Lang-Form

26/03/2023

In the beginning of 4th of Ramadan Lang_Form team wishes you Ramadan Kareem, acceptable fasting, and days full of goodness and blessings..😇 🙏 🌙

في بداية الرابع من رمضان فريق Lang_Form يتمنى لكم رمضان كريم ، صيام مقبول ، وأيام مليئة بالخير والبركات.. 😇 🙏 🌙

09/03/2023

انت قادر تتحكم بأفكارك، وتوجهها بالطريقة يلي بتناسبك إما الإيجابية او السلبية😊
كون ايجابي وشوف الفرص والشغلات الحلوة كيف رح تجي لعندك💜🌸

08/03/2023

كل عام وأنتِ كما أنتِ نصف المجتمع ... من Lang_Form منتمنالك عام جديد من الإنجازات و أن تزهري في كل فصل من فصول السنة.. 💜 🌺

04/03/2023

تعلم اللغة الإنكليزية رحلة ممتعة، وهي مجموعة خطوات، بس الأهم انو لازم عملية التعلم تتم بشكل صح، و بترتيب خطوات صحيح، ولهيك دائماً بلانغ فورم منركز على مبدأ اكتساب اللغة، ويلي هو أول خطوات تعلم اللغة، وبعد ما توصل لمرحلة متقدمة باللغة بتبلش تفوت بالمحتوى الأكاديمي للغة، ويلي هو صار على مستوى أكبر، كتابة مقالات علمية، بحوث علمية، روايات، مسرحيات، ولما تتعلم هي الأمور رح تتعلما متل المتحدث الأصلي، لهيك دائماً بمراحل التعلم الأولى انسى المحتوى الأكاديمي وركز على اكتساب اللغة، تواصل معنا لنساعدك بإكتساب اللغة ونساعدك بالخطوات العملية لتكون عملية تعلمك ناجحة ومفيدة.

03/03/2023

دائماً منمسع انو المجتمع ونجاحو بكون من نجاح الأشخاص يلي جواتو، لهيك من المهم تكون إنسان ناجح، ولكتير أسباب نجاحك إلو تأثير كبير على مجتمعك:
1 - العطاء: قوة المجتمع هو قوة التواصل، ودائماً هو بحاجة ناس ناجحة تساعد غيرها وقت يكونوا بمرحلة ضعف واستسلام، ولما تكون ناجح رح تفيد غيرك، ورح تعطيهن قوة ليطلعوا للأحسن.

2 - خلق فرص: لما تكون ناجح رح تلاقي انو صار عندك مسؤوليات أكبر، يمكن تكون صاحب عمل، ووجودك يمكن يأمن فرص عمل لغيرك بالمجتمع يلي هي رح تكون أملهن الوحيد بوقت من الأوقات

وهي أبسط الأمور يلي نحنا بحاجتك تفكر فيها، وتذكر القوة مو بس بالمصاري والشهرة، القوة هي بأنو كيف تساعد غيرك وتبني مجتمع أقوى، ولتكون هاد الشخص الناجح في كتير أساسيات انت بحاجتها، منها اللغة، ولهيك نحنا رح نساعدك لتكون إنسان ناجح بهي الخطوة ولأنو طريقتنا رح تخليك تكتسب عادات جديدة ومفيدة، رح تلاقي حالك فعلاً حدا ناجح ورضيان عن حياتو، وبالنهاية رح يساعد غيرو دائماً.

24/02/2023

حكينا بـ بوستات سابقة كيف تكون متعلم ذاتي، وحكينا أنو الموضوع بينقسم لست خطوات عملية، وهلأ وصلنا لأخر خطوة🥳 ويلي هي الموضوع كلو بدور حوليه، التوازن:⚖️

تذكر أنو التعلم قد ماكان ممتع بس كمان ممل مرات، وصعب، وبدو جهد واستمرارية، لهيك دائماً اعتني بحالك وقت التعلم، لا تعطي أكتر من طاقتك، ريح جسمك، نظم أكلك، ومارس رياضة..💟 حتى هدول الأمور بتأثر على عملية تعلمك، لهيك اهتم فيهن، وكون لطيف مع حالك، لا تتدايق إذا غلطت وفشلت الفشل هو من أهم الأمور للنجاح، حتى لو عدت نفس الأغلاط لا تستسلم، كمل ورجاع حاول، وتذكر الشي يلي عم تحاول تعملوا غيرك كتير عملو ونجح، ومتل ماهنن وصلوا للشي يلي بدن ياه، انت كمان رح توصل، وبس هيك.😍💟

تواصل معنا لنساعدك بعملية تعلمك، وتذكر لانغ فورم موجودة دائماً مشانك ورح نكون شريكك بالطريق لتكتسب اللغة، وتكون متعلم ذاتي.💜

23/02/2023

الخطوة الخامسة من التعلم الذاتي هي التركيز 🎯 وهيك موضوع كتير مهم، التركيز رح يخليك تهدأ، ورح يخلي عندك ثقة، ومارح يخليك تضيع بعملية التعلم أبداً، ومن أهم الخطوات لتركز :
أهدافك يلي حطيتا عطيها وقت معين باليوم، ولما يجي الوقت ونبلش بالتعلم بعد عن حالك أيّ مشتات 🚫 وإذا كنت عم تتعلم من موبايلك أو لابتوبك والمشتات دائماً رح تكون بوجهك، تواصل معنا لنعطيك أدوات تساعدك تضل مركز وتبعد عنك أيّ شي ممكن يلهيك 😍 ودائماً تذكر بس تخلص هدفك كافئ حالك، المكافأة قد ماكانت بسيطة رح تخليك تواصل التعلم، ودائماً لاقي وقت للراحة.

