Elevation Team 2013-2018

😎

يسعد أوقاتكون ^^
بما أنو دارجة موضة الصراحة، فريق بيتمنى أنكون تصارحوه بملاحظاتكون وشكواكم أو أي شي حابين تلفتو نظرنا الو، وهيك بتتأكدو انو رح يتم الحفاظ عالسرية هههههههه
منتمنى يكون النقد بنّاء، وتشاركونا بتصحيح أخطاءنا وتحسين مستوى الفريق والمحاضرات : )
بانتظاركم..
https://elevationteam.sarahah.com/

صراحة - Elevation team صراحة يساعدك في الحصول على نقد بناء مع المحافظة على سرية هوية الناقد

منذكّر بالفرق بين محاضرات النظري و العملي
محاضرات النظري بالاسود و محاضرات العملي بالرمادي :]

تغيير شكل

: #المشروووع:

كلمة مشروع لحالا بترعب 😂😂 فكيف إذا كان هالمشروع بالانكليزي كمان 😰😰

لهيك نشالله رح ننزل #ملاحق بتتضمن خطوات حل كل طلب من المشروع مع الإشارة للأفكار يلي رح تصادفنا وكيفية التعامل معا.. بحيث كل طالب يفهمو ويقدر يحلّو ويناقش فيه الدكتور كمان 😉 B|

ملحق المرحلة الأولى المتعلقة بـ من كتابة Ali Badria بيكون نازل يوم الأحد إن شاء الله ✌✌

وأي استفسار أو ملاحظة نحنا بالخدمة : )

بالتوفييق

:
: :

المادة سهلة وبسيطة مقارنة بمشاريع الطرق1.. وهيي عبارة عن 8-9 محاضرات..

وبالنسبة لطلاب الدكتور دالاتي.. قالت المهندسة عبير أنو محاضرات العملي تبع الدكتور هنن نفسون الوراق يلي عم تنزلون.. يعني هنن التنين عم يعطو من نفس الوراق

باختصار.. كيف كانو الملاحق الفصل الماضي.. إن شاء الله المحاضرات هالفصل رح تكون أحسن كمان..

#ملاحظة:
حالياً ما رح ينزل تصحيح ضمن المحاضرات..آخر الفصل المهندسة عبير زهنون رح تشوف المحاضرات وكل شي تعديل أو زيادة بتقلنا عليهون رح ينزلو كلن بآخر محاضرة

لأي استفسار أو ملاحظة فيكون تتواصلو معنا أو مع كاتب المادة Mahmoud Jbr

موفقيين : )

: ّا:

منعتذر كتير عالتأخير بالموضوع بس كلو لحتى نقدم المحاضرات بأفضل ما يمكن.. خصوصاً أنو الخرسانة2 أهم مادة بالكلية ^__^

نشالله بكرا بتلاقو المحاضرة الأولى بالمكتبة والمحاضرة التانية يوم الأحد.. واعتباراً من المحاضرة التالتة رح نعمل جهدنا تنزل المحاضرة قبل ما تنعطى يلي بعدا ;)

هي رابط المحاضرة الأولى للي بيحب يطلع عليها:
(كتابة: Nabil Kabbash وبخط وتنسيق: Khalil R.Bakhash)

https://www.dropbox.com/s/flp9dd0ci213ale/%D8%A7%D9%84%D8%B9%D9%88%D8%A7%20%D9%851.pdf?dl=0

أي ملاحظات بإمكانكم تراسلو كاتب المادة أو صفحة الفريق.. بالتوفيق : )

العوا م1.pdf Shared with Dropbox

ليش في محاضرات غامقة و محاضرات فاتحة ؟؟؟
لأنو عنا المحاضرات النظري عملناها بالأسود
و المحاضرات العملي عملناها بالرمادي :D :D :D

