Ururka Macallimiinta Qaranka Soomaaliyeed-SONUT

𝗦𝗢𝗡𝗨𝗧 𝗶𝘆𝗼 𝗠𝗼𝗰𝗮𝗹𝗶𝗺 𝗣𝗹𝗮𝘁𝗳𝗼𝗿𝗺 𝗼𝗼 𝗛𝗲𝘀𝗵𝗶𝗶𝘀 𝗜𝘀𝗸𝗮𝗮𝘀𝗵𝗶 𝗪𝗮𝘅𝗯𝗮𝗿𝗮𝘀𝗵𝗼 𝗶𝘆𝗼 𝗖𝗶𝗹𝗺𝗶-𝗯𝗮𝗮𝗿𝗶𝘀 𝗞𝗮𝗹𝗮 𝗦𝗮𝘅𝗶𝗶𝘅𝗱𝗮𝘆

Muqdisho, Soomaaliya – Somali National Union of Teachers (SONUT) iyo Mocalim Platform ayaa kala saxiixday Heshiis Is-Afgarad (MoU) oo lagu xoojinayo iskaashiga dhinacyada waxbarashada dhijitaalka ah, tababarrada, shirarka waxbarashada, cilmi-baarista iyo horumarinta xirfadaha macallimiinta.

Heshiiskan wuxuu diiradda saarayaa in la abuuro fursado cusub oo lagu horumarinayo aqoonta iyo xirfadaha macallimiinta iyo bahda waxbarashada, iyadoo labada dhinac iska kaashanayaan tababbarro, workshops, webinars iyo shirar waxbarasho iyo cilmi-baariseed.

Heshiiskan ayaa loo arkaa tallaabo muhiim ah oo lagu xoojinayo tayada waxbarashada, horumarinta xirfadda macallimiinta, kobcinta cilmi-baarista iyo dardargelinta isbeddelka dhijitaalka ah ee waxbarashada Soomaaliya



𝐗𝐚𝐟𝐢𝐢𝐬𝐤𝐚 𝐖𝐚𝐫𝐛𝐚𝐚𝐡𝐢𝐧𝐭𝐚 𝐢𝐲𝐨 𝐗𝐢𝐫𝐢𝐢𝐫𝐤𝐚 𝐛𝐮𝐥𝐬𝐡𝐚𝐝𝐚.


____________________________________________
Www.sonut.org.so
[email protected]
Holwadag District Mogadishu-Somalia

𝗛𝗔𝗠𝗕𝗔𝗟𝗬𝗢 𝗜𝗬𝗢 𝗕𝗢𝗚𝗔𝗔𝗗𝗜𝗡

SONUT wuxuu hambalyo iyo bogaadin u dirayaa 𝗨𝘀𝘁𝗮𝗮𝗱 𝗖/𝗤𝗮𝗮𝗱𝗶𝗿 𝗠𝗮𝘅𝗮𝗺𝗲𝗱 𝗫𝗮𝘀𝗮𝗻, oo loo doortay 𝗚𝘂𝗱𝗱𝗼𝗼𝗺𝗶𝘆𝗮𝗵𝗮 𝗠𝗶𝗱𝗼𝘄𝗴𝗮 𝗗𝘂𝗴𝘀𝗶𝘆𝗮𝗱𝗮 𝗚𝗼𝗯𝗼𝗹𝗸𝗮 𝗕𝗮𝗻𝗮𝗮𝗱𝗶𝗿 (𝗠𝗗𝗕)

SONUT wuxuu u rajaynayaa inuu xilkiisa cusub ku hoggaamiyo hufnaan, wada-tashi iyo iskaashi, kana shaqeeyo horumarinta waxbarashada iyo danta dugsiyada iyo macallimiinta.

𝗦𝗢𝗡𝗨𝗧 | 𝗠𝗶𝗱𝗻𝗶𝗺𝗼 • 𝗠𝗮𝘁𝗮𝗹𝗮𝗮𝗱 • 𝗛𝗼𝗿𝘂𝗺𝗮𝗿𝗶𝗻𝘁𝗮 𝗠𝗮𝗰𝗮𝗹𝗹𝗶𝗺𝗶𝗶𝗻𝘁𝗮 𝗦𝗼𝗼𝗺𝗮𝗮𝗹𝗶𝘆𝗲𝗲𝗱

𝐌𝐨𝐠𝗮𝐝𝐢𝐬𝐡𝐮-𝗦𝐨𝐦𝐚𝐥𝐢𝐚. 𝟭𝟱 𝐀𝐮𝐠𝐮𝐬𝐭 𝟐𝟎𝟐𝟲.

