Muqdisho Private Schools

03/09/2026

🎓 KALMADDII AGAASIMAHA GUUD EE WAXBARASHADA GOBOLKA BANAADIR
Mudane Abdirahman Ali Mohamed
Diyaar-garowga Furitaanka Sannad-Dugsiyeedka 2026/2027
Agaasimaha Guud ee Waxbarashada Gobolka Banaadir, Mudane Abdirahman Ali Mohamed, ayaa bulshada waxbarashada Gobolka Banaadir ugu baaqaya in si wadajir ah loogu diyaar-garoobo furitaanka Sannad-Dugsiyeedka 2026/2027.

31/08/2026

🚨 BAAQ KU SOCDA DOWLADDA FEDERAALKA IYO HAY’ADAHA AY KHUSEYSO 🚨
Waxaa walaac weyn laga muujinayaa faafitaanka Taabuu Tubako oo la sheegay in dalka la soo geliyey, iyadoo ay jiraan carruur iyo dhalinyaro qaarkood oo isticmaalaya.
Arrintani ma aha wax la iska indho-tiri karo. Carruurteennu waa mustaqbalka Soomaaliya, waxaana muhiim ah in laga ilaaliyo wax kasta oo khatar gelin kara caafimaadkooda iyo noloshooda.
Tubaakada iyo waxyaabaha nicotine-ka leh waxaa lala xiriiriyaa khataro caafimaad oo culus, oo ay ka mid yihiin cudurrada ku dhaca afka iyo noocyo kansar ah.
🇸🇴 Waxaan si xushmad leh ugu baaqaynaa Dowladda Federaalka Soomaaliya, Wasaaradda Caafimaadka, Wasaaradda Ganacsiga iyo hay’adaha amniga iyo kastamka:
➡️ In si degdeg ah loo baaro waxa loo yaqaan Taabuu Tubako.
➡️ In la hubiyo sida iyo cidda dalka ku soo gelisa.
➡️ In la xakameeyo ama laga hortago keenista waxyaabaha halista ku ah carruurta iyo dhalinyarada.
➡️ In la baaro meelaha lagu iibiyo, gaar ahaan meelaha ay carruurtu si fudud uga heli karaan.
➡️ In bulshada la siiyo wacyigelin rasmi ah oo ku saabsan khataraha caafimaad ee ka dhalan kara isticmaalkeeda.
Dowladdu waa inay ka hortagtaa dhibaatada ka hor inta aysan noqon musiibo caafimaad oo saameysa jiil dhan.
⚠️ Carruurteennu ma aha suuq lagu tijaabiyo wax kasta oo dibadda laga keeno.
📢 Waxaan ka codsaneynaa masuuliyiinta inay arrintan si dhab ah u qaataan, baaritaan rasmi ahna sameeyaan.
Badbaadinta carruurteenna waa mas'uuliyad wadajir ah. 🇸🇴❤️

29/08/2026

🎓 GABAGABADA TABABARKA MACALLIMIINTA
Waxaa si rasmi ah noogu soo idlaaday tababarkii macallimiinta oo socday muddo laba maalmood ah, kaas oo ay soo qabanqaabisay Ururka Muqdisho Private Schools (MPS), iyadoo tababarka ay taaba-gelinaysay Rasmii Center Education.
Tababarkan wuxuu ahaa fursad muhiim ah oo macallimiintu ku kobciyeen aqoontooda, xirfadahooda waxbarid, maamulka fasalka iyo hababka casriga ah ee waxbarashada.
Waxaan u mahadcelineynaa dhammaan macallimiintii si firfircoon uga qaybgalay, Muqdisho Private Schools oo soo qabanqaabisay, iyo Rasmii Center Education oo door weyn ka qaadatay hirgelinta tababarkan.
Ujeeddo mideysan: Macallin tayo leh → Waxbarasho tayo leh → Jiil tayo leh. 🇸🇴📚
Mahadsanidiin dhammaantiin.