ً

بكرا في مذاكرة بالمحاضرتين الأولى والتانية مدتا 10 دقائق.. كتبنا هالشي بنهاية المحاضرة التانية بس شكلو في طلاب ما عندون خبر فحبينا نذكركون
المحاضرتين سهلين كتير وما بدن شي
علماً انو طلاب زمر الاحد اليوم اخدو المحاضرة التانية يعني مو ماشيين سوا مع طلاب التنين وما عندون مذاكرة هالأسبوع

وهي رابط المحاضرتين:
https://www.dropbox.com/sh/lc6msoosni52zam/AAA9-pcudxG07HYKmTl9Txfqa?dl=0

بالتوفيق ^^

بتول سليمان Shared with Dropbox

:

تعطى غداً يوم الاثنين محاضرة تعويضية للدكتور مؤيد صبح في المدرج العاشر الساعة 12:30، علماً أنّ المحاضرة ستكون حل مسائل..

بالتوفيق : )

:

:

● نظري:
بلش معنا الدكتور هيثم زرزور وصار عاطي محاضرتين، عطا حساب الأعمدة الطويلة والشد المركزي وحل بعض الأمثلة الامتحانية.. والأسبوع الجاية رح يبلش ببحث القص.
الدكتور محاضرتو رايقة وخفيفة ونصيحة ينحضرلو.. علمأً أنو بعض الأبحاث تُعطى بالنظري فقط.

● بلوط:
عطا الدكتور حساب الأعمدو الطويلة وحل بعض الأمثلة عليها.. وبالنسبة للمشروع فلبعد 5-6 أسابيع لنبدا شغل فيه.. ومبدئياً قال أنو المشروع بيعملوه 3-5 طلاب.
مشان موضوع النقل فمتل الفصل الماضي المهم تحضر وتثبت اسمك.

:

● نظري:
بلش الدكتور مؤيد صبح وعطى محاضرتين ببحث الرياح، بس يخلص البحث بيجي الدكتور سلهب بيعطي أبحاثو وبيرجع الدكتور صبح آخر الفصل بيكمل قسمو.. وحوالي 50% من المادة ما بيتغطى بالعملي مشان هيك يفضل ينحضر النظري.

● عرابي:
عطت المهندسة لمحة عن المادة وبلشت بالمنشأ الصناعي وتأثير الرياح عليه.
ترتيب المحاضرات خلال الاسبوع رح يكون التلاتا محاضرة جديدة وبتنعاد الأربعا وبتنعاد التنين من الأسبوع يلي بعدو.. يعني التنين القادم رح تنعاد المحاضرة الأولى.
يجب إحضار كود الرياح وحالياً ما منحتاج الكود الأوروبي.

● عبد المالك & شقير:
متل المهندسة عرابي بلشو بمقدمة عن المادة وأكدو على أهمية إحضار كود الرياح الأسبوع القادم.

:

● نظري:
يوم التنين رح تعطي الدكتورة ميرنا ويوم التلاتا الدكتور تلتلو. أخدنا لحد الآن محاضرة بكل قسم..
د.ميرنا عطت مقدمة عن القشريات وشوية مفاهيم ورموز بالبحث وبلشت بالقشرية الكروية.. وقسما رح تغطيه بالنظري مع مسائلو مشان هيك حاولو تحضرولا.
د.فؤاد بلش بالمرونة وعطى بعض المفاهيم فيا وحل عدة أمثلة.

● سعادات:
عطى الأستاذ علاء تعريف سريع بالمادة والأسبوع الجاية رح يبلش بالمحاضرة الأولى
علماً أنو ما رح نتوسع بالقشريات ولا رح يكون عليها علامات بالعملي لأنو الدكتورة ميرنا بتغطيها بالنظري.

:

● نظري:
لهلأ ما انعطت أي محاضرة.. بس ذكر الدكتور دالاتي أنو ممكن يكون جزء من علامة العملي على حضور النظري.