Hamabalyo Dhamaan Ardeyda Soomaaliyeed ee nasiibka u heshay in ay ku Guuleystaan imtixaanka Qaranka Heerka Waxbarashada Aas-Aasiga ah ee Fasal ka 12aad ee Dugsiga Sare, Wasaaradda Waxbarashada, Hiddaha Iyo Tacliinta Sare.

Waxaad muujiseyn dadaal badan waqti adag, haben iyo maalin, si aad u gaartaan heerkaan.

Waxaan u mahadcelinaynaa waalidiinta, ardeyda, iyo dhammaan dugsiyada waxbarasho ee dalka. La'aantooda, ardeydu ma gaari lahayn heerkaan.

Sidoo kale, waxaan si gaar ah ugu mahadcelineynaa macallimiinta Soomaaliyeed, kuwaas oo ku shaqeeyay daruufaha adag.

Mustaqbal ifaayo ayaan idin rajeyneynaa.

𝗠𝗮𝗵𝗮𝗱𝗰𝗲𝗹𝗶𝗻

SONUT wuxuu mahad iyo bogaadin u dirayaa dhammaan macallimiintii ka soo qayb-gashay webinar-ka ku saabsanaa:

“𝗔𝗱𝗲𝗲𝗴𝘀𝗶𝗴𝗮 𝗚𝗮𝗿𝗮𝗮𝗱𝗸𝗮 𝗠𝗮𝗰𝗺𝗮𝗹𝗸𝗮 𝗮𝗵 (𝗔𝗜) & 𝗕𝗮𝗿𝗮𝗵𝗮 𝗕𝘂𝗹𝘀𝗵𝗮𝗱𝗮 𝘀𝗶 𝗹𝗼𝗼 𝗙𝘂𝗱𝘂𝗱𝗲𝗲𝘆𝗼 𝗛𝗮𝗯𝗸𝗮 𝗪𝗮𝘅𝗯𝗮𝗿𝗶𝗱𝗱𝗮.”

Waxaan si gaar ah ugu mahadcelineynaa Eng. Ahmed Mohamed Hassan Eng-Ahmed Baasaay , PhD Scholar at Indian Institute of Technology, Madras, oo si aqoon, xirfad iyo waayo-aragnimo leh u soo jeediyey webinar-ka, isla markaana ka qaybgalayaasha la wadaagay fikrado iyo aqoon ku saabsan sida AI iyo baraha bulshada loogu adeegsan karo horumarinta waxbaridda iyo waxbarashada.

Sidoo kale, SONUT wuxuu si weyn ugu mahadcelinayaa dhammaan macallimiintii iyo ka qaybgalayaashii waqtigooda iyo xiisahooda u huray ka qaybgalka webinar-kan oo lagu qabtay google Meeting, 12 August 2026, 8:00 PM.

SONUT waxay aaminsan tahay in kor u qaadista aqoonta iyo xirfadaha macallimiintu ay tahay furaha horumarinta tayada waxbarashada Soomaaliya.

Mahadsanidiin dhammaantiin.

SONUT – Somali National Union of Teachers
“𝗨𝗻𝗶𝘁𝗲𝗱 𝗧𝗲𝗮𝗰𝗵𝗲𝗿𝘀, 𝗦𝘁𝗿𝗼𝗻𝗴𝗲𝗿 𝗘𝗱𝘂𝗰𝗮𝘁𝗶𝗼𝗻, 𝗕𝗲𝘁𝘁𝗲𝗿 𝗙𝘂𝘁𝘂𝗿𝗲.”

𝐌𝐚𝐫𝐭𝐢𝐪𝐚𝐚𝐝 𝐖𝐞𝐛𝐢𝐧𝐚𝐫: 𝐀𝐈 & 𝐇𝐚𝐛𝐤𝐚 𝐖𝐚𝐱𝐛𝐚𝐫𝐢𝐝𝐝𝐚

Macallimiinta iyo bahda waxbarashada waxaan idinku martiqaadeynaa webinar ay soo qabanqaabisay 𝐒𝐨𝐦𝐚𝐥𝐢 𝐍𝐚𝐭𝐢𝐨𝐧𝐚𝐥 𝐔𝐧𝐢𝐨𝐧 𝐨𝐟 𝐓𝐞𝐚𝐜𝐡𝐞𝐫𝐬, kaas oo diiradda lagu saari doono adeegsiga Garaad Gacameedka (AI) iyo Baraha Bulshada si loo fududeeyo Habka Waxbaridda.

