Al-Hanan Orphanage School Gardo

Ururka Horumarinta Degmada Qardho ayaa sanadkii 11-aad si xiriir ah u ciidsiiyay ardayda agoonta ah ee wax ka barata Dugsiga Daarul Xanaan ee magaalada Qardho.

Barnaamijkan samafalka ah ayaa qayb ka ah dadaallada joogtada ah ee ururku ku taageero carruurta danyarta ah, gaar ahaan kuwa waayay waalidkood, si ay ula qeybsadaan farxadda munaasabadda Ciidda.

Dugsiga Daarul Xanaan ee lagu xanaaneeyo carruurta agoonta ah ayaa la aas-aasay sanadkii 1997, waxaana uu soo maray marxalado kala duwan oo horumar iyo caqabado isugu jira intii uu jiray.

Ururka Horumarinta Degmada Qardho oo xubnihiisu ku kala sugan yihiin gudaha dalka iyo dibaddiisa ayaa door muuqda ka qaatay hirgelinta deeqdan, iyagoo kaashanaya muxsiniin si mutadawacnimo ah u bixiyay dhaqaalaha lagu farxadgeliyay carruurtan.

Sidoo kale, Warsan iyo Waxsan oo ah wakiillo matalayay muxsiniinta ayaa door weyn ka qaatay gaarsiinta deeqdan, iyagoo hubiyay in si hufan loo gaarsiiyo carruurta u baahan.

Ugu dambeyn, maamulka iyo macallimiinta dugsiga ayaa si weyn u soo dhaweeyay tallaabadan, iyagoo ku tilmaamay mid wax weyn ka tari doonta daryeelka iyo dhiirrigelinta carruurta agoonta ah.

Xafladda qalin jebinta fasalka 8aad ee iskuulka Al-Xanaan ee Agoonta Qardho

Talaado 17/2/2026
Waxa maanta dugsiga Agoonta ee Al-Hanan Qardho kadhacday xaflad lugu abaal marinayey Ardayda kaalmaha h**e ka galay imtixaanka dhexe (mid-term exam-ka ) isla markaana lugu sagootinayey ardayda fasalka 8aad ee sugsiga sare u qalin beddelanaya
Waxa kale ee xafladda abaalmarinno iyo shahaadooyin lugu guddoonsiiyey 21 arday oo dhammayey Qur’aanka kariimka ah.

OGAYSIIS

Ascww

Dhamaan ardayda iyo waalidiinta iskuulka Agoonta Alxanaan Qardho waxaa Ogaysiinaynaa in uu maanta iskuulku fasax yahay dhulka oo dhiiqa ah awgiis iyo biyo yar oo socanaya awgeed
sidaa darteed waxaan ardayda u sheegaynaa inay wax akhristaan oo maalinkaas ka faa’iidaystaan say wax u akhrin lahaayeen

imtixaanka jawdwalkiisa wax ma iska badalayaan waxa uu ku soocon doonaa sidii hoary u ahaa
oo bari ayuu imtixaanku bilaabanayaa insha allaaah

Fasalka 8aad iyaga waa imanayaan 8:30 subaxnimo


GUULAYSTA