Sheikh Osman Omar Secondary School-shoos"

Xafladda Abaalmarinta Ardaydii Soo Gabagabaysay Barashada Kombuyuutarka 💻

Maanta oo taariikhdu ahayd 02-02-2026 waxaa la abaalmariyay ardaydii si dadaal iyo hawlkarnimo leh u soo gabagabaysay barashadii kombuyuutarka. Xafladdan ayaa ujeedadeedu ahayd dhiirrigelin, mahadcelin, iyo in lagu aqoonsado dadaalka ay muujiyeen ardaydu intii ay ku jireen tababarka.

Munaasabaddan kooban waxaa ka soo qayb galay maamulka dugsiga, macallimiinta qaar, oo dhammaantood hambalyo iyo dhiirrigelin u diray ardayda.

Tababarka waxaa iska kaashaday guddiga ardayda iyo macallin Abdullahi Mohamed Ahmed oo tababarka bixinayay.

Hambalyo Ardayda Kaalmaha H**e!!

Maanta oo taariikhdu tahay 29/01/2026 waxaa Dugsiga Sare ee Sheekh Osman ka dhacday munaasabad qiimo badan oo lagu maamuusay 15-ka arday ee kaalmaha h**e ka galay imtixaanka teeramka dhexe.

Waxaa xafladda kasoo qayb galay, Maamulka dugsiga, macallimiin, waalidiin iyo marti sharaf kale oo kala duwan.Waxaa la guddoonsiiyay ardaydii kaalmaha galay abaalmarino kala duwan sidoo kale waxaa lagu bogaadiyay dadaalka, iyo kartida ay muujiyeen kuwaas oo tusaale wanaagsan u noqday ardayda kale.

Gabogabadii waxaan ku dhiirrigelinaynaa dhammaan ardayda dugsiga in ay ku daydaan dadaalka iyo adkaysiga ay muujiyeen ardaydan.

Mahadsanidin

BOOQASHO!!

Maamulka, macallimiinta iyo ardayda Dugsiga Sare ee Sheikh Osman Omar Secondary School-shoos" waxay si diirran u soo dhaweynayaan booqashadii qiimaha lahayd ee ay nagu yimaadeen guddiga ardayda dugsiyada mumtada, Azhar Sharif iyo Al Ixsan.

Booqashadani waxay ahayd mid xambaarsan isbarasho, is-dhaafsi aqoon, waayo-aragnimo iyo dhiirrigelin ardayeed, taas oo xoojinaysa wada-shaqeynta iyo xiriirka walaaltinimo ee ka dhexeeya dugsiyada.

Waxaan uga mahadcelineynaa maamulka iyo macallimiinta dugsiyada Mumtada ,Azhar Sharif iyo Al Ixsan dadaalkooda iyo doorka ay ka qaateen hirgelinta booqashadan. Sidoo kale, waxaan rajeynaynaa in ay noqoto bilow iskaashi miro-dhal ah mustaqbalka.

Ku soo dhowaada mar walba Dugsiga Sare ee Shiikh Osman.

TABABAR IYO AQOON KORORSI!!

Guddiga ardayda dugsiga sare ee Sheikh Osman Omar Secondary School-shoos" iyo macadka Saylan college ayaa qabtay tababar ku saabsan fagaara ka hadalka (public speaking) kasoo ay ka faaidaysteen araday lana gudoonsiiyay shaqaadooyin la xiriirta tababarka ay qaateen.

KULAN ISBARASHO

Gudiga ardayda dugsiga sare ee Shiekh Osman iyo kan dugsiga dhexe ee Abdiladiif bilaal qaytiisa dhexe ayaa yeeshay kulan ay isku baranayeen labada guddi kaasoo ka dhacay dugsiga dhexe ee Abdiladiif bilaal.

Kulan kaas ayaa daaranaa sidii ay labada guddi ay si dhow uga wada shaqayn lahaayeen howlaha ardayda hor tabinta u leh.

Ogaysiis!!

Dhamaan ardayda Dugsiga sare ee Shiekh Osman Secondary school waxa lagu wargelinyaa in maanta 9:00 AM Subaxnimo oo taariikhdu tahay 10-06-2025 ay kala Socon karaan natiijadooda imtaxaanka Final-ka Database-ka dugsiga.

Linkgan isticmaal

https://shiekhosman.com


Mahadsanidin
Guul Wacan.

War-galin

Maanta oo Taatiikhdu tahay 07-5-2025 dugsiga sare ee Shiikh Cismaan iyo Abdiladiif primary and intermediate schools waxay ku wargelinayaan Ardayda iyo waalidiinta in maanta dugsiyadu ay fasax yihiin, maadaama ay roobab magaalada ka da'ayaan isku socodkuna adag yahay.

Jadwalka imtaxaanku wuxuu u socnayaa sidiisii oo beri waxaa la galayaa imtaxaankii maanta baaqay.

Wabilaahi towfiiq