𝐌𝐚𝐫𝐭𝐢𝐝𝐚 𝐢𝐲𝐨 𝐊𝐡𝐚𝐛𝐢𝐢𝐫𝐤𝐚 𝐖𝐞𝐛𝐢𝐧𝐚𝐫-𝐤𝐚:
Eng. Ahmed Mohamed Hassan
PhD Scholar at Indian Institute of Technology, Madras

Eng. Ahmed wuxuu nala wadaagi doonaa aqoontiisa iyo khibraddiisa ku saabsan tiknoolajiyada, AI iyo mustaqbalka waxbarashada, isagoo bixin doona talooyin iyo xeelado wax ku ool ah oo macallimiintu adeegsan karaan.

𝐓𝐚𝐚𝐫𝐢𝐢𝐤𝐡𝐝𝐚: 𝟏𝟐 𝐀𝐮𝐠𝐮𝐬𝐭 𝟐𝟎𝟐𝟔
𝐖𝐚𝐪𝐭𝐢𝐠𝐚: 𝟖:𝟎𝟎 𝐏𝐌
𝐆𝐨𝐨𝐛𝐭𝐚: 𝐙𝐨𝐨𝐦 𝐌𝐞𝐞𝐭𝐢𝐧𝐠

Si aad uga qeyb gashid fadlan soo booqo groupkaan
https://chat.whatsapp.com/Hp1xynIVlpaLFR6FDlvwkt

Ha seegin fursaddaan qiimaha badan ee aad ku baran karto sida AI loogu adeegsan karo horumarinta waxbarashada iyo xirfadda macallinka.

La wadaag macallimiinta iyo asxaabtaada si aysan uga harin fursaddan muhiimka ah.

𝐌𝐨𝐠𝐢𝐬𝐡𝐮-𝐒𝐨𝐦𝐚𝐥𝐢𝐚. 19 𝐉𝐮𝐧𝐞 2026.

Xubno ka tirsan Ururka Macallimiinta Qaranka Soomaaliyeed-SONUT ayaa ka qeyb galay 𝐒𝐡𝐢𝐫𝐰𝐞𝐲𝐧𝐚𝐡𝐚 𝐈𝐬𝐛𝐞𝐝𝐝𝐞𝐥𝐤𝐚 𝐖𝐚𝐱𝐛𝐚𝐫𝐚𝐬𝐡𝐚𝐝𝐚 𝐆𝐨𝐛𝐨𝐥𝐤𝐚 𝐁𝐚𝐧𝐚𝐚𝐝𝐢𝐫, oo uu soo agaasimay Agaasinka Waxbarashada Gobolka Banaadir

Shirkan oo socday muddo laba maalmood ah 18–19 july, 2026 ayaa lagu qabtay Masraxa Shariif Saalax ee Jaamacadda Ummadda Soomaaliyeed

Shirweynaha ayaa diiradda lagu saaray horumarinta iyo isbeddelka waxbarashada Gobolka Banaadir, iyadoo lagu falanqeeyay xaaladda waxbarashada, guulaha la gaaray, caqabadaha jira, iyo fursadaha lagu gaari karo horumar waara.

Sidoo kale, waxaa lagu soo bandhigay doodo cilmiyeed ku saabsan tayeynta waxbarashada, kor u qaadidda habdhaqanka waxbarasho, iyo horumarinta xirfadaha ardayda iyo macallimiinta.

Xubnaha SONUT ee ka qeyb galay shirkan ayaa muujiyay sida ay uga go'an tahay ka qeyb qaadashada dadaallada lagu horumarinayo waxbarashada Soomaaliyeed, iyagoo bogaadiyay doorka Agaasinka Waxbarashada Gobolka Banaadir ee qabsoomidda shirkan muhiimka ah iyo isu keenidda dhammaan daneeyayaasha waxbarashada si loo abuuro nidaam waxbarasho oo tayo leh, loo dhan yahay, isla markaana waara.



𝐗𝐚𝐟𝐢𝐢𝐬𝐤𝐚 𝐖𝐚𝐫𝐛𝐚𝐚𝐡𝐢𝐧𝐭𝐚 𝐢𝐲𝐨 𝐗𝐢𝐫𝐢𝐢𝐫𝐤𝐚 𝐛𝐮𝐥𝐬𝐡𝐚𝐝𝐚.


