17/08/2026
قبل ما تسجّل بـ«ابنِ من أجل سوريا»… في 4 أشياء لازم تعرفها 👀
إذا كنت عم تتساءل كيف رح يمشي يوم الهاكاثون، وهل لازم يكون عندك فريق أو فكرة جاهزة، فهذا المنشور إلك.
👥 أولاً: ما لازم يكون عندك فريق
التسجيل فردي. إذا عندك فريق جاهز، فيكم تستخدموا كود فريق مشترك، وإذا كنت جاي لحالك، رح نساعدك بتشكيل فريق.
🔎 ثانياً: ما رح تعرف التحديات مسبقاً
التحديات رح تُطرح صباح يوم الهاكاثون من جهات حكومية، ووقتها رح تتعرف على المشكلة، تناقشها، وتسأل عن تفاصيلها قبل ما تختاروا التحدي اللي بدكم تشتغلوا عليه.
💻 ثالثاً: ما مطلوب منك تحضّر حلاً قبل 22 آب
التحضير المطلوب منك هو تجهيز أدواتك وبيئة العمل، وإحضار Laptopك وشاحنه، والتأكد من جاهزية حساب GitHub والأدوات اللي رح تحتاجها.
أما الحل نفسه، فبناءه يبدأ داخل الهاكاثون.
🔥 رابعاً: من هون بيبدأ التحدي الحقيقي
بعد اختيار المشكلة، عندكم وقت محدود لتحويلها إلى حل قابل للتطبيق باستخدام مهارات فريقكم، Cursor وAI Agents، مع دعم الـMentors خلال رحلة التطوير.
وبنهاية اليوم، يتم تقييم الحلول وترشيح 5 فرق للمرحلة النهائية، قبل إعلان الفائزين وتكريم المشاركين. 🏆
📅 22 آب 2026
📍 صالة القيصر – فندق القيصر
🎟️ المشاركة مجانية
المشكلة حقيقية، الوقت محدود، والحل بين إيديك.
جاهز للتحدي؟
💬 علّق بكلمة «هاكاثون» ورح نبعتلك رابط التسجيل مباشرة.
#هاكاثون
