Aden Adde International University-AAIU

Kuliyada Culuumta Indhaha (Optometry) ee Jaamacadda Caalamiga ah ee Aadan Cadde (AAIU) ayaa soo agaasintay munaasabadda “Women’s Eye Health and Safety Month”.

Munaasabaddan ayaa waxaa ka qayb qaatay:
🔹 Wasaaradda Caafimaadka iyo Adeega Bulshada
🔹 Somali Optometry Association
🔹 Somali Ophthalmological Society
🔹 Charity Vision Somalia

Barnaamijkan ayaa diiradda lagu saaray kor u qaadidda wacyiga bulshada, gaar ahaan haweenka, si loo xoojiyo daryeelka caafimaadka indhaha iyo badbaadada aragga.

Maamulka Jaamacadda Caalamiga ah ee Aadan Cadde oo uu hoggaaminayo Guddoomiyaha Jaamacadda 𝐃𝐫. 𝐂/𝐐𝐚𝐚𝐝𝐢𝐫 𝐀𝐱𝐦𝐞𝐝 𝐌𝐚𝐡𝐚𝐝 ayaa maanta ka qayb galay 𝐠𝐨𝐠𝐨𝐬𝐡𝐚 𝐭𝐚𝐜𝐬𝐢𝐝𝐚 𝐞𝐞 𝐭𝐚𝐚𝐥 𝐠𝐮𝐫𝐢𝐠𝐚 𝐪𝐨𝐲𝐬𝐤𝐚 𝐑𝐞𝐞 𝐃𝐮𝐟𝐥𝐞, halkaas oo ay uga tacsiyeeyeen geerida ku timid 𝐇𝐨𝐨𝐲𝐚𝐝𝐨𝐨𝐝, 𝐌𝐚𝐫𝐱𝐮𝐮𝐦𝐚𝐝 𝐌𝐚𝐜𝐞𝐞𝐲 𝐀𝐛𝐮𝐮𝐮𝐤𝐚𝐫 𝐌𝐮𝐮𝐬𝐞, oo dhawaan ku geeriyootay magaalada Muqdisho.

Maamulka Jaamacaddu waxay la-qaybsadeen murugada qoyska, iyagoo Alle uga baryay Marxuumadda inuu u naxariisto, Jannatul Firdowsana ka waraabiyo, qabrigeedana u waasiciyo ehelka, qaraabada iyo asxaabta waxay u rajeeyeen samir iyo iimaan.

Ugu dambayn, qoyska Ree Dufle ayaa uga mahadceliyay Maamulka Jaamacadda booqashada iyo tacsida ay la wadaageen.

🌍🧪 World Laboratory Day 2026

Waxaa maanta Xarunta Dhexe ee Jaamacadda Caalamiga ah ee Aadan Cadde lagu qabtay xuska Maalinta Shaybaarada Adduunka, oo ku beegan 23-April-2026, taasoo ah munaasabad ay jaamacaddu sanad walba si joogto ah u qabato.

Munaasabaddan waxaa ka soo qayb galay Maamulka,macalimiin iyo ardayda Jaamacadda, kuwaas oo si wadajir ah u xusay muhiimadda kobcinta aqoonta iyo dhiirrigelinta hal-abuurka sayniska.

Intii ay munaasabadu socotay, ardayda dhigata qaybaha shaybaarka ayaa soo bandhigay kuna sameeyay baaritaanno iyo tijaabooyin kala duwan, kuwaas oo muujinayay xirfadooda iyo aqoontooda la xiriirta cilmiga sayniska 🔬

Jaamacadda Caalamiga ah ee Aadan Cadde waxay ka go’an tahay inay sii waddo horumarinta waxbarashada iyo cilmi-baarista si loo gaaro mustaqbal ifaya oo waara.

TACSI TIIRAANYO LEH إنا لله وإنا إليه راجعون.

Maamulka Sare, Golaha Boorka, Macallimiinta iyo Ardayda Jaamacadda Caalamiga ah ee Aadan Cadde waxay tacsi tiiraanyo leh u dirayaan qoyska Ree Dufle, gaar ahaan 𝐒𝐞𝐧𝐚𝐭𝐨𝐫 𝐏𝐫𝐨𝐟. 𝐃𝐫. 𝐎𝐬𝐦𝐚𝐧 𝐃𝐮𝐟𝐥𝐞, geerida naxdinta leh ee ku timid hooyadood Marxuumad 𝐌𝐚𝐜𝐞𝐞𝐲 𝐀𝐛𝐮𝐮𝐤𝐚𝐫 𝐌𝐮𝐮𝐬𝐞, oo xalay ku geeriyootay magaalada Muqdisho.