____________________________________________
Www.sonut.org.so
[email protected]
Holwadag District Mogadishu-Somalia

𝐌𝐨𝐠𝐢𝐬𝐡𝐮-𝐒𝐨𝐦𝐚𝐥𝐢𝐚. 24 𝐉𝐮𝐧𝐞 2026.

𝐒𝐎𝐍𝐔𝐓 𝐎𝐨 𝐗𝐨𝐨𝐣𝐢𝐧𝐚𝐲𝐬𝐚 𝐒𝐚𝐚𝐦𝐞𝐲𝐧𝐭𝐚 𝐒𝐢𝐲𝐚𝐚𝐬𝐚𝐝𝐚𝐡𝐚 𝐖𝐚𝐱𝐛𝐚𝐫𝐚𝐬𝐡𝐚𝐝𝐚 𝐢𝐲𝐨 𝐃𝐢𝐟𝐚𝐚𝐜𝐚 𝐗𝐮𝐪𝐮𝐮𝐪𝐝𝐚 𝐌𝐚𝐜𝐚𝐥𝐥𝐢𝐦𝐢𝐢𝐧𝐭𝐚.

ayaa ka qeyb gashay tababar heerkiisu sarreeyo oo socday muddo laba maalmood ah, kaas oo cinwaankiisu ahaa “CSOs Education Policy Influencing and Transparency Training”, waxaana soo qabanqaabisay hay’adda EFASOM (Education For All Somalia).

Tababarkan ayaa lagu xoojinayay awoodda ururrada bulshada rayidka ah (CSOs) si ay door muuqda uga qaataan saameynta siyaasadaha waxbarashada, kor u qaadista isla xisaabtanka, iyo hufnaanta hay’adaha waxbarashada, taas oo muhiim u ah horumarinta nidaam waxbarasho oo tayo leh.

Intii uu tababarku socday, SONUT waxay soo bandhigtay warbixin siyaasadeed (Policy Brief) muhiim ah oo cinwaankeedu ahaa “Addressing the Salary Gap Between Teachers and Civil Servants”, taas oo si gaar ah u iftiimisay baahida loo qabo in wax laga qabto farqiga mushaarka ee u dhexeeya macallimiinta iyo shaqaalaha rayidka ah, si loo xaqiijiyo caddaalad, dhiirrigelin iyo tayeyn joogto ah oo lagu sameeyo mihnadda macallinnimada.

SONUT waxaa tababarkan ku matalay Coordinator officer ka Ustaad Xasan Cali Rooble , kaas oo si firfircoon uga qeyb qaatay doodaha, wadaagista khibradaha iyo is-weydaarsiga aqoonta la xiriira horumarinta siyaasadaha waxbarashada, hufnaanta iyo isla xisaabtanka.

SONUT waxay markale caddeynaysaa sida ay uga go’an tahay difaaca xuquuqda macallimiinta, horumarinta tayada waxbarashada iyo ka qeyb qaadashada dejinta siyaasado waxbarasho oo loo dhan yahay.



𝐗𝐚𝐟𝐢𝐢𝐬𝐤𝐚 𝐖𝐚𝐫𝐛𝐚𝐚𝐡𝐢𝐧𝐭𝐚 𝐢𝐲𝐨 𝐗𝐢𝐫𝐢𝐢𝐫𝐤𝐚 𝐛𝐮𝐥𝐬𝐡𝐚𝐝𝐚.


____________________________________________
Www.sonut.org.so
[email protected]
Holwadag District Mogadishu-Somalia

𝗖𝗶𝗶𝗱 𝘄𝗮𝗻𝗮𝗮𝗴𝘀𝗮𝗻.

كل عام وأنتم بخير.
1447 H
2026 M

تقبل الله منا ومنكم صالح الأعمال,

Ciid Mubaarak Ururka Macallimiinta Qaranka Soomaaliyeed-SONUT waxa uu Hambalyada Ciidul-Adxaa la Wadaagayaa Dhammaan Ummadda Soomaaliyeed.

Si Gaar ah waxa aan farxada Munaasabada Ciida lawadaagaynaa Macallimiinta Soomaaliyeed.

Meel kasta oo Aad joogtaan Nabad, Caafimaad iyo farxad ku wada ciida.


-Adxa
.



Xafiiska warbaahinta iyo Xiriirka bulshada.


______________________________________________
Www.sonut.org.so
[email protected]
Holwadag District Mogadishu-Somalia

𝗙𝗮𝗱𝗹𝗶𝗴𝗮 𝗠𝗮𝗮𝗹𝗶𝗻𝘁𝗮 𝗖𝗮𝗿𝗿𝗮𝗳𝗼.

