاربكن مع Duolingo وآرائكن فيه
رحلة تعلم سعيدة🤗

مساء الخير...👋
مقال عن فريق يلا نتعلّم ونشاطاته في وكالة سانا الإخبارية أعدته الصحفية لمى الخليل بالتعاون مع المنسقة الإعلامية لفريق يلا نتعلّم الأستاذة لينا حجازي.
إلى كل من كان يتساءل عن الفريق ونشاطاته وكل ما يخصه تجدونه في هذا المقال.

الشكر للصحفية لمى الخليل وللمنسقة الإعلامية لينا حجازي. Lina Hijaze
ّم
ّم
#مقال

(يلا نتعلم).. مشروع شبابي لتعزيز ودعم ثقافة التعلم عن بعد - S A N A دمشق-سانا تعزيز ودعم ثقافة التعليم الذاتي وفتح آفاق معرفية جديدة لدى الشباب هو ما يقوم به مشروع

مساء الخير..👋
وهالمرة كانت استضافتنا من قبل جمعية تنظيم الاسرة- مركز جديدة عرطوز في يوم الاثنين 14/5/2018
قدمنا فيها نشاط learn now (نتعلّم الآن) الذي يعدّ الخطوة الأولى على طريق التعلّم عن بعد.
انبسطنا فيكن أصدقائي وانبسطنا بحماسكن وتفاعلكن وأسئلتكن.. على أمل لقاءات تانية.😉

مسالخيير..👋
اليوم وبضيافة أصدقائنا بجمعية تنظيم الأسرة-باب مصلى من متطوعين ومستفيدين قدمنا نشاط (نتعلّم الآن) Learn Now يلي هو الخطوة الأولى على طريق التعلم عن بعد🧐
على أمل نلتقي قريبًا بنشاطات تانية😉