27/08/2026

🎓 GABAGABADA SIMINARKA TABABARKA MACALLIMIINTA 🎓
📍 Muqdisho, Soomaaliya
Waxaa magaalada Muqdisho si guul leh loogu soo gabagabeeyey siminarkii laba maalmood socday, kaas oo ay soo qabanqaabisay Ururka Muqdisho Private Schools (MPS).
Siminarku wuxuu si gaar ah ugu talagalnaa kor-u-qaadista aqoonta, xirfadaha iyo tayada macallimiinta, iyadoo diiradda lagu saaray horumarinta hababka waxbaridda, maaraynta fasalka, qiimeynta ardayda iyo xirfadaha muhiimka u ah macallinka casriga ah.
📚 Intii uu siminarku socday, macallimiintu waxay heleen fursad ay ku kobciyaan aqoontooda, ku wadaagaan khibradahooda, isla markaana ku bartaan habab cusub oo wax-ku-ool ah oo lagu horumarin karo waxbarashada.
🤝 MPS waxay mar kale muujisay sida ay uga go’an tahay horumarinta macallinka iyo tayeynta waxbarashada, maadaama macallin tayo leh uu yahay saldhigga arday tayo leh iyo bulsho aqoon leh.
👏 Mahad iyo bogaadin dhammaan macallimiintii ka qaybqaadatay, tababarayaashii, iyo cid kasta oo ka shaqeysay hirgelinta siminarkan qiimaha badan.
“Macallin la horumariyey waa jiil la dhisay.” 🌟

26/08/2026

WARBIXIN KOOBAN OO KU SAABSAN SIMINAARKA MACALLIMIINTA
Iskaashiga Mogadishu Private Schools (MPS) & Rasmi Center for Education Development
Taariikh: 26–27 Agoosto 2026
Goobta: Al Barako Hotel, Muqdisho
Ka-qaybgalayaasha: Macallimiinta dugsiyada gaarka loo leeyahay
HORDHAC
Waxaa maanta oo ku beegan 26 Agoosto 2026 ka bilaabanaya magaalada Muqdisho siminaar muhiim ah oo loogu talagalay macallimiinta dugsiyada gaarka loo leeyahay.
Siminaarkan waxaa si wadajir ah u qabanaya Mogadishu Private Schools (MPS) iyo Rasmi Center for Education Development, waxaana lagu qabanayaa Al Barako Hotel inta u dhexeysa 26 iyo 27 Agoosto 2026.
UJEEDDADA SIMINAARKA
Ujeeddada ugu weyn ee siminaarku waa in kor loo qaado aqoonta, xirfadda iyo kartida macallimiinta, iyadoo diiradda la saarayo hababka casriga ah ee waxbaridda iyo sidii loo horumarin lahaa tayada waxbarashada.
Siminaarku wuxuu sidoo kale fursad siinayaa macallimiinta inay is-dhaafsadaan khibradaha, fikradaha iyo waayo-aragnimada la xiriirta waxbaridda iyo maamulka fasallada.
MAWDUUCYADA SIMINAARKA
Siminaarka waxaa lagu soo qaadanayaa toddobada mowduuc ee muhiimka ah:
Lesson Plan and Scheme of Work
Class Management and Discipline
Educational Psychology
Effective Teaching Methods and Strategies
Examination Preparation
Critical Thinking and Problem-Solving Techniques
Student Assessment and Evaluation
ISKAASHIGA LABADA HAY'ADOOD
Siminaarkan wuxuu qayb ka yahay iskaashiga waxbarasho ee u dhexeeya Mogadishu Private Schools (MPS) iyo Rasmi Center for Education Development.
Labada hay'adood waxay iska kaashanayaan sidii loo xoojin lahaa xirfadaha macallimiinta, kor loogu qaadi lahaa tayada waxbarashada, loona abuuri lahaa fursado joogto ah oo lagu horumarinayo aqoonta iyo awoodda macallimiinta.
NATIIJADA LAGA FILAYO
Waxaa la filayaa in siminaarku ka caawiyo macallimiinta:
Inay horumariyaan habka diyaarinta iyo dhigista casharrada.
Inay si wanaagsan u maareeyaan fasallada iyo anshaxa ardayda.
Inay adeegsadaan habab waxbarid oo wax-ku-ool ah.
Inay si wanaagsan ugu diyaar garoobaan imtixaannada.
Inay kobciyaan fikirka muhiimka ah iyo xalinta dhibaatooyinka.
Inay horumariyaan hababka qiimeynta ardayda.
Inay is-dhaafsadaan khibradaha iyo aqoonta waxbarasho.
GUNAANAD
Siminaarka labada maalmood ah ee 26–27 Agoosto 2026 oo lagu qabanayo Al Barako Hotel, Muqdisho, wuxuu muhiimad weyn u leeyahay horumarinta xirfadda macallimiinta iyo tayada waxbarashada.
MPS iyo Rasmi Center for Education Development waxay rajeynayaan in siminaarkani uu noqdo bilowga iskaashi waxbarasho oo joogto ah, kaas oo wax weyn ka tari doona horumarinta macallimiinta, dugsiyada iyo guud ahaan tayada waxbarashada.
Waxaa si wadajir ah u qabanaya:
Mogadishu Private Schools (MPS)
Rasmi Center for Education Development
Taariikhda: 26–27 Agoosto 2026
Goobta: Al Barako Hotel, Muqdisho

