Magma

اديه الصحة العقلية والنفسية موضوع مهم لليافعين؟ 🥺

طيب اديه آخد حقه بالحديث عنه؟ 🤔

هل في مكان معين تناقش فيه كل أفكارك ومخاوفك براحة؟😁

رح نلاقي سوا إجابة على أول سؤالين🤚

بينما جواب السؤال التالت دائماً...😌
هو Magma
وايفنتات ماغما🧡

شاركونا رفقاتنا اليافعين بجلسة دولينغو لشهر أكتوبر ويلي بعنوان:
Layer to your soul ✨

لنحكي أكتر عن شغلات يمكن بنخاف نحكيها🤫
ولنشارك تجاربنا وأفكارنا🤗

لتصلك تفاصيل أكتر شاركنا بكومنت👇
تحكيلنا فيه إيمت آخر مرة عبرت فيها عن نفسك🧡
ناطرينكم بحماس 🧡
Only in English 🧡
ملاحظة:هذا الأيفنت مخصص فقط للشباب (16-17-18 عامًا)

#ماغما

بحس حالي حققت ذاتي لما يكون حسابي على اللينكدإن مرتب وشاغل بشركات كتير مهمة🏢 وعامل كورسات كتير..

الانستغرام تبعي شكلو حلو كل الصور دقتا عالية، معي انترنت وين مابروح وماباكل هم الباقة📶…

هاد مفهوم تحقيق الذات بعصر السوشال ميديا الجديد، بس ياترى شو هو مفهوم تحقيق الذات عنجد؟

هي الحاجة العليا في قمة هرم ماسلو يلي بترتبط بمعنى الوجود من الحياة مرحلة بوصلها الإنسان بعد إشباع احتياجاته كلها
(الحاجات الجسدية-الأمان-الانتماء-الاحترام) بعدها بيوصل لمرحلة بيصير صادق مع نفسه…
طبعاً فكرة تحقيق الذات هي رحلة طويلة وسعي مستمر للوصول.

خبرونا برأيكن الأهم حالياً هو تحقيق الذات على وسائل التواصل الاجتماعي ولا بالمفهوم الحقيقي 👇👇
#ماغما

طمنونا إن شاء الله راح وجع المفاصل يلي أمكن بتقول سببه الفيس..😂

والحمد الله شفناك وطلعت بتحكي مو بس بتحط لايكات 😂

تعرفت منيح على أخواتك بالبيت😂

يمكن انتبهت منيح إنه وجودك حقيقي🧡
وإنك مو بس ايقونة ماسنجر حدها ضو أخضر
ولا حساب شخصي فعال

خبرونا شو عملتوا خلال توقف السوشال ميديا لعدة ساعات؟
🤔

#ماغما

لكل بساعد طالب البكلوريا يختار و ماحدا بفكر يساعد يلي بدو يغير تخصصه 😐.
أما ماغما بتفكر بالكل 🤩🧡
بوست اليوم لكل يلي بتراودهم أفكار بالتغيير و مو عارفين يفكروا بمنطقية و استراتيجية صحيحة و عايشين بضياع و فراغ ..😫

هون بتلاقوا خطوات عملية بتساعدكم بدراسة قراركم و تبلشوا تنفيذه 👇🏻👇🏻:
(🖊🗒استعين بورقة و قلم و ناقش افكارك على الورق)
• نبدأ بالسؤال الأول :
شو هي الأسباب يلي بتدفعك تغير تخصصك ؟؟🤷🏽‍♀️
هون اكتب 5 نقاط بتخليك تفكر بالتغيير , لازم تكون صريح مع حالك و تكتب كلشي عم يدور براسك متل ( مشاكل بالتأقلم مع الطلاب أو بسبب صدمة عاطفية أو بسبب اكتشافك لميولك و اهتماماتك الحقيقية .. و اكتب مشاعرك السلبية يلي بتجيك وقت تفكر بالمستقبل ..)
• السؤال التاني : شو هية النتائج الإيجابية لتغيير تخصصك الجامعي ؟؟ :👍🏼
اكتب 5 أمور إيجابية و مفيدة ممكن تصير معك اذا غيرت التخصص ,حاول تكون النقاط واقعية (الإحساس بالانتاجية و الانطلاق بشغف , فك قيود الوقت و الجهد المستنزف في التخصص الحالي , توافر فرص التدريب أو العمل خلال الدراسة في التخصص الجديد ..)
• السؤال التالت : شو هية النتائج السلبية لتغيير التخصص الجامعي ؟؟ :👎🏻
اكتب الأشياء يلي رح تخسرها أو الشي يلي ممكن يصير ويأثر بشكل سلبي على حياتك في حال غيرت تخصصك (ممكن كتير طلاب تخسر الدعم المادي من الأهل بس تركت تخصصها الحالي بهي الحالة بكون في خيار تحمل المسؤلية و المصاري ف شيء سلبي )
• السؤال الرابع : شو العقبات اللي ممكن تواجهك لما بدك تنفذ قرارك بتغيير التخصص الجامعي؟؟ :🤔
بدك تحط أهم النقاط الاجتماعية و المادية يلي رح تكون عائق بوجه قرارك و كتير ضروري تكون واقعي و موضوعي بكتابتها و ماتضخم الأمور يلي مو مستاهلة أو العكس الاستخفاف بأمور مهمة