Maalinta 9-aad ee Carrafo waa maalin weyn oo Xujeydu ay taaganyihiin Banka Carrafo.

Soonka maalinta Carrafo waxaa laguugu Dhaafayaa Dembiga labo sano. Sannadkii lasoo dhaafay iyo sannadka soo socda.

Nabwiga ﷺ waxa uu yiri, “Duco waxaa ugu khayr badan ducada maalinka Carafo, waxaana ugu khayr badan waxa aan aniga idhaahdo iyo Nabiyadii iga horreeyay, لا إله إلا الله وحده لا شريك له له الملك وله الحمد وهو على كل شيء قدير

Maalinka Carafo, oo ah maalinta sagaalaad ee bisha Dulxijjah, waa malinta uu xabiibkeena Muxammad ﷺ noo sheegay in ay tahay maalinka ugu badan ee Alle addoomadiisa ka xorreeyo naarta, aysanna jirin maalin ka naar xoreyn badan maalinka Carafo.

Waxaa nasiibsaday dadka maanta taagan Banka Carafo. Meeshii Nabiga ﷺ uu taagnaa 1437 sano ka hor. Goobtii Nabiga ﷺ Alle ugu sheegay in Diintu ay dhamaystirantahay. Halkii uu Nabigu ﷺ kula dardaarmay asxaabtiisa, uguna jeediyay khudbaddii sagootinta.

Walaalayaal aynu ku dadaalno Acmaasha wanaagsan kana faa'iideysanno kheyrkaas.



𝐗𝐚𝐟𝐢𝐢𝐬𝐤𝐚 𝐖𝐚𝐫𝐛𝐚𝐚𝐡𝐢𝐧𝐭𝐚 𝐢𝐲𝐨 𝐗𝐢𝐫𝐢𝐢𝐫𝐤𝐚 𝐛𝐮𝐥𝐬𝐡𝐚𝐝𝐚.


____________________________________________
Www.sonut.org.so
[email protected]
Holwadag District Mogadishu-Somalia

𝑯𝑨𝑴𝑩𝑨𝑳𝒀𝑶 𝑴𝑨𝑨𝑳𝑰𝑵𝑻𝑨 𝑫𝑯𝑨𝑳𝑰𝑵𝒀𝑨𝑹𝑨𝑫𝑨 𝑺𝑶𝑶𝑴𝑨𝑨𝑳𝑰𝒀𝑬𝑬𝑫 – 15-𝒌𝒂 𝑴𝑨𝒀.

Gudoomiyaha Ururka Macallimiinta Qaranka Soomaaliyeed-SONUT Ustaad Abdinasir Salad Mohamud ayaa hambalyo iyo bogaadin waxa uu udirayaa dhammaan dhalinyarada Soomaaliyeed meel kasta oo ay joogaan, Munaasabadda qiimaha badan ee 15-ka May 2026.

Waxaan mar walba utaaganahay horumarinta iyo kor u qaadidda aqoonta iyo xirfada Dhalinyarada Soomaaliyeed, iyada oo diiradda la saarayo waxbarasho leh anshax, iyo Dhaqan Wanaagsan iyo wacyi-gelin bulshado.

Hambalyo dhalinyarada Soomaaliyeed meel kasta oo ay joogaan!

Idinku waxaad tihiin tiirka mustaqbalka, hogaanka berri, iyo codka isbeddelka. Ilaaliya dhaqankiina, dalkiina, dadkiina, una taagnaada horumarka, midnimada, iyo nabadda Umadda Soomaaliyeed.

Waxaan ugu baaqayanaa Dhalinyarada Soomaaliyeed in ay sii xoojiyaan doorkooda bulshada dhexdeeda, kana shaqeeyaan nabadda, midnimada, iyo horumarka ummaddooda Soomaaliyeed.

Hambalyo 15-ka May
Guulaysta Dhalinyarada Soomaaliyeed!



𝐗𝐚𝐟𝐢𝐢𝐬𝐤𝐚 𝐖𝐚𝐫𝐛𝐚𝐚𝐡𝐢𝐧𝐭𝐚 𝐢𝐲𝐨 𝐗𝐢𝐫𝐢𝐢𝐫𝐤𝐚 𝐛𝐮𝐥𝐬𝐡𝐚𝐝𝐚.


____________________________________________
Www.sonut.org.so
[email protected]
Holwadag District Mogadishu-Somalia