Waxaan Alle uga baryaynaa Marxuumadda inuu u naxariisto, Janatul Firdowsana ka waraabiyo, qabrigeedana u waasiciyo.

Sidoo kale, waxaan samir iyo iimaan u rajaynaynaa dhammaan ehelkii, qaraabadii iyo asxaabtii ay ka baxday.

إنا لله وإنا إليه راجعون

Waxaa maanta tababar ugu soo gabagaboobay Aden Abdulle Hospital, qaar kamid ah ardayda Kulliyadda Culuumta Caafimaadka (Health Sciences) gaar ahaan qeybta Nursing Batch-8 ee Jaamacadda Caalamiga ah ee Aadan Cadde.

Munaasabadda xiritaanka tababarka waxaa goob joog ka ahaa Dr. Abdirizak Ahmed Mohamed – Hormuudka Kulliyadda Health Sciences, iyo Drs. Ifrah Abdi Aynab – Madaxa Tababarada Health Sciences, kuwaas oo ardayda ku dhiirrigeliyay inay sii xoojiyaan dadaalkooda waxbarasho iyo xirfadeed.

Sidoo kale, Maamulka Aden Abdulle Hospital oo uu hormuud u yahay Mr. Abdiqani, Madaxa Shaqada iyo Shaqaalaha iyo Mr. Abdirisak Abdullahi Garaad (Kaaliyaha Agaasimaha Caafimaadka) ayaa u hambalyeeyay ardayda, isagoo muujiyay taageerada joogtada ah ee isbitaalku u fidiyo kobcinta aqoonta iyo xirfadaha ardayda caafimaadka.

Tababarkan ayaa qayb ka ah dadaallada joogtada ah ee Jaamacadda Caalamiga ah ee Aadan Cadde ay ku tayaynayso waxbarashada iyo horumarinta xirfadaha ardayda si ay u noqdaan xirfadlayaal aqoon iyo anshax sare leh oo bulshada caafimaadkeeda ugu adeega si hufan.

🌍🧪 World Laboratory Day 2026

Jaamacadda Caalamiga ah ee Aadan Cadde waxay ay qabanaysaa xuska Maalinta Shaybaarada Adduunka 🧬

Maalintan muhiimka ah waxay u taagan tahay qiimaha ay leeyihiin shaybaaradu ee horumarinta cilmi-baarista, caafimaadka, iyo tiknoolajiyada casriga ah.

Ardayda, macalimiinta, iyo dhammaan bulshada aqoonta jecel waa lagu casuumayaa inay nagala soo qaybgalaan xuskan maalintan qiimaha badan.

📅 Taariikh: 23-April-2026
📍 Goobta: Jaamacadda Caalamiga ah ee Aadan Cadde

Waxaa si guul leh maanta u soo dhammaaday Imtixaanka Dhexe (Midterm Exam) ee Sanad Waxbarasheedka 2025–2026 ee dhammaan xarumaha Jaamacadda Caalamiga ah ee Aadan Cadde (AAIU).

Waxaan hambalyo u direynaa dhammaan ardayda, waxaana u rajeyneynaa natiijooyin farxad leh iyo guulo waaweyn.

Waxaa si habsami leh uga socda dhammaan xarumaha Jaamacadda Caalamiga ah ee Aadan Cadde (AAIU) Imtixaanka Dhexe (Midterm Exam) ee Sanad Waxbarasheedka 2025–2026.

Waxaan u rajeynaynaa dhammaan ardayda guul iyo natiijooyin wanaagsan.

𝐃𝐚𝐚𝐡𝐟𝐮𝐫𝐤𝐚 𝐈𝐦𝐭𝐢𝐱𝐚𝐚𝐧𝐤𝐚 𝐃𝐡𝐞𝐱𝐞 (𝐌𝐢𝐝𝐭𝐞𝐫𝐦 𝐄𝐱𝐚𝐦 𝟐𝟎𝟐𝟓–𝟐𝟎𝟐𝟔).

Eng. C/Qaadir Aadan Cadde oo kamid ah aas-aasayaasha Jaamacadda, oo uu wehliyo Gudoomiyaha Jaamacadda Dr. C/Qaadir Axmed Mahad, ayaa maanta si rasmi ah u daahfuray Imtixaanka Dhexe (Midterm Exam) ee sanad-Waxbarasheedka 2025–2026.

Jaamacadda Caalamiga ah ee Aadan Cadde waxaa mar walba ka go’an tayeynta waxbarashada iyo hubinta in ardaydu helaan jawi imtixaan oo hufan, cadaalad ah, kana tarjumaya heerka aqooneed ee ardayda.

Waxaan ardayda Jaamacadda u rajaynaynaa guul iyo natiijo wanaagsan.