• بالأخير ضروري تقييم قرارك بعد كل الأسئلة السابقة🤓
ونحنا مننصحك ماتقيم القرار مباشرة وبنفس اليوم ,
-أعطي حالك فرصة يومين أو أكثر و ارجع للتقييم
-اتأكد من واقعية النقاط يلي كتبتها و أجوبة الأسئلة
-استعين بشخص ثقة و عنده اطلاق بسوق العمل و التغييرات الحديثة بالتعليم و العمل
-قارن بين السلبيات و الإيجابيات
(كتير مهم تفكر بإمكانية معالجة مشاكلك مع تخصصك الحالي و تبقى فيه أم التغيير قرار لابد منه )

منتمنى تكون رؤيتكم أوضح للأمور بعد قراءة و تطبيق البوست 😌
ماتقسوا على حالكم بالحكم و السلبيات و التفكير و اتذكروا ماغما بتدعمكم بكل الاختيارات و القرارات🧡

في مجموعة هرمونات بتتحكم بمشاعرنا وبتنفرز بجسمنا بمواقف معينة خلينا نتعرف على كم واحد منها :

هرمون الإندورفين : بيسبب ارتفاع ضغط الدم وارتعاش الجسد وهي علامات الوقوع بالحب
، يعني هاد الهرمون بينفرز بجسمك كلما تشوف "الكراش" 😍💘

هرمون الميلاتونين : بينفرز هاد الهرمون بالظلام وبيسبب شعور بالنعاس ، طبعا بينفرز هاد الهرمون خلال قطع الكهربا 😴

هرمون الأدرينالين : كلنا منعرف أنو هاد الهرمون بيسبب الشعور بالخوف ،
مثلا بهالفترة ممكن ينفرز بجسمك إذا انقطعت الكهربا وأنت داخل المصعد 😰

هرمون السيروتونين : هو الهرمون المسؤول عن الشعور بالسعادة،
بينفرز بعد ممارسة الرياضة ، هو نفسو الهرمون يلي بينفرز بجسمك لما تركد ورا الباص وبالأخير تقدر تلاقي مكان لإلك جواتو 🤩🏃‍♂️

خبرنا بالتعليقات شو أكتر هرمون عم ينفرز بجسمك هالفترة ؟ 🤣😂



#ماغما

بتعرفوا أديش الإعلام والفن إلهم تأثير على بناء المجتمع و تشكيل الرأي العام؟

الإعلام هو عبارة عن آلة سحرية بتوجه الرأي العام لمكان معين ، وهالآلة عندها القدرة أنو تقنع الجماهير بأفكار معينة يمكن ما يكون إلها وجود بالواقع من الأصل

والفن أيضا عندو نفس الإمكانية
يعني دائما الناس عندها اعتقاد أنو الدراما مستمدة من الواقع بس الحقيقة هي أنو الدراما هي يلي بتصنع الواقع ..

وهيك الإعلام والفن بيلعبوا دور متكامل بنشر أفكار ومفاهيم معينة بالمجتمع لحتى الناس تتبناها باللاوعي وبعدها تصير تدافع عنها ..


إذا حابين تعرفوا أكتر عن هالموضوع مننصحكم تقرأوا كتاب "السيطرة على الإعلام" للمفكر نعوم تشومسكي ..

