Dugsiga Imaamu-maalik KM13

Maamulka Macalimiinta iyo Dhamaan hawl wadeenada Mu'assasada Dugsiyada Imam-Malik

faraca Km13 Waxaa ay xanuunka la qaybsanayaan Ibrahim moallin abdirahmaan oo ka mid ah ardayda dugsiga Imam-Malik fasalka 7/A.

kaa dhaawac ka soo gaaray Askari dad shacab ah rasaas ku furay Alle waxaan uga barayaynaa in uu caafimaad taam ah siiyo.

Warbixin Kooban: Kulanka Waalidiinta iyo Maamulka Dugsiyada Imam-Malik – Laanta Tareedisho (KM13)

Galabnimadii maanta ayaa lagu qabtay laanta dugsiyada Imam-Malik ee deegaanka Tareedisho (KM13) kulan muhiim ah oo lagu xoojinayay iskaashiga waalidiinta iyo maamulka si kor loogu qaado tayada waxbarashada iyo tarbiyada ardayda.

Kulankan ayaa qeyb ka ah dadaallada joogtada ah ee mu’asasadda Imam-Malik ku horumarinayso heerka waxbarasho iyo tarbiyeed ee ardayda, iyadoo kulammo la mid ah todobaadkii h**e lagu qabtay laamaha Kaamil iyo Dibileey ee degmada Dayniile.

Waxaa kulanka ka soo qeybgalay masuuliyiin ka tirsan Mu’asasada Imam-Malik, Guddiga Tacliinta, maamulka laanta Tareedisho, iyo waalidiin badan oo si firfircoon uga qayb qaatay kulanka.

Inta lagu guda jiray kulanka, waxaa lagu lafa-guray doorka muhiimka ah ee waalidka ee kor u qaadista akhlaaqda iyo waxbarashada ilmaha, sida iyo waqtiga ay tahay in waalidiintu ula socdaan waxbarashada carruurtooda, iyo sida loo xoojin karo xiriirka u dhaxeysa waalidka iyo dugsiga.

Gebagebadii, masuuliyiinta dugsiga iyo guddiga tacliinta ayaa uga mahadceliyay waalidiinta ka soo qeybgalka, iyagoo ku boorriyay in iskaashigan uu noqdo mid joogto ah si loo gaaro hadafka ah in ardayda Imam-Malik ay noqdaan kuwo aqoon, akhlaaq iyo karti leh.

HAMBALYO… HAMBALYO

Hambalyo HUSSEIN ABDIRAHMAN MUKHTAR iyo ABDIRAHIM ABDINOR YUSUF oo kamid ahaa dufcaddii 17-aad. Labadan arday ayaa ku guuleystay imtixaan adag oo lagu tartamayey deeq waxbarasho oo dhameystiran, taas oo ay sannad walba bixiso hay’adda Hormuud Salaam Foundation.

Guushan waxay caddeyn u tahay dadaalka, go’aanka iyo himilada ay lahaayeen. Waa guul ka tarjumeysa shaqo adag iyo dulqaad, sidoo kale waxay dhiirrigelin u tahay ardayda kale ee doonaya inay gaaraan heerkan.

Mar kale hambalyo ayaan leenahay, waxaana Ilaahay uga baryeynaa in dadaalkiinna uu barako ku dhigo, waxbarashadiinnana u noqoto mid idinka iyo bulshada Soomaaliyeedba anfacda.

Xafladda Qalinjebinta Dufcaddii 17'aad ee ka aflaxday Dugsiyada Imam-Malik..

Beerta Daarusalaam ee degmada Darussalam.

Isniin: 22 Sebteembar, 2025

📚✨ Sannad Dugsiyeed Cusub – Safar Cusub oo Guul ah! ✨📚

Sannad-dugsiyeedka cusub waa hiigsi cusub, cashirro cusub iyo fursado cusub. 🌟

Soo laabta annaga si aan dib ugu billowno safarkeennii guusha, innaga oo leh, kalsooni, anshax iyo niyad-sare.

💡 Xasuusnoow:
✅ Waxbarashadu waa furaha mustaqbalka 🔑

✅ Maalin walba waa fursad qaali ah oo aad ku sameyn karto isbeddel 🌅

✅ Aamin naftaada, waad gaari kartaa guusha 💪

✅ Wadajir ayaan wax u baraneynaa si aan wadajir ugu gaarno guusha 🤝

Ballanteennu waa: ISNIIN - 01.09.2025

Hambalyo dhamaan ardada dugsiyada Imam-Malik ee sida guusha leh uga gudbay Imtixaankii Qaranka ee Fasalka 12aad 2024/2025.

Waxaan farxadda la wadaageynaa dhammaan bahda dugsiga, oo ay ugu horreeyaan ardada dadaashay, macallimiintii wax bartay, waalidiintii u heellanaa iyo maamulka qeybaha kala duwan ee dugsiga.

Waxaa idiin billaabanaya bog cusub oo nololeed kaas oo wata fursado iyo caqabado isbarbar socda, loogana gudbi karo karti, dadaal iyo dulqaad.

Mar walba guul ayaan idiin rajeyneynaa sida aad u dhantihiin.

⭐🎓📚📕📒

Wasaaradda Waxbarashada waxa ay bulshada u caddeyneysaa in Natiijada la shaacin doono, berri oo Axad ah, 24-ka Agoosto 2025, 4:00PM.

Wixii faahfaahin fadlan la xiriir
Xafiiska warfaafinta iyo xiriirka bulshada
Abdiaziz Wali
[email protected]
Facebook.com/moechesomalia
Twitter.com/moechesomalia