Dowladda Ardayda Jaamacadda City

Muqdisho, Agoosto 09, 2026 – Dowladda Ardayda Jaamacadda City (DAJCI) waxay hambalyo iyo bogaadin u diraysaa Mudane Omar Abdullahi Abdi, oo loo doortay Guddoomiyaha Midowga Guddoomiyeyaasha Ardayda Jaamacadaha Gobolka Banaadir (MGAJGB).

DAJCI waxay Guddoomiyaha cusub ugu hambalyaynaysaa xilka loo doortay, iyadoo Alle uga baryaysa inuu ku garab galo mas’uuliyadda culus ee loo igmaday, una fududeeyo gudashada waajibaadkiisa hoggaamineed.

Dowladda Ardayda Jaamacadda City (DAJCI) waxay u rajaynaysaa Guddoomiyaha cusub guul, hoggaan hufan iyo mustaqbal wanaagsan.

Hambalyo Guddoomiye Omar Abdullahi Abdi!

Madasha 3-aad ee Horumarinta Soomaaliya (SDF 2026)

Machadka 𝐇𝐞𝐫𝐢𝐭𝐚𝐠𝐞 ee Daraasaadka Siyaasadda (HIPS) iyo Jaamacadda City University ayaa si wadajir ah u qabanaya Madasha 3-aad ee Horumarinta Soomaaliya (SDF 2026), oo ka socota magaalada Muqdisho inta u dhaxaysa 14–15 Luulyo 2026.

Madashan ayaa isu keentay madaxda dowladda, aqoonyahanno, cilmi-baarayaal, siyaasiyiin, dhallinyaro iyo qaybaha kala duwan ee bulshada Soomaaliyeed si ay uga wada hadlaan xaaladda dalka, caqabadaha jira, iyo fursadaha lagu horumarin karo Soomaaliya.

Dowladda Ardayda Jaamacadda City University ayaa sanadkan door muuqda ka qaadanaysa hirgelinta iyo habsami-u-socodka madasha, taas oo ka tarjumaysa kaalinta firfircoon ee ardayda jaamacaddu ku leeyihiin adeegga bulshada, hormarinta aqoonta, iyo taageeridda madalaha qaran ee muhiimka ah.

Waxaan u rajaynaynaa in Madasha 3-aad ee Horumarinta Soomaaliya (SDF 2026) ay ku soo dhammaato guul, isla markaana ay kasoo baxaan talooyin iyo aragtiyo wax ku ool ah oo gacan ka geysan doona horumarka, nabadda, iyo mustaqbalka Soomaaliya.

Maalinta 3-aad ee Ciidul Adxaa, xarunta Km9 ee Jaamacadda City waxaa ka qabsoomay kulan wadar-ciideed oo ay soo qabanqaabisay Dowladda Ardayda Jaamacadda City.

Kulankan ayaa ujeedkiisu ahaa xoojinta xiriirka, wadajirka iyo is-dhexgalka ardayda jaamacadda.

Kulanka oo ay kasoo qeyb galeen ardayda jaamacadda, ayaa lagu wada qaatay waqti farxad iyo damaashaad leh, iyagoo si wadajir ah ugu dalxiisay campus-ka weyn ee jaamacadda.

Waxaan halkaan hambalyo iyo duco ugu direynaa Guddiga Dib-u-eegista Manhajka Qaranka, oo ay maanta si rasmi ah u magacaawday Wasaaradda Waxbarashada, Hiddaha iyo Tacliinta Sare ee Dowladda Federaalka Soomaaliya.

Si gaar ah, waxaan hambalyo ugu direynaa Madaxweynaha Jaamacadda City, Prof. Abdullahi Ahmed Bariise, oo loo doortay inuu noqdo Guddoomiye Ku-xigeenka Guddiga Dib-u-eegista Manhajka Qaranka.

Waxaan Alle uga baryeynaa in Prof. Abdullahi Ahmed Bariise iyo guud ahaan Guddiga uu ka midka yahayba, uu u fududeeyo masuuliyadda culus ee loo igmaday, kana dhigo mid ay si hufan oo guul leh uga soo baxaan waajibaadkooda qaran.

Gaba-gabada iyo gunaanadka booqashada, labada dhinac ayaa si rasmi ah u kala saxiixday heshiis Is-afgarad iyo wadashaqeyn (MoU), kaas oo lagu xoojinayo iskaashiga iyo wada shaqeynta u dhaxeysa labada urur. Heshiiskan ayaa diiradda saaraya horumarinta hoggaanka ardayda, is-dhaafsiga aqoonta iyo khibradaha, abaabulka barnaamijyo iyo munaasabado wadajir ah, iyo xoojinta ka qeybgalka ardayda ee adeegga bulshada.