Adult Commercial Secondary School

Dhawaan waxaa la shaacin doonaa xiliga rasmiga ah ee ay dhacayso doorashada Midowga Ardayda Dugsiyada Adult-MADA.

Halkan ku xirnaw si aad ula socoto wixii cusub.

📚 Buug kasta oo aad furto, wuxuu kuu furaa albaab cusub.

Aqoontu ma aha wax hal mar la helo, waa safar aad ku korto maalin kasta. Buug kastoo aad akhrido wuxuu kuu kordhinayaa faham, feker iyo fursado cusub oo noloshaada wax ka beddela.

Ha ka daahin bilowga akhriska… maanta fur buug, berri fur mustaqbalkaaga.

Iskuulka Adult wuxuu kuu hayaa fursadii aad buug ku furi lahayd

Gudoomiyaha Mu'asasada, maamulka, macallimiinta, ardayda iyo qalinjabiyayaasha Iskuulka Adult waxay hambalyo iyo bogaadin u dirayaan 𝐔𝐠𝐚𝐚𝐬 𝐂𝐚𝐛𝐝𝐢𝐫𝐢𝐬𝐚𝐚𝐪 𝐔𝐠𝐚𝐚𝐬 𝐂𝐚𝐛𝐝𝐮𝐥𝐥𝐚𝐚𝐡𝐢 𝐔𝐠𝐚𝐚𝐬 𝐅𝐚𝐚𝐫𝐚𝐱𝐚𝐝𝐞, oo maanta lagu caleemo saaray magaalada Muqdisho.

Ugaas Cabdirisaaq wuxuu ka mid ahaa ardaydii ka aflaxday Iskuulka Adult.

Waxaan Alle uga baryeynaa inuu xilkaas ku asturo, ku garab galo gudashadiisa, kana dhigo mid caddaalad ku hoggaamiya ummaddiisa. Ilaahay ha siiyo caafimaad, cimri dheer iyo guul joogto ah.

Hambalyo, hambalyo mar kale, waxaana u rajaynaynaa mustaqbal ifaya iyo hoggaan guuleysta.

Maanta oo ay tariikhda tahay 24-4-2026 , waxaa si rasmi ah u qabsoomay shirka sanadlaha oo ay isugu yimaadeen dhammaan maamulada xaruumaha, maamulka guud iyo macalimiinta Dugsiyada Adult.

Shirkan ayaa diiradda lagu saaray arrimo badan oo muhiim u ah horumarinta waxbarashada, kor u qaadidda tayada dugsiyada, iyo sidii loo xoojin lahaa wada shaqeynta u dhaxeysa maamulka iyo macalimiinta.

Waxaa si qoto dheer looga wada hadlay waxyaabihii qabsoomay, caqabadaha jira, iyo qorshayaasha mustaqbalka ee sannad dugsiyeedka Nagu soo food leh.

Ugu dambeyn, dhammaan ka qeybgalayaasha waxay muujiyeen dadaal iyo ka go’naansho ay ku horumarinayaan adeegga waxbarasho ee dugsiyada Adult.

*𝐏𝐫𝐚𝐜𝐭𝐢𝐜𝐚𝐥 𝐒𝐞𝐬𝐬𝐢𝐨𝐧𝐬*- 𝐁𝐥𝐨𝐨𝐝 𝐆𝐫𝐨𝐮𝐩𝐢𝐧𝐠 𝐈𝐝𝐞𝐧𝐭𝐢𝐟𝐢𝐜𝐚𝐭𝐢𝐨𝐧 🩸
Ardayda Fasalka Form Two Ee Xarunta 𝐀𝐝𝐮𝐥𝐭 𝐆𝐚𝐫𝐚𝐬𝐛𝐚𝐥𝐞𝐲 Ayaa Maanta Sameeyay Practical Ku Saabsan Nuucyada Dhiiga & Sida Lagu Soo saaro.

Maalinta Jimcaha waxaa inoo qabsoomi doona kulanka sanadlaha ee Dugsiyada Adult, kaas oo aan qabanno xilligan oo kale sanad kasta.

Kulankani wuxuu muhiim u yahay horumarinta waxbarashada, isla xisaabtanka, iyo u diyaar garawga imtixaanada shahaadoga ee fasalada 8aad-ka iyo 12aad-ka.

Ogeysiis

ADULT Educational Institute wuxuu qaadanayaa arday cusub oo loogu talagalay:

1. Basic Education

2. Ardayda doonaysa inay bartaan Maadooyinka Scientific Subjects-ka

Fadlan la xiriir 61 9209222 .

Jimco wanaagsan bahda Adult meel walba oo aad dunida ka joogtaan

“Maalin kasta oo aad wax barato waa maalin aad naftaada dhisayso.”

Waxbarashadu ma aha oo kaliya buug la akhriyo ama cashar la dhageysto, balse waa iftiin maskaxda lagu shido iyo jid nololeed lagu hago.

Qof kasta oo maalin kasta wax barta, wuxuu si tartiib ah u dhisanayaa aqoontiisa, kartidiisa iyo kalsoonidiisa. Maalin aan wax la baran waa fursad luntay, balse maalin wax lagu kordhiyo waa maalgelin mustaqbalkaaga ah.