06/10/2020
فقرة انواع الازهار بكتاب العلوم من ادق الفقرات اللي موجودة بقسم النبات وفيها لعب بالكلمات بخلي الطالب يدخل بالحيط...
كأستاذ مهمتك تفهم الطالب باي طريقة ممكنة
خمس سنين اعطاء و(( تسعين بالمية)) من طلابنا بيعتبروا العلوم بصم وهو ابعد ما يكون عن البصم هو مادة فهمية بالدرجة الاولى وبعدها بصير الحفظ سهل
طريقة شرحها بغنية انا ضد اكيد هاد الشي لانو بعتبرا ذاكرة قصيرة امد رح تنتسى بعد ساعتين او يوم
ابشع الشي يكون الاستاذ نمطي بالاعطاء واذا كان نفس الاسلوب على مدى سنة ونص بكلوريا الطالب رح يكره المادة و يبطل يحبا
المعلم الناجح هو اللي بغير اسلوب اعطاءه دايما و بيخترع شي جديد ((طبعا انا ضد وسائل التعليم الحديثة)) اللي ما بتقل نمطية عن الاسلوب المتحجر القديم
بدك تعرف حالك اذا انت استاذ بحبوك الطلاب ولا لأ؟
بدخلتك ع الصف طلع بوجه الطلاب ولحالك بتعرف اذا انت استاذ ناجح ولا لأ
ادام الله اساتذتنا اللي علمونا كيف نعطي و بتشكر كل حدا عطاني معلومة كانت سبب في نجاحي... والاستاذ كل يوم بيتعلم
كل عام وانتم بالف خير
ملاحظة :عيد المعلم الدولي ٥ تشرين
نحن منحتفل بعيد المعلم العربي
يعطيك العافية استاذ نشوان و ادامك الله ذخرا لطلابك قد نختلف بالاسلوب و لكن نبقى في خندق واحد ♥️