الخطوة السادسة والأخيرة رح نحكي عنها بالبوست الجاية...💜
شوف بوستاتنا القديمة لتعرف أكتر عن الموضوع

22/02/2023

من أخطر الشغلات يلي ممكن تصير أنك تفقد حماسك☹️الحماس هو نقطة القوة يلي بتخليك تكمل، وبنفس الوقت نقطة الفشل والهمود إذا نفقدت، وهو الخطوة الرابعة بأنك تكون متعلم ذاتي، وإذا ما بتعرف الخطوات يلي قبل شوف بوستاتنا يلي نزلت قبل، طيب كيف تضل متحمس؟
دائماً كون متساهل مع حالك بعملية التعلم، حاول تضل أهدافك صغيرة، وكل ما تنجز هدف كافئ حالك💟 يمكن تفكر الموضوع مو مهم بس هو تراكمي، بعد بفترة بتلاقي نتيجة أنك تضغط حالك وما تكافئ حالك، ويلي هي الفشل.

خود على طول فترة راحة، وتذكر هي المقولة :
(Take Breaks From Your Studies To Refresh Your Mind And Body)
خود راحة من دراستك لتنشط عقلك وجسمك😍وهاد موضوع كتير مهم، دائماً منحاول نهتم بالدراسة، بس ما منهتم بالراحة من الدراسة يلي هو جزء مهم من عملية التعلم.

دور على حدا دائماً يعطيك النصيحة وقت تكون بفترة همود، شخص عندو خبرة بالمجال يلي انت فيه، ولهيك على طول ضل على تواصل معنا لأنو بلانغ فورم رح نحاول نحمسك، ونحاول نعطيك نصائح لتضلك على استمرارية، تعاونا نحنا وانت رح يعمل منك شخص متعلم ذاتياً، ولما تكون هيك رح تشوف نتائج كتير رهيبة، ونجاح كتير كبير.💜

الخطوة الخامسة: رح نكمل بالبوست الجاية... 🔥

21/02/2023

بتعرف انو اكتساب اللغة شي سهل؟😍
بس قبل ماتفكر بأكتساب اللغة لازم تفكر كيف تكون متعلم ذاتي ليكون الموضوع سهل عليك، ونحنا بلانغ فورم رح نساعدك تكتسب هي المهارة، وسابقاً حكينا شو هي الخطوة الأولى وهلأ رح نكمل:👇

2 - جمع مواردك: ويلي هي أنو تبلش تدور عن الأدوات والمصادر يلي رح تساعدك لتعلم الشي يلي بتحبو💟 بس بالنسبة لتعلم اللغة فتأكد أنو لانغ فورم هي المصدر الوحيد يلي رح يكفيك، لأنو وقت نتواصل معك رح نعطيك نصائح، وخطوات عملية لتساعدك بتعلم اللغة، ومصادرنا يلي رح نقدما موجودة وين مابدك، بس نحنا رح نعطيك ياها بطريقة منظمة ومدروسة لتاخد الفائدة خطوة بخطوة.

3 - الممارسة والتكرار: وهي الخطوة رح تكون من جهدك انت، ومدى تحمسك ورغبتك بتعلم الشي، لازم تكون صبور، والشي يلي عم تتعلموا تحاول تعيد فيه اكتر من مرة💞 و الاستمرارية رح تبني عادة التعلم عندك، ومع الوقت بتلاقي خبرتك بالشي اللي عم تتعلمو صارت اكبر، وصارت رحلة تعلمك أسهل.

الخطوة الرابعة: خبرنا بالتعليقات إذا ساعدك هاد البوست، ويتبع باقي الخطوات...💜

20/02/2023

ممكن يكون تعلم لغة جديدة شي مخيف، ويمكن صعب تعرف من وين تبلش،🤔 بس هالشي معد يكون هم أبداً، رح نحكي أكتر عن موضوع من وين تبلش بتعلم اللغة، بس هلأ في عنا مهارة كتير مهمة ويلي هي كيف تكتسب مهارة التعلم الذاتي يلي رح تسهل عليك عملية التعلم كتير، 6⃣ ست خطوات بسيطة لتكون متعلم ذاتي:

1 - لاقي شغفك: الخطوة الأولى هي دائماً الخطوة الأصعب، ولهيك نحنا بلانغ فورم دائماً منسهل عليك أصعب الأمور، بس نحنا بحاجة مساعدتك كمان، بأنك تحدد عدة أمور، وين انت هلأ باللغة، وين حابب توصل، وشو هدفك لتعلم اللغة، وبعدا نحنا رح نساعدك بهي الخطوة كيف تبسط الأمور وتنجز الخطوة الأولى بكل سهولة وبدون ما تحس بصعوبة هي الخطوة.💟

الخطوة التانية: رح نكمل ببوست تاني...
ساعدنا لنعرفك أكتر بالتعليقات، خبرنا عن مستواك باللغة، ولوين عنجد حابب توصل بالنهاية.💜

16/02/2023