علاماتي

طوابير التسجيل

كل سنة بفترة التسجيل، عدد كبير من الطلاب يضطروا يصفّوا بطوابير لساعات طويلة، وأحياناً يوم كامل أو أكثر، فقط حتى يقدروا يسجلوا.

ليش ما يصير تنظيم هالموضوع إلكترونياً؟

الفكرة باختصار:
يكون في تطبيق أو نظام تابع للكلية، الطالب يدخل عليه ويحجز موعد تسجيل حسب الأوقات المتاحة.

بهالطريقة ممكن نقلل:

- الطوابير الطويلة
- ضياع الوقت والازدحام
- التعب على الطلاب والموظفين
- الفوضى والتنظيم العشوائي

طبعاً التسجيل نفسه يبقى داخل الكلية، لكن الطالب يجي بموعده بدل انتظار ساعات.

حابب أعرف رأيكم بصراحة:
هل بتشوفوا الفكرة عملية ومفيدة؟

اشعار بعلاماتك📩
هالميزة اللي ضفتها عالبوت بالنسبة الي كثير حلوة ومن أكثر الشغلات اللي اعتبر حالي ابدعت فيها بهالبوت

هالميزة حاولت انو اسويها تكون كرسالة sms بس للاسف سيرياتيل بدها ترخيص وواسطات لحتى تعطينا هيك شي
وفي خدمات رسائل خارجية بس تكلفة عالية جدا

رأيكم بهالميزة ؟

📢 إعلان مهم بخصوص بوت علاماتي

🔥 فرصة لتكون أدمن معنا وتكون جزء من تطوير البوت، وتساهم فعلياً بمساعدة آلاف الطلاب يوصلوا لعلاماتهم بسهولة.

بهالفترة رح نستقبل أدمن متطوعين من مختلف الأقسام 👇

هالسنة الكلية نزلت العلامات بصيغة مختلفة وعشوائية شوي، وهاد الشي سبب مشكلة للبوت إنو ما عاد يقدر يتعرف على بعض المواد بشكل صحيح.

مثلاً ممكن تنزل المادة باسم مختصر أو غير واضح، مثل:
"س٣ ع عثماني"
بينما المفروض تنفهم إنها "الأدب العثماني – عربي سنة ثالثة"
إذا البوت ما عرف المادة، لازم تنضاف يدوي… وأنا ما عندي معرفة كافية بكل مواد كل الأقسام.

📌 دورك كأدمن:
- تساعد بتحديد أسماء المواد بشكل صحيح
- وتربط الأسماء العشوائية بالاسم الحقيقي للمادة

📩 اللي حابب ينضم، يكتب في التعليقات:
- القسم
- السنة
و رح نتواصل معكم 👍

حالة صيانة للبوت 🛠️

ولا تنسوا الصلاة على رسولكم الكريم ❤️

في كثير طلاب لسا ما بتعرف البوت، ف حابب وضّح كم نقطة:

البوت مو رسمي ولا تابع لأي كلية، وأنا مو موظف.
أنا طالب مثلكم، عملت البوت لمساعدة الطلاب يوصلوا لعلاماتهم بسرعة وبدون تعب البحث بالملفات.

البوت بيعتمد على الملفات اللي بتنزلها الكليات، ف أحياناً ما بيقدر يقرأ بعض الملفات بشكل صحيح.

توضيح مهم:
هالسنة نظام الملفات تغيّر عن السنوات الماضية، وكمان الأسماء مو ثابتة أو مرتبة،
يعني نفس المادة ممكن تنزل بأكثر من اسم مثل: "انكليزي" أو "لغة" أو "لغة أجنبية" أو حتى "لغه"،
والبوت بيتعامل مع النص بشكل دقيق، فأي اختلاف بالحروف بيخليه ما يتعرف على المادة.

لهيك ممكن تصير بعض الأخطاء أو الخربطة بالنتائج.

شكراً لتفهمكم 🙏