20/08/2026
Ku: Maamulka iyo Shaqaalaha Daris System
MAHADNAQ IYO AMMAAN GAAR AH
Maamulka Dugsiga Hoose, Dhexe iyo Sare ee Kaxda wuxuu mahadnaq iyo bogaadin aan la soo koobi karin u jeedinayaa Maamulka iyo dhammaan shaqaalaha Daris System, oo ah nidaam platform iyo app ah, kaas oo saddexdii sano ee la soo dhaafay si weyn uga qayb qaatay halganka Dugsiga Kaxda ee ku aaddan gaarista yoolalkiisa iyo horumarinta nidaamka maamulka dugsiga.
Muddo saddex sano ah oo aan wada shaqaynaynay, Daris System wuxuu wax weyn ka tari jiray habsami-u-socodka iyo maareynta hawlaha maalinlaha ah ee dugsiga, gaar ahaan maamulka iyo maaraynta xogta ardayda, diiwaangelinta, xiriirka iyo adeegyada waalidiinta, hawlaha waxbarashada iyo shaqooyinka kala duwan ee maamulka dugsiga.
Adeegsiga nidaamkan wuxuu Dugsiga Kaxda ka caawiyey in hawlo badan oo h**e u baahnaa waqti iyo dadaal badan loo maareeyo si nidaamsan, fudud, hufan oo casri ah.
Maamulka Dugsiga Kaxda wuxuu si weyn u aaminsan yahay in bahda Daris System ay qayb muuqata ka qaateen guusha taariikhiga ah ee dugsigu sanadkan ka gaaray Imtixaanka Shahaadiga ah ee Fasalka 8aad ee Gobolka Banaadir, halkaas oo Dugsiga Kaxda uu ka gaaray natiijo heer sare ah oo ka dhigtay mid ka mid ah dugsiyada ugu wanaagsan dugsiyada Gobolka Banaadir.
Guushan waxaa ka dambeeya dadaalka ardayda, macallimiinta, waalidiinta iyo maamulka, balse sidoo kale waxaa muhiim ah in la aqoonsado doorka nidaamyada casriga ah ee maamulka iyo xogta, oo Daris System uu qayb muhiim ah ka ahaa.
Mahadnaq Gaar ah
Waxaan si gaar ah ugu mahadcelinaynaa:
Eng. Ismaaciil Maxamed Jamaal
oo suurto-geliyey in Dugsiga Kaxda uu Daris System ku helo deeq ahaan, iyadoo aan wax shuruud ah lagu xirin, taas oo ahayd taageero qiimo weyn u leh dugsiga iyo horumarkiisa.
Sidoo kale, mahadnaq gaar ah waxaan u jeedinaynaa:
Eng. Cabdimaalik Cusmaan Axmed (Eng. Niinile)
oo mar walba heegan u ahaa horumarinta iyo hagaajinta nidaamka, isla markaana Dugsiga Kaxda si joogto ah u siin jiray taageero farsamo iyo talo, saacad kasta oo loo baahdo.
Dhammaan walaalaha Daris System, waxaan idiinka mahadcelinaynaa aqoonta, waqtiga, dadaalka, dulqaadka iyo taageerada aad siisay Dugsiga Kaxda saddexdii sano ee la soo dhaafay.
Waxaan idiin rajaynaynaa guul iyo horumar joogto ah, waxaana Alle SWT ka baryaynaa inuu aqoontiinna iyo xirfaddiinna idiin barakeeyo, dadaalkiinna ka dhigo mid miro dhal ah, idinkana abaalmariyo khayr badan.
Daris System — Aqoontiinnu waxay qayb ka noqotay horumarkeenna.
Maamulka Dugsiga Hoose, Dhexe iyo Sare ee Kaxda
