Dugsiga Daarul Cilmi ee qardho

🎓 MUNAASABAD ABAALMARIN

Maamulka Dugsiga Daarul Cilmi – Qardho ayaa si heer sare ah u qabtay munaasabad lagu maamuusay laguna abaalmariyey 33 arday oo dhammeystay hingaadda, iyo ardaydii ku guulaysatay kaallimaha h**e ee imtixaankii sannad-dugsiyeedka 2025/2026.

Martidii sharafta lahayd ee ka soo qayb gashay munaasabadda ayaa si weyn u bogaadisay dadaalka Maamulka Dugsiga Daarul Cilmi, iyagoo ku ammaanay doorkooda ku aaddan horumarinta tayada waxbarashada iyo dhiirrigelinta ardayda, waxayna ardayda ku boorriyeen inay sii laba jibbaaraan dadaalkooda.

🎉 Hambalyo dhammaan ardayda la abaalmariyey. Guushiinnu waa guusha bulshada oo dhan.
Dugsiga Daarul Cilmi Halka aqoonta, akhlaaqda iyo horumarku ku kulmaan. 🌱📚

Qayb ka mid ardayda Dugsiga Daarul Cilmi ayaa loo qabtay cashar ku-dhaqan (Practical) oo ku saabsan Aadaabta Cabista (آداب الشرب), si ay u bartaan una dhaqangeliyaan sunnada Nebigeenna ﷺ.

✅ Waxyaabihii la baray:

🟢 Bismillaah iyo Alxamdulillaah – In lagu bilaabo cabitaanka Bismillaah, laguna soo gabagabeeyo Alxamdulillaah.

🪑 In la fadhiisto – In la cabbo iyadoo la fadhiyo, lagana fogaado cabbidda iyadoo la taagan yahay haddii aanay jirin baahi.

🤲 Gacanta midig – In cabitaanka lagu qaato laguna cabo gacanta midig.

💧 Saddex neefsasho In cabitaanka logu cabo , iyadoo neefta lagu qaadanayo bannaanka weelka.

🚫 In aan lagu neefsan ama lagu afuufin weelka cabitaanka.

🌟 Dugsiga Daarul Cilmi wuxuu mar walba u taagan yahay barbaarinta jiil leh cilmi, akhlaaq iyo ku dhaqanka sunnada Nebigeenna ﷺ.

📖 Ku soo biir Dugsiga Daarul Cilmi – Waxbarasho tayo leh, I tus oo I tabsii ah.

Maanta Ardayda Dugsiga Daarul Cilmi waxaa loo qabtay cashar ku-dhaqan (Practical) oo ku saabsan Aadaabta Xirashada Kabaha (آداب الانتعال), si ardaydu ugu dhaqmaan sunnada Nebigeenna ﷺ ee nolol maalmeedka.

Waxyaabihii lagu tababbaray waxaa ka mid ahaa:

1: In kabaha lagu bilaabo lugta midig, taas oo ka mid ah sunnada Nebiga ﷺ.
2:In ardaydu si toos ah ugu dabaqaan habka saxda ah ee xirashada kabaha.

3:In carruurtu la qabsadaan ku dhaqanka sunnada laga bilaabo yaraantooda.

4: In aadaabta Islaamku ay qayb ka tahay nolol maalmeedka qofka Muslimka ah.

Daliilka:

قال رسول الله ﷺ: «إِذَا انْتَعَلَ أَحَدُكُمْ فَلْيَبْدَأْ بِالْيُمْنَى.»

Dugsiga Daarul Cilmi wuxuu mar walba u taagan yahay barbaarinta jiil isku dhafan oo leh cilmi, akhlaaq iyo ku dhaqanka sunnada Nebiga ﷺ.

📖 Ku soo biir Dugsiga Daarul Cilmi – waxbarasho tayo leh,(I tus oo i tabsii), si aqoontu u noqoto mid la fahmo lana dhaqangeliyo.

📚 Qaybtii 3-aad | Soo Bandhigidda Ardayda Dhammaysay Hingaadda

Waa qaybtii saddexaad ee taxanaha soo bandhigidda ardayda si guul leh u dhammaysay barashada hingaadda.

Ardaydu waxay muujiyeen horumar muuqda iyo aqoon ay ku kasbadeen dadaal iyo barbaarin tayo leh.

Dugsiga Daarul Cilmi waxa ka go'an soo saarista arday aqoon, akhlaaq iyo karti leh, kuna gaadha yoolkooda wakhti kooban.

Hingaaddu waa saldhigga akhriska saxda ah iyo albaabka lagu galo barashada Qur'aanka Kariimka ah iyo culuumta kale.

Daarul Cilmi – Hoyga Aqoonta iyo Barbaarinta Jiilka Mustaqbalka.

La soco qaybaha dambe, si aad u aragto guulaha iyo hibada ardaydeenna.

📚 Qayb ka mid ah Bandhigyada Dugsiga Daarul Cilmi

🔹 Qayb ka mid ah ardayda Dugsiga Daarul Cilmi ayaa soo bandhigay Adaabta Salaanta, iyagoo si hufan u muujiyey hababka wanaagsan ee Islaamku farayo marka la is salaamayo.

🔹 Dugsiga Daarul Cilmi wuxuu si joogto ah uga shaqeeyaa soo saarista arday ku dhisan aqoon, akhlaaq iyo anshax suuban, si ay u noqdaan jiil bulshada anfaca.

📖 Daarul Cilmi – Hoyga Aqoonta iyo Tarbiyadda.

🌿 Madadaalada Ardayda – Dugsiga Daarul Cilmi 🌿

Dugsiga Daarul Cilmi waxa uu marar kala duwan u qabtaa ardaydiisa madadaalooyin iyo barnaamijyo dhiirrigelin leh, kuwaas oo qayb ka ah hannaan waxbarasho casri ah oo daryeela maskaxda iyo dareenka ardayga.

Muhiimadda madadaalada ardayda:

1:Waxay kor u qaaddaa niyadda iyo kalsoonida ardayga.

2:Waxay yareysaa daalka iyo culayska ka dhasha waxbarashada.

3:Waxay kobcisaa hal-abuurka, wada-shaqaynta iyo isdhexgalka ardayda.

4: Waxay dhiirrigelisaa in ardaydu si firfircoon uga qayb qaataan waxbarashada.

●Dugsiga Daarul Cilmi waxa uu aaminsan yahay in waxbarashada guusha leh aysan ku dhisnayn cabsi, ciqaab iyo caburin, balse ay ku dhisan tahay jacayl, dhiirrigelin, ixtiraam iyo fahamka baahiyaha ardayga.

Sidaas darteed, madadaalada iyo dhiirrigelintu waa tiir muhiim u ah dhismaha arday maskax ahaan caafimaad qaba, akhlaaq wanaagsan leh, kana hela waxbarashada farxad iyo horumar.

Daarul Cilmi – Hoyga Aqoonta iyo Tarbiyadda.