01/05/2025
Xarunta Cilmi-baarista iyo Horumarinta Aadanaha (CRHD) waxay munaasabadda Maalinta Shaqaalaha Adduunka awgeed ku bogaadinaysaa dhammaan shaqaalaha gudaha iyo dibadda dadaalkooda, kartidooda iyo hal-abuurkooda hormarinta bulshada.
Waxaan si gaar ah u ammaaneynaa doorka muhiimka ah ee shaqaalaha u leeyihiin kobcinta cilmi-baarista, horumarinta aadanaha, iyo ilaalinta xuquuqda shaqaalaha. Maalintaan muhiimka ah waxaan idiin rajeyneynaa farxad, caafimaad, iyo dhiiranaan sii xoojisa howlaha wanaagsan ee aad bulshada u haysaan.
Waad ku mahadsan tihiin dadaalkiinna aan kala go’a lahayn. Hambalyo.
24/04/2025
Guddoomiyaha Xarunta Cilmi-baarista iyo Horumarinta Aadanaha ee CRHD, Dr. Luul Salaad Ibraahim, ayaa si rasmi ah uga qayb gashay tababarka 4-aad ee Kormeerayaasha Doorashooyinka Afrika, kaasoo lagu qabtay magaalada Rabat ee boqortooyada Morocco. Tababarkaan ayaa CRHD iyo hay’adaha kale ee qaybgalay ka caawin doonaa in ay kormeeraan doorashooyinka ka dhaca qaarada Africa.
Tababarkaan oo socday 21 ilaa 24 bishaan Abriil 2025, ayaa waxaa si wadajir ah u soo qabanqaabiyay boqortooyada Morocco iyo Guddiga Midowga Afrika, iyada oo lagu xoojinayo awoodda kormeerayaasha doorashooyinka ee qaaradda Afrika.
Tababarkan ayaa diiradda saaray sidii loo horumarin lahaa xirfadaha kormeerayaasha doorashooyinka, loona hubin lahaa in ay si hufan u gutaan waajibaadkooda, taas oo qayb ka ah dadaallada lagu xoojinayo dimuqraadiyadda iyo xasilloonida siyaasadeed ee Afrika.
Ka qaybgalka CRHD ee tababarkan ayaa muujinaya doorka ay hay’addu ka qaadanayso horumarinta dimuqraadiyadda iyo kor u qaadista tayada kormeerayaasha doorashooyinka ee Soomaaliya iyo guud ahaan Afrika.
03/02/2025
Agaasimaha guud ee Xarunta Cilmi baarista iyo horumarinta Aadanaha ee CRHD, Dr Luul Salaad Ibraahim, ayaa xafiiskiisa ku booqatay wasiirka Cadaaladda iyo arrimaha Dastuurka XFS Xassan Macalin Maxamuud oo ay ka wada hadleen wadashaqayn dhexmarta hay’adda iyo wasaaradda.
Wasiirka Xasan Macalin iyo agaasimaha guud ee CRHD ayaa ka sheekaystay dhinacyada ay iska kaashan karaan Wasaaradda Cadaaladda iyo arrimaha dastuur iyo CRHD waxaana kulankoodu ku soo dhamaaday guul iyo is afgarad wanaagsan.
Agaasimaha guud ee CRHD, Dr Luul ayaa uga mahadcelisay wasiirka soo dhawayntiisa, waxaana kulanka ku wehliyay Dr. Xasan Sheekh Cali Nuur, oo ka mid ah board-ka Xarunta iyo madaxa maamulka iyo Maaliyadda ee CRHD, Mumin Muhudin Abdulle.
Xafiiska warfaafinta iyo
Xiriirka dadwaynaha ee CRHD.
20/04/2023
Ciid Wanaagsan.
Waxaan ugu Hambalyeyneynaa Dhammaan Muslimiinta Gaar ahaan Bulshada Soomaaliyeed Farxadda Munaasabadda Ciidul-fidriga.
Ciid Wanaagsan
22/03/2023
Shacabka Soomaaliyeed iyo guud ahaan ummadda Islaamka ah waxaan ugu hambalyeynaynaa bilashada bisha barakeysan ee Ramadaan.
Waxaan Alle ka baryaynaa in uu na waafajiyo khayrka bishan barakaysan.
Ramadaan Kariim.
22/03/2023