● زهنون:
عطت المهندسة مقدمة عن إنشاء الطرق وتجاربها، بالإضافة لتصنيف التربة حسب الآشتو وحلت 3 أمثلة عن هالتصنيف.

:

● نظري:
الدكتور قيس برغوث بلش بالتعريف عن المادة بأنها ري وصرف زراعي وما رح نحكي عن الصرف المتعلق بالمنشآت والأبنية
بعدين بلش بالمحاضرة الأولى يلي حكى فيها بشكل أساسي عن تعريف الري والصرف والدورة الهيدرولوجية وظواهرها.

● بريز:
عطت المهندسة محاضرة خفيفة حكت فيها عن تعريف الري والصرف وتصميم شبكات الري والصرف بالإضافة لتذكير بسيط بالقوانين يلي مرت معنا بالهيدروليك.

● محمود:
بالمحاضرة الأولى عطت بعض الأفكار الأساسية و حكت عن المشروع و حلقة البحث وقالت أنو المحاضرة التانية رح تعطي مواضيع حلقات البحث يلي محدتون و الطلاب بيختاروا بين حلقة بحث أو مشروع بحيث يشتغلو كل طالبين أو 3 طلاب سوا.

:

● نظري:
بلش معنا الدكتور قتيبة السعدي وصار عاطي محاضرتين (أول فصلين بالكتاب).
المحاضرات لحد الآن كلا كلام نظري بيعتمد عالفهم أكتر من البصم والنظري بهالمادة مهم وبيجي بالامتحان قسم منيح منو.
المادة سهلة وحلوة وبتعتمد بشكل كبير عالهدروليك1، ويفضل انو دائماً تشوفو الفيديوهات يلي عم نحط روابطها بالمحاضرات ﻷنو كتير رح تساعدكن.

● سليمان:
أعطت المهندسة مسائل بسيطة عن حساب ضاغط المضخة.

● بسيوني:
عطى متل المهندسة بتول سليمان وقال أنون رح يعطو نفس الشي طول الفصل وفحص العملي لطلابون رح يكون مشترك.

● سرحان:
عطت مقدمة بسيطة عن المادة والأسبوع الجاية رح تبدا بالمنهاج.

أي استفسار نحنا بالخدمة.. بالتوفيق : )

برنامج الدوام - السنة الرابعة

السلام عليكم ورحمة الله وبركاته
كل عام وأنتم بألف خير : ))

رغبةً منّا في تقديم محاضرات متميزة وضعنا على عاتقنا مهمة بناء فريق بحلّة جديدة، نحن فريق نرحب بكم ونعلن انطلاقتنا معكم في مشوار سيكون بإذن الله مليئاً بالفائدة والنجاح.

وسنكون معكم هذا الفصل لمتابعة ما يعطى من محاضرات ومشاريع ومذاكرات، لمساعدتكم بها وتقديم كل ما تحتاجونه، واضعين نصب أعيننا تقديم محاضراتنا بالشكل الأمثل من حيث الدقة العلمية والتنسيق الجميل.
تجدون محاضراتنا في مكتبة Different (المركز)، وبالنسبة للطباعة وخدمات المكتبة فستكون إن شاء الله على أتم وجه، ولتحميل محاضراتنا إلكترونياً ومعرفة جديد الفريق زوروا صفحتنا: Elevation Team 2103-2018

لملاحظاتكم واستفساراتكم لا ترددوا بمراسلة إدارة الفريق: Nawwar Mardini, Koussay Daadoush
راجين من الله التوفيق، وأن نكون عند حسن ظنكم : )

◀ رابط برنامج الدوام للسنة الرابعة، ويمكنكم الحصول عليه ملوّن من المكتبة:
https://www.dropbox.com/sh/o6agy1t8bkyvchl/AAAwAD54MRE-806MnxdAFE36a?dl=0&preview=%D9%85%D9%84%D9%88%D9%86.pdf

موفقين جميعاً ^^