25/08/2026

Shirka Isbuuc laha ee Golaha Fulinta iyo Golaha Shuurada

Muqdisho, 24 Agoosto 2026 — Guddoomiyaha Ururka Muqdisho Private Schools (MPS), Mudane Ciise Mahad Alle, ayaa maanta oo Isniin ah guddoomiyey shirka labada Gole ee Shuurada iyo Fulinta Ururka MPS.

Kulanka waxaa kasoo qayb galay Guddoomiye Ku-xigeenka, Xoghayaha iyo dhammaan xubnaha sare ee labada Gole ee Shuurada iyo Fulinta Ururka MPS, iyadoo si qoto dheer looga dooday ajandayaal muhiim u ah horumarinta iyo dardargelinta howlaha ururka.

Waxyaabihii ugu muhiimsanaa ee kulanka diiradda lagu saaray waxaa ka mid ahaa qabashada Siminaarka sannadlaha ah, diyaarinta iyo qabashada Shirweynaha Golaha Guud, iyo sidoo kale u diyaar-garowga kulamo muhiim u ah ururka.

Guddoomiyaha ayaa xubnaha labada Gole ku booriyey inay xoojiyaan wada-shaqeynta, dardargeliyaan fulinta qorshayaasha, isla markaana ay muujiyaan masuuliyad iyo hufnaan, si loo xaqiijiyo himilooyinka iyo yoolalka ururka.

Ugu dambayn, kulanku wuxuu ku soo dhammaaday is-afgarad iyo go’aamo lagu xoojinayo howlaha mudnaanta leh, iyadoo labada Gole ay adkeeyeen sida ay uga go’an tahay horumarinta adeegyada uu ururku u hayo iskuullada ku mideysan ururka.

== Dhammaad ==

21/08/2026

Kulan Casho Sharaf ah
Kulan casho sharaf ah ayaa loo sameeyey Agaasimaha Waxbarashada Gobolka Banaadir, Mudane Abdirahman Ali Mohamed, kaas oo uu ka qeyb galay Guddoomiye Ku-xigeenka Muqdisho Private Schools, Mudane Abdirahman Hussein Ibrahim.
Kulanka oo ku dhacay jawi aad u qurux badan, ayaa ahaa munaasabad aan Agaasimaha ugu hambalyeynay muddadii uu xilka hayey iyo waxqabadkiisii quruxda badnaa ee uu ka sameeyey xafiiska.
Waxaan uga mahadcelineynaa dadaalkii, hoggaamintii iyo waxqabadkii uu ku bixiyey horumarinta waxbarashada Gobolka Banaadir, waxaana u rajeyneynaa guul, horumar iyo mustaqbal wanaagsan.

15/08/2026

Hambalyo 🥇

Hambalyo Maxamed Ciise Daahir Yuusuf, oo kaalinta 1-aad ka galay Imtixaanka Shahaadiga Dugsiga Sare, isagoo keenay 94.14%.

Maxamed wuxuu dhigtaa Dugsiga Howl-wadaag ee Gobolka Banaadir.

Hambalyo waxaa diraya: Midowga Muqdisho Private Schools. 🇸🇴🎉

15/08/2026

15/08/2026

Shaacinta Natiijada Imtixaanka Qaranka
Munaasabadda waxaa Qur’aan ku furay Sheekh Xasan Alwaajidi, oo sheegay:
“Faatixadda waxaan ku qoraamiyey Wasaaradda Waxbarashada.”