Zamzam University Business Students Association—ZUBSA

ACTIVITY (4)
Dhawaan kuliyadda Maamulka iyo dhaqaalaha ee Jaamacadda Zamzam University waxay qaban doontaa dhacdo dalxiis (Tourism Event) waxaana dalxiis gaaban loo aadi doonaa NIMOW.
Taariikhdu markay tahay 11 July, 2025.

ACTIVITY (3)
Tartanka kubadda cagta ee udhexeeya kooxaha kala duwan ee kuliyadda Maamulka iyo Dhaqaalaha Jaamacadda Zamzam University ayaa soo bilowday 3'dii may 2025.
Laga soo bilaabo maalintaas waxaa soo socday Tartan aad uxiiso badan oo lagu kala badinayey natiijooyin kala duwan. Ugu danbayntii waxaa lasoo gaaray finalka tartanka.
Maanra oo ay taariikhdu ahayd 11 June 2025 waxaa isagu yimid finalka tartanka kooxaha kala ah da'yarta foundation C iyo Economic Semister 8, dhammaadkii ciyaartana waxaa la kala helay goolal kala ah Economics: 1 goal iyo foundation C: 2 goal.
Sidaasna waxaa winners ku noqdey kooxda foundation C.

Gudoomiyaha xukuumadda ZUBSA marwo Sultana Mohamed waxay hanbalyo ku aadan guusha ay gaareen udireysaa kooxda foundation C. Sidoo kale waxay dhiirigelin iyo bogaadin udireysaa dhamaan kooxihii kasoo qayb qaatay tartanka, wayna uga mahad celinayaa sidey usoo ilaaliyeen habsami u socodka ciyaarta iyo ilaalinta anshaxa guud ee Kulliyadda.

ACTIVITY (2)
Hogaanka kuliyadda Maamulka iyo Dhaqaalaha iyo hogaanka ardayda ZUBSA Sultana Mohamed oo iskaashanaya ayaa waxay soo qaban qaabiyeen barnaamij looga hadlayay "The private sector exports: Financing that drives growth".
Programku wuxuu daaranaa kaalinta ay ganacsiyada gaarka loo leeyahay ku leeyihiin dhoofinta badeecadaha iyo kobaca dhaqaalaha dalka.
Barnaamijku wuxuu udhacay qaab dood wadaag ah, waxaana lagu lafo guray dhinacyo badan oo kala duwan, xogo iyo macluumaadyo muhiim ahna waa la isku waydaarsaday, dooda hogaaminayay Ahmed Abdulahi Abdinasir oo ah arday kamid ah ardayda kuliyadda iyo xubin katirsan ZUBSA, waxaan ka qayb qaatay Aqoonyahano Ku xeel dheer culuumta dhaqaalaha iyo maamulka.
Waxaana kamid ahaa;
1. Pr. Ahmed Abdukadir Ahmed
2. Pr. Abdirahman Hassam Hersi
3. Dr's. Mariam Ali Yasin
4. Pr. Abdullahi Abdulaziz Muktar –Deanka Kulliyadda
Iyo qaar kamid ah arday wax ka barata Jaamacadda Zamzam University gaar ahaan kuliyadda Maamulka iyo Dhaqaalaha.

ACTIVITY (1)
1'dii bishii January ee sanadkan 2025 ayay doorasho qof iyo cod ahayd oo ka dhacday campus'ka Zoobe ee Jaamacadda Zamzam University ku guulaystay Sultana Mohamed gudoomiyaha ardeyda kuliyadda Maamulka iyo Ganacsiga ee Jaamacadda.
Isla bishaash Janaayo ayey kusoo dhistay xukuumad loo dhan yahay oo laga soo xulay xubnaha kala duwan ee kuliyadda.

Bishii ku xigtay ee February waxay xukuumadda ZUBSA ee ay hogaamineysa marwo suldaano ku dhaqaaqday waxqabadkeedii ugu horreeyey, kaas oo daaranaa isdhexgal iyo dalxiis damaanshaad ay kuliyaddu ku aaday hoyga dalxiiska iyo quruxda dalkeena ee Balcad.
Halkaas oo ay ardeydu wakhti qurux badan kusoo qaateen iyagoo uu weheliyo maamulka kuliyadda iyo xubno kale oo Jaamacadda ka tirsan.
Waxayna gogal xaar u ahayd waxqabadka iyo horusocdka xukuumadda dhalatay ee ZUBSA.
.