اكتبولنا بالتعليقات شو رأيكم بالموضوع وأديش بتآمنوا بتأثير الإعلام والفن على المجتمعات ؟

#ماغما

تخيل ناشونال جيوغرافيك بدون مترجم 😳 يعني الأفلام و البرامج الوثائقية بدون ترجمة لا صوتية و لا مكتوبة 📽
تخيل مجلس دولي 🌍 كل عضو أو نائب فيه عم يحكي بلغة بلده الأم وما حدا عم يفهم على حدا شي 🤦🏻‍♀️
لك ماااتروح لبعيد تخيل كلشي أفلام و مسلسلات أجنبية 🎥🎞 منحبها و منحضرها بدون ترجمة

تخيلت ؟؟!
ماغما اليوم و بيوم الترجمة العالمي بتقدم 🧡الشكر و الامتنان لكل مترجمي اللغات
يلي لولاهم كنا اتقوقعنا على ثقافاتنا و ماكان في لغة حوار مشتركة 💬 ولا اتعلمنا ولا قرأنا مقالات ولا حتى كنا قدرنا نتابع دراما😟

تاغ لرفيقك المترجم واحكيله شكراً لوجودك 🧡🥰
#ماغما

اليوم العالمي للانتفاع بالمعلومات📣

حبينا نشارككم بهاد اليوم مفهوم مهم وهو إدارة المعرفة📝
كون المعلومات جزء لا يتجزأ من هاد المفهوم 🧡

بعصر الانفجار المعرفي وزخم المعلومات الرهيب اليومي والمتراكم بطريقة نعجز عن متابعتها 😶
بتظهر إدارة المعرفة كحاجة ضرورية في الشركات والمنظمات الي بتقوم بتسجيل خبرات العاملين فيها لحفظها والاستفادة منها على أفضل وجه ممكن👏

ولكن بشكل شخصي بتفيد إدارة المعرفة بمساعدتك على التفكير الإبداعي والتفكير خارج الصندوق 😍

طيب كيف؟🤔
بيتم هالشي عن طريق التراكم المستمر للمعلومات وتحليلها بأنسب شكل وبعدها مراكمتها باستمرار حتى توصل لمرحلة خلق حلول إبداعية جديدة لمشاكل قديمة😌

وكما قال بابلو بيكاسو: تعلم القواعد كمحترف حتى تتمكن من كسرها كفنان 🧡

هاد كان شرح بسيط للغاية عن مفهوم جداً واسع 🧡

#ماغما

مع تزايد المنافسة بسوق العمل المحليّة والعالميّة..
صار ضروري كتير نتعلّم مهارة التسويق الشخصي.. لنعرف كيف نعرّف عن حالنا صح وكيف نخلق لحالنا علامة شخصية تميّزنا عن الأشخاص اللي بمجالنا 😎

بهي الورشة يلي كانت 9 ساعات من الفائدة والمتعة بذات الوقت
تعرّفوا أصدقائنا وصديقاتنا بطرطوس 😍
على هـ المفهوم المهم جدًا.. وبلّشوا يخططوا بشكل أفضل واحترافي أكتر
لـ علامتن الشخصية وخطتن التسويقية الخاصّة فيهن كأشخاص 😎💪

طبعًا ما حننسى نتشكّر شركائنا @جمعية البتول للخدمات الانسانية
على تعاونن واستضافتن الرائعين جدًا النا بأول خطوة النا بطرطوس 🧡

#ماغما 🧡

الاختلاف يُفسد للودّ قضية.. 🤨

عندما..
- يلغي الآخر ويهمّشه، يؤذيه..
ويتعدّى على خصوصيّته وحريّته الشخصية

إلّا أن التعليم يمكن أن يسهم في تعزيز ثقافة الحوار 🤓
وذلك من خلال:
- إضافة هذه الثقافة إلى المناهج الدراسيّة
- تأهيل الكوادر التعليمية بحيث تكون تربوية كذلك
- رفع قيمة المعلّم المعنوية والمادّية ليشعر بمسؤولية أكبر

هذه النقاط وغيرها الكثير كانت محاور حوارنا الغنيّ والمتنوّع في جلسة TED Circles الحواريّة التي أقيمت للمرة الأولى في #طرطوس 🧡

بالتعاون مع شركائنا وأصدقائنا جمعية البتول للخدمات الانسانية 😍

#ماغما 🧡

من طرطوس هنا #ماغما 🥰🧡

اليوم فريقنا كان سعيد جدًا بمشاركة تجربة دولينغو مع أصدقائنا وصديقاتنا بطرطوس باستضافة لطيفة من قبل جمعية البتول 😍

خلال فعالية اليوم حكينا عن حالنا وسمعنا الآخر، وتشاركنا بعض الأفكار اللي بتحتاج استماع فعّال من اللي حوالينا ليتفهموها.. 😇

#ماغما 🧡