25/05/2025
Dhibaatooyinka Laga Dhaxlo Baraha Bulshada (Social Media)
Baraha bulshada waa aalado casri ah oo dadku ku wada xiriiraan, balse waxay sidoo kale leeyihiin dhibaatooyin badan haddii aan si miyir leh loo isticmaalin. Qaar ka mid ah dhibaatooyinkaasi waxaa ka mid ah:
1. Dhibaatooyinka Maskaxda iyo Nafsiga:
Welwel badan (Anxiety): Wararka xun, is barbar-dhigga nolosha dadka kale, iyo muuqaallada quruxsan ee la isla dhexmaro waxay keenaan welwel iyo cadaadis nafsi ah.
Murugo iyo niyad-jab (Depression): Aragtiyo been abuur ah oo laga helo guulaha dadka kale ayaa sababi kara niyad-jab, gaar ahaan marka la dareemo in noloshaada aysan la jaanqaadi karin.
Kalsooni la’aan nafta ah: Filter-ka iyo sawirrada la hagaajiyay waxay dadka qaar ka dhigaan in ay dareemaan in aysan qurux badaneyn ama aysan qiimo lahayn.
2. Lumin Shaqsiyadda:
Dad badan ayaa isku dayaya inay ku daydaan dadka caan ka ah baraha bulshada, iyagoo iska illooba shaqsiyadoodii dhabta ahayd. Waxay si ula kac ah ugu dhaqmaan si aan ahayn dabeecaddooda si ay ugu ekaadaan kuwa muuqaal ahaan ama dhaqaale ahaan guuleystay.
3. Faafinta Wararka Beenta ah (Fake News):
Baraha bulshada waxaa si sahlan loogu faafiyaa warar been ah oo aan xaqiiqo ku salaysnayn. Wararkaas waxay dhaawacaan sumcadda dadka iyo bulshada, waxayna abuuraan khilaaf iyo jahawareer.
4. Luminta Waqtiga:
Baraha bulshada waxay si xad dhaaf ah u lumiyaan waqtiga. Taasoo hoos u dhigta wax-soosaarka qofka, waxayna saameyn xun ku yeelataa waxbarashada, shaqada, iyo xiriirka bulshada.
Xigasho Diini ah: قال رسول الله صلى الله عليه وسلم:
"لا يُبَلِّغُنِي أحدٌ عن أحدٍ من أصحابي شيئًا، فإني أحب أن أخرج إليكم وأنا سليم الصدر."
Riwaayadkan waxaa weriyay Abuu Da'uud iyo Tirmidi, waxaana saxiixiyay Al-Albaani.
Macnaha xadiiskan wuxuu tilmaamayaa muhiimadda ay leedahay in qofku qalbigiisu nadiif ka ahaado waxyaabaha laga sheego dadka kale, taas oo si gaar ah muhiim ugu ah xilligan la joogo ee warar badan lagu faafiyo baraha bulshada
Qore :Eng Ali Adan..
