𝗚𝗮𝗹𝗺𝘂𝗱𝘂𝗴 𝗢𝗴𝗮𝗮𝗹

IRAN: “Dagaalka adaa bilaabay, Mareykanoow, laakiin dhammaadkiisa annaga ayaa go’aan ka gaareyna”

Xiisadda u dhaxaysa Iran iyo Mareykanka ayaa sii xoogeysatay saacadihii iyo maalmaha ugu dambeeyey, kadib hadallo kulul iyo weerarro militari oo is-daba joog ah oo ka socda Bariga Dhexe. Dowladda Iran ayaa si cad u sheegtay in aysan aqbali doonin in Mareykanka go’aamiyo dhammaadka dagaalka socda, iyagoo adkeeyey in Tehran ay tahay cidda go’aamin doonta waqtiga iyo sida uu u dhammaanayo dagaalku.

Hormuud Telecom ayaa ku dhawaaqday in ay bixisay deeq lacageed oo dhan $700,000 (Toddoba boqol oo kun oo doollar) si loogu gurmado dadka Soomaaliyeed ee ay saameeyeen abaaraha ka jira qaybo badan oo ka mid ah gobollada dalka.

Deeqdan ayaa loogu talagalay in lagu taageero qoysaska ay dhibaatadu gaartay, iyadoo lagu bixinayo biyo nadiif ah, cunto iyo adeegyada aasaasiga ah ee nolosha, si loo yareeyo saameynta abaarta iyo xaaladaha nololeed ee adag ee ay wajahayaan bulshada.

Gurmadkan ayaa qeyb ka ah dadaallada joogtada ah ee shirkaddu ku taageerto bulshada Soomaaliyeed, gaar ahaan xilliyada ay dhacaan xaaladaha bani’aadannimo ee degdegga ah.

With Galmudug State House – I just got recognized as one of their top fans! 🎉

With Ahmed Abdi Kaarie – I just got recognized as one of their top fans! 🎉

With Golaha Wakiillada Galmudug – I just got recognized as one of their top fans! 🎉

TRUMP OO ITOOBIYAANKA KASOO TARXIILAYA MAREYKANKA!

Dowladda Mareykanka ayaa go’aansatay in ay joojiso sharcigii ku-meel-gaarka ahaa ee (TPS-ka)ee kahortagayay in muwaadiniinta Itoobiyaanka ah laga masaafuriyo Mareykanka.

TPS waa sharci oggolaanaya in qofku uu Mareykanka ku sii nagaan karo si kumeel gaadh ah, sababa la xidhiidha xaaladaha adag ee ka jira dalkiisa.

Dadka Itoobiyaanka ah ee haysta TPS waxaa lagu wargeliyay in ay dalka Mareykanka ka baxaan 13-ka bisha Febraayo 2026, kadib markii Xoghayaha Amniga Gudaha Mareykanka Kristi Noem ay si rasmi ah u soo afjartay sharcigii ilaalinayay dadka Itoobiyaankaa. Haddii go’aankani uu dhaqan galana, in ka badan 5,000 oo Itoobiyaan ah oo ku sugan Mareykanka ayaa wajihi kara masaafuris.

Waxayna tani sababtay in saddex muwaadin oo Itoobiyaan ah oo kaashanaya difaacayaasha xuquuqda muhaajiriinta ay dacwad kusoo oogaan Dowladda Federaalka Mareykanka, iyagoo dalbanaya in maamulka Trump uu ka laabto go’aankan.

Dacwada ayaa loo gudbiyay Maxakamad federal oo ku taala Boston, waxayna dacwad-oogayaashu ku doodayaan in go'aankani yahay mid cadaalad daro ah oo lagu takoorayo dadka madow.

Waxaa xusid mudan in dadka Soomaalida ee haysta sharciga TPS-ka iyo kuwa aan wali helin ee sugaya oo tiradoodu gaadhayso 4000 oo Soomaali ah loo qabtay iney ugu dambeyn dalka Mareykanka ka baxaan 17-ka bisha March, halka Itoobiyaanka oo 5000 gaadhaya la yidhi idinku soomaalida kasii horeeya oo bisha February kasii dareera Mareykanka. (Waa hadii sharcigan dhaqangalo.)

