Dugsiga H/ dhexe Ee Cumar Ciise Taleex

06/09/2026

Dugsiga H/ dhexe Ee Cumar Ciise Taleex

Ayaa munaasabad dhiirrogelin iyo abaalmarin ah u sameeyey ardaydii ku guulaysatay Top Ten-ka Dugsiga, iyo labadii fasal ee ku guulaystay Tartankii Aqooneedka ee sannad-dugsiyeedka 2025/2026.

Labada fasal ee ku guulaystay tartanka aqooneed ayaa kala ahaa:
Fasalka 7aad – Group B
Fasalka 3aad – Group B

Munaasabaddan ayaa ujeeddadeedu ahayd in lagu dhiirrogeliyo ardayda dadaalka iyo waxbarashada ku wanaagsan, si ardaydu ugu dadaalaan inay gaaraan heerar waxbarasho oo sare.

Deeq Waxbarasho (Scholarship)
Maamulka Dugsigu wuxuu sidoo kale ku dhawaaqay inuu deeq waxbarasho oo buuxda (Scholarship) siin doono labada arday ee ugu sarreeya Dugsiga Hoose iyo Dugsiga Dhexe, taas oo qayb ka ah dadaalka dugsigu ugu jiro dhiirrogelinta ardayda kartida iyo dadaalka muujisa.

Maamulka Dugsiga Cumar Ciise wuxuu hambalyo iyo bogaadin u dirayaa dhammaan ardayda kaalmaha sare ka galay Top Ten-ka, fasalladii ku guulaystay tartanka aqooneed, iyo dhammaan macallimiinta iyo waalidiinta qaybta ka qaatay guulaha ardayda.

28/08/2026

27/08/2026

🎓 HAMBALYO IYO BOGAADIN 🎓

Wuxuu hambalyo iyo bogaadin u dirayaa
Dugsiga Omar ciise dhammaan ardayda Waqooyi bari ee Fasalka 8-aad ee maanta loo shaaciyey natiijada imtixaanka, gaar ahaan ardayda Dugsiga Omar Ciise Primary & Intermediate School, kuwaas oo dhammaantood ku baasay natiijooyin wanaagsan.

Waxaan si gaar ah hambalyo ugu diraynaa saddexda arday ee ugu Sarreeyey Gobolka xaysimo, kuwaas oo kala ah:

1- Mohamoud Mohamed Ahmed dulane
2- Khadar Ahmed Mohamed Warsame
3-Ahmed Ali Mohamoud Mohamed

01/07/2026

waxaan hambalyo u dirayaa dhammaan ardayda maanta dhamaysatay imtixaanka shahaadiga ah ee f.8aad ee reer w/bari ,gaar ahaan dugsiyada:
Dugsiga H/ dhexe Ee Cumar Ciise Taleex ,
Carooley,
Iftin god,aalo
falaad
Sarmaayo
xalin
Burcadle
Suldaan walah,

29/06/2026

Taleex

28/06/2026

Taleex

Waxaa saaka oo ku beegan 28/06/2026 si rasmi ah uga furmay xarunta Dugsiga Hoose/Dhexe ee Cumar Ciise Taleex imtixaanka Fasalka 8-aad. Iyadoo ay ka qeyb galayaan ku dhawaad 200 arday oo ka kala yimid dugsiyadan:

1: Carooley
2: Suldaan
3: Xalin
4: Falaad
5: Iftin God'aalo
6:Burcadle
7:Sarmaayo
8:Cumar Ciise
Waxaan u rajaynaynaa dhammaan ardayda inuu Alle u fududeeyo imtixaanka, kana dhigo mid ay ku muujiyaan aqoontii iyo dadaalkii ay soo barteen. Waxaan idin leenahay nasiib wacan, guul iyo natiijooyin aad u wanaagsan ayaan idiin rajaynaynaa.

25/05/2026

Maamulka Dugsiga ayaa dhiirogelin iyo bogaadin u sameeyey ardayda fasallada 7-Group A iyo 7-Group C, kuwaas oo si heer sare ah uga qeyb qaatay tartan-aqooneedka dugsiga ee sannad walba la qabto.

Ardaydu waxay soo bandhigeen firfircooni, wada shaqeyn, aqoon isweydaarsi, iyo karti aqooneed oo muujinaysa dadaalkooda waxbarasho. Waxa ay caddeeyeen in ay yihiin arday aqoon ahaan u dhisan, lehna anshax iyo hufnaan waxbarasho.

Maamulka iyo macallimiinta dugsigu waxay ku ammaaneen dadaalka iyo horumarka ay muujiyeen, iyagoo u rajeynaya guulo iyo heerar sare mustaqbalka.

14/02/2026

Xafladda Abaalmarinta Ardayda Kaalmaha H**e ka Gashay Imtixaanka Mid-Termka
Sanad Dugsiyeedka 2025–2026.

Waxaa Dugsiga lagu qabtay xaflad lagu maamuusayey ardayda kaalmaha h**e ka gashay imtixaanka Mid-Termka.

Iyadoo ay ka soo qeyb galeen masuuliyiin iyo qeybaha kala duwan ee bulshada.
Xafladda waxaa Kaso qeyb-galay:
Maayarka Degmada - taleex Ahmedweli Abdilhi.
Xog-hayaha Dr Mohamed Ahmed bulaale.
Guddoomiyaha Waxbarashada Degmada Taleex
Mohamed Adam Yousuf.
Guddoomiyaha Ururka Haweenka Faaduno xasan Mohamed.
Waalidiin, macallimiin iyo qeybaha kale ee bulshada.

Masuuliyiintii halkaas ka hadlay ayaa si wadajir ah ugu hambalyeeyey ardayda dadaalka iyo guusha ay gaareen, iyagoo ku boorriyey inay sii wadaan dadaalka, akhlaaqda suuban iyo ixtiraamka macallimiinta iyo waalidiinta.

Maayarka Degmada ayaa sheegay in waxbarashadu tahay tiirka horumarka bulshada, wuxuuna ku dhiirrigeliyey ardayda in ay noqdaan jiil aqoon leh oo dalkooda iyo dadkoodaba anfaca.

Sidoo kale, Guddoomiyaha Waxbarashada Degmada ayaa tilmaamay in ardayda maanta la abaalmariyey ay tusaale u yihiin dhammaan ardayda kale.

xafladdan waxay ahayd mid kor u qaadaysa qiimaha waxbarashada iyo dhiirrigelinta ardayda, taas oo ka tarjumaysa iskaashiga ka dhexeeya maamulka, waalidiinta iyo bulshada inteeda kale.

11/01/2026

Maanta waxaa guul ku soo dhammaaday imtixaanka Term-ka Koowaad ee sannad dugsiyeedka 2025/2026.

Ardaydu waxay muujiyeen dadaal, dulqaad, iyo mas’uuliyad waxbarasho.

Maamulka iyo macallimiinta iskuulka waxay ku bogaadinayaan ardayda dadaalkooda, iyagoo ku dhiirrigelinaya in imtixaankani noqdo tallaabo u horseeda horumar iyo guulo ka sii waaweyn.

Ilaahay ha u fududeeyo ardayda natiijooyin wanaagsan, hana ka dhigo kuwo cilmigooda ku anfacaya naftooda, waalidkood, iyo ummaddooda.

📚✨ Waxbarashadu waa iftiin, ardayguna waa rajada berri. ✨📚