GOLAHA WADATASHIGA QARANKA (GWQ)
WAR-MURTIYEED

24-Jannaayo 2026: Madaxweynaha Dowladda Galmudug Mudane Axmed Cabdi Kaariye ayaa ka qayb galay shirka Golaha Wadatashiga Qaran (GWQ) oo ay qaab fogaan arag ah ku yeesheen Xubanaha Golaha, uuna shir guddoominayay Madaxweynaha Jamhuuriyadd Federaalka Ee Soomaaliya Mudane Xasan Sheikh Maxamuud.

Waxaana kasoo baxay qodobbaadan Hoose.

1. Goluhu wuxuu Xukuumadda Federaalka Soomaaliya si buuxda ugu garabsiinayaa gudashada waajibaadkeeda Dastuuriga ee ku aaddan ilaalinta iyo dhowrista gobonnimada, sharafka iyo midnimada dhuleed iyo midda bulsho ee dalkeena.

2. Goluhu wuxuu bogaadiyey qabsoomiddii doorashadii Golaha deegaanka Gobolka Banaadir iyo waaya-aragnimadii laga dhaxlay, wuxuuna isla gartay dardar gelinta doorashooyinka golayaasha deegaannada ee dowlad goboleedyada.

3. Goluhu wuxuu soo dhaweynayaa ayidaada Golaha Mustaqabalka ee casuumadii gogosha wadatashiga Qaran ee ay ku baaqday Xukuumadda 1-da Febraayo 2026.

4. Goluhu wuxuu bogaadinayaa guulaha ay ciidamada qalabka sida oo kaashanaya shacabka Soomaaliyeed ay ka gaareen dagaaladii u dambeeyay ee Khawaarijta lala galay.

5. Goluhu wuxuu ku baaqay gurmadka xaaladda abaaraha ee ka jirta dalka.

6. Ugu danbeyn, Goluhu wuxuu ugu mahadcelinayaa Golaha Ammaanka ee Qaramada Midoobay, Ururka Midowga Afrika, Ururka Iskaashiga Islaamka, Ururka Jaamacadda Carabta, Ururka IGAD iyo saaxiibbada caalamka ee garab istaagaa xaqqa Soomaaliya ee ilaalinta gobannimada iyo midnimadeeda dhuleed si waafaqsan shuruucda caalamiga ah.

DHAMMAAD.

Maamulka Degmada Gerijir oo uu hoggaaminayo Guddoomiyaha Degmada, Mudane Zakariye Cabdi Faarax, ayaa maanta kulan miro-dhal ah la yeeshay hay’ado samafal oo ka howlgala qeybo kamid ah Gobolka Hiiraan (Hirshabeelle). Kulankan ayaa si gaar ah diiradda loogu saaray xaaladaha abaareed ee ka jirta Degmada Gerijir iyo deegaannada hoos yimaada.

Kulanka waxaa sidoo kale ka qeyb galay Guddoomiye Ku-xigeenka Arrimaha Bulshada, Xoghayaha Dowladda Hoose, iyo Agaasimaha Arrimaha Bulshada ee Degmada, kuwaas oo si qoto dheer uga hadlay saameynta abaarta iyo baahiyaha degdegga ah ee ay wajahayaan bulshada deegaanka.

Madaxweynaha Turkiga ayaa sheegay in dalalkii mudada dheer ku raaxaysanayay juqraafi ammaan ah ay hada markii ugu horeysay wajahayaan xaqiiqda xasiloonida darada ka jirta Dunida.

Erdogan wuxuu sheegay in Turkigu uu mudo dheer dhaleecaynayay nidaamka caalamiga ah ee Cadaalad darada ku dhisan, taas badalkeeda ay reer Yurub iyagu xiligaasi dhaleecayn jireen Turkiga balse maanta ay taageersan yihiin oo ay indhahooda ku arkeen xaqiiqda